The(G)Forum

The Sheep hat geschrieben:Machts nit Sinn in jedi neui Crypto Währig es paar wenigi Franke z'inveschtiere?
Ich mein, göhn doch alli zerscht mol ufe, wenn nur eini vo vielne einigermasse erfolgrich wird (zb wie Ethereum oder Dash), sött sich das doch lohne und jenschti andere wo failed kompensiere, oder gits da en Hake?

Was meinet ihr zB zu IOTA ?
Git Lüt wo säget es chönnti die erfolgrichschti Währig näb Bitcoins wärde. Aktuell isches no spottbillig (<1$). Wär doch öppis womer en Hunni inveschtiere chönnti, oder nit?

Ich glaub das isch halt eifach e Frog vo de Mängi, es gid e so viel Cryptowährigä, und diä meischtä sind nüt und werded niä öpis sii, diä eint oder ander isch au schlicht en Scam.
Sälbscht wenn Geld hettisch zum würklich bi allnä chli öpis inäzwerfä, undmer denn seit, dass jo doch sehr vili zerscht mol im Wert stiiged, nützder das nur öpis wenn denn au grad wieder verchaufsch (und tatsächlich kauft hesch bevor de Asstieg cho isch...isch also au nid als wär das kei Arbeit, falls das überhaupt möglich isch). Wenn aber immer nachem erschtä Astieg verchaufsch, bisch scho duss falls eini würklich erfolgriich wird, will öbs diä isch erscht merksch, wenns witer ufä god, oder ebä wieder i sich zämäbriicht.
Also muesch eigentlich uf all diä erschtä Astieg verzichtä, und alles abschriibä was sich nid würklich über längeri Zit haltet, was denn um so meh druck uf diä einti macht, wo sich haltet, diä mues denn sehr erfolgriich sii, dass du dis züg wieder chasch wett machä, und wenns denn würklich so wit isch, bisch wieder bi de glich Investition/Risiko/Verluscht/Gwünn Überlegig, wiä wenn eifach en tuusiger i diä einti Währig gsteckt hettisch, wos scho dütlich gsi isch dassi sich villicht über längeri Zit chönti etabliere.
Letschteres wod seisch tönt jo aber nid ganz so Gieskanne Mässig. Aber sobalds selektiv isch, gods denn ebä au wieder drum wenn di wiä für was entscheidisch, wiä viel dasd weisch und dini nervä.

ich tschegge gar nüt würd aber gern 5 bitcoins chaufe

was muessi mache? eifach google ischmer zunsicher

aber wiä gxeit, eigentlich machts kei sinn. es sött ja es tusch instrument sii und kein hokus pokus.

Acid hat geschrieben: Ich glaub das isch halt eifach e Frog vo de Mängi, es gid e so viel Cryptowährigä, und diä meischtä sind nüt und werded niä öpis sii,...

Warum? Schlussendlich basiereds uf em gliche prinzip. den wäred ja alli glich guet.

Es gaht ja nur drum, Geld als tuuschmittel zu ersetzte, will bide BC kein staat dehinder isch. ergo hät de BC Coin au kein reale Wert.

Viele denken das der enorme Preissteigerung von Bitcoin eine Blase ist.
Also aufpassen, wenn man investiert (zB automatische Verkaufslimite bei fallendem Kurs einrichten)
Es gab bei Bitcoin auch schon Kursabstürze.

President Evil hat geschrieben:Es gab bei Bitcoin auch schon Kursabstürze.

Logisch gits. Grad im Momänt isch de Kurs Rollercoaster galore. 6700 $ zur Zit. Vor 2 Tag isch er über 7800 $ (Alltime Record).
Isch en guete Momänt um z'inveschtiere, oder für immer d'Finger devo zla

casino schwarz oder rot. isch eifacher.

geosnow hat geschrieben:casino schwarz oder rot. isch eifacher.

hm nei. blind spiele mag i nit. Cryptowährige händ nüt mit random zocks a la Casino ztue.

Es goht allerdings nit ohni dass mer sich ischafft ins Thema. Und mir chunnts vor wie Linux wemer mit Microsoft Betriebssystem ufgwachse isch. Es gseht alles bitz nach Baschtelzüg us, benutzerundfründlich und kompleziert. Ich tue mich sälber no schwer demit, aber es fasziniert mich au, und solang ich nur Beträg inveschtier wo ich mir leischte chann, schaff ichs au mi nit nervos lo zmache.

Han da es informativs Video gfunde zur Kursrally vom Bitcoin ide letschte 3 Täg:
https://youtu.be/Tc9GcfC5-ms

The Sheep hat geschrieben: Was meinet ihr zB zu IOTA ?
Git Lüt wo säget es chönnti die erfolgrichschti Währig näb Bitcoins wärde. Aktuell isches no spottbillig (<1$). Wär doch öppis womer en Hunni inveschtiere chönnti, oder nit?

Im Momänt gits e richtige Hype ume IOTA. I ha uf jede Fau inveschtiert. Hüt ischer bis uf 0.68-69 USD uche. I dänke das chönnt öppis wärde.


Es git das Jahr anschinend no einigi Akündigunge. Lug mau ids IOTA Reddit

es isch casino. drum gits au so viel devo. jede wot profitiere. d idee vom reine zahligsmittels isch scho lang tot.

isch ja komisch, wenn de Währig nur vode Deflation lebt. eigentlich isch e währig nüt wert.

Wenns wie Casino isch, chasch du mir bestimmt sage, warum d'Roulette Chugle bi rot ghalte het und nit bi schwarz, oder?

geosnow hat geschrieben:es isch casino. drum gits au so viel devo. jede wot profitiere. d idee vom reine zahligsmittels isch scho lang tot.

isch ja komisch, wenn de Währig nur vode Deflation lebt. eigentlich isch e währig nüt wert.

Im Cryptospace inveschtiersch in Startups. Wänn dIdee verhebt und sich vor allem etabliert, stiig logischerwiis dä Wert. Dä Coin isch hüüfig en inhärente Teil vo dä Tech-Idee (z.B. Bi SONM, wo Rächeleischtig zur Verfügeig stellsch und defür ebbe mit däm, zum Projäkt dezueghörige Cryptocoin belohnt wirsch, wo dänn natürli ah Wert gwünnt, falls sich SONM durchsetze wür). Es isch insofern keis Glückspiel, sondern en technologische Wettstriit, wer die beschte Lösige und Ideeä basieren uuf dä Blockchain-Technologie ahbüüte chann (natürli ghört au guets Marketing dezue).

Pombaer hat geschrieben:

The Sheep hat geschrieben: Was meinet ihr zB zu IOTA ?
Git Lüt wo säget es chönnti die erfolgrichschti Währig näb Bitcoins wärde. Aktuell isches no spottbillig (<1$). Wär doch öppis womer en Hunni inveschtiere chönnti, oder nit?

Im Momänt gits e richtige Hype ume IOTA. I ha uf jede Fau inveschtiert. Hüt ischer bis uf 0.68-69 USD uche. I dänke das chönnt öppis wärde.


Es git das Jahr anschinend no einigi Akündigunge. Lug mau ids IOTA Reddit

Jup, IOTA goht ab zur Zit. hani au bitz ikauft chürzlich. Isch fascht 50% ufe innerhalb vo wenige Tag
Kennsch du di us mit de IOTA Wallets? was isch de Vorteil vo full node gegenüber light wallet?
Han zwar gläse was de unterschied isch, aber i schnalls nit

Vyse hat geschrieben:

geosnow hat geschrieben:es isch casino. drum gits au so viel devo. jede wot profitiere. d idee vom reine zahligsmittels isch scho lang tot.

isch ja komisch, wenn de Währig nur vode Deflation lebt. eigentlich isch e währig nüt wert.

Im Cryptospace inveschtiersch in Startups. Wänn dIdee verhebt und sich vor allem etabliert, stiig logischerwiis dä Wert. Dä Coin isch hüüfig en inhärente Teil vo dä Tech-Idee (z.B. Bi SONM, wo Rächeleischtig zur Verfügeig stellsch und defür ebbe mit däm, zum Projäkt dezueghörige Cryptocoin belohnt wirsch, wo dänn natürli ah Wert gwünnt, falls sich SONM durchsetze wür). Es isch insofern keis Glückspiel, sondern en technologische Wettstriit, wer die beschte Lösige und Ideeä basieren uuf dä Blockchain-Technologie ahbüüte chann (natürli ghört au guets Marketing dezue).

Also isch de Coin i dem Fall en Ateilsschii, wo inere form vonere Münzi virtuell ghandlet wird. Warum seit mer das denn nöd eifach so.

Wobi bi BTC gxehni de mehrwert nöd. Dieä Firma macht was, ussert Recheleischtig verpulfere? Die ganz Gschicht erinneret mich a 1996-2000 und Crash.

Bitcoin knackt 8000 Dollar Marke

CASINO royal.

ja isch sicher kei spekulation drin wenn apps für hersteller minet. das wird eh bald reguliert.

thaeye hat geschrieben:ja isch sicher kei spekulation drin wenn apps für hersteller minet. das wird eh bald reguliert.

wiä meinsch jetzt das?

si malware apps uftoucht, wo im hingergrund mit de SOC währig mine und am user dr Akku leer suuge... lol

Es geit eeeeeeeewig bis e Zahlig bestätigt wird. Völlig düre bi rot!

Jones hat geschrieben:si malware apps uftoucht, wo im hingergrund mit de SOC währig mine und am user dr Akku leer suuge... lol

Feschtplatte vom Rächner vonere Kollegin isch vor es paar Wuche immer voll gseh. Egal wieviel Platz mer freigmacht het, er isch instant wieder belegt gse. Si het nit mol mer Emails chöne abrüefe. Het sich denn usegschtellt, dassi en Malware druf het gha wo Bitcoins gminet het.

krass

The Sheep hat geschrieben:Bitcoin knackt 8000 Dollar Marke

chasch du mir jetzt mal sage, wo da gnau i was investiersch?

was minen? was wotsch minen gold? rechenleischtig für was?

Vilicht au mal Bitcoin Cash chli im Aug phalte...

Apropos...für die wos verpasst hend....alli wo afangs August e Wallet mit BTC druff gha hend chönd die nach wie vor inere Bitcoin Cash Wallet ilese. D Blockchain het sich damals gspalte und mer het uf beidne Coins druff.

geosnow hat geschrieben:

The Sheep hat geschrieben:Bitcoin knackt 8000 Dollar Marke

chasch du mir jetzt mal sage, wo da gnau i was investiersch?

was minen? was wotsch minen gold? rechenleischtig für was?

mal ganz vereifacht:
Generiert wird die Währig durch Lüt wo ihri Computer automatisch Rächeufgabe löse lön, um bestimmti Codes zfinde. Het din Rächner sonen Code gfunde, wird er automatisch mit allne wo das mache vergliche, und wenn de Code nonig exischtiert, hesch quasi Gäld generiert. Das nennt mer mine.
Je mehr Lüt das mache, deschto schwieriger wärdet die Ufgabe und dementsprächend lenger gohts bis neui Codes gfunde wärde.

Jede chann mine.
s'Programm dezue choscht nüt. Chasch hüt no uf dim PC dihei afange mit. Allerdings bringt das ganze nur öppis wenn en Rächner hesch wo hardwaremässig speziell geeignet isch für die Wärig wo möchtsch mine. sunscht überstiege dini Stromchoschte das wo useholsch. Au en guete Gamer PC dörfti da nit effiziänt gnueg sie. Richtigi Bitcoin Miner verwände Rächner mit speziell leischtigsstarke und glichzitig stromeffiziänte Komponänte. Dezue chöme spezielli Netzteil und 6-8 Grafikcharte pro Rächner.

Was isch de Sinn devo soviel Rächeleischte zverpulvere.
Well, du muesch ja wie bim härkömmliche Gäld irgendöppis ha, wo de Nachwis erbringt dass das Gäld wo du behauptisch dass es dir ghört ächt isch. Chasch ja nit es Blatt Papier mit 50 Franke beschriebe und denn im Coop demit go ichaufe. Sunscht würds en Inflation gä.
Durch die Einzigartigkeit vo somene Code und durch Tatsach dass jedi Transaktion mit allne andere Transaktione vergliche wird, wird sichergschtellt dass de Bitcoin tatsächlich durch mine erzügt worde isch (Proof of Work nennt mer das), dass er dir ghört und dass wenn öppis demit chaufsch er ebe nüm dir ghört.

Falls i en Chabis verzell, Xino dörfsch mi gärn korrigiere.


So gseht en professionelle Miner PC us:



Und so din Arbeitsplatz wenn so viel Gäld demit verdiene willsch dass guet devo chasch läbe: