The(G)Forum

Ich setze mier für jede Coin, wo ich bsitze (ussert dä Bitcoin) es Level, ab däm ich ahfahn im Dollercostaverage-Prinzip verchaufe, ganz stier. Hans siit em 2017 nöd gmacht und jedes Mal mich verfluecht. Das Mal eifach im Voruus Level und Mängi setze und roboterhaft dä Chnopf drucke.

Herr Rossi hat geschrieben: ↑07 Feb 2022 18:52 Ja okay, mir hend e underschiedlichi Strategie.

Was häsch dänn du für eini? (also jetzt uuschlüsslich im Profitkontext, als Ziel zur finanzielle Unabhängigkeit)

s uscashe bimene steile astieg bi so shitcoins isch au nöd z verachte nöd unbedingt überall eifach und in chürzester ziit möglich.

@Vyse
Ich investiere vorwiegend i Projekt und nid in Währig. Real usecase stuff und langfristig. Churzfristigi Gwünn interessiered mich nid

Absolut und unbedingt! Letschthin isch eine innerhalb paar Tag 300% uufe, natürlich muesch verchaufe und ich han wieder nöd.
Ich glaube, ich muen würkli zum Psychiater mit miim Problem

Herr Rossi hat geschrieben: ↑07 Feb 2022 18:59 @Vyse
Ich investiere vorwiegend i Projekt und nid in Währig. Real usecase stuff und langfristig. Churzfristigi Gwünn interessiered mich nid

Das mached ja all. Praktisch jede isch überzüügt vo "siim" Projäkt, du bisch nöd dä einzig.
Stell dier vor, das, wo du sletschte Jahr mit Hero erläbt häsch, passiert scho siit Jahre im Chreis: Kurs stiigt und stiigt, explodiert und gheit über Monate insgesamt um 80%, dänn fangt er sich (duured au Mönet) und faht ah langsam über paar wiiteri Mönet oder gar Jahr ah stiige und bricht irgendwänn wieder uus usw.
Miini Frag ah dich: Wieviel mal willsch dä Zyklus mitmache? Wieviel Jahr?

Ich gahn uuf die 40i zue, viel Läbensziit bliibt da nümm übrig zum uuf Profit in 20 Jahr warte. In 20 Jahr chann ich mich au langsam früehpensioniere lah, dänn bruuch ich dä Scheiss au nümm.

mir gats me um die "liquiditätspool", wenns mal en rieserun ufen coin git, chasch villfach nöd eifach grad uscashe. scho nöd ganz s glich wie mit stinknormale aktie.

Vyse hat geschrieben:

Herr Rossi hat geschrieben: ↑07 Feb 2022 18:59 @Vyse
Ich investiere vorwiegend i Projekt und nid in Währig. Real usecase stuff und langfristig. Churzfristigi Gwünn interessiered mich nid

Das mached ja all. Praktisch jede isch überzüügt vo "siim" Projäkt, du bisch nöd dä einzig.
Stell dier vor, das, wo du sletschte Jahr mit Hero erläbt häsch, passiert scho siit Jahre im Chreis: Kurs stiigt und stiigt, explodiert und gheit über Monate insgesamt um 80%, dänn fangt er sich (duured au Mönet) und faht ah langsam über paar wiiteri Mönet oder gar Jahr ah stiige und bricht irgendwänn wieder uus usw.
Miini Frag ah dich: Wieviel mal willsch dä Zyklus mitmache? Wieviel Jahr?

Bis es etabliert isch am Markt und en definierte Betrag abwirft woni cha uslöse (erscht einisch vorcho). Oder weni dringend Geld bruche (sit 14 Jahr nümm vorcho.
Ich rechne mal mit 5 Jahr für s einte Projekt und 8 bis 10 Jahr für zwöi anderi.

S wichtigste isch dassi selbst wenn alles sett und Null abegheie ich nid weniger glücklich bi. Eigentlich logisch, alles andere wär beduurenswert.

em rossi und mir gahts ebe nöd direkt ums geld und darum gsehnd mir das au recht entspannt ah.

ich will nöd jedä tag züg durregah, kontrolliere und abwäge. denn beherrscht mich s geld und s frisst mer zvill ziit weg. ich will bim ne guete ziitpunkt inehaue und ab und ah es aug druff werfe, aber tendenziell au ersch nach jahre was useholle und drum das ganze eifach mal laufe lah.

Herr Rossi hat geschrieben: ↑07 Feb 2022 19:16

S wichtigste isch dassi selbst wenn alles sett und Null abegheie ich nid weniger glücklich bi. Eigentlich logisch, alles andere wär beduurenswert.

Das macht absolut kein Sinn. Wieso söttsch weniger glücklich si? Solang nöd verchaufsch, häsch sGäld sowieso nöd, also chasch eigentlich wiiterläbe, als obs gar nöd hättsch.

Mastler(P) hat geschrieben: ↑07 Feb 2022 19:21 em rossi und mir gahts ebe nöd direkt ums geld und darum gsehnd mir das au recht entspannt ah.

ich will nöd jedä tag züg durregah, kontrolliere und abwäge. denn beherrscht mich s geld und s frisst mer zvill ziit weg. ich will bim ne guete ziitpunkt inehaue und ab und ah es aug druff werfe, aber tendenziell au ersch nach jahre was useholle und drum das ganze eifach mal laufe lah.

Also gahts dier doch ums Gäld und wie genau stellsch dänn dä Ziitpunkt fescht, wo du erwähnsch?

Vyse hat geschrieben:

Herr Rossi hat geschrieben: ↑07 Feb 2022 19:16

S wichtigste isch dassi selbst wenn alles sett und Null abegheie ich nid weniger glücklich bi. Eigentlich logisch, alles andere wär beduurenswert.

Das macht absolut kein Sinn. Wieso söttsch weniger glücklich si? Solang nöd verchaufsch, häsch sGäld sowieso nöd, also chasch eigentlich wiiterläbe, als obs gar nöd hättsch.

Ich ha nid nur ei Läbensplan wo mich glücklich macht. Du?

Edit: NFA

tja, das wird sich us dä intuition us irgendwenn ergäh.
uf was ich hinus han welle isch; ich han scho monate lang mini coin investitione nümme aghluegt und mir gahts super. ich han peace of mind und das isch mer wichtiger, als konstant ziit ufzwände und sache ahzpasse, nur damit ich nachr chli meh geld useholl, oder so.

Ich nöd, da Gäld = Läbensziit isch und sälber überhaupt für irgend en Läbensplan au über diini Läbensziit muesch chönne verfüege, gsehn ich absolut kei anderi Möglichkeit, die gits eigentlich au nöd würkli (ussert du gahsch iis Chloster und lahsch döt diis Läbe finanziere oder bisch zfriede als Uustiiger aber ohni jegliche Ahnemlichkeite oder findsch e super tolleranti Sugar Mom). Wüsst nöd, wie me ohni Läbensziit, über die autonom chasch verfüege, irgendwelchi eigeständigi Plän chönntsch schmiede. Es isch en Widerspruch in sich.

läbensziit isch läbensziit, bro. wievill vo dinere läbensziit investiersch sitt jahre mit däne deals und wievill geld, mit dem dir läbensziit erchaufe willsch häsch useghollt? es isch en widerspruch in sich.

Vyse hat geschrieben:Ich nöd, da Gäld = Läbensziit isch und sälber überhaupt für irgend en Läbensplan au über diini Läbensziit muesch chönne verfüege, gsehn ich absolut kei anderi Möglichkeit, die gits eigentlich au nöd würkli (ussert du gahsch iis Chloster und lahsch döt diis Läbe finanziere oder bisch zfriede als Uustiiger aber ohni jegliche Ahnemlichkeite oder findsch e super tolleranti Sugar Mom). Wüsst nöd, wie me ohni Läbensziit, über die autonom chasch verfüege, irgendwelchi eigeständigi Plän chönntsch schmiede. Es isch en Widerspruch in sich.

Das tönt superaschtrengend

Mastler(P) hat geschrieben: ↑07 Feb 2022 19:34 läbensziit isch läbensziit, bro. wievill vo dinere läbensziit investiersch sitt jahre mit däne deals und wievill geld, mit dem dir läbensziit erchaufe willsch häsch useghollt? es isch en widerspruch in sich.

Ich han die meist Ziit müesse nachere Struktur vomene Arbetgäber läbe, da die Struktur fremd- und nöd sälbschtbestimmt isch, isch es nöd diini Läbensziit, verstahsch du das? (Ich meine, ich hätt nöd müesse, aber dänn wärs mier richtig mies gange uuf dä Strass).

Herr Rossi hat geschrieben: ↑07 Feb 2022 19:36 Das tönt superaschtrengend

Total, aber so isch dWürklichkeit.
Wie machsch du dänn das, dass du diini Läbensziit vollumfänglich sälber bestimmsch und trotzdem diine finanzielle Verpflichtige chasch nahcho?

Vyse hat geschrieben:

Herr Rossi hat geschrieben: ↑07 Feb 2022 19:36 Das tönt superaschtrengend

Total, aber so isch dWürklichkeit.
Wie machsch du dänn das, dass du diini Läbensziit vollumfänglich sälber bestimmsch und trotzdem diine finanzielle Verpflichtige chasch nahcho?

Ich ha en Arbet wo mich erfüllt, alles anderi macht kei Sinn

Das glaub ich dier eifach nöd, es git kei erfüllendi Arbet: dLüüt müend sich das aber iirede, demits nöd wahnsinnig werdet, e notwändigi Läbenslüüg, en Würklichkeitsfilter, wo sie vor dä verherende Ernüechterig bewahrt (will, was wär dAlternative?) aber ok, whatever, muesch mich nöd überzüüge.

es gitt allmögliche mensche uf dä welt
meinsch dä david lynch redets sich au nur ih, das ihm sini arbet spass macht? oder händ nur d'arbetnehmer verseit?
beantwort lieber mini frag. wievill ufwand und nutze isch bis jetz bi dir gflosse?

ich find du gsesch alles zu eng. du mousch din geist öffne.

Ich han ja gseiht, ich han nüüt uusegholt, will ich nüüt verchauft han siit Jahre. Viel investiert (ziitlich) han ich aber au nöd würklich.

denn isch ja easy. bonne chance.

Isch jetzt chli pseudocool aber ok.

Und dä Lynch isch ja kein Ahgstellte, er hät sich in Chopf gsetzt, Film ds mache, ich will ja nüüt produziere oder verwürkliche, ich will miini Rueh.

Vyse hat geschrieben:Das glaub ich dier eifach nöd, es git kei erfüllendi Arbet: dLüüt müend sich das aber iirede, demits nöd wahnsinnig werdet, e notwändigi Läbenslüüg, en Würklichkeitsfilter, wo sie vor dä verherende Ernüechterig bewahrt (will, was wär dAlternative?) aber ok, whatever, muesch mich nöd überzüüge.

Du bisch eifach chli en ibildete Gockel wo vo sich uf anderi mues schliesse wil er sich nid cha vorschtelle dass mer cha glücklich sii usserhalb vo dem pseudoromantische Gedanke vom Nütmache. Isch okay, muesi nid verschtoh

Ich luege id Wält, rede mit dä Lüüt und merke ja au wie dStimmig bi dä Mitmänsche isch.
Bin no niemertem begägnet, wo lieber isch go schaffe, als frei gha hät und wer genau am Ändi vo siim Läbe hät jemals bereut, nöd no meh gschaffed zha? Sorry Mann, aber red doch kein Seich. Wänn du eine vo dä wenige bisch, ok, miinetwäge (au wänn ich dier das nöd abchaufe) aber für die meiste isch es es notwändigs Übel (und leider gits au kei Alternative, zum überhaupt e Zivilisation uufrächtzerhalte, dFrag isch, was für es Opfer jede Einzelni defür erbringe söll).