The(G)Forum

Okay, de titel isch jetzt pure clickbait gsii, aber schön, dass jetzt i dem Thread bisch.

Jetzt mal aber e chlini diskussions-grundlag...

Ich sälber würd unglaublich gern aktuells VR wie d'Vive und s'Rift CV1 uusprobiere. DK1 und DK2 hani selber kha, han aber jetzt leider keis bruuchbars setup meh, will i alles verchauft han. Mittlerwiile hani wieder en desktop, aber de mag sicher kei VR lupfe (i5 750, GTX 670)...

Für Vive und co. richtig gnüsse z'chöne, brüchtis e rechti investition, PC und Brülle zäme wär sicher guet 2000.--, eher meh. Für mich momentan unmöglich.

Warum chan mer sich sones Setup nöd miete, z.B. für es Wucheend oder für es paar Stund amene Tag? Oder z.B. für en Aalass, Party, Businesslunch oder Hochzyg?

Was haltet ihr vo de Idee?

nöd die tümmscht idee. d'frag isch, wieviel das würed mache und wie kaputt, dass es zrugg chund.

zeromeier hat geschrieben:nöd die tümmscht idee. d'frag isch, wieviel das würed mache und wie kaputt, dass es zrugg chund.

Genau das weg de Behandlig vo de Hardware vom Mieter han i mer au überleit... Brüücht irgend e sicherheit. Oder kei Ahnig, git's da im forum nöd lüüt, wo echli erfahrig händ i so sache?

Oder aber irgend öpperd büütet quasi so wie inere Spielhalle VR-Sessions ah...

isch halt nid so eifach. Mer brüchti en dedicated PC womer für nüt anders brucht (wär würd scho gärn sie persönliche Gamer PC usegä). En Rächner mit aktueller Gamer Grafikcharte und ensprächend schnälle Hardddisks und Prozässlers. Denn bruchts näb de Brille au entsprächend gueti Igabegrät wie Stürrad, Flugijoystick etc und nid zvergässe au es guets Sortimänt an Spielsoftware. Schliesslich möcht de wos mietet nid zerscht 80 Hebel für jedes Game usgä müesse woner schnäll möcht ateschte.

Da chömet insgesamt schnäll 4-5 Mill zäme.

i chauf sowas und vermietes eus..
als Sicherheit nimm ich: Autoschlüssel, tüüri Uhre, Iphone's etc.

fair?
bi gnueg Interessente machis

Wie isch's mit de Erschtgeborene?

wieblich, 14ni isch ok, chame au verchaufe!

chaufe de ps4.5.

Puh, PS 4.5 mit PSVR hani mer au scho überleit... Aber irgendwie... gfallt PC-VR besser, au wenn's nume die grösseri Freiheit vo de Plattform isch.

The Sheep hat geschrieben:isch halt nid so eifach. Mer brüchti en dedicated PC womer für nüt anders brucht (wär würd scho gärn sie persönliche Gamer PC usegä). En Rächner mit aktueller Gamer Grafikcharte und ensprächend schnälle Hardddisks und Prozässlers. Denn bruchts näb de Brille au entsprächend gueti Igabegrät wie Stürrad, Flugijoystick etc und nid zvergässe au es guets Sortimänt an Spielsoftware. Schliesslich möcht de wos mietet nid zerscht 80 Hebel für jedes Game usgä müesse woner schnäll möcht ateschte.

Da chömet insgesamt schnäll 4-5 Mill zäme.

Ich würd säge ehner 3 bis 3.5 mill

Und ich sag 3,83-4,77 mill

millione? schno viel.

I ha mr sowas ou scho überleit, i mache so Züg no gern, när mit vermiete/organisiere usw. Aber öb sechs würd lohne wagi z'bezwiifle, u s'isch de gliich e Ufwand zum koordiniere/unterhalte. Hätti meh als die aktuelle öppe 5 Franke uf dr Site, würdi's gloub mau mache, eifach so for the lulz.

Ihr sind so schnörris....

Naja, ich glaub ich fang mal a spare, und es bitzeli vo mim züg verchaufe, woni nüm bruuch...

Goran hat geschrieben:

The Sheep hat geschrieben:isch halt nid so eifach. Mer brüchti en dedicated PC womer für nüt anders brucht (wär würd scho gärn sie persönliche Gamer PC usegä). En Rächner mit aktueller Gamer Grafikcharte und ensprächend schnälle Hardddisks und Prozässlers. Denn bruchts näb de Brille au entsprächend gueti Igabegrät wie Stürrad, Flugijoystick etc und nid zvergässe au es guets Sortimänt an Spielsoftware. Schliesslich möcht de wos mietet nid zerscht 80 Hebel für jedes Game usgä müesse woner schnäll möcht ateschte.

Da chömet insgesamt schnäll 4-5 Mill zäme.

Ich würd säge ehner 3 bis 3.5 mill

machs. Ich glaub demit chunnsch nid dure. Usser du sparsch an de falsche Stelle. Wenn an der Performance vom Rächner oder am Spielagebot sparsch, mietet bald keine me, wills Erläbnis unbefriedigend isch. Wenn an der Qualitet vo de Igabegrät sparsch sinds nach 1-2 Gamesessions duregritte und du darfsch wieder neu inveschtiere ....

I han mer grad hüt en Force Feedback Steerwheel vo Thrustmaster kauft. Demit spieli Project Cars mit Oculus Rift. Supergeils Feeling mit däm Stürrad. Es fühlt sich a wienes Arcade steering wheel, aber trotzdäm hets nid die glich Verarbeitigsqualitet. Smeischt isch us Plastik. Aschaffigspris isch für das wases cha mit 220.- eher günschtig.

Wennis würd vermiete welle, bürchti eins us Metall. Das würd aber 500.- oder mehr choschte. Han gseh, je nach Asprüch chamer bis uf 1000 Euro usge füres Profi steering wheel.

The Sheep hat geschrieben: Demit spieli Project Cars mit Oculus Rift.

shiiit gits das immer no? vor gfüehlte 15 jahr mau zockt...
isch das grafisch a hütigi verhältnis apasst worde?

aso so alt isch das etz au nid...öppe es jöhrli

nid emol. Mai 2015 isches usecho

ah moment i verwächsle das...

ha live for speed gmeint...

Hehe

Nid ganz z'gliche... lol
Aber es game usem 2003 wo hüt no updates bechunnt und mit VR louft isch eigentlech scho no geil...