The(G)Forum

Moin zäma

I muass für an Kolleg a Soundbar aschlüssa. Dr TV isch scho chli älter, ca. 2008 mit hd ready.

Aschlüss TV: 3×Hdmi, 2×Scart, 1×Component, 1x AV (also dr rot/wiss )

Aschlüss Soundbar: 1×Hdmi OUT, 1×Hdmi IN, 1×USB, 1×optical, 1×Analog

Zu mina Fraga:
1. Isches korrekt, dassi dä TV nur per AV mit dr Soundbar verbinda chan? Bluetooth häd dr TV nämli nid
2. Oder chani au per Hdmi verbinda? Weiss eba nid, ob dia Hdmi am TV nur als Input funktionierend.
3. Oder chani d Soundbar überhaupt nid aschlüssa?
4. Falls i d Soundbar aschlüssa chan (zB. per AV), gaht denn dr Ton vo jedem Grät (PS4 etc.) woni per Hdmi aschlüssa über d Soundbar? Wär ds gwünschta Resultat

Sorry für dia dumma Fraga, aber i chuma bi Hdmi IN und OUT und dem neua ARC etc. nid ganz drus. Und i will em kolleg kei Soundbar hola, wenni sie nid brucha chan.

Merci für eui hilf

Gib mal beidi Modellbezeichnige düre, wär gäbiger zum Beurteile.

Probier mit HDMI:

Soundbar via HDMI mit dem Fernseher verbinden

Nahezu jedes aktuelle TV-Modell hat heutzutage mehrere Anschlussmöglichkeiten. HDMI kennt jeder: Einfach den HDMI-Ausgang der Soundbar mit dem entsprechenden Eingang am Fernseher verbinden. Der ist mit den Buchstaben "ARC" gekennzeichnet, wobei die Abkürzung für Audio Return Channel steht. Damit gibt die Soundbar die Audioquelle wieder, die an den Fernseher angeschlossen ist. Und, wie eingangs erwähnt: Die HDMI-Verbindung liefert die beste akustische Qualität, sollte also stets Deine erste Wahl sein.

Merci für d Antworta. Da d Modell:

TV vo JVC: LT-32A90BU

Soundbar vo Samsung: HW-J450

Eba dr TV isch für hütigi Standards scho huara alt ARC wird er kum ha

denn bliebt wohl nur no Analog Aschlüsse.

Oder de Kolleg kauft sich en neuere Fernseher. 32 Zoll chostet nid viel Geld oder süscht ricardo.ch

Also per Hdmi meinsch gaht nid? Hani eba au denkt, wil minera Asicht nah dr JVC nur über 1x AUDIO OUT verfüegt, und zwar über dr AV Aschluss.

Ganz generell: Wia funktioniert das mit da Hdmi Aschlüss? Wenn kei ARC etc. vorhanda, chönds denn nur Signal empfanga? Also würklich nur Hdmi IN?

Nöii 1080p-40-Zöller choste hüt praktisch nüt meh. Er söu sech so eine zieht und luege, dass er mindestens e Optical-Out hett, oder sogar e HDMI-Out, ersteres isch allerdings wahrschiinlecher und funktioniert prima mitere Soundbar, we's de würk e Soundbar muess si. We's nid e designierte ARC-(oder Out-)HDMI-Aaschluss hett, si d'HDMI nur nur für Input, such is life.

Merci für dini Hilf. Das mitem Hdmi IN/OUT hani au denkt. Dr Kolleg häd mit zügla, neui Möbel etc. scho einiges müessa in d Hand neh und darum imo kei Geld für an neua TV. Isch au nid unbedingt nötig, er isch ziemli bescheida und brucht kei highend schischizüg