Seite 1 von 1
Cloud Backup
Verfasst: 10 Mär 2016 09:53
von damian
Wär hät es online backup, wär nöd?
Was nutzet ihr. Wie zfriede sind ihr demit.
Ich han zerst Backblaze probiert, eigentli guet gloffe aber chli sehr intransparent.
Jetzt hani iDrive wo eigendlich gueti features het, aber so instabil und träg lauft dasses no dä grösser scheiss isch.
Was sölli mache

Re: Cloud Backup
Verfasst: 10 Mär 2016 20:51
von Avenger
Hesch recht, Backblaze isch würklich chli schräg. Es sicheret alles, und du mueschs ihm explizit säge wenns es Verzeichnis nid söll sichere. Wiederherstellig isch au ziemlich umständlich, wills nid us em client chasch mache sondern nur übers Webinterface. Defür sicherets einigermasse zügig und chostet nur 50 usd im Jahr.
Ha no Crashplan testet. Wiederherstellig geit einiges eifacher, defür isch es bim sichere huere lahm. Sobald e Datei chli grösser isch gsi (1GB und mehr), isch der Upload uf 100 KB gsunke. Do chasch natürlich lang öppis vo "unlimited storage" go schriibe wenns so huere lahm isch.

Idrive han i nid testet. Und Mozy het inzwüsche nüm unlimited storage, het also kei Sinn dass i zu dem no öppis tue schriibe.
Re: Cloud Backup
Verfasst: 10 Mär 2016 21:06
von resuscitation
Ine Cloud z'backuppe isch glaubs ziemlich birreweich
Re: Cloud Backup
Verfasst: 10 Mär 2016 22:29
von Jones
resuscitation hat geschrieben:Ine Cloud z'backuppe isch glaubs ziemlich birreweich
erchlär di geischtig erguss bitte!

Re: Cloud Backup
Verfasst: 11 Mär 2016 08:49
von Xinobrax2
Ich mache so Zügs lieber selber...als Server langet es Raspberry Pi 2/3 mit Owncloud oder Seafile.
Re: Cloud Backup
Verfasst: 11 Mär 2016 14:06
von resuscitation
Jones hat geschrieben:resuscitation hat geschrieben:Ine Cloud z'backuppe isch glaubs ziemlich birreweich
erchlär di geischtig erguss bitte!

Also wänn ich Dir das i dä hüttige Ziit no mues erkläre, dänn mach speichere Du Dini Date innere Cloud, wo Du nöd weisch, wer suscht no druf zuegriift
Re: Cloud Backup
Verfasst: 11 Mär 2016 14:21
von Jones
resuscitation hat geschrieben:Jones hat geschrieben:resuscitation hat geschrieben:Ine Cloud z'backuppe isch glaubs ziemlich birreweich
erchlär di geischtig erguss bitte!

Also wänn ich Dir das i dä hüttige Ziit no mues erkläre, dänn mach speichere Du Dini Date innere Cloud, wo Du nöd weisch, wer suscht no druf zuegriift
1. Chasch ja säuber woni mache u 2. Kennsch verschlüssle?
Re: Cloud Backup
Verfasst: 11 Mär 2016 14:27
von damian
@xinobrax2.0
ich würd ja gern alles sälber mache. aber ich han d'ziit defür nöd
@resuscitation
mir isch egal wänn d'NSA alli mini date liest. si chönd eh nüt demit aafange. Resp. chasch hash-verschlüssle. Das brucht gwaltigi rechepower zum das entschlüssle, die hät vermuetli nöd mal d'nsa.
@avenger
iDrive isch immer lahm mit ca. 100kb/s. Zudem gahts es paar Minute bis er überhaupt mal usegfunde hät was er möcht backupe. Es isch eifach sensationell schlecht programmiert. Ich wett drum öppis anders nä. Aber ich befürchte ebä es isch alles verschisse.
Re: Cloud Backup
Verfasst: 11 Mär 2016 14:30
von resuscitation
Wie seit.. mached Ihr nume

sind ja nöd mini Date

Re: Cloud Backup
Verfasst: 11 Mär 2016 14:53
von damian
hehe, ich finds super wänn anderi nöd mitmachet

nur mir wärs z'ufwändig...
Re: Cloud Backup
Verfasst: 11 Mär 2016 15:50
von resuscitation
Was wär Dir zu ufwändig? Ine Cloud z'sichere?
Re: Cloud Backup
Verfasst: 11 Mär 2016 18:07
von damian
nei, sälber sicherstelle dass mini date säget mer mal en wohnigsbrand überläbet....
Re: Cloud Backup
Verfasst: 11 Mär 2016 19:08
von resuscitation
ach so.. ja guet.. i dem Kontext macht natürlich än externe Datespeicher durchus Sinn.. aber bime Wohnigsbrand han ich ganz anderi Sorge

Re: Cloud Backup
Verfasst: 11 Mär 2016 19:14
von damian
als informatiker isch din code ebä fasch wichtiger als dis läbe

Re: Cloud Backup
Verfasst: 11 Mär 2016 19:19
von resuscitation
Re: Cloud Backup
Verfasst: 20 Mär 2016 10:37
von Xinobrax2
hanf hat geschrieben:@xinobrax2.0
ich würd ja gern alles sälber mache. aber ich han d'ziit defür nöd
Seafile chasch au ghosted ha. Alles wunderbar verschlüsslet. Luegsder mal a...
https://www.seafile.com" onclick="window.open(this.href);return false;
Und selber mache isch au kei Kunst. S git gnueg gueti Aleitige. Gat öpe 3 Stund und du lernsch no was debi...
Re: Cloud Backup
Verfasst: 15 Apr 2016 17:27
von feeshlee
ha letschthi welle en bäcköp ufem onedrive mache. nur max 2GB grossi files

Re: Cloud Backup
Verfasst: 17 Apr 2016 18:54
von damian
shit, es isch glaubs würkli alles unbruchbar. one drive wär nämli no es guetrs aagebot...
Re: Cloud Backup
Verfasst: 18 Apr 2016 09:40
von feeshlee
ha neulich gläse, das seg guet und sicher:
https://www.getsync.com/" onclick="window.open(this.href);return false;
edit: nur sync, kei cloud-backup