Fallout 4 !!

[Asskicker]

Alcom verschickt au hüt, pip-boy edition etc weisi aber nöd.

[President Evil]

Ihr zocket auf PS4 / Xbox One ?, Pc wird das wohl nid möglich si, well no Date vo Steam abgelade werde münd. Di wärdet erst am 09/10. November verfügbar si.

[thaeye]

oh mann agfange und scho widr 10 quests im logbuech. min tod.

[feeshlee]

tüei flissig verzelle, wies isch.
ich hols mir uf petse.
skyrim uf ps3 mit dä scheiss controller stürig isch en nightmare gsi. NIEMEH!!

[geosnow]

nerd

[Master(G)]

es isch FANTASTISCH!

meh muess und will ich ned säge. suscht schriib ich romän.

[Buccaneer]

Schrieb!
Was machts besser als d Vorgänger?

[Master(G)]

alles!

[Skeletor]

es isch würklich unglaublich super. ganz krass. s'ganze wuchäänd gspielt. es isch ä elendi sucht. s'git soooo viel z'entdecke. ich liebe das.

aber: wär fallout 3 nöd guät gfunde hät, wird au ah däm nöd freud ha.

[Master(G)]

wahr! ich ha au viel zviel gspielt das weekend, nüme chöne ufhöre!!

und was mich bsunders freut: egoshooter-mechanike sind 1a dasmal. es fühlt sich richtig guet ah! nöd so wie früener...

50er jahr musik in pip-boy inehaue und uf entdäckigstour gah.
nöd viel games gitts wo mich so krass motiviered wie das!

[Bejita]

Es isch super!! Ig ha no kei Bug gha?!?!

[Skeletor]

50er jahr musik in pip-boy inehaue und uf entdäckigstour gah.
nöd viel games gitts wo mich so krass motiviered wie das!

genau das. fantastischi stimmig.
und ebä, entdecke, entdecke, entdecke. und ah dä eigete waffe umebaschtle. mega.

@bejita
ich han bis jetzt 3mal bugs gha (ps4)
- eimal eifach s'game abgstürzt.
- eimal isch mini waffe unsichtbar ih dä hand gsi
- und eimal sind mini favorite uf r1 nöd richtig überno worde, wo ich mit em stürchrütz usgwählt ha, isch zwar mini pischtole azeigt gsi, gnah hät er aber öpis ganz anderes wo vorher druff gsi isch.


aber verschmerzbar. läck ich wott go game.

[thaeye]

morn frei hehe. aber im ernst wie machet ihr das i dene open world spieli, ich lahn mich amigs so vo dene nebequests "verwirre" das ich am schluss s grosse ganze us de auge verlüüre. ufem weg nach diamond city findsch ja scho jenstes sidequests und überlebendi. han au scho sini heimatstadt mit dene siedler bereits chli apasst, isch nah witzig de baumodus.

was ich nöd schnall, die monsterrüstig treisch ja immer mit dir, wo chasch uflade? oder wie lauft das wenn kei moscht meh häsch.

[Skeletor]

git fusionskerne wo mä amigs ih dä gebäude gfind. genau glich wiä diä 1. batterie gfunde häsch.
ich han dä azug aber nöd mit, wott das nöd würklich.

ich sött au nach diamond city, aber ich machs nöd. ich gang viel lieber überall chli go entdecke und nebequests go machä. ich verlür mich total ih dä wält. und gnau das lieb ich so.

[Skeletor]

hät eigentlich öper scho d'app usprobiert wos däzue git? (nöd s'game fallout shelter!)
lohnt sichs?

[thaeye]

ne wird ich au nöd, apps sind nöd mis ding.

ich han de siedler 5 noi bett gmacht, 5 wasserspender und jetzt waends z fresse aber ich han nix. söllets halt verrecke. de mit sim lasergwehr isch mir eh z fründlich.

[Skeletor]

ich han diä better chrütz und quer überall innestellt.
dänn es paar sachä eifach irgendwo annepflanzt.

ä siedlig bau etc. macht mich gar nöd ah. bi dä waffe und rüschtige wiederum findis interessanter.

[Master(G)]

baue find ich supercool! ha huere freud. han scho 4 siedlige. min sohnemann findet baue sbescht feature vom game rofl! mier händ glaub geschter zäme 4 stund nur baut.
isch aber es wiili gange, bis mir usegfunde händ, wie mer mit strom/powergeneratore/liecht umgaht
de scheiss kupferdraht für stromkabel isch no rar irgendwie...

waffe baue isch au geil, wirde wohl eine uf waffe-nörd perk mache.
hamer geschter es laser-sniper-gewehr baschtled. bin huere lang uf de suechi nach fiberglas gsi!
materialie sueche isch mängisch bitz ätzend. zum glück chamer markiere, de zeigts ah, ob es item z.b. kupfer enthaltet...
mer sött prinzipiell eifach jedes item isacke womer gfind glaub, hilft enorm.
muesch halt eifach zwüschedrin zrugg is siedlig, de schrott schnell im workshop ablade.

@aug: grad am afang gitts en quest, wo es paar farmer vor bandite beschütze muesch. die farmer händ melone und tomate. chasch es paar pflücke und i dini siedling bringe und dette apflanze.

[Master(G)]

app isch witzig. isch real-time. gsehsch di z.b. uf de map grad in echtziit umelaufe. isch halt eifach en pip-boy quasi. chasch alles mache, wo suscht in pip-boy wechsle muesch.
ufeme ipad chunts guet, da grösser.
es hett nur ein riese nachteil die app (und das isch de grund, warum ich sie ned benutze): wenn sie aktiv isch, rucklets game sehr schad. aber jänu. evtl. gitts en patch, und suscht chasch au ziemlich guet ohne app läbe.

[thaeye]

baue find ich supercool! ha huere freud. han scho 4 siedlige. min sohnemann findet baue sbescht feature vom game rofl! mier händ glaub geschter zäme 4 stund nur baut.
isch aber es wiili gange, bis mir usegfunde händ, wie mer mit strom/powergeneratore/liecht umgaht
de scheiss kupferdraht für stromkabel isch no rar irgendwie...

waffe baue isch au geil, wirde wohl eine uf waffe-nörd perk mache.
hamer geschter es laser-sniper-gewehr baschtled. bin huere lang uf de suechi nach fiberglas gsi!
materialie sueche isch mängisch bitz ätzend. zum glück chamer markiere, de zeigts ah, ob es item z.b. kupfer enthaltet...
mer sött prinzipiell eifach jedes item isacke womer gfind glaub, hilft enorm.
muesch halt eifach zwüschedrin zrugg is siedlig, de schrott schnell im workshop ablade.

@aug: grad am afang gitts en quest, wo es paar farmer vor bandite beschütze muesch. die farmer händ melone und tomate. chasch es paar pflücke und i dini siedling bringe und dette apflanze.

gsesch die scheiss farmer han ich verpasst will ich wohl eifach chli umeglofe bin.

[Master(G)]

lueg, ha mit de pip-boy app grad en screenshot gmacht, has dir ichreist.. dette muesch ane!

[Skeletor]

ich will go game. läck mir, diä glich sucht wiä bim 3er.

[thaeye]

lueg, ha mit de pip-boy app grad en screenshot gmacht, has dir ichreist.. dette muesch ane!

huere nett danke. aber en rechte weg, den isch diamond city fast nöcher.

[Master(G)]

ich bin nonig in diamond city gsi

aber isch ned wiit zum farmer. gseht evtl. so us, aber isch rächt nöch...

[thaeye]

ich au nöd, drum han ich ja gmeint, ich gang ebe eifach geg abe uf de map und schaff alles ab ufem weg nach diamond city. du bisch eifach chli umeglofe nimm ich mal aa.