The(G)Forum

Ich han vorher gad mit eme Mitbewohner d'Diskussion gha, ob ächti physischi Spiel bald verschwinde werdet und nur no Download-Spiel verchauft werdet. Bim PC ischs ja scho grössteteils so (Steam), bi Konsole aber eher nonig so verbreitet. Dum Frage:

Was sind di aktuelle Martanteil vo physische und Download Spiel für di einzelne Konsole und PC?
Was glaubet ihr, wie wirds sich i dä nächste 10 Jahr entwickle?

Wenn hesch s letscht Mal e Musig-CD oder en Film ufere Plastik-Schibe kauft?

Ich chauf all mini Musig und Film uf Schiibe. Da häsch wohl dä falsch die frag gfräget

Ich chaufe trotz und mängisch au grad wäge Spotify CDs. DVDs und BRs chaufi ca 1 bis 3 jede Monet am Flohmi oder Brocki. Schpili isch ca 50/50

Gits irgendwo zahle derzue? Oder irgendwelchi offizielli ussage...

wenni t wahl ha kaufi eh phüsikalisch, also bi games.

hanf hat geschrieben:Ich chauf all mini Musig und Film uf Schiibe. Da häsch wohl dä falsch die frag gfräget

Und denn, was machsch demit? Hesch no so retro Grät womer die chan dri tue?

ich tuens dänn uf min computer rippe aber ä cd verlüür ich ebä nöd, drum chauf ich mir di würkli guete sache physisch. und s'andere losi/luegi eifach uf youtube. occasion chunsch au rächt günstig zu ächte cds. letschti hammer z.b. die erste 4 prinzen cds für 15 stutz bstellt uf ebay. hät sich voll glohnt.

Grundsätzlich halt ich's inzwüsche so, dass je weniger Grümpel desto besser isch. Isch ja au nüme so wie vor 15, 20 Jahr, wo d'Spieli mit rächte Handbüecher und allne mögliche Extras dethär cho sind (und simmer ehrlich: das Züüg isch au dänn mehrheitlich Plastik- und Kartonschrott gsi, wo dänn irgendwo verstaubt isch und nume Platz wäggnoh hätt). Also Download und dänn aber idealerwiis ohni irgenden Kopierschutz. Uf em PC isch drum nöd Steam sondern GoG mini bevorzugti Alaufstell (logisch, isch ja au CD Projekt RED ). Steam findi i letschter Ziit rächt müehsam, will de Store zu eme unübersichtliche Abfallhuufe mutiert isch. Wänn'd nöd scho im Vorus weisch was genau wotsch chaufe und eifach mal chli stöbere willsch, chasch Steam inzwüsche vergässe.

Uf Konsole - das heisst bi mir: uf Nintendo-Grät - chaufi aber no doch oft no physisch, will Nintendo i däre Beziehig wieder mal typisch Nintendo isch. Konkret: D'Priisgstaltig im Nintendo E-Shop isch e Frächheit. Eifach mal pauschal 10 Franke meh bläche, als wänn me s'gliche Spieli im Lade chauft. Und dänn gaht's stundelang, bis s'Spieli parat isch, will d'Nintendo-Server gfühlt über 56K-Modems am Netz hanged :typej:

hanf hat geschrieben:ich tuens dänn uf min computer rippe aber ä cd verlüür ich ebä nöd, drum chauf ich mir di würkli guete sache physisch. und s'andere losi/luegi eifach uf youtube. occasion chunsch au rächt günstig zu ächte cds. letschti hammer z.b. die erste 4 prinzen cds für 15 stutz bstellt uf ebay. hät sich voll glohnt.

Ich mag das Zügs eifach nüme. Letztendlich bruchts ja nur Platz und streichled chli s Ego wemers im Regal chan aluege. Au ökonomisch und ökologisch betrachted isches ziemlich bescheuert. Mal abgseh vom Produkt selber mues das Zügs ja au na transportiert und glageret werde. Für was? S eigentliche Produkt isch doch sowieso imateriell. Was mich hingege bi de Downloads chli nervt sind DRMs (GoG > Steam). Weni öpis chaufe, denn wilis au chöne bruche oni vo externe Dienst abhängig z si. Bi de Spiel chunt na hinzue, dasd oft als erschts mal dörfsch es Update abelade demits überhaupt lauft...drum...wayne...

...s isch halt chli d Sammler/Hamster-Mentalität wo eim dezue verleited e physischi Kopie z chaufe, aber rational betrachted isches eher sinnlos...

Also Musig und Film chauf ich nach wie vor no als Hardware.. Bi dä Spiel hät sich das aber sit öppe ame Jahr dramatisch gänderet.. die meischte Spiel chan mr eh nüm second hand verchaufe und die eifach als Hardware dihei z'ha brucht mr viel z'viel Platz. Darum tuen ich i 98% downloade.. Egal öb PC oder Konsole

ich bin eigentlich 100% digital. wie de ceizer seit ide meischte fälls ischs eifach disc inere dvd hülle, witerverchaufe chan ich als hauptsächlich pcler eh ned.
en zit lang hani eifach vo gwüsse spiel na CEs und so kauft, aber ich han au eifach kei platz me für de grümpel. digital und guet isch. git ja hüfig au gueti deals im netz.

vor paar hani denkt die übernäscht generation wär nur na digital, aber a dem zwifli inzwüsche. denke das blit na es wili erhalte.
offizielle zahle gits glaub so guet wie keini was digital agaht.

möglichscht alles digital, steam sowieso, konsole au.

gröscht vorteil: musch nöd disc wächsle, wenn es anders game wetsch spiele.
zudem nerved mich die hülle wo dihei umeligged. age of empires 3 hani physisch dihei und trotzdem uf steam für en 5liiber kauft lol

Xinobrax2 hat geschrieben:Weni öpis chaufe, denn wilis au chöne bruche oni vo externe Dienst abhängig z si.

Ah ja, das isch min Hauptgrund. Wänni es paar Jahr später wieder mal öppis benutze will chasch sicher si dassi nümm weiss wie ich mich da etz iilogge zum das zügs benutze z'chöne, resp. gits unnötig viel arbet. Sobald digitali sache chaufsch fangets dich aa nötige dich ihrem System unterzordne. Das gaht eifach us prinzip nöd, da fangi vorher aa alles z'hacke oder illegal abezlade, dänn bisch immerhin unabhängig...

Problem hat geschrieben:A download of The Legend of Zelda: Breath of the Wild will fill nearly half of Nintendo Switch's internal storage.

http://www.eurogamer.net/articles/2017- ... al-storage" onclick="window.open(this.href);return false;

aber chauf's eh uf em WiiU. In hert.

chunt bi mier bitz ufs game ah.

es Battlefield 1 z.b. - wo ich jede 2. tag über 2 jahr spiele und nachher nie meh, will es neus us de serie chunt - lieber digital. muessi ned jedesmal disk ine tue.

ich tendiere aber au immer meh zu digital, au wennis kacke find, dass ichs nachher nüm verchaufe chan.
mini steam library findi aber scho no geil so...

discs sind super. chasch uslehne oder wieder verchaufe.

geosnow hat geschrieben:discs sind super. chasch uslehne oder wieder verchaufe.

es sei denn die disc hat nur nen download file drauf wo du dann das game eh downloaden musst.....war glaubs bei half life so gewesen. :typej:

geosnow hat geschrieben:chasch uslehne

wie oft lehnsch spiel us?

s'letschmal es spiel usglehnt han ich em franz ide primarschuel, en sehr dicke italiener wo ned bsunders guet gsi isch
es isch s'mario land 2 ufem gameboy gsi und er het alli speicherständ glöscht

Moff hat geschrieben:s'letschmal es spiel usglehnt han ich em franz ide primarschuel, en sehr dicke italiener wo ned bsunders guet gsi isch
es isch s'mario land 2 ufem gameboy gsi und er het alli speicherständ glöscht

Ir vierti Klass hani amne 6. Klässler mis Pokemon Gold usglehnt wöui chly Angst ha gha vor ihm. Ha ihm gseit er söu bitte nid Spichere. Er hett, s'isch mi erst Durchgang gsi mitm nöie Game, us mim ~Lv.30-Team bis und mit zur Top-4 gspiut und es Zapdos gfange. Bitteri Träne hett dr Klein-Astro damals grännet, woner ds Spiu nachm Zrüggbercho z'ersch mau gstartet hett.

ich han nie öppis usglehnt. ich han das nöd gärn. ich ha so sorg zu mim zeugs, ich han angst de anders machts "kabutt". darum hani nie was usglehnt früener.

jetzt im hohe alter, hani 1x eme kolleg es ps4 game gäh

ich verschänk de krams amix, statt uszlehne.

Mir machts eifach rächt viel freud videogames zsammle, und digital ischs halt nit halb so lustig

evo hat geschrieben:Mir machts eifach rächt viel freud videogames zsammle, und digital ischs halt nit halb so lustig

macht sinn, wenn meh gern sammlet, isch das natürlich ärgerlich.

ich han froid, möglichscht wenig war zbsitze, bsitz bindet nur. vorallem bsitz, womer nöd eifach im negschte Lade ersetze.