The(G)Forum

es isch klar s beste spiel , für mich sogar top 3 aller ziite. ja muesch drablibe, aber elden ring git dir sovill möglichkeite (zumindest im basispiel) din charakter ufd "schwierigkeit" vorzebreite, das es au für dih schaffbar wär.

usserdem machet d spieli vo from den scho nöd nur de "schwierigkeitsgrad" uus, natürli isch das jetzt es "marketingargument, aber das spiel isch au atmosphärisch (sounddesign bi bosse und au i de welt, grafik, d welt selber) eifach nur top notch.

Vyse hat geschrieben: ↑27 Jun 2024 15:35 Spiele nie online, han scho gnueg mit Lüüt ztue. Wänn dier ständig öpper driischwätzt, chasch ja gar nöd id Wält iitauche, wie wänn es Buech läse würsch und ständig öpper störe wür.

me cha ou offline zocke...also ohni die nachrichte vo de gamer.

Für mi isches ebefalls e sehr guets Spiel wo sich nit eillei ufes genials und herusforderns Kampsyschtem reduziere losst. Es isch au es open-world RPG, womer sehr viel chann entdecken und sin Charakter nach eigenem Gusto chann skille. Es git verschiedeni Builds womer sich chann ufbaue (zB Stärki, Gschicklichkeit, Bluet, Füür, iis, sälbscht Schlafbuilds sind möglich. Es git so viel Möglichkeite Gegner z'bekämpfe. Vili verhsciedeni Rüschtige und Waffe zum sammle und ufzbaue. Vor allem d'Waffe händ vili unterschiedlichi Technike und Moves zbiete.

Und Eldenring het au e Story und es git Quests. Doch anders als bi vilene US und Europäische Games, wird eim nit alles ufem Silbertablett serviert. Wemer Quests mache will, muess mer sie finde. Aber es git sie.

Und ja, Fromsoft Spiel sind schweri Spiel, und ihri DLCs sind no schwerer. Isch sit Dark Souls 1 so. Das isch kei Gheimnis. No nie eins gseh.
Wäm spielerischi Herusvorderige nüt gän, wird nit glücklich mit Souls Games.

siralos hat geschrieben: ↑27 Jun 2024 17:44

Vyse hat geschrieben: ↑27 Jun 2024 15:35 Spiele nie online, han scho gnueg mit Lüüt ztue. Wänn dier ständig öpper driischwätzt, chasch ja gar nöd id Wält iitauche, wie wänn es Buech läse würsch und ständig öpper störe wür.

me cha ou offline zocke...also ohni die nachrichte vo de gamer.

Ich weiss, mier gfallt sGameplay halt eifach nöd. Ich mag Games, wo immersiv sind. Games, i die me iitauche und sich in en anderi Wält mitnäh lah oder ahnere Gschicht Ahteil näh chann. Games, wie es Portal in en alternativi Würklichkeit. dPrämisse vo Elden Ring isch grad sGägeteil: dImmersion wird ständig broche.

I finds im gägesatz zu dir, doch rächt immersiv.

Es isch a berserk fantasy wält wo hinger jede egge a monschter dich cha plätte. Wenni a darksouls/elden ring game, zocke i süsch nüd angers mehr.
es gibt so vieli sache zu entdecke und die movesets dr gägner muess mehr sich merke und ou bim erneute durchspiele, touche wieder neui sache uf wo mehr bim erschte mal no nid gseh het.

Isch abr doch guet so, dasses nid jedem gfallt. Süsch würdi game induschtrie immer nur das gliche entwickle.

siralos hat geschrieben: ↑27 Jun 2024 19:04Isch abr doch guet so, dasses nid jedem gfallt. Süsch würdi game induschtrie immer nur das gliche entwickle.

Findi ebe au. Ich han mi nume gege de "Vorwurf" gwehrt, Eldenring heigi ussertem Kampsystem nüt zbiete. Ich finde, das isch definitiv nit so. Aber ich verstand au, dass wemer sich nit chann afründe mit em Kärnelement vom Game, und das isch nun mal s'Kampfsystem, het mer au keini Ambitione für de Räscht.

Quelle

und ich bin ja kein lore typ, aber da bi elden ring gats scho na recht ab mit allem wueste und jede npc stirbt eigentlich

Quelle

rise, fellow tarnished

Vyse hat geschrieben: ↑26 Jun 2024 22:03 Alien Isolation isch es Meisterwerch, bi däm dSchwierigkeit en behäxende Sog entfaltet und zur Gsamtatmosphäre biitreiht, däre me sich nöd entzieh chann. dSchwierigkeit isch aber kein Sälbschtzwäck, sondern eis vo vielne Mittel, wo em Gsamtwerk zur richtige Entfaltig verhilft.

Elden Ring dagäge hät ja kei Subschtanz usserhalb dä Kampfmechanik. Es gaht um Kampffertigkeit in Bezug zur Schwierigkeit und schlussändlich würkts drum au wie es dumpfs Arcade- oder Fight-Game, wo vo dier abverlangt, dass dMoves muesch uuswändig lerne zum dä Gägner besiege. dSchwierigkeit isch en Sälbschtzwäck, sie isch sGame, dä Gsamtumfang vom Spiel erschöpft sich i däm Prinzip und überstiigts nöd und machts sGame nöd zu öppis bsunderem. Es erinnered mich irgendwie ah Speedrunners, wo tuusigi Stunde vo ihre Läbensziit für dä beschti Run investiered aber dTätigkeit vom Speedrun würkt (zumindescht uuf mich), belanglos. Dä gliich Iidruck han ich vo Elden Ring Gamer.

Nüüt gäge bitzli Arcade-Fun aber für mich müend Games meh büüte chönne.

ich han selber uhuere lang gha zum mit de from-formle klar cho. ich han in ds1+2 und in bloodborne inegspielt und hans jewiils naches paar stund entnervt abbroche gha - hettmer eifach zviel so arschlochstelle gha wodi gfiggt hend eifach nume damitsdi gfiggt hend. serschte mal klick gmacht hets de bi ds3. da hettmi skampfsystem dynamischer dunkt, ich han sblocke unds uswiiche afoh verstoh und es het kei arschlochmoment drin gha. mit elden ring hani de mini liebi fürem miyazaki sini philosophie entdeckt. und au wenni bim ein oder andere boss gluecht ha wiene wald voll affe, hetmi spiele nie frustriert.
Ich gsehs au eso, es isch durchus es arcadigs spiel mitme starke fokus ufs kampfgameplay. devo ab büütets mitem erkunde vude welt aber au en agnehmi abwechslig devo und loht eim, dankem verzicht uf zähtusig X uf de charte und usufernds gelaber, voll i die welt abtauche und sehr, sehr viel entdecke. gwüssi moves vude richtig härte boss muemer natürlich scho kenne und wüsse wenns chömed, wenn aber dwelt erkundsch und waffe und geischter und chriegsäschene gfindsch, dusrüstig und dich selber uflevlisch, denn chasch au sehr viel eifach mit roher gwalt erledige ohni das dkämpf in endloses uswendiglerne und taktiere usartet. für letschteres felht mir selber nämlich au geduld.

bi alien isolation bini voll bi dir, denke aber scho au, dasmer sich dete au voll ufs spielprinzip muen iloh damitmer genialität dehinter erkenne chan.

de messmer het me huet sehr vieli närve brucht. hane abr nach x versuech doch no knapp gschlaget.

zeromeier hat geschrieben:Bin jetzt eifach wiiter glatscht oni eine vo dene 2 trottle zbesiege lol

Jetzt all abegmäht. Inkl. Am drache bide Blaublume, dem Sauvogeltyp undm nilpferd.

Mich nerved part im Spiel woni kei MP chan spiele btw, Grad nachm nilpferd chund so eine.

Sauvogel typ, welle isches?

Isches dä wo ufem wildsau rittet und a nilpferd hani ou niene gseh?

De typ ufem wildsau grad nachem shadowkeep het mir 45k und mehr närve koschter als de messmer.

Bosse sind sehr vielsiitiger qls im elden ring. ha bim eint oder angere a andere build muesse mache da de fett grossschwärt zu behäbig isch für die agressivi und flinki böss.

messmer macht mich kaputt. regt mi grad uuf.

thaeye hat geschrieben:messmer macht mich kaputt. regt mi grad uuf.

Macht jede

siralos hat geschrieben: ↑30 Jun 2024 06:45und a nilpferd hani ou niene gseh?

Gits als Boss und später au als Miniboss. Gseht eher wie e Mischig us Rhino und Stachelschwein us.

De Messmer hani gescht zum erschte mol in Phase 2 brocht. uf 25% hanen ka. Aber isch no mehr Glück als öbbis anders gseh.
Dr Fäulnisritter macht mi au fertig. Gwüssi Böss sind eifach extrem schnäll

Ah das stachelschwii, dä hani gloubs scho killt.

Biim messmer hani uf fetti rüschtig/schild und füur abwehr gsetzt. A paar moves vo ihm chasch guet uswiiche und er laht nid soviel ziit zum driischlah. Am beschte chasch wenn er die gross meteor-bomb macht, dann schnäll häre seckle und 1-2 schläg drii haue.

Bim fäulnisritter hani o uf rüschtig/schild gsetzt. Bim wildsou ritter hesch no weniger ziit als bii dr 2 obe.

Mit dem mimic bini bishär am beschte gfahre und de ultra grosschwärt wo violetti funke schlaht.

spiele alles mit mimic macht trotzdem spass

drache sind bi wiitem eifacher als der darkeater midir.

a paar cha me cheese und bim bayle muesch eifach geduld und die richtigi waffe ha. erscht try het a milimeter gfählt, dann aber dafuer ca. 6135674 versuech brucht. bi mir louft dr erscht versuech fascht immer am beschte

so ig has jetzt ou guet 20h gspiut u es isch würklech absolut dr best DLC wosi je hei gmacht. Das TEIL ISCH RIESIG! öppe guet 1/3 vor Charte vom hauptgame, es git soooo viu ds entdecke u erforsche, es isch sooo abartig. am afang hani huere müeh gha mit de bosse, aber dr DLC isch ja so usgleit dasde die scadu und ashes muesch finge, so levelisch eigentlech richtig im DLC, aues angere bringt nid viu.

ha jetzt JEDE Boss killt usser dr "endboss" vom DLC. am hassenswertischste isch ganz klar dr Gaius uf sim dumme fette söili gsi, dört si dhitboxe für gaar nüt gsi, sicher 200x probiert.. absolute dräcksboss

schüsch dünke mi aui bosse eigentlech sehr guet designet u "fair" weme gnue höche level het. u wie immer: Magic helps. so chame die meiste uf distanz ha.

has komplett offline gspiut u aui bosse nume mit spirit ash bloodhound gschafft. es isch auso sehr guet machbar

10/10 locker. dwäut, dstimmig, dvisuals, aues absolut grandios... weme überleit das bide angere DLC vo from irgendwie 3-4 Bosse derzue si cho, hie sis irgendwie 40-50??!!

Dr final boss isch horror.

Hane jetzt chli unger hälfti bracht, danach bini irgendwie i 2-5 min. Tot. Mit mimic, mit online hälfer, re-wkill etc..irgendwie gsehni da no nid dürre

han am endboss cs. 30 tries gmacht und denn entschiede en online spieler z'beschwöre, isch denn zuefällig grad au en chesse build gsi wonen allei killt het

Hane jetzt doch no gschlage. Zerscht no malenia rune gholt und aktiviert und dann de sauhung mit de schildkröte taktik killt.

Geile dlc gsi, riesegross und sehr warschiinlech hani das einte odr angere verpasst...bescht region isch abysall woods.

abysall woods isch voll bloodborne atmo. super.

I bi jetz ändlich de o fertig mitem DLC. Bi gester bim Endboss acho und mues säge ja dä isch bitzeli herter. Süsch aber hätis gern no bitz herter dörfe si. Messmer, Gaius, etc si aui relativ (zu) schnell gstorbe. Dank mim neue Playstyle woni im Bloodborne ha glehrt het mi ds ganze Spiel inkl. DLC eigentlich nümm so hert dünkt. Weme voll agressiv spielt mit pariere und ohni Magie chunnt me eigentlich recht guet düre, o d Malenia hani bim 2. versuech killt. Für ds ganze Game inkl. DLC hani jetz ca. 230 Stund brucht und ig ha e fantastisch gueti Zit gha. Jede Winkel hani erforscht und alles killt. Im DLC am beste gfaue het mir ds Bloodborne-Gedenk-Areal und paar Gegner wie d Sunneblueme, d Hippos, oder d Fliegen-Mösche wo töne wie Chind weme se killt.

Ich has DLC nit ganz duregspielt bis jetzt. De fett Drache und dr Ändboss hani lo stoh