The(G)Forum

Find ich cool, würd ich dir günne sonen WR, aber au das de Shop lauft. Isch super wenn öper so dedicated isch.
OT, mich nimmts wunder, öb i 10 Jahr oder länger z.B. gwüssi PS3, Xbox 360 oder Wii U oder auch PS4/Xone/Switch Sammlerstuck werdet. Bi de Switch gseht mers scho chli, z.B. Monster Boy isch scho chli gstige im Priis. Alles wos halt nur digital gitt, isch halt langfristig echt schad, wills es irgenwenn nöme gitt. Evtl. sind in 10 - 20 Jahr dänn PS4 oder Switch Konsole mit spezielle und gueti Download Titel wo no druff sind sehr gsuecht. Ic h bin nie en richtige Sammler gsi, han (wie vieli da inne) immer wieder mal bock uf e Konsole oder es bestimmts Game gha und dänn kauft oder wieder verchauft. Han aber vom Master System bis zu PS2/GC/XBox vieli Konsole (fascht alli, aber nöd alli, sogar Jaguar, aber kei 3DO oder CD-I) gha. Hütt han i nur no die Games wo mir so wichtig sind, dass ich weiss, dass ich all paar Jahr luscht bechum, das wieder mal z'game und drum han ich die no physisch, falls Internet mal zäme bricht. Life is like a box of chocolate, you never know what your gonna get.

Merci. Also joa, devo lebe tue i ja nöd, aber i machs halt immer no sehr gern, lit wohl au dra, dass i halt au mit viele nette Mensche i dem Bereich ztue ha. I finds halt so e gueti Abwechslig dezue, Wemmer sust im Industrie-Bereich schafft, Wemmer so nebetbi no chli was cha mache, wo eim selber wichtig isch.

Wenns um Ischätzig vo de ''aktuellere'' Gens gaht, denk i eigentlich immer no glich wie zu PS1 / PS2 Ziite, gwüssi Genres wie Horror und RPG's werdet au us dene Gens irgendwenn mal en gwüsse Wert erreiche. Jump n Runs werdet e mässige Wert erreiche und Shmups bliebet halt Liebhaber Games. Es git ja au jetzt scho Games wo en gwüsse Wert hent us dere Generation hent wie Fortnite (wobi i sehr stark bezwiifel, dass da no a Wert gwünne wird, bzw. wils halt Fokus online het, ischs generell schwierig) oder au sowas wie A Way Out, wo halt e gringi Uflag gha het für de Erfolg wo es gha het. So Sache wie e PS4 Anniversary Edition isch au nöd billiger als spezielli Konsole vo ältere Generation, e Press Kit vo Uncharted 2 het au e Niveau vo de Zelda Limited Editions erreicht etc. Es brucht halt für sehr vieles guets Aug und cha au vo mir nöd behaupte, dass i i dere oder de PS360-Ära alles richtig igschätzt ha und entsprechend kauft ha, so öpis wie Dark Souls Reihe bzw. im Nachhinein Games vo From Software hent mittlerwili halt au en gwüsse Status erreicht, memal bruchts halt nur Ei Game vomene Entwickler und Priise chönt im Nachhinein explodiere.

DeftOne hat geschrieben:Mis Hauptproblem isch halt immer no wer zfinde wo zähle wör. Aber i halt min thread da aktiv.

De Giovanni isch nid offiziell?

Problem bem gio isch, er isch nüm aktiv, somit gahts mit ihm nüm.

DeftOne hat geschrieben:Problem bem gio isch, er isch nüm aktiv, somit gahts mit ihm nüm.

Frag doch einä vo de Wyler Brothers vo WOG... Oder Lacher Brothers vo ALCOM.
Sind ja au alti Hasä (glaub 50zig oder so) und hend die meischtä System ja sälber no verchauft

Oder de Cimi vom Softridge. De würd das sicher gärn machä… Wenner denn mal Ziit het
agestuffer

Denke i werds wohl mit WoG probiere, da i mit dene im Gegesatz zu Softridge / Alcom (Alcom ha i nach dim erste Abgang eher gmide). I werds aber au no im LG-Forum probiere, döt weiss i halt nöd, wer im Gamesbereich schaffet, döt bin i zwar immer wieder a Gamestreff, aber wa wer döt schafft, weiss i au nöd sicher. Vo miner Wahl Nr. 1 ha i leider nix ghört, drum wird da wohl nix und di einzig Person, wo im Gamesbereich schafft und i kenn isch halt in Japan be Atlus, daher au kei Option.

denke da wär Cimi oder Alcom evtl. die besser option. imho

DeftOne hat geschrieben:I werds aber au no im LG-Forum probiere,

http://www.lg-forum.com/" onclick="window.open(this.href);return false;
???
Was für es Forum

DeftOne hat geschrieben:Wahl Nr. 1 ha i leider nix ghört

Ja, wer isch denn das? Nämtmi jetzt grad wunder
Willsch einä us de SChwiiz, denn muessemrer ja kännä.. Eventuell de Sascha Komaromy? Haha

Naja, ha halt ebe mit beidne wenig ztue. Denk i mue eifach mal luege, wa sich so ergit.

Gfrögt ha i bisher direkt eifach mal de Ill Fil. Will a sich ja scho, dass es en Schwiizer isch, wils ja au für dieseb Person en gwüsse ziitliche Ufwand wär.

Mit LG-Forum mein ichs lostgamers Forum, wa ja usm WoG-Forum entstande isch. Gits ja immerhin jetzt au scho fast 10 Jahr.

Chli dumm isch halt, dass i wohl kum en Streamer fröge cha, wils i de Schwiz kein bekannte Gamesstreamer git.
Also mu i uf Redakteure, Verchäufer oder en Indientwickler setze.

Wäre no im Business ich häts sofort gmacht… agestuffer

Isch natürli nett, aber joa da mitm aktiv isch ja leider au de Grund, wieso i de Gio nöd fröge cha. Wobi i da a sich au chli e dummi Regelig find, wenns wer 10 - 30 Jahr gmacht het, wird de ja au denn no gnueg Erfahrig ha zum sowas zähle / zwerte chönne.

Wa i halt lang nöd gwüsst ha, isch dass i halt au mini französische, spanische, italienische Games zähle cha. Da git halt vor allem bem Nintendo-Bereich numel en ordentliche Unterschied, wils ja döte NOE, FRG, GPS, ESP etc. ge het, wo i i dem Fall au zähle dörf. Sega wörs aber natürli kein Unterschied mache, wils döt ja glaub fast immer nur ei Version ge het.
Be Sony machts in so viel öpis us, will mer ja i de Schwiiz au hüfig französischi Versione gha hent, nebet Multi / dütsch Version. Aber halt vor allem die ''chline'' Unterschied machets für mi im Moment, so wie es no ohni Lagerruum Nr. 2 isch nahezue unmöglich effektiv zwüsse, ob i de Weltrekord würkli hole cha oder nöd. I nimm mal a de Ami wird eifach zu 90% US-Games ha und vilicht 10% Japan-Games. Wobi ja au de Ami rein theoretisch durch Kanada evtl. französischi Versione gha het, weiss ehrlich gseit nöd, obs döte no extra kanadischi Releases ge het, aber ha s Gfühl, dass i scho mal Games i de Hand gha ha, wo klar als kanadisch kennzeichnet gsi sind.

DeftOne hat geschrieben:Wobi ja au de Ami rein theoretisch durch Kanada evtl. französischi Versione gha het, weiss ehrlich gseit nöd, obs döte no extra kanadischi Releases ge het, aber ha s Gfühl, dass i scho mal Games i de Hand gha ha, wo klar als kanadisch kennzeichnet gsi sind.

Doch. Das hets..
Bim Game Cube z.b .weissis 100%. Dett hets Games ghä mit reinem englischä Cover, und settig mit Englisch/franz mix druf…
agestuffer

K, joa da ha i mir fast denkt. Wär ja chli komisch wenn mer i de Schwiz französisch, italienischi und dütschi Games i de Läde hent und Kanada nöd mal französischi becho wör.
Ha halt nie bewusst kanadischi Games kauft bzw. i wüsst kei einzigs wo für mi interessant wär, git nöd mal so viel US-Games wo i no gern het abgseh vo Bomberman second Attack, Clay Fighter (da die komisch selte Version, wo i immer de Name vergess) und Final Fight Guy. Wobi mer glaub au e Final Fight Guy sowie au Press Kits e nöd zähle dörf für de Rekord.

au bide Turbografx hät kanadischi Versione mit Französisch gäh. wot aber niemerd.

@DeftOne ich wür vorhäng oder so was montiere...sösch häsch gli ovp`s mit sunfade

macht der das kei sorge ?

Gwüssi Sache werdet scho no optimiert wa d Rüm anbelangt. Also joa weg de Fenster mach i au no chli was.



Update vo dere wuche. Lagerruum 2 wird ufbaut für mini wohnig sammlig.

Hoffä für dich das en Alarmaalag oder was montiertsch, en gueti Versicherig hesch (wägä Wasserschädä, Füür und und und)
Wär schuscht Andersch hert..
agestuffer

Versichert bini mit minere Sammlig scho, aber glaub es wird nöd würkli eher was passiere als be öper anderem.

I lebe sit 8 Jahr i dere Gmeind, s höchst, wamer mal a so Schäde het chönne ha, isch dass s Grundwasser 3 cm hoch agstiege isch im Cheller und da isch 1 Mal i 8 Jahr vorcho.

DeftOne hat geschrieben:Versichert bini mit minere Sammlig scho, aber glaub es wird nöd würkli eher was passiere als be öper anderem.

I lebe sit 8 Jahr i dere Gmeind, s höchst, wamer mal a so Schäde het chönne ha, isch dass s Grundwasser 3 cm hoch agstiege isch im Cheller und da isch 1 Mal i 8 Jahr vorcho.

I derä Hallä wo Du bisch chas immer mal inäseichä, en Sturm chaders Dach abdeckä, en Bueb züüslet verussä und brännt die ganz Hüttä ab oder aber en Diebesbandi ruumter die ganz hüttä lär…. Oder natürlich au en Alienaagriff chasch nie uuschlüssä. haha

agestuffer

So viel Sorge mach i mir da generell eher weniger. Passiere cha immer alles, wenns so söt si, denn ischs so.

gxeh ich au, ich ha alles im ide Wohnig im 3te Stock im Gamezimmer. okay, ich ha au nöd 20k games.

geosnow hat geschrieben:gxeh ich au, ich ha alles im ide Wohnig im 3te Stock im Gamezimmer. okay, ich ha au nöd 20k games.

hautsach esch, du häsch en chlinä PONY!

De Ruum wird mit de Ziit no chli optisch optimiert, aber a sich wär's vo de Games sowit meh oder weniger komplett. Wo und wa i mit mim sealed Jap PS1 Stuff sowie Saturn Jap mach, weiss i nonig. De Rest bliebt aber i minere Wohnig a Konsole grössteteils.