The(G)Forum

*edit*

jo genau, dä HANF häd de FMT pokal doch, oder?!

han ich no nie gspielt, wäre aber offe füres tennis. anere GN bim marco isch nämli tennis super gsi ufdr xbox360 (virtua tennis)

Quelle

Seiya Monogatari: An Earth Fantasy Story

isch es PCE game, au uf SS released. ich spiel d SS version (wegem speichere). optisch wunderschön. am afang chasch d story beiflusse indem als baby erst denn brüehlsch, wenn de charakter dure lauft wo dich söll ufzieh. dadurch unterscheidet sich s spiel. bis wo ane weiss ich aber nöd.

es isch keis klassischs rpg. hesch chum kämpf. die gönd defür länger. au kaum geld, han jez eifach sache verkauft wo meh hoffentlich nid später brucht. exp. system isch au speziell. indem meh kämpft, blockt, magie isetzt etc. düend sich die jewilige stats verbessere. also viel blocke zum verteidigung ufetue, was d kämpf länger macht. MP chasch erhöhe, idem das die jeweilige items sammlisch. findi no originell.

progress isch extrem langsam. oftmals han ich kei ahnig was mache muesch. laufsch ume, redsch mit allne. denn wieder vo vorne. isch schad.

Mr Heli: chasch hirag- und katakana oder gar Kanji?!

Mr. Heli hat geschrieben: ↑17 Feb 2023 07:33 han ich no nie gspielt, wäre aber offe füres tennis. anere GN bim marco isch nämli tennis super gsi ufdr xbox360 (virtua tennis)

Virtua Tennis isch NACH Final Match Tennis s'bescht Tennis ever!

Ja, aber s 2 uf em naomi oder dreamcast

Suikoden Tierkreis bini fertig worde nach 62 Stund Spielzit. Für 1x ganz nett gsi wäg der Story und de Charaktere.

Jetz spili Candy Cr... äh 7 Wonders of the Ancient World ufem NDS. Coole Puzzler zum entspanne und het no gueti Musig muesi säge.

Fatal Labyrinth uf Sega Mega Drive - Sehr oldschooligs Roguelike RPG, aber gfaut mer guet dank der Eifachheit. Bevor i Octopath 2 inehebe bruchi jetz mau öpis nid komplexes

Layer Section / Sega Saturn

Eifach hammer, Saturn isch dazumals völlig a mir verbi gange. Unglaublich geili Games gits...

rebornkid hat geschrieben: ↑24 Mär 2023 07:02 Layer Section / Sega Saturn

Eifach hammer, Saturn isch dazumals völlig a mir verbi gange. Unglaublich geili Games gits...

yep. finds au geil. eis vo däne, wo au no einigermasse bezahlbar isch. sosch sind jo all saturn-shooters 100+ Fr. fasch

Gli esch weder mini jährlichi GAME SESSION. Nach all dene johre entdeck i immerno MULTIPLAYER GAMES wo a mer verbi gange sind.
MASHED (ps2/xbox) zum Biispiel... debi hani Micromachines gliebt (esch offebar vom gliche Programmierteam).

S'esch voll geil! Chönt euse neu Lieblings-Racer werde (bisher esch da Motoroader M.C.)


Quelle

m.o.terra kaesi hat geschrieben: ↑24 Mär 2023 07:53

rebornkid hat geschrieben: ↑24 Mär 2023 07:02 Layer Section / Sega Saturn

Eifach hammer, Saturn isch dazumals völlig a mir verbi gange. Unglaublich geili Games gits...

yep. finds au geil. eis vo däne, wo au no einigermasse bezahlbar isch. soch sind jo all saturn-shooters 100+ Fr. fasch

Leider ja, echt tüür de shit.

Doraemon hat geschrieben: ↑23 Mär 2023 14:45 Fatal Labyrinth uf Sega Mega Drive - Sehr oldschooligs Roguelike RPG, aber gfaut mer guet dank der Eifachheit. Bevor i Octopath 2 inehebe bruchi jetz mau öpis nid komplexes

Das isch mis 3. Mega Drive Game gsi...und s erschte Game wo ich nach 5min versorget ha und nie me zockt ha

ja aus Chline wäri äuä denn o gfrustet gsi. Grafik mies, Musik langwilig, Gameplay altmodisch, aber mir gfallts hützutags ganz guet, ämu für 1x düre spile. Bi jetz i Level 25 und es wird langsam hert.

Octopath 2 hani scho wieder nach hindere gschobe. Ha eigentlech nur schnell churz wöue is Shin Megami Tensei Devil Survivor (Nintendo DS) ineluege, aber es het mi grad packt und ha jetz scho 12 Stund ufem zähler. Top Strategie RPG!

m.o.terra kaesi hat geschrieben: ↑24 Mär 2023 07:56 Gli esch weder mini jährlichi GAME SESSION. Nach all dene johre entdeck i immerno MULTIPLAYER GAMES wo a mer verbi gange sind.
MASHED (ps2/xbox) zum Biispiel... debi hani Micromachines gliebt (esch offebar vom gliche Programmierteam).

S'esch voll geil! Chönt euse neu Lieblings-Racer werde (bisher esch da Motoroader M.C.)


Quelle

Isch Chu Chu Rocket eigentlich au uf euere Multiplayer Liste? Ufem DC hätt das dazumal mega Spass gmacht, ich glaub mehr chan au Lokal 4 Player mache...

sirarthur hat geschrieben: ↑29 Mär 2023 14:24 Isch Chu Chu Rocket eigentlich au uf euere Multiplayer Liste? Ufem DC hätt das dazumal mega Spass gmacht, ich glaub mehr chan au Lokal 4 Player mache...

ja isch druff. esch es geils game. hämmer paar mol spass gha demit. allerdings söttsch ned zviel kiffe dezue
https://thegforum.ch/viewtopic.php?f=15&t=2764

Nintendo Wii bini am gä

Mario galaxley 1 duregmacht nachdem sit release nüm gspielt.
denn no sin&pu 2 uf easy
und jez metroid other m. no niebeändet hanis

Hallo evo, schön di ds läse Und nice bis h am Wii spile.

Sali doraemonlr, hejo, widermol ihlogge

Ja däich, ds gforum bringts nach wie vor! I liese immer gern was d Lüt so spile Oder was sie ds motze hei

Immer no dran am Shin Megami Tensei Devil Survivor. Ganz grosse Klasse isches. Ersch mini 2. Erfahrig mit de Shin Megamlers, aber wie Teil 5 uf der Switch isches genau mis Ding. Bi jetz ca. ir Helfti. Gloub weni nid immer würd grinde zum Dämone uflevele de wäri scho lang düre, aber dänke so 150 Stund chani scho usepresse us däm Teil. När hani gseh es git no e witere Teil ufem DS wo e Dungeoncrawler isch. Uf dä fröi mi no fasch me, i liiiiebe Dungeoncrawler.

Jetz Advance Wars uf der Switch, ändlech! Schön viel content hets und i fröiemi scho uf paar zünftigi Online Schlachte gäg mi Brueder. Bim 1 hani d Kampagne scho fasch düre.

bini au dra. leider würklich nume remake, paar neui einheite wäred interessant gsi.

Klar wär das der Hammer gsi, aber i bi glich sehr zfriede. Am liebste häti gha wenn sie e Famicom Wars & SFC Wars Collection häte bracht.