The(G)Forum

Chamer öpper hälfe?

Ich hamer en neui Popcorn Hour kauft, A-410 (http://www.cloudmedia.com/products/popcornhour/a-410" onclick="window.open(this.href);return false;)

Früener hetts zu de Popcorn Hour immer sones Mini-Progrämmli gäh, womer ufem PC installiert hett (myiHome), und das hett de mit de PopCorn Hour kommuniziert, dass es en Verbindig git. super, gsi, und praktisch.
Das Progrämmli gitts jetzt nüme.

Stattdesse gaht alles über IP Adrässe / Netzwerk-Istellige (und ich bin ja so de Hirsch i dem! LOL).

Ich hans jetzt so igrichtet:

1. Ha em PC i mim Router en fixi IP gäh via Mac-Adrässe (also mim Router gseid, wenns sGrät mit Mac-Adrässi sowieso online chunt, immer IP 192.168.1.10 vergäh)
2. Ha ade Popcorn Hour die Ressource frei gäh via 'add Share' und de IP Adrässe igäh, etc.

Es funktioniert au, ich chan Film streame. ABER: wenn ich de PC abstelle, muess ich dänn bim nöchschte Mal immer mini PopCorn Hour neu starte. Es findet suscht de Network-Share ned. Das isch müehsam. Als ob er jedesmal wieder vergisst, dass min PC IP 192.168.1.10 hett. Nach eme Restart vode Popi gahts wieder, so lang bis ich de PC wieder ab stell...

Was machi falsch???

und wenn em pc die ip direkt ihprüglisch ohni dass s DHCP vom router die vergitt?

hani ned probiert. ha gmeint das sig hans wie heiri.

probier ich mal...

theoretisch scho hanswieheiri aber weiss dr teufl was alles im hintergrund ablauft bi so automatisiere prozäss.

Wie der evo seit, probier obs geit wenn bi beide Gerät e fixi IP-Adresse tuesch iträge. Eigentlich sötts kei Rolle spiele, aber ebe...

Si d Filme uf dim PC abgleit und luegsch sie uf der Popcorn Hour? Ha so es ähnlichs Problem gha mit em WDtv. Der het au nach em Standby nümm uf d Freigab uf em NAS chönne zuegriffe. Nur Neustart oder 15 Minute warte het gholfe, denn isch es wieder gange.

ja, mini film sind uf 3 verschiedene HDs woni im PC drin ha. d: e: und f: (movies 1, 2 und 3).
de hani no 2 externi HDs dran für serie. g: und h:
ja ich weiss, sött mal en NAS chaufe LOL... machi au, aber äbe, mis problem isch gnau wie dis. mini popi im standby chan nüme uf de PC zuegriife, nur en neustart hilft. das gaht zwar nur knapp 30 sekunde, aber nervt mi gliich jedesmal...

ich ha jetzt no kei ziit gha geschter, probiere das aber mal uus.

ich muess äbe für jedi disk en network-share separat irichte, und jedesmal ip und passwort iträge, isch bitz müehsam. aber wenni die schön jukebox mit movie poster und infos nutze will, gahts ned andersch (glaub).

edit: mängisch hanis au, das de film eifach zmitts drin stoppt. ufem PC im VLC lauft er super, aber uf de poppi stoppt er immer ade gliiche stell (bitzli empfindlich das ding?). ich has mit de neue A-410 jetzt öfters als uf de alte C-200... ich überspuele die stell den alligs eifach, de gahts wiiter...

rächt empfindlech das ding.
mi <100 stutz nexus player mit kodi louft da dütlech stabiler.

ha derfür itz zum erste mau problem gha, dass uf dr HD (o am PC agschlosse) erstellti neui ordner nid ir bibliothek erschiene si. o nid nach aktualisiere und neu ufboue vor bibliothek...