TypeJ hat geschrieben:i ha ebe vieli gratis sache probiert und s'eint chan das, s'ander seb besser etc...
Das isch aber bi de Bezahl Sachä au nid andersch
De Lightroom isch es Datäbank basierts Programm, wo vom Bildli verwaltä, verschlagwortä etc, über d "Entwicklig" vo Raw Dateiä, chlinere Bildbearbeitigs Sachä (do chömed aber au immer meh...zerscht hedmer grad mol chönä zuäschnidä und villicht en Verlauf inäknallä, jetzt chamer Bereicheichskorrekturä machä mit Pinsel, Stämplä etc. bis hi zu perspektivischä Korrekturä, HDR und Panoramas...), bis hi zum Output eigentlich fascht de ganz Workflow abdeckt. Teilwies muemers denn halt eifach machä wiä sies welä händ, wemer nid wil usem Programm usä, oder no irgendwiä Plugins findä.
Es chan sich teilwies chli träg zeigä, und gwüssnä Lüt passt das Vorgeheä halt nid so.
Photoshop hed all das, plus no 5000000 anderi Sachä und Möglichkeitä, aber Datei basiert, und je nach dem wiämer vorgoh will isches denn halt ufwändiger oder komplizierter. Gid aber au Sachä wo i beidnä chasch aber im Photoshop dütlich ringer gönd.
Photoshop chasch aber au nüm chaufä. Nur no im Abo, und will wenn photoshop aboniersch sowieso grad würsch s Photigrafä Paket neh, hesch det Lightroom au grad debie.
Aber obacht vor automatischä Updates und so Sachä. Adobe hed sich i letschter Zit so manche Sachä gleischtet. Bis hinzu Dateiä wos de User bim update Vorgang glöscht händ (wohlbemerkt nid Adobe Dateiä, sondern anders usem Syschtem). Sie chönd vo Glück redä händs es quasi Monopol, oder sind zumindescht no de Standard...
Lueg unbedingt mol no Affinity ah... Glaub bis jetzt nur ufem Mac, aber wennsmer rächt isch gits uf Windows inzwüschä au zumindescht e Beta. Han zumindescht ghört dasses au für Windows chämi voreme Zitli. 50 Stutz für es Programm wo vieles was Photoshop chan glich guet oder teilwies au besser chan.
Lightroom Alternativä gäbs au verschiedeni.
Chund halt immer druf a wasmer würklich will und öb mac oder Windows. Aber chamer jo eigentlich amigs alles teschtä für 30 Tag oder so.
@Xino: bruchtmer do nid d CreativeCloud zums chönä bruuchä?