The(G)Forum

Früener sind Füürwaffe no originell gseh

Quelle ich find dä channel no guet.

Mastler(P) hat geschrieben:lionfisch never had a chance

wännds duell machä?

Jones hat geschrieben:

kingcaid hat geschrieben:àh Pumpi fändi no geil dehai. en fette chlöpftäckä mit repetierig, zägg zägg

Für was genau?

Für d Fuchsjagd hoch uf Ross

hanen walther ppq


irgendwenn chaufmer na en schöni pumpi

prüefige muemer übrigens keini ablegge, mueshc eifach en waffe erwerbs schi bstelle und fertig, bruchsch 1 pro chauf. je nachdem bruched a bestimmti ersatzteil en eigne WES, ich han für mini walter en zuesätzliche lauf kauft womer chan schalldämpfer drufschrube und das het namal eine brucht

ah sali.
schön. was isch das für es kaliber? 9milli? wieso die? wie oft bruchsch si so und für was?
schüssisch einisch im jahr, oder staht sie nur ume?

Mastler(P) hat geschrieben:

The Sheep hat geschrieben:Ich han hüt zwar vieli Waffe in minere Sammlig, aber die einzigi wo (näb der Walther) no unter Füürwaffe fallt, isch e Hakebüchse vo 1450. Damit hetmer damals Burge verteidigt.

interessant. was häsch denn susch und wie ischs dazue cho?

Ich sammle Nahkampfwaffe usem Mittelalter bis Früehi Neuzit. Parallel dezue Objäkt us der Grichtsbarkeit, im gliche Zitruum.
Also Halbarte, Schwärter, Stritkolbe uf der Waffesite, und Dumeschrube, Richtschwärter, Häxeprozäss, uf der andere, um je es paar wenigi Bischpil znenne.

Dazue cho isches woni 2016 nach fascht 30 Johr miini Platinesammlig verchauft han, und es neus Hobby agfange han. Sithär trib ich mi gärn an Kunschtauktione ume, wenns mi Budget grad zueloht.

s'Inträsse isch wie bi Arcade ebefalls scho in minere Chindheit vorhande gseh, aber mer chan ja nit alles glichzitig sammle.

Mastler(P) hat geschrieben:häschs privats museum im chäller?

ich nenns "Wohnzimmermuseum", aber ich muess zuegä, dass mittlerwile au anderi Rüüm betroffe sind devo. Und i han leider nüm allzuviel Platz übrig, will I möcht das Züg halt nit eifach nur horte, sondern alles het si Platz bi mir.

Mastler(P) hat geschrieben:ah sali.
schön. was isch das für es kaliber? 9milli? wieso die? wie oft bruchsch si so und für was?
schüssisch einisch im jahr, oder staht sie nur ume?

am afang bini paar mal au im tivoli cheller gsi, inzwüsche lit sie sit jahre nur na ume
han die gnah will sie cool ugseht

so so, eis hobby mit em negschte tuusche. anderi lüht mached das mit suchtmittel. okay.
also häsch all dis züg nur vo kunschtauktione, oder au vo anderne quelle? mach doch mal eh chlini füehrig als video für utube.
mir gfallt uf jedefall scho mal wie dus usgsellt häsch. ästetisch, aber no harmonisch mitm wohnruhm.
stahts jetz nur ume, oder schwingsch die dinger au mal zum chli meh spoass dra ha?

Moff hat geschrieben:am afang bini paar mal au im tivoli cheller gsi, inzwüsche lit sie sit jahre nur na ume
han die gnah will sie cool ugseht

fair. ufm bild würkt sie irgendwie bitz chli. isch aber scho 9mm, oder? was häsch zahllt?

Mastler(P) hat geschrieben:stahts jetz nur ume, oder schwingsch die dinger au mal zum chli meh spoass dra ha?

Vor churzem hani fürd Halbarte und Schwärter e Magnetufhängig entwicklet, demit mer sie wenn mol Bsuech do isch au bitz ind Hand chan nä und schwinge. I möcht ebe nit alles hinter Glas verstecke. Mol es Landsknächt Zweihandschwärt in der Hand zha, isches geils Feeling, und wemer nit zwild tuet, machts am Objäkt au nüt.
Ich recherchier au sehr gärn. Drum lieb ich Richtschwärter so sehr. Sie händ oft Sinnsprüch und anderi Gravure druf, und wärde denn verchauft mit wenig gschichtlichem Hintergrundwüsse. Aber anhand vo de Gravure channi je nachdäm usefinde wo sie här sind, in welem Zitruum sie benutzt worde sind, und mängisch sogar wäm sie ghört händ. In Zämehang mit alte Chronike hani do scho wirklich tolli Anekdote gfunde. zB hani usegfunde, dass ich wohrschinlich das Richtschwärt in minere Sammlig han, wo der einzigi Mord (bzw Totschlag), wos je gä het uf der Insle Helgoland demit gsühnt worde isch. Das isch e Frau namens Marike Broders gseh, wo ihri Nochberin im Strit um d'Reinigung vomene Rinnstei im Johr 1719 mit der Mischtgable erschtoche het. Agäblich rede d'Helgoländer hüt no über dä Fall

Mastler(P) hat geschrieben:mach doch mal eh chlini füehrig als video für utube.

I bin scho oft gfrogt worde, ob ich nit es public Museum möcht mache. Da hani definitif kei Inträsse dra. Au keini Youtube Videos.
Aber privat weni d'Lüt einigermasse kenn, machi gärn Füehrige.

Mastler(P) hat geschrieben:also häsch all dis züg nur vo kunschtauktione, oder au vo anderne quelle?

Die wirklich guete Sache sind vo Kunschtauktione. Dört sind studierti und namentlich gnennti Expärte wo die Objäkt beurteile bevor din Stuz usgä hesch defür.
Natürlich hani au es paar anderi Quelle mittlerwile. Antiquitetehändler, anderi Privatsammler und Ebay. Seriösität abnähmend in öppe dere Reihefolg. Ab und zue zahlt mer als Sammler natürlich Lehrgäld wemer anere Fälschig ufsitzt. "s'isch günschtig gseh, drum hanis riskiert" Das isch ärgerlich, aber das ghört dezue bi däm Hobby, und mit jedem Fehlchauf chamer die ächte Sache besser vo de falsche unterscheide.

Mastler(P) hat geschrieben:mir gfallt uf jedefall scho mal wie dus usgsellt häsch. ästetisch, aber no harmonisch mitm wohnruhm.

Merci. das isch genau das wo mir wichtig isch bim Usstelle

The Sheep hat geschrieben:Ich recherchier au sehr gärn. Drum lieb ich Richtschwärter so sehr. Sie händ oft Sinnsprüch und anderi Gravure druf... Agäblich rede d'Helgoländer hüt no über dä Fall

hey nei. aber ok, töhnt wükli no interessant.
häsch eigentlich alles usm mitteleuropäische ruhm? und was isch gschicht hindere däre maske wod deht häsch?

The Sheep hat geschrieben:I bin scho oft gfrogt worde, ob ich nit es public Museum möcht mache. Da hani definitif kei Inträsse dra. Au keini Youtube Videos.
Aber privat weni d'Lüt einigermasse kenn, machi gärn Füehrige.

mach doch eh füehrig für mich und ich nimms für youtube uf. würd doch sicher no paar freue, oder bisch schüüch?

The Sheep hat geschrieben:Ab und zue zahlt mer als Sammler natürlich Lehrgäld wemer anere Fälschig ufsitzt. "s'isch günschtig gseh, drum hanis riskiert" Das isch ärgerlich, aber das ghört dezue bi däm Hobby, und mit jedem Fehlchauf chamer die ächte Sache besser vo de falsche unterscheide.

wärded denn hüt no fälschige produziert, oder isch das hauptsächlich züg wo scho lang im umlauf isch und zum teil dur ignoranz wietergeh wird?

Hey Schaf warum hend die Härdöpfelscheler a de Wand kein Spitz vore? De chamer d Lüt ja nur abeschwöre, aber gar nid abestäche. Verzehl mal!

was isch die stange mit art "Morgestern" vore? das isch mini neu lieblingswafffe

chasch als bo bruche (eifach ufpasse das das teil vore nöd a schnorre chunt) und au als totschlägr.

thaeye hat geschrieben:was isch die stange mit art "Morgestern" vore? das isch mini neu lieblingswafffe

chasch als bo bruche (eifach ufpasse das das teil vore nöd a schnorre chunt) und au als totschlägr.

Das isch en Halsring... de machsch einere a, und de chasch si a de Stange i dis Figgdungeon füehre...
Oder en Gfrange mit chli Abstand, demit er dir nid es Ohr abchaut oder so.

Maa vo Kultur

Buccaneer hat geschrieben:Hey Schaf warum hend die Härdöpfelscheler a de Wand kein Spitz vore? De chamer d Lüt ja nur abeschwöre, aber gar nid abestäche. Verzehl mal!

Das sind Richtschwärter. Die sind nur zum Köpfe gseh. Demit mer sie nit als Kampfschwärter verwände chann, was Unglück brocht hätt, hetmer si am Ort müsse flach mache.

Mastler(P) hat geschrieben:häsch eigentlich alles usm mitteleuropäische ruhm? und was isch gschicht hindere däre maske wod deht häsch?

Hauptsächlich dütschi und schwizerischi Kultur. Es paar wenigi Sache au us Ängland bzw Schottland.
Die Maske isch e Scharfrichtermaske usem 16.Jhdt. Us Angscht vor em "Böse Blick" het der Hänker die vorere Hirichtig ufgha, so lang bis er am Veruteilte d'Auge verbunde het gha. In spätere Jahrhunderte händs anstell vo derige Maske eifach e wite Huet treit mit gsänktem Blick. Das het der glich Zwäck erfüllt.

Buccaneer hat geschrieben:

thaeye hat geschrieben:was isch die stange mit art "Morgestern" vore? das isch mini neu lieblingswafffe

chasch als bo bruche (eifach ufpasse das das teil vore nöd a schnorre chunt) und au als totschlägr.

Das isch en Halsring... de machsch einere a, und de chasch si a de Stange i dis Figgdungeon füehre...
Oder en Gfrange mit chli Abstand, demit er dir nid es Ohr abchaut oder so.

dreck , ich würs als waffe bruche.

wenn scho, denn so öppis. Das isch bestimmt au nid schlächt binere Zombieinvasion

wohnsch im ne museum ?
findi no cool d wohnig so igrichtet

au als frauemagnet (guet, gwüssi würdet bestimmt au grad widr devoooolaufe )aber bi dene wo blibbbet weisch was lauft.