FREAKERS ARCADE - Infos und Daten!

[Ribit X Titan]

Wenn nächstes Jahr mal wieder was läuft mit Freeplay (also einfach mit Eintritt) würde ich schonmal kommen. Es ist halt schon eine ordentliche Strecke von mir bis nach Gasel (grad mal bei Googe-Map checken): Das macht man nicht ständig und da ich im Arcade wegen fehlendem Training eher eine Niete bin würde ich da echt wie eine Kirchenmaus rauskommen.

Mitfahrgelegenheiten wären je nachdem möglich da ich ja dann praktisch quer durch die ganze Schweiz fahren muss und auf ÖV, seit es soviele Massnahmen gibt, verzichte.

Hmm, ja, 208 KM pro Strecke = 416 KM.

[Doraemon]

Mir werdes o nächsts Jahr so witerfüehre mit itritt und freeplay. Und o aus Kirchenmaus wirsch spass ha und dank am freeplay chame ja vor ort trainiere. Git Lüt die hocke der ganz abe am gliche chaste. Aber es isch ke competition und es het o viu froue und ching wo spile.
Aber klar es isch schono wit für di, aber machsch när grad es schöns weekend in Bern und Umgebung

[Ribit X Titan]

Ich hab kein Zertifikat, aber lädelen kann man natürlich auch noch, wenn ich schon dort bin...
Wobei ich Samstags eh nicht vor 10 losfahren kann da ich vorher Dinge zu erledigen habe die regelmässig anfallen. Bei guter Vekehrslage muss man immer noch mit rund 2h rechnen pro Weg, also früher als Mittag anreisen ist utopisch. Eine lange Nachtfahrt zwar anstrenged aber ich bin ja noch jung. Das Gute ist sicher dass kurz vor Mitternacht die Strasse schön frei ist... beim Hinweg garantiert nicht. Immerhin kann ich fast den ganzen Weg auf der Autobahn zurücklegen, bin wenn nichts staut damit vermutlich sogar schneller als der Zug (der braucht total rund 2.5 h) da nicht umgestiegen und gewartet werden muss... geht also von Tür zu Tür.

Hmm noch lustig, die Vignette 2022 ist violett, meine erste Vignette an einem eigenen Auto, anscheinend ein gutes Omen. Die lasse ich dran als Glücksbringer, alles andere wird wieder entfernt.

[fifi]

Das isch ja schomal e recht geili Uswahl würi säge.

Truxton (kenne PCE (ultrahard) und MD (liechter) aber beid nanig würkli intensiv azockt.
Raiden
R-Type Leo (no nie zockt, kenne nur 1 + 2)
Parodius
Ketsui
Shienryu

Freui mi als original chönne zocke.

Wasi gern mal als original wür zocke wär:
Donpachi
Mushihimesama (das hani schomal bim Marco in Motion gamed, s'erschte BulletHell wohni zockt han)
Batsugun

Verstahs total dases im "Vollbetrieb" müehsam isch zum change, biite riiset Eu keis bei us! Han au s'Gfühl das was ihr scho installed händ au locker langed für en abig GIht ja au no anders als shmups...

Anders Thema: Food, wie gsehts da us? Ich bruch den sicher mal e Verpflegig. Cha mi aber komplett selber versorge das wär keis Ding, in Gasel schients kei Ichaufsmöglichkeite zghe, oder bim Rössli was takeaway? Muess es eifach wüsse, loch im buch und nachher grindweh isch nöd geil.

[Doraemon]

Ja i gloub es het für jede gschmack öpis. Aber chasch üs vor Ort immer frage we de e Wunsch hesch.
Food chame vor Ort paar clini Sache choufe wie Sandwich u Drinks, aber me darf o säuber mitnä.

[Doraemon]

wämmer kein stutz muess inela isch doch s'ganze arcadefeeling flöte. vieli spiel verlüüret so ihre reiz.

Das hani am afang o gmeint, aber es macht im fau 0 unterschied. Ds Game blibt genau ds gliche. U nid für nüt hei vili Platine sogar Settings für free play. Ob me iz Start drückt, oder e Münze abelat u när Start drückt, macht null Unterschied zum Game oder zum Arcade Feeling ha.

[Ribit X Titan]

Ach, so schnell verhungert man doch nicht. Einige Snacks (Chips, Sandwich oder so) wirds schon haben, und eine Limo und Bier vermutlich auch. Alles andere nimmt man halt einfach mit, ist ja erlaubt.

[sidusson]

Ach, so schnell verhungert man doch nicht. Einige Snacks (Chips, Sandwich oder so) wirds schon haben, und eine Limo und Bier vermutlich auch. Alles andere nimmt man halt einfach mit, ist ja erlaubt.

Es het gnue chlises zässe. O hot dogs u gesöff hets ou

[fifi]

Argl, mir hets eis inezwackt in Rugge bim Poschte. Muess leider passe, anes Cab sitze isch grad kei gueti Idee

[damian]

Das hani am afang o gmeint, aber es macht im fau 0 unterschied. Ds Game blibt genau ds gliche. U nid für nüt hei vili Platine sogar Settings für free play. Ob me iz Start drückt, oder e Münze abelat u när Start drückt, macht null Unterschied zum Game oder zum Arcade Feeling ha.

ich weiss eifach wies usechunt wänni dihei es game ohni rücksetzpünkt spiele. ich hau eifach immer namal es paar coins nah und bomb mich dure. es hät denn gar kein reiz me s'spiel aazluege.

bi spiel mit rücksetzpünkt, sportspiel, wänns um dä highscore gaht oder au bi spiel wo eh nach 5 minute verbi sind machts nüt.

aber bi spiel ohni rücksetzpünkt wo score au nöd so spannend isch machts alles kabutt. ich rede da vo psykyo shmups, sidescroll prügler und lightgun shooter. da spieli amel no wiiter obwohl ich scho längstens kei liust me han und denn bini frustriert.

wänni muess zahle spieli würkli nur wänni no wiiter WILL spiele. mer suecht sich d'spiel eifach viel bewusster us.

[damian]

mir gahts also umd limitierig vo dä credits, nöd umd münze. ussert bi mvs spiel isch mer kei platine bekannt wo mer chan iistelle wieviel credits pro run därfet ineglah werde. das findi sehr schad. au bi dä konsoleports hass ichs wämmer vo aafang aa freeplay hät....

[meyerli]

Argl, mir hets eis inezwackt in Rugge bim Poschte. Muess leider passe, anes Cab sitze isch grad kei gueti Idee

het au cabs zum stah

gueti besserig

[rebornkid]

Es isch sowas vo de Hammer gsi! Min Sohn und ich hend e super Ziit gha.
Time Crisis II hämer dure gspielt, mega stolz ischer gsi. Ab de zweite Stage het er Gun chun meh chöne hebe.
De simmer no am Bucky O‘hare dra, het min Sohn as Turtles erinneret.
Aber am beste het im sJägergame gfalle, weiss de Name leider nueme…
Uf em Heiweg het er no gmeint, wenn gömer wieder und den ischer au scho igschlage.
Also, danke nomal tuusig!

[sidusson]

Top freut üs het aues spass gmacht

Dr tierlischiesser isch dr big buck hunter pro und safari.

Es git fasch nüt bessers aus tierli jage

Bis zum nächste mau!

[Doraemon]

Danke Dir o fürs verbicho und hoffentlech hani nächst mau chlei meh Zit zum schwätze

mir gahts also umd limitierig vo dä credits, nöd umd münze. ussert bi mvs spiel isch mer kei platine bekannt wo mer chan iistelle wieviel credits pro run därfet ineglah werde. das findi sehr schad. au bi dä konsoleports hass ichs wämmer vo aafang aa freeplay hät....

Das si aues Hürde wo Du dir säuber uf erleisch Weni 1 credit wot spile denn höri nach 1 credit uf und weni 5 credit wot spile denn höri nach 5 credits uf Aber i weiss scho was de meinsch. Me cha ja sowieso bi viune Spiel gar nid uf freeplay steue. Drum chame bi üs bi de meiste vo de Automate per Chnopfdruck Credit gä wie bire MAK. Denn isches nid würklech freeplay und me mues immer no säuber überlege wievili credits me jetz wot bruche.

[damian]

wänn d'credits gratis sind gaht mer andersch dra ane. ich hans so super gfunde womer no jedes spiel selber hät müese zahle. mer tastet sich viel langsamer anes spiel ane.

[Doraemon]

Derfür hets viu angeri Vorteile. Es isch z. B. no nie so viu gscoret und gschmuppet worde wie jetz, da me nid für jede Üebigsdurchgang mues zahle. Und d Lüt getroue sech o me mau öpis neus ds spile, wo eim ds Geld süsch würd reue. So gits viu me abwächslig und me spielt o mau e rundi Hit the Ice, Chase HQ oder Rally Bike, wo me süsch nid unbedingt würd. Und ganz ehrlech, es Spiel wie T2 the Arcade Game, Lethal Enforcers oder Space Gun, das wot niemer mit Geld abela spile, me schaffts ja scho chum mit credit feede düre

[fifi]

Danke, Meyerli es chunnt langsam wieder. Aber wär nöd guet gsi, will ja au no 4h+ (beid Weg) Zugfahrt dezue chunnt wonni au no het müese höckle innere Position wo vlt nöd optimal gsi wär.

Wegem kei Coins innetue (Ich ha mi glaub mit em Freeplay Usdruck vertah).Ich verstah beid Siite ehrlich gseiht.
Ich bi da aber würkli sehr radikal, und ja es brucht Selbstdisziplin.

Als Bispiel:
Gunhed PCE

Wonni no i de WG gwonnt han, hani agfange das Game zocke.
Rule isch gsi: "1C Only", am Afang isch vlt nach 5 min Schluss gsi und ich ha Konsole und de TV wieder usgmacht. Min Mitbewohner: Was scho fertig? (Er hardcore irgend es MMO Game Player woner teils glaub 48h durezockt hät).
Aber so bini jede Tag chli wiiter und wiiter cho, schlussendlich so bi 60 Minute + Playtime glandet, bis all Bonuslifes (dur Score) dure gsi sind. Durezockt hanis aber jetzt immer nannig. De Mitbewohner isch den dänebed ghockt und hät Kommentar abghe: Geil, herti moves. Fette Schuss and the like...
Ich ha mi quasi so verhalte als hetti jede Tag nur 100Yen zur verfüegig für de Spass.

[Ribit X Titan]

Ach ja, ich würde die Daten der Lokalitäten nicht so offen preisgeben weil es sollte eindeutig als private Instanz gewertet werden, nicht als öffentlich. Wäre es öffentlich müssten sich alle an die aktuellen Bedinungen halten die hier vorgegeben wurden.

[rebornkid]

Für min Junior und mich isches mit em Free-Play top gsi. So hend mir de Abig voll chöne gsnüsse und kei Rücksicht müesse uf de Chlotz neh. Denke chunt immer au druf a, was mer am Abig wot erreiche. Isch sicher es anders dra ane gha, went weisch, du hesch nur paar Coins vorig. Aber de Spass isch nöd weniger, went uf Free Play chasch zocke. Da ich älter wird und mini Reaktionsziit au nüme so frisch isch, passt das Free Play Konzept für mich. Sust heti wohl nach 15 Minute alli Coins dure gha und de Ade Meci...

[sidusson]

Für min Junior und mich isches mit em Free-Play top gsi. So hend mir de Abig voll chöne gsnüsse und kei Rücksicht müesse uf de Chlotz neh. Denke chunt immer au druf a, was mer am Abig wot erreiche. Isch sicher es anders dra ane gha, went weisch, du hesch nur paar Coins vorig. Aber de Spass isch nöd weniger, went uf Free Play chasch zocke. Da ich älter wird und mini Reaktionsziit au nüme so frisch isch, passt das Free Play Konzept für mich. Sust heti wohl nach 15 Minute alli Coins dure gha und de Ade Meci...

jep genau das

[agestuffer]

Mer chönts ja au so machä...... jede wo will game muess 30 Stutz zahlä und chund denn 1000 Eifränkler über.... Denn sind all zrfidä und de Sidu und co bald mal bankrott, will jede denn mit x Hundert Stutz uselauft... haha..... MEGA Idee hani oder??

[sidusson]

Mer chönts ja au so machä...... jede wo will game muess 30 Stutz zahlä und chund denn 1000 Eifränkler über.... Denn sind all zrfidä und de Sidu und co bald mal bankrott, will jede denn mit x Hundert Stutz uselauft... haha..... MEGA Idee hani oder??

machemer so. sponserisch du üs die paar tusig stutz?

[calanda]

hend iar en point Blank 1 automat zum verchaufe?

[Doraemon]

@Ribit x Titan: Ja Du hesch recht, ig has scho mau la lösche. Aber ussert hie im Forum steits niene und mir kenne ja d Lüt wo chöme und bi Neulinge fragemer natürlech wär bisch du. Es isch und blibt privat und mir (bzw. ig) säge wär ine darf und wär nid. Aber bis jetz het no jede inedörfe und es si aui lieb und respektvoll. Und der Ort isch so abgläge, mir würde sofort merke wenn öper komisches chunnt, und es het no Platz frei im Gülleloch.

@Calanda: Nö heimer kene. Dürfti ir CH schwierig ds finge si, ig würd mau in Italie bitz umeluege.

Und no zum Thema Coins / Freeplay, mir wärde ds System nümme ändere. Ds Freeplay chunnt super a und mit bitzeli Selbstdisziplin löse sech o die 1cc / coin feed / continue Problem. Umgekehrt isches schlechter, wenn d Lüt jede 1 Fränkler paarmau müesse umchere bevor sie ne abelö. Mir wei dass d Lüt chöi game und Spass ha. Ire "ächte" Arcade isches ja o um ds Geld verdiene gange und dert wosch jede Franke usehole, und das wei mir nid und chöi mir nid. Wes müessti rentiere denn hät mer scho lang müesse zuetue. Drum fingi eigentlech 30.- no fair für ne ganze Abe Spass. Das zahlt üs Mieti, Lager, Werkstatt, Ersatzteile, etc. D Arbeit darfsch nid rechne.
Oh, Thema Arbeit: Ds ganze Münzegstürm git sehr viu Arbeit. Handling, zelle, desinfiziere, Kasse lääre, Münzprüefer si heikel, bisch duurend am renne, d Person ar Kasse mues immer Geld wechsle, mues immer uf d Post ga neui 1.- hole da d Lüt nid aues abelö, etc. I bi so happy dass mer das nüm müesse mache und chöi d Zit i öpis konstruktivers investiere. Hei o süsch gnue Arbeit. Scho nume dass d Chäste immer schön suber si inne und usse, Screen suber, Sticks & Buttons suber und desinfiziert, fingi aues wichtiger aus ds coin Problem
Das si so mini Gedanke derzue, dermit der o verstöht dass aues si Grund het und nid eifach so usere Laune entstande isch.