The(G)Forum

so hüt mal start mit abverchaufstendenz bi dem gwaltsprung vo gestr. daytrader waend au geld verdiene.
mal luege wie tüüf dases na gat.

Ich wär mier nöd so sicher, han aber aktuell null Plan. Ich han fascht sGfühl, dä chönnt bitz konsolidiere und dänn nomal en Sprung uufwärts mache.
Jede wür am liebschte jetzt en fette Short innehebe und dä Sprung retrace aber wänn das all wännd, passierts ebbe meischtens nöd.

Rein technisch gseh, immer no bärisch, Priis macht lower high aber mitme bullische, innere Strukturbruch, wo nach Fortsetzig vom Move schreit.
Zwei bullischi Szenarie woni gsehn.

isch das ned grad e bitz en scam mit dene zöll und all dem shit?
börse beiflusse, günstig chaufe, tüür verchaufe... ich chume ja ned druus mit dem und mische da ja au ned mit, aber es chunt mir äbe so vor, als wär das alle "de grossi plan"

Ja eh, chann mier niemert verzälle, dass kei Insidertrading gäh hät/git. Absolut händ Trump und siini Finanz-Buddies härt abgruumt uuf em Märt über irgendwelchi Broker und Kontis, wo nöd direkt imene Personezämmehang stönd.

Master(G) hat geschrieben: ↑10 Apr 2025 14:38 isch das ned grad e bitz en scam mit dene zöll und all dem shit?
börse beiflusse, günstig chaufe, tüür verchaufe... ich chume ja ned druus mit dem und mische da ja au ned mit, aber es chunt mir äbe so vor, als wär das alle "de grossi plan"

insidergschäft sind immer es thema. aber jetzt so wie oisi medie sich a dem ufzhenke (und das machsch du), das isch nämli sicherlich nöd de grossi plan. das glaub ich nöd. en schöne zuestupf füres paar. wie immer bi so härte bewegige, den chunt immer das "insidergschäft" argument

aber klar er haet d zöll ufgesetzt um chli insidergschäftli z mache, eigentlich wett er die verhandlige all gar nöd, sondern eifach nur insidergschäftli mache ich glaub so eifach isches den scho nöd, aber passt halt grad is "narrativ"und wirsch halt vo de medie mit dem penetriert.

BSP:

https://www.blick.ch/ausland/verdacht-a ... 70811.html

https://www.n-tv.de/wirtschaft/Hat-Trum ... wtab-de-de

https://www.tagesanzeiger.ch/usa-boerse ... 3940330681

https://www.zeit.de/politik/ausland/202 ... iderhandel

und na villi meh, alles de glich schrott eigentlich, zum teil würkli gnau s glich wording natürli wird öper profitiert ha aber jetzt wirds usgschlachtet wills is narrativ passt. de betrüger trump. BUY NOW

und hüt verdient au widr öper vill geld, immer bi so bewegige churzi froid gsi d chinatarif hauet hüt ine

Vyse hat geschrieben: ↑10 Apr 2025 13:32 Ich wär mier nöd so sicher, han aber aktuell null Plan. Ich han fascht sGfühl, dä chönnt bitz konsolidiere und dänn nomal en Sprung uufwärts mache.
Jede wür am liebschte jetzt en fette Short innehebe und dä Sprung retrace aber wänn das all wännd, passierts ebbe meischtens nöd.

Ha nüüt gseiht

@oug: wie erchlärsch dir denn sini komplett wirre handlige, wo d'börse i sinkflug und i steilastieg schicke und sini "chouftipps"?
was söu das bringe ussert geld?

er machts willers eifach chan

Dr doller au hert am dumpe zum CHF wie scho lang nüm

ja das isch so. chinese dumpet wohl au na chli aleihe und git jetzt druck uf usa. aber d chinese haend au scho mueh. de yuan au mit starcher abwertig.

wirtschaftschrieg halt.

thaeye hat geschrieben: ↑11 Apr 2025 05:47 er machts willers eifach chan

schlächti antwort... was isch d'motivation dire meinig nach wenn nid bericherig?

Vyse hat geschrieben: ↑10 Apr 2025 13:32 Rein technisch gseh, immer no bärisch, Priis macht lower high aber mitme bullische, innere Strukturbruch, wo nach Fortsetzig vom Move schreit.
Zwei bullischi Szenarie woni gsehn.

Bitz früehner als erwartet Support gfunde (hät sich vom obere Rand vo dä Support-Zone abgstosse und nöd vom undere) aber vom Priischarakter här isch es genau das, woni ghofft/erwartet han. Immerhin han au mal das tradet, woni verzpafe. In letschte Ziit laufts rächt guet mit em Profit, kei obszön grossi Beträg aber es kumuliert sich.

sBescht wär, wänn dä Priis i däm Zwüscheruum bitz konsolidiere und sletschte Trend-Höch heruusfordere wür. Ob das passiert, kei Ahnig. Aktuell aber scho rächt gueti Priisentwicklig: Makro isch eh bullish, mittelfristig immer no bärisch aber aktuell Trend isch bullish (Higher highs, higher lows).

Muen säge, bin vorsichtig optimistisch, dass es das chönnt gsi si mit em Bäremärt, wänns priistechnisch so wiitergaht und dä Trump nöd wieder driischüsst.

Finds bitz demoralisierend. sFucking Fuessvolk, wie ich, kämpft sich siit Jahre uuf em Märt ab zum in siebstellige Beriich zcho und dänn chonnt eifach en Charles Schwab, wo grinsend im Büro vom Trump staht nachdäm er eifach mal so zweihalb Milliarde i eim Tag gmacht hät, will (muetmasslich) siin Buddy ihm dä richtig Momänt duuregäh hät, wänn sich im Märt positioniere. Fuck, game is rigged, wüssemer ja all, isch Teil vom Deal aber trotzdem, merksch eifach wieder in volle Nüechternheit, wie wichtig dass isch, die richtige Connections zha und wie unereichbar die sind.

Vyse hat geschrieben: ↑12 Apr 2025 11:23 Finds bitz demoralisierend. sFucking Fuessvolk, wie ich, kämpft sich siit Jahre uuf em Märt ab zum in siebstellige Beriich zcho und dänn chonnt eifach en Charles Schwab, wo grinsend im Büro vom Trump staht nachdäm er eifach mal so zweihalb Milliarde i eim Tag gmacht hät, will (muetmasslich) siin Buddy ihm dä richtig Momänt duuregäh hät, wänn sich im Märt positioniere. Fuck, game is rigged, wüssemer ja all, isch Teil vom Deal aber trotzdem, merksch eifach wieder in volle Nüechternheit, wie wichtig dass isch, die richtige Connections zha und wie unereichbar die sind.

Welcome to the world. Normali Lüt schaffed eifach.

Normali lüt si wiiiiit wäg vo siebestellig...

nid normali lüt so

ethereum chunt au nuem vorwärts... früehner mal nummer 2 gsi.. jetzt hani gfuehl biz verblasst.. nia me annähernd am ath gsi

calanda hat geschrieben: ↑14 Apr 2025 10:44 ethereum chunt au nuem vorwärts... früehner mal nummer 2 gsi.. jetzt hani gfuehl biz verblasst.. nia me annähernd am ath gsi

eth alles verchauft, evtl. dumm gsii, aber ich fühl mich erliechteret siti de schrott weg han; mussis au nüm aluege

pltr mit nato uuftrag

https://www.finanzen.net/nachricht/akti ... n-14390789

SP500 chönnt hüt über dem Support-Level schlüsse (gseht knapp uus aber muen nur no e Stund duurehebe), was dWahrschiinlichkeit erhöhe wür, dass er ahfaht ahkummuliere/konsolidiere und dänn uusbräche. Bitcoin gseht ebbefalls uuhuere nach Uusbruch uus. Ich han sGfühl, da braut sich öppis zämme in Uufwärtsrichtig (en fette Liquidierigsmove vor em Uusbruch würi mitberücksichtige).

so gset langsam alles chli stabiler uuus. s gröbst isch glaubs mal hinder ois , ganz us de gfahrezone simmer aber na nöd.

Jup, wobii, dä Märt trickst halt gärn umme, isch bitz zäh mit em aktuelle Support und hät viel Liquidität under däm Level. Es möglichs sSzenario, woni gseh und dLüüt wieder voll in Panik wür versetze, bevors wiitergächt.
Ich gseh grad en mega Unentschiedeheit, Priis isch rächt komprimiert und das diräkt am Support, wobi, die aktuell Stunde-Chärze hät rächt guet abdruckt vom Support, hätti nöd scho e gueti Long-Position, würi wahrschiinli sehr en strategische Stop Loss setze.

Wenni amix so graphe gseh schlafi fascht sofort i