The(G)Forum

Salut,

Eigentlich han ich nüt meh wälle sammle, sit ich mini gamessammlig ufglöst han. Aber wies halt
isch han ich jetzt glich wieder ächli afoh sammle...und zwar vinyl
Hauptsächlich extrem-mätel und ächli elektro und 80er johr räp.
Guet, muess au säge dass ich smeischte natürli au lose

Sammlisch au ?

ha no es gstell voll vinyl, 2x technicsmk2, en grammophon und paar schellack platte

Hey, geili usrüschtig häsch
Und? losisch au no ? Was für plattene ? häsch früener ufgleit ?

Ich han kei gueti alaag, han zum afo es ischtiger modäl gno...Pionnier ML 30 irgend so öpis mit vorverstärcher
und ä Marshal box. Bin damals (vor bald 3 jorh) nöd sicher gsi ob ichs wörklich durezieh und au fliessig platte lose.
Aber siehe da, han wörklich dä plausch und lose immer wän ich chan...isch eifach wunderbar

Heb Fettli vom Grammerfon ine!

hauptsächlich rap schiibe us de 80er/90er, denn hani mal e huufe trance, goa und gabber poschtet, und no zig battle breaks - meischt dopplet - zum beatjuggle und scratche. eigentlich sind all platte total verkratzt
ha no paar perle drunter. ich wird bald wider e musigalag poschte und i de wohnig es eggli ihrichte zum lose. ha no es revox spueletonband wo ich mal müsst repariere. bin en richtige messie

de hvm isch aber glaubs e replica wo ich vor x-jahr in england kauft ha

Geile Scheiss hesch!!!

Guete music gschmack
Im gschtell häsch no locker platz, das chasch nochli fülle
Music egge tönt au guet

wo kaufsch hüt no schallplatte ? ha gseh dass im mediamarkt und bim müller no oder wider überkunsch.

ich ha mis züügs in züri kauft gha.

- jama rico langstrass und dörfli
- panthera au im chreis föif
- dj import - weiss gar nüm wo dä gsi isch
- sixpack records
-techno häts glaub in dietikon en ladde gha glaubs tarot-techno party ladde gsi

the one and only masterblaster isch aber de zero zero:

Quelle
hinterem volkshuus züri und in baden am bhf
geilschte funk, jazz, rap etc. alles het er chöne organisiere. ganz en guete typ

Mediamärt und Manor händ wieder relativ es grosses sortiment. Mer chunt döte eifach nur kommerzielli grossi title über.
Züri känn ich mich gar nöd us, weiss aber dasses dä zero zero no immer git, glaubs 2 in züri und eine in Baden.
Panthera gits glaubs au no.
In gänf gits no sicher 4 platteläde.
Eine häd nur räp/hip hop, der häd verdammt viel plattene, döt chunsch gar nöd in lade ine. Dä bsitzer (isch ganz en gschpässige)
muess amigs über gschtäll ine chlätere zum platte go sueche.
In Lausanne gits au no sicher 2 läde wo ä gueti uswahl händ.

Metal sache chauf ich bim einte lade in gänf oder bschtells im Outsider Olten, so einmal im johr
gang ich au döt au verbi. Grad der Outsider häd ä mega uswahl und chan au sehr viel sache bschtelle.
Oft isch äbe bi de platteläde s'problem dass sie bi gwüsse labels gar nöd chönd bschtelle.
Techno sache sind scho schwieriger zum chaufe, es git für min gschmack scho mol ned viel uf vinyl oder
dänn nur maxi's und das schiesst mich a. I wot mindischtens 15 min music uf einer site ha. Han kei luscht scho
nach 5 minute go platte ts chere.
mängisch bschtell ich au uf cede.ch, vor allem electro sache, aber das isch meischtens mühesam, oft wart ich wochelang und
dänn isch sie glich usverchauft, die sind irgendwie schlächt organisiert.

Mängisch bschtell ich auch bei discogs aber döt häsch meischtens horändi portochöschte, wär eifach im notfall ä gueti quälle.

Bi cede hani afangs 2000 jenschti swiss rap cd's kauft gha, platte nie.
Bi paar mal in london gsi und dört in camden town go platte läde abklappere. Geils zügs gfunde.
Wenn i amal uf em flomi bin, lueg i immer gern i platte sammlig ine. Kauft hani di letscht aber vor öppe 15 - 20 jahr.

Hesch das Grammlerfon nur für de LOL oder tusch uf dem ab und zue au Platte lose?

es isch nöd grad mini musig was ich uf schellack han.

Was isch de das? So geils roaring twentys Gedudel? Wär mal fett!

ich lueg spöter mal wenn i ziit han. aber ja es isch so ala 20's musig
needles häts nu gnueg

Al Jolson - April Showers (1921)
Jane Froman - I Wonder (1955)
Searchlight Tattoo - Fanfare (1955)
...
chasch mal youtuble

London: I dä grosse städt wie London, NY, Berlin, Tokyo häts no die jenschte Vinyl shöp und märkt.
Der gröscht märt isch 2x mol im johr in Utrecht (gisch emol uf youtube i, gits einigi bricht), döt
bruchsch mehreri täg zum alles doreluege).
Problem: grad bi extrem-mätel sache, die dinger sind relativ tür, drum chauf ichs lieber zbs bim Outsider in Olten.
gid au diversi börsene ide schwiz, bin aber no nie gsie.
Ufem märt, in gänf, sind plattene meischten viel ztür und verchratzed, extram-metäl sache han ich no nie gseh
ufem märt, au techno sache han ich no nie gseh.

Black Kirin, Black Metal us china Bolt Thrower, alli im color vinyl
Megadeth, alles neu prässige Mystifer, brasilianische Black Metal, blaui splatter vinyl
Sodom, die wyss isch ä demo version, händ grad letschd johr es neuis album usebrocht, der Tom gid immer no alles Woode, ägnlische Black Metal, patchwork splatter vinyl, isch grad neu usecho.

turntablism hat geschrieben: ↑15 Apr 2021 07:10 ich lueg spöter mal wenn i ziit han. aber ja es isch so ala 20's musig
needles häts nu gnueg

Al Jolson - April Showers (1921)
Jane Froman - I Wonder (1955)
Searchlight Tattoo - Fanfare (1955)
...
chasch mal youtuble

Also de Fanfare isch en riese shit. Aber ich wette irgend en dureknallte Spinner wür dir für das e Gans wo goldigi Eier leid abtrucke!
Die andere beide findi rächt geil! Wenn da i de richtige Stimmig bisch, dir en schöne Whisky oder ust en Hochprozäntige inejagsch, n Stumpe dezue hesch... classy! Sehr classy.
Schöni Stimmig...
Oder chausch au lose zum Fallout game

han nurna s paar, vo mobb deep bis tina turner..chli alles am start..brown sugar vom dangelo isch momentan aber am start.

shiat, warum liit dört uf em tisch, so verdammti riesen LUXEMBURGERLI vom SPRüNGLI ?

hesch eigentlich au schallplatte, wurlizer oder so ?

Und de no us de 20er!

Nö nüt meh so. Mal paar gah. Chli Hips Hops und Reggae. Aber han denn alles ame Friendo gschänkt wo gärn chli ufgleid (dehei privat) und so... de heds immer no. Aber er hed glaubs alles digitalisiert. Ich säg ihm mal, er söll de shit wieder fürenäh und eini nach den andere ablah während mer eus besufed.

Han Schallplatte immer gärn gha. Das chratze und chrose hed öppis

cools züg.

Genfer hat geschrieben: ↑14 Apr 2021 18:19 Mängisch bschtell ich auch bei discogs aber döt häsch meischtens horändi portochöschte, wär eifach im notfall ä gueti quälle.

Wie lauft das ? muess ich da en account bi discogs mache zum kaufe ?

Hüt abig lauf de teller wider rund.

gres

I gres hani grad hüt überchoo vom ne nette typ us basel. Via discogs gfunde. Isch aber wies schiint e reprint, isch no versiglet gsi.

The Good, the Bad and the Ugly isch au eine vo de beschte Soundtracks

Ha siht letscht jahr au wieder chli afange Musig chaufe, leider eh langi durststrecki gsi wo gar nüd schlaus ussecho isch bzw ich nix neus entdeckt han.
Vinyl bevorzugt, aber gwüssi Sache sind halt uf CD besser.
Uf de Gebi hanni mir das Jahr en MK2 gönnt, min andere Technics (kein MK2) hät sich leider nümm gnau istelle lah (Speed entweder liecht zu schnell oder zu langsam, nerv).
Boxe hanni das Jahr upgraded vo Tannoy System 8 II NFM uf 10er, am Kolleg die alte ghe. Es isch en Traum.
Röhreamp (COPLAND CTA-401) wohni han isch leider tot, muesi repariere wenni mal dezue chumme. Ersatzcaps werded 100€+ choschte, isch aber glich Qualität isch wichtig.

Mit de Entdeckig von King Gizzard and The Lizzard Wizzard Nname hani kennt, aber nöd denkt das es was für mich seig) isch die lang Durststrecki dure gsi. AUstralier, gihts siit 2010 und mittig August hani ihres 18 (!) Album becho. Und was koole isch, jedes isch andersch.
Da 17 ufem Sofa (vo de einte hani wohl die letscht schiibe gschnappt wo no zu normalpriise gange isch). Btw was rüefed den de MediaMärt und de Müller uf für e Platte im Schnitt? Die wenige CH Händler rüefed ja teils scho rechti Mondpriise uf, teilwiis.