d'Szene staht uf das wo im Link vom Turntablism gsehsch und vorallem gahts drum, das en crt monitor drin isch.
d'Art und wies wiä es orig. cab funktioniert gwährlisted, dass vom Controlpanel bis zum Bild, so wenig Lag häsch wiä's gaht, praktisch null. Das cha au i de hüttige Ziit nur es crt-setup. Es gitt aber gwüssi Mame und fpga Lösige wo rächt näch drah häre chömmed aber au dänn händs kein lcd Bildschirm. Öpperem wo diä Spiili intensiv spillt, isch das wichtig. Dur das wird s'Spiel au vill immersiver und es hebt s'Spielerläbnis vome originale cab uf e ganz anderi Qualitätsstufe. Und darum isches ebe nöd e Gschmackssach sondern d'Frag ob du es Spiili eso willsch erläbe wiä's ursprünglich vo de Entwickler geplant worde isch, oder ebe nöd. De Priisunterschied chan zwar au gewaltig sii, es gitt Pcb's diä chosted mehreri tuusig Franke und söttig wo für es Butterbrot bechunnsch. Aber au di billigste Spieli, spilled sich mit orig. Hardware immerno am beste.
Am eheste gseh ich als Zielgruppe für dini Ghüüs öpper wo villicht knapp 50i isch und sich drah erinnered wiäner in jüngere Jahre in Arcades zockt hät "Ou das Game hani immer cool gfunde!Das wotti mal wieder spille" und "Sonen Gameautomat i minere Chällerbar wär ebe schono geil" öpper wo sowas seit, würd am eheste zuegriefe, also eifach Lüüt wo de technisch Unterschied nöd wahrnämmed aber doch a somene Chaste zocke wänd wiä früehner.