The Witcher 3: Wild Hunt [next gen / open world]

[resuscitation]

Ich han uf dä PS4 bis jetzt nur ganz marginali Fehler gha. Das mit dä Truhe isch scho lang überfällig gsi.. Das mr chan äs Alchemierezept apinne für im Lade eifacher z'prüefe, find ich super. Leider bin ich mitem Game wahrschiinlich scho fascht fertig.. d'Sidequests find ich würklich hüere guet gmacht.. die händ zum Teil rächt Spannig drin.

[Buccaneer]

Super Spiel! Zieht mit total ine. Aber es isch au langsam und asträngend. Ghört für mich aber zu spannig dezue. Ime Assassins Creed oder Far Cry hesch au tusig Sache uf de Map, aber chasch nur so dureseckle zum alles abrase und ufdecke. Hie isch das bizz andersch. Es isch irgendwie meh, irgendwie tüfer. Chans nid beschriebe.
S einzig negative bis jetzt sind die verfluechte Ladezyte. Klar es riese Game und so, aber uf Death March stirbsch halt nid gad wenig. Vor allem wenn chli en neue Gägnertyp uftaucht und und so.
Was mi au dunkt isch: I de erste Levels isch es nid so guet usbalanciert. De Greiff hani mit Lvl2 oder gar mit Lvl 1 und denn 2 worde, umglah und bim Red Baron bini mit Lvl 3 itroffe und s Grpäche mit ihm hed mi de 4 gmacht. Han s Gfühl mer muess zerst gad massiv de Story nache gah. Well das einzige isch womer packt und überläbt! Es hed kei Sidequests und Aktivitäte für drunder. Aber hei, aller Anfang ist schwer. Ez bini Lvl 8 oder 9 und es gaht scho westentlich ringer. I de undere Lvl gids viellich de ein oder ander Side Quest womer bis zum Schluss chunnt. Aber de chunnt en Boss wo eim so überlege isch, das mer de chan vergässe bis mer wieder zwe drü Lvl meh hed.

Aber sust! Bin sehr positiv überrascht! Miner Meinig nach sticht das Spiel ganz klar use und ander sötted sich hie en Schiebe abschniede. Es isch en super Titel, gid eim aber nie s Gfühl, das es sone mainstream Einheitsbrei isch wie vieli anderi grossi Titel wo aber nur no wend "gfalle" und chum meh een eigne Charakter hend und sich öppis traued!

[onion]

i chan inzwüsche mit allem lebe: abstürz, glitches etc. es chönnt schlimmer si.
s'einzige won ich nid cha verzeihe isch das npc-recycling, fast jede charakter isch mehrmals vorhande.
wenn en major-npc usgseht wie de de ladebsitzer XY chasch de stimmig grad tschüss säge, ich zumindest.
für mich unerklärlich.

@buccaneer
vergiss nid so rasch wie möglich witcher-gear z'hole. dh. alli schatz-chartene bi händler chaufe und grad go hole,
chasch au 5 lvl. drunder si gegner sind meistens nid schwer bi treasure hunts. die einzige rüstige wo chasch bruche
bis fast an schluss vom game, ha nie anders gha.
bombe nid vergässe, macheds us uf death march.

[Bejita]

won ich nid cha verzeihe isch das npc-recycling, fast jede charakter isch mehrmals vorhande.
wenn en major-npc usgseht wie de de ladebsitzer XY chasch de stimmig grad tschüss säge, ich zumindest.
für mich unerklärlich.

Het öpis, aber weisch i somne risige Spiel, wie wosch da aui Figure verschide Designe? Das wär gloub e uhuere Ufwand

[siralos]

Naja die gesichter kommen recht häufig vor, schade dass sie da keine random software gemacht haben.

[Mastler(P)]

ja, mach du mal random software. chönd dpole ja s negscht mal zu dir outsource für dini random skillz.

[Gurgelhals]

Lieber nöd. Mit zuefallsgenerierte Gsichter häsch dänn eifach de Schaufensterpuppe-Look, wo mer vo de Bethesda- und Bioware-Spieli nume z'guet känned. Und de isch schlEmm.

[onion]

Het öpis, aber weisch i somne risige Spiel, wie wosch da aui Figure verschide Designe? Das wär gloub e uhuere Ufwand

grad jede müends ja nid mache, aber het paar super sidequests wo de haupt-npc usgseht wie 10 anderi.
wenigstens die.

Frag:
Uf Skellige schiint sich ja jede z'kenne und redet vo de alte ziite und ich han ken blasse um was es gaht.
isch das no vo teil 1 oder fanservice a die wo d'büecher gläse hend?

[siralos]

ja, mach du mal random software. chönd dpole ja s negscht mal zu dir outsource für dini random skillz.

Wuerd ichs koennen, wuerd ichs machen

Nee, es ist einfach schade dass sie nur ca. 20 npc gesichter verwendet haben, von den kinder gesichter gibts ca. 5 stk. und die sieht man ueberall in jedem dorf. Der kumpel vom hans kommt dauernd in den sidequest vor.....

[Moff]

random wär schlimm, aber ich verstahs ehrlich gseit scho ned, was so schwierig dra isch iets halt mal 100 oder 1000 gsichter vo hand zdesigne. das isch ja es studio mit 200+ lüt und paar jahr entwickligszit.

aber ebe, offenbar verstah ich bi dem prozess würklich was nöd. es isch amel scho bemerkbar störend.

[Buccaneer]

Gwent: Ganz am Afang in White Orachad heds en Innkeeperin... die wird relativ früeh im Spielverlauf vonere Dorfbewohnerin verprügled und ab denn isch si nüm ume. Ich han gseh, dass die au Gwent spielt und glaubs sogar wür Charte verchaufe... Wel mer dete früeh anechunnt, han ichs vorzoge nochli witer spiele, chli lerne, sich iläbe… nid gad mit Gwent afa, wenn mer s Game nonig kapiert hed... Mer wird ja am Afang mit Infos bombardiert und d Turtorials sind nnnjaa....
Frage: Hetti die en Spezialcharte gha? Hetti sie gueti Charte zum verchauf gha? Chum i a das jetzt nümm? Chani de Sidequest fürs Chartespiele immer no mache oder ghörti si dete dezue?

Das isch s einzige woni chli müehsam finde am Game… Mer weiss nie so gnau: Söll i die Näbebeschäftigung jetzt mache, oder spöter? Spöter isch si viellicht wäg… aber wenn mer immer gad jedem scheiss nache rännt wo irgendwo gad ufpopt, denn chunnt mer au niene ane, aso sött mer sich uf ein zwei Ufgabe konzentriere…
Mit em explore isch es ähnlich. Stell mer immer d Frag: Söll i Gebiet XY no „schnell“ go erforsche und die Fragezeiche ufdecke, oder füehrt die nöggst Quest genau det ane… Gid ja de eint oder ander Stone of Powerwomer nur inere Quest oder gar Stroyquest chan nutze. Scho rächt viel Zyt druff gange, sich dur d Wildnis kämpfe zu some Ding und de lang umesueche nur zum festelle: Ah, muss wahrschindli unterirschdisch si und nur per Quest zuegänglich… Und in Velen gids ja Quests vo LVL 6 – ca 25 oder so. Also gang i devo us, das spöteri Quests wieder i die Region füehred… viellicht… shit!

Jetzt Lvl 11 worde. Finds guet, gaht das mit em lvl nid so schnell wie i andere Spieli. Aber mittlerwile isch es scho relativ eifach… gid eigentlich nur zwei Situatione wo scheiss sind: Grossi Gägnergruppene in Kombination mit änge Rüm. Grösseri Gägner mit eme höhere LVL. Z.B. en Gargoyle wo 10 Lvl höher isch. Alles andere isch mitterlwile rächt easy worde und mit AXII sowieso… fast zu eifach… und das uf Death March. Quen, Axxi, Schwärt… Bombe etc. verwänd ich ez immer sältener. Muss I wieder chli meh fürenäh für d Abwächslit!

Das huere Game… MGS 5 chönnts für mich persönlich eventuell no vom Thron stosse… aber glaubs weniger.

Gwent... so guet!

[Buccaneer]

Aha!
•If you missed the White Orchard Inn Keeper cards from the Prologue you can buy it from a merchant outside in White Orchard (updated in Patch 1.04). The Inn Keeper at White Orchard does not play Gwent as some guides suggests

http://gwentcards.com/" onclick="window.open(this.href);return false;

Hmmm wird tough... Und ich chauf doch nid jedi... wenni gseh: Attackwert 1 und sust nix chauf i de shit doch nid. Wär no geil, wür mer im Shop gseh, öb mer die scho hed. Aber so schlächti Charte wird mer wahrschindli au nid dur en Sieg becho... wär ja rächt schäbig...

In Oxenfurt sinds huere OP! Sust in Velen eigentlich zimli alles besiegt... aber kei Chance in Oxenfurt...

[onion]

Wenn nur vo fragezeiche zu fragezeiche gohsch decksch nie en quest uf wod nonig wotsch mache, passiert nur wenn absiits vom weg ines gebäude latschisch oder en ruine. vo dem her die wegloh, sparsch eh vell ziit eso. alli wichtigi ort bsuechsch eh per sidequest oder contract.

fragezeiche hani immer gmacht weni grad bock gha han. rasch fast travel, alles ufdeckt und wiiter. sobald en gegner zu stark isch eifach abhaue und später mache.

ha ja gseit muesch death march, alles anderi bereusch als echte rpgler. ab sofort machi all games vo ihne ufem höchste.

[Master(G)]

ich han geschter ändlich wiiter gspielt.

die neu stürig für de geralt unds pfärdli isch willkomme gsi.
und dchischte fürs ablege vo stöff au. super super.

nach 2 quests bini grad wieder voll agfrässe. isch halt scho sehr geil, story, grafik und alles, muessi wieder mal säge.

aber es isch ja uuuuuuuuuuunändlich lang... ich mein, ich spiele scho gfühlti 200 stund (64 gnau) und bi no nienets... ob ich das jemals fertig spiele chan, weiss ich also ned. ich has aber vor! definitiv!

[Buccaneer]

ha ja gseit muesch death march, alles anderi bereusch als echte rpgler. ab sofort machi all games vo ihne ufem höchste.

Es isch scho strange... am Afang sauschwär... all zwei Meter speichere und allem us em Wäg gah... und jetzt? Wenn es Grüppli vo 5 Gägner chunnt AXII spame us sicherer Distanz und warte bis sie sich gägesitig zerfleischt hend. De letscht hed denn chum no Energie... gisch ihm ein Schlag und er isch Tod... laaaaangweillig.
Hoffe es zieht de wieder chli a. Und sust denn halt umskille und uf AXII verzichte...

@ Master G
zum Glück gaht das so verreckt lang! Wüsst nid was i im Moment süst sött spiele. Ich weiss nid, wenn ich zum letschte mal sone supr Zock gha han. Wird wahrschindli wie bime guete Buech... es schisst a, wenns fertig isch...

[resuscitation]

Han geschter Witcher 3 au fertig gspielt.. isch ächt äs abartig geils game.. und für mich hät min Schluss perfekt gstumme

[onion]

bin au dure, zum abschluss no en schwebendi tasse gha zmitzt im epilog

ua. isch au da im topic gfragt worde weg em recycling vo gsicht, glitches etc. i dänke d'antwort isch eifach.
has am afang au nid begriffe, va. nid bi cd projekt, aber das game hät ganz eifach nomal mind. 6 monet brucht,
so eifach isch das.

[siralos]

Patch 1.08 ist draussen und die perfomance wurde extrem verbessert, kann jetzt alles auf ultra stellen mit dem geforce 980

[Master(G)]

wow, patch 1.08 für PS4 bringt würkli geili performance. keis einzigs ruckle meh!
grad geschter wiiter gspielt und wieder 5 stund drah gsi... sucht-game.
jetzt hani grad de uma zrugg verwandlet... wie lang gahts ächt no!?

[Buccaneer]

Bin jetzt au bi dem Uma. Sprich bin uf Skellige fertig und müsst jetzt nach Velen zum de go sueche. Immer no es Suchtgame aber s Balancing isch ja direkt us der Höll...
Wärd das game so dänkt gsi, das mer eifach nur d Story durerockt und denn alles spöter macht? Story wär jetzt öppe so LVL 16 während ich scho 23 oder 24 bin und nur chan durelaufe...
In Skellige heds gwüssi Quests mit lvl 14-16. Aber so Storymässig gaht mer erst mit Lvl 16 nach Skellige etc. pp.

Die letscht Mission hed gheisse: Ruhe vor dem Sturm... jetzt zu dem Uma. Nime somit a, dases sich langsam am Ändi zueneigt...tuen jetzt eifach no Näbequests mache und erforsche... erst denn gangi wieder zrugg id Story. Wenn en Story amigs fertig isch, hani kei Bock meh i de Wält umeforsche und so...


Und wie viel scho gseid hend: Es gid so gueti Näbequests während d Mainquest nur en dämlichi Suechi isch wo am Afang no fasziniert, aber nach andere gwüsse Zyt nur no dämlich isch... Verpackt isch es scho guet... aber mer seckledn ur vo A nach B zum merke das si scho nüm ume isch... schad eigentlich...

[onion]

Es het unfassbar vell Fehler und du hesch genau die wichtigste ufzeigt. Wieni scho erwähnt ha isch das game ganz eifach nid fertig, die aktuelle Patches nütze nüt bis wenig.
Und das nachem ganze blabla das sies nur bringe wenns fertig isch. De Release hät 12.15. müesse si und i glaube das wär no knapp worde. Wohl eher 03.16.
D'Kämpf sind jo au en Witz, entweder schnetzlisch blind dure oder muesch im Menü umefummle wie en Möngel (Bombe und Tränk sueche im Item-Chaos) wo de ganzi Spielfluss zerstört.

Und bi Open-World kenni persönlich kes Game wo d'Hauptstory nid zum spielerische und erzählerische Witz verchunnt.
Entweder machsch s'Balancing selber und passisch genau uf wenn wiitermachsch (ja danke das ichs darf mache) oder spelsch 50h bis wieder mal wiiter spelsch und am Schluss weisch nid mal meh um wases eigentli gaht. Bir erste Varainte rasisch de wiederum dur d'Nebequests und hesch dert null Gameplay.

Ig ha no 3 Kollege wos kauft hend und jede einzelne het nad nich mal eme 1/4 ufghört spiele. Ich finds trotzdem sehr guet aber isch nie eso wies hät sele si und das weis cd projekt als allerersts.
Die hend doch eifach en Riese-Druck gha wels jetzt am Cyperpunk-RPG müend Gas geh, hoffentli wird wenigstens das fertig.

[siralos]

oder muesch im Menü umefummle wie en Möngel (Bombe und Tränk sueche im Item-Chaos) wo de ganzi Spielfluss zerstört.

erm das wurde schon mit patch 1.07 behoben, bomben, buecher, traenke und kraueter bekamen nen spezielles unter menue.

[onion]

dert bini scho churz vor schluss gsi, de patch isch spaht cho.
und nur büecher hend untermenü becho.

z'nächst mal chaufis eifach 1 1/2 jahr nach release.

[Buccaneer]

Glich en geile Zock und ime Jahr zwei Spiel is eh wieder. Gid eh z wenig so geili Games, darum keis Problem das mal wieder fürenäh und s guete: Es wird irgendwenn au en Game Plus Mode becho. Denn erst rächt!

[siralos]

dert bini scho churz vor schluss gsi, de patch isch spaht cho.
und nur büecher hend untermenü becho.

z'nächst mal chaufis eifach 1 1/2 jahr nach release.

lol die sortier funktion und auflistung der items sind sinnvoller, so nen inventar menue wie bei morrowind gibts halt nimmer. machst doch einfach wie der ribit, der wartet auch einpaar jahren und kauft sich dann die games auf gog fuer nen "fuenfer" mit allem drum und drann oder lass es bleiben.

das mit dem balancing ist wie schon oft gesagt worden, ein typisches open world problem...es gibt glaube ich kein einziges game wo man am schluss nicht overpowered ist. ich wundere mich warum es immer wieder welche gibt die sich durch nen game qualen, obwohl sie nur negatives darann sehen.