The(G)Forum

so... duregspielt... am schluss en huere chnorz. das händs wohl eifach ums verrecke müese uf es datum fertig mache... hässliche letschte level mit völlig undurchdachte zuefallskämpf und fehlende save point vor em letschte boss... macht us eme hervorragende spiel nur no guete durchschnitt... schad, sehr schad.

jetzt entspann di, s spiel isch geil und uf level 74 isch es en klax. muesch eifach es side quests mache.

Gunners Heaven 9/10

Tatsujin hat geschrieben:Gunners Heaven 9/10

ui ja, das sötti mer no irgendwenn poschte

gunners haeven isch au sones paradebiispiel für es game wo eifach zum launch hät müese anegrusht werde. es hät ganz krassi gameplaytechnischi mängel, wos spiel sehr frustrierend macht, sobald di eifache iistigslevel mal verbi sind. dä lohrelevel chasch nur mit try and error überstah und vieli endgegner verlanget es stupids uswändiglerne vo ihrne aagriffsmuster... schad eigentlich, will sust isch alles sehr super gmacht...

Tatsujin hat geschrieben:Gunners Heaven 9/10

I remember Fribourg '03

grad DKC(SNES) 1-3 durezockt.....s'drü het klar di beschte böss und chan me teilwies au mit em junior zocke. Teil 1 und 2 sind dafür zschwär. Bereus nid das ich damols zum Geld spare nur Teil 1 kauft han....isch jo more frome the same(Teil 2&3). jöhrlichi sequels en graus.......obwohl dia sequel sind jetzt besser als i dänkt han. so noch em motto "no sache inetue wofür mir wäg de deadline chai zit händ gha"

DKC 1 9/10
DKC 2 8/10
DKC 3 8/10

hanf hat geschrieben:...hät ganz krassi gameplaytechnischi mängel... vieli endgegner verlanget es stupids uswändiglerne vo ihrne aagriffsmuster... schad eigentlich, will sust isch alles sehr super gmacht...

das tönt nach Gunstar Heroes.

sadoanarcho hat geschrieben:

hanf hat geschrieben:...hät ganz krassi gameplaytechnischi mängel... vieli endgegner verlanget es stupids uswändiglerne vo ihrne aagriffsmuster... schad eigentlich, will sust isch alles sehr super gmacht...

das tönt nach Gunstar Heroes.

äntli weissi, werom mi GH niä so os dä söcke ghaue häd wi ander R'n'G's

sadoanarcho hat geschrieben:

hanf hat geschrieben:...hät ganz krassi gameplaytechnischi mängel... vieli endgegner verlanget es stupids uswändiglerne vo ihrne aagriffsmuster... schad eigentlich, will sust isch alles sehr super gmacht...

das tönt nach Gunstar Heroes.

findi etz genau s'gegeteil: gunstar heroes hät sehr intuitiv spielendi level wo genau schnells reagiere und kei uswändig lerne bruchsch. d'böss wendet ihri aagriff au sehr unterschiedlich aa... also ich han gunstar heroes vo aafang aa sehr iigängig gfunde im gameplay und nie frustrierend wills genau noed immer gliich isch sondern du dich uf ganz viel arte chasch durd levels ballere. ich han nie öppis uswändig glernt für das spiel... d'waffe sind zum teil chli undurchdacht, das isch schad...

ghört zu dä ganz wenige spiel wo vom erste bis zum hunderste mal spiele jedes mal spass gmacht hät, das sind sust nur no: sonic, nights, sega rally, rez, twinkle star sprites.

im hanf sis "weltbild" esch emmer weder faszinierend

dr hanf könnt sogar de entwickler vom spiel mehr drüber verzelle als si sälber wüsse

ich han eifach gern wänn öppis lauft.
und bi gunstar heroes gits gnueg ander lüüt wo das au dä best run&gunner findet... sonic 1 au, da muemer glaubs nöd drüber diskutiere dass das sehr beliebti spiel sind...

i dä psychologie redt mer au für lüüt wo gern ordnig händ und sättig wo lieber chaotischi sache händ wo nöd perfekt chasch uflöse.
gunstar heroes isch halt en r'n'g für chaote wills nöd möglich isch ohni feindtreffer durd levels cho, aber du dich im chaos möglichst guet muesch dureschlah. contra isch s'spiel für di wo gern ordnig händ, es git immer en klare weg wie mer durd level chan cho... bim sonic und em mario isches ähnlich.

dä evo, dä tatsujin und dä sadoanarcho sind bi mir scho länger als die mit dä ordnig gspeicheret. dä geosnow und ich die mit em chaos. euri meinig weissi drum eigentli scho länger...

(ich weiss, dä evo hät dihei kei ordnig, aber i dä spiel halt scho )

jetzt weiss i demfall wieso ech score-shooter hasse ond tactical-shooter liebe. ich = ordentlich

m.o.terra kaesi hat geschrieben:jetzt weiss i demfall wieso ech score-shooter hasse ond tactical-shooter liebe. ich = ordentlich

ja, das isch au sonen fall, genau. bi taktik shooter gits immer en klare wäg wies gmacht werde sött. bi bullett sprayer nöd (resp. wänn dänn sehr guet wirsch wie dä bloody scho, aber für normalsterblichi nöd)

ah ja: ridge racer und daytona fallet i di gliich kategorie: im ridge racer gits en klar definierti besti kurve und wie lang mer mindestens mues slide defür. im daytona isch d'optimallinie viel weniger ersichtlich und funktioniert bi jedere kurve wieder andersch...

ich han drum aafange nach spiel uusschau halte wod heftli findet es segi "überlade".
oder mis lieblingszitat zum gunstar heroes isch gsi (im gamers glaubs): "überfordert mensch und maschine"
s'gamers isch au sones heftli vo ordentliche gsi, jede langwilig scheiss händs guet gfunde...

schön chasch du di eignig psychiater si

ich spiel aber sehr gern bulletsprayer.
chaotischi ordnig hani

mit psychiater hani nüt ztue, han kei klinischi...

evo hat geschrieben:ich spiel aber sehr gern bulletsprayer.
chaotischi ordnig hani

weli?

fascht alles vo cave oder zb. batsugun isch ein vo mine lieblings shooters

und wie stahts mit dä extrem öberladne shooter wie gigawing generations, mars matrix, night raid. oder au trigger heart exelica und radirgy?
cave shooter sind natürli chaotischer als raiden oder taktik shooter, aber au nöd grad dä chaos overkill...
ich möcht eigentli nöd säge dass du nöd gern chaotischi sache häsch, aber uf jede fall nöd so extrem wie ich
batsugun findi au ganz geil... dä isch eifach guet gmacht und nonig so schwierig wie die neuere vo cave... würdi etz aber nöd als bulletsprayer bezeichne...

shit, muss ech en "bönzli" si: metal gear solid, ridge racer, pac-man, r-type, contra, soldier blade, baseballstars 2, final match tennis...

giga und marsmatrix bini rächt überfordert gsi. has aber au jewils nur öppe 30 min gspieltdrum kani nit viel sage.
aber triggerheart gfallt mer sehr