The(G)Forum

vode buechvorlag her paar spoiler zum laenor

1. es chunnt zumene gigantische drache chrieg zwüsche dene familiene und er blibt denn eifach mit sim lover in essos statt sinere verreckende famile ga hälfe? scho asozial, vor allem will er en drache het (us episode 3)
2. drache sind dur magie uf lebenszit mit ihrem riter verbunde, sin drache chan eigentlich nüm verwendet werde. er wird im buech vo sim neffe verwendet. ich nimme ah das wird eifach ignoriert.
3. falls er je doch wieder zrugg chunnt isch d'ehe vo rhanyra und dameon nüm legitim und ihri chinder dur das au ned (die chömed na und sind sehr wichtig)

kei unlösbari problem, aber halt eifach en butterfl effekt vonere unnötige änderig eifach für appeasement

Moff hat geschrieben: ↑04 Okt 2022 10:51de laenor isch det würklich tot, das hetmer wohl gänderet will scho game of thrones vorgwurfe wurde isch, dass alli schwule ermordert wurde sind

Das het mi, ohni d'Buechvorlag zkenne tatsächlich gstört. Will für en Momänt hets nachme GOT typische wtf! Momänt usgseh, wo sie denn am Schluss wieder zruckgno händ. Definitiv nit öppis wo ufem Mischt vom George R. R. Martin gwachse isch.

Folg 7 het mi in de erschte zwei drittel eher gschresst, wills so usgseh het, als ob sie all dene Kritiker rächt git, wo behaupte es laufi gar nüt in dere Serie. Das Begräbnis het sich ja eländ ind Lengi zoge...

s'letschte Drittel het denn ziemlich vorwärts gmacht und d'Weiche gstellt für en Konflikt, wo hoffentlich no chunnt in de nächschte drei Episode.

Bis jetzt boring. Druck amigs ufm Handy ume näbebi.

Wieder e grandiosi Folg gseh hüt. 6 Jahr später. Aber ab jetzt söll schluss sie mit de Zitsprüng.

mega folg...dr arm viserys, ha mr scho fascht dänkt gha, als er alli zum esse zitiert het. der aemond isch a huere kampfmaschine gworde, die neffe hey grad id hose gschisse als sie ihn gseh hei.

serie isch ueberaschenderwiis mega gworde. vo folg zu folg wirds immer wie meh besser...hätti nie dänkt gha vor nem jahr.

jup, findi au, tatsächlich e top folg gsi! und top performances durch die bahn vo allne beteiligte.

jetzt gats wohl richtig los, klasse leistig vo dem schauspieler. absolut geili folg gsi.

wiener halb zerfalle d familie na "rette" möcht, isch absolut genial inszeniert, last supper halt.

hütigi folg leider fasch so tumm gsi wie rings of power

nächscht folg wird derfüer top tier, da cha ned viel schief laufe

scho recht dämlich gsi.

ja, in dere einte Szene händ sie ihri contenance verlore und sind in Richtig GOT Finale gange. Aber ich muess zuegä, mir hets trotzdäm gfalle.

Rheanys ufem Drache hätt de Plan vode Hightowers mitme einzige Wort chönne beände, und rein logisch hätt sie das au müesse mache. Aber das het sie nit, und darum wirkt die Szene so dumm. Sie isch nur ufs Erschine vo ihre ufem Drache usglegt gseh, quasi als Chriegserchlärig. UNd d'Produzänte möchte d'Rache vo de Targaryens wohl erscht in der nächschte Folg so richtig usschlachte.

supr folg gsi....krönig isch aber scho g'rushet gsi.

The Sheep hat geschrieben: ↑17 Okt 2022 17:30 ja, in dere einte Szene händ sie ihri contenance verlore und sind in Richtig GOT Finale gange. Aber ich muess zuegä, mir hets trotzdäm gfalle.

Rheanys ufem Drache hätt de Plan vode Hightowers mitme einzige Wort chönne beände, und rein logisch hätt sie das au müesse mache. Aber das het sie nit, und darum wirkt die Szene so dumm. Sie isch nur ufs Erschine vo ihre ufem Drache usglegt gseh, quasi als Chriegserchlärig. UNd d'Produzänte möchte d'Rache vo de Targaryens wohl erscht in der nächschte Folg so richtig usschlachte.

es het eifach kein sinn gmacht

also die szene isch sowieso in keiner form so ide buechvorlage, d'rhaenys schlaft während de chrönig friedlich in driftmark, aber egal, ich han kei problem mit änderige wenns guet und sinnvoll sind.
das isch das da sicher ned guet gsi

ich mein entweder
A) gischere en moment wo sie seit "ich chönnt euch ficke, machs aber ned will ich besser bin als ihr
oder
B) sie röschtet die ganz bandi


aber 100 zivilischte kille nur zum den die wahre gegner verschone isch eifahc nur futzdumm, das isch weder fisch no vogel und laht sie als idiot det stah.
mer het da ganz klar wele spektakel iebringe aber ohni au nur ein strich überlegge

au die ganz jadg nachem aegon isch dumm gsi, was het das sölle? als obs en underschied macht weles team ihn jetz gfunde hätt, er isch am schluss ja eh bi mami und grosspapi.
nei isch schade, aber mer chan ned immer günne

Moff hat geschrieben: ↑17 Okt 2022 19:46aber 100 zivilischte kille nur zum den die wahre gegner verschone isch eifahc nur futzdumm, das isch weder fisch no vogel und laht sie als idiot det stah

Sie het sich ja klar für option A entschiede. Das mitem Collateral Damage gsehn ich jetzt nit so krass. Villich isch es ihre in däm Momänt nit bewusst gseh, viellicht het si aber au dänkt "fuck'em!", schliesslich händ sich zu däm Zitpunkt die meischte bereits für de Aegon als neue König entschiede.

trotzdem immerno viel besser als rings...

Das isch es generells Problem wo die Serie het. Praktisch jede het sin eigene Drache in der Garage, und damit so öppis wie e persönlichi chleini Massevernichtigswaffe. Mer frogt sich, worum die ihri Konflikt überhaupt no mit Wort oder mit Schwärt und Schild ustrage. Bi so viele dureknallte Charaktere, müesstet die sich doch lengscht gegesitig usglöscht ha.

Ich stell mir grad vor, de Aemon als König. Und är isch ja wirklich nit öpper wo als emotionell bsunders stabil gilt.

"Ihr göhn mir ufe Sack mit eurem gelaber! Dracarys!"

*puff*

ame Familiefescht mol churz 3 Generatione Velaryons oder Hightowers mitme einzige Befehl zu Barbeque verarbeitet...

episode 10 isch "duss" falls es öpper "interessiert"

naja, füren schlussfolg vonere staffl eher mittelmässig.

sehr geili Folg gseh. Aber ja, für e Staffeländi hört sie zfrüeh uf

ich has super gefunde eini vode beschte episodene vo GOT&HOTD, ich han eigentlich denkt es hört uf mit de chrönige vo aegon II und rhaenyra, dass sie na storms end dezue ta hend hani super gefunde, top spektakel zum schluss

es isch e momänt gange bises mir ufgfalle isch, aber de Otto Highttower isch ja de "Spike" in Notting Hill gse

jup, doch, starchs ändi vode season 1.
freu mi uf season 2.
jetzt gaht sie ab, die luzy!

sie müend de zueschauer so richtig foltere mit derbe rückschläg, so lang, bis mer selber völlig in rage grät.

funktioniert.

2 Jahr warte