The(G)Forum

Sali, händ ihr scho Erfahrige mit em Gimmo01 auf ricardo gmacht. Er verchauft ja viel Naomi Cabs, ich wött mir ebe es möglichst günstigs Naomi Cab zutue und chli dra bastle. Händ ihr scho mit im ghandelt und würdet ihr mit im au usserhalb von ricardo deale? merci und grüäss sirarthur

lueg doch das mitm dude vom forum da wo aus sis sega cab will verchaufe en guete priis chasch usmache, den hetsch au eine wot choendsch a haue wenn was isch oder tipps bruchsch etc. d ander het soviel cabs uf ricardo gha und keis heter verchauft...chan si willer im tessin hockt und in milano und umgebig bechunsch so cabs fuer wenig geld ueber..und luet us d (zentral) schwiiz fahret fuer das noed is tessin...aber ich wuers mer ufjedefall mal aluege zerscht bevord was chaufsch..oder seissch dr went e nume willsch bastle hausch 400 stutz use und wenns kacke isch, bricht auch kei welt zaeme.

frög mol de gege

oder de vjp

Er hät leider eher Schund aber wänn bastle wotsch isch das ja genau s'richtige

Yep, isch halt züg wo im iisatz gsi isch. Zum baschtle aber easy.

Ich ha scho es paar Arcadesache vo ihm kauft - z.B. Sega Naomi Motherboards und glaubs emol so en Multi-Gamecrystal. Isch immer so gsi wie beschriebe bzw. het alles funktioniert. Mängmol isch sogar en chline Bonus gratis im Päckli gsi. Also voll okay de Typ. Nume Änglisch chaner gar nit oder stellt sich denn us Prinzip blöd.

Wie vo de andere erwähnt isch es aber generell kei War wo chönnsch en Schönheitswettbewerb drmit gwünne. Uf dr andere Site findi d'Speditionschöschte wieder rächt günschtig für so Rieseautomate. Do würdi mer zweimol überlege bevor ich mir d'Müeh mach sones Trumm im Tessin gho abhole ...

merci für euri Tipps, mal luäge...

muesch eifach guet abkläre was defekt oder tutto nuovo isch. aber schüsch isches e guete, eifach ganz guet abkläre wie quali isch.

han min scud race twin vo ihms

De Deal mit ihm isch also tip top gsii, mega schnell glieferet und würklich sehr günstig. S'Cab isch i besserem Zustand gsii als erwartet, ich wötts eh umbaue, drum isch für mich d'Hardware nöd so wichtig gsii, aber funzt alles. Mega fründlich und zuverlässig, muäsch eifach italienisch mit ihm kommuniziere.

Schoso
Was häsch gholt?

es Naomi Universal, ich möcht döt aber e XBOX 360 ibaue. Isch wahrschinlich für vieli chli en frevel, aber ich han nur Platz für eis Grät. Han mir zerscht überleit us MDF sälber öppis zmache, aber s'Naomi gfallt mir besser...klar es Blast oder Astro etc. isch no schöner...

Cool, vga hätts ha scho, denn muesch nurno d controls mache.