The(G)Forum

Da no Präsentation vom init7/Fiber7-Scheff zum Produkt (technischi und gschäftlichi Aspekt) für die wo's interessiert: https://drive.google.com/file/d/0B1dniA ... view?pli=1" onclick="window.open(this.href);return false;

No interessant: Die meischte Glasfaser-Abüüter mached Hardware/Infrastruktur-mässig genau gar nüt, sondern übernähmed da alles tutti quanti vo de Swisscom bzw. de Stadtwerk und verchaufeds a d'Enduser wiiter und drum sind die Agebott au alli öppe glich langsam. Fiber7 "funktioniert" i däre Form, will sie vo de Swisscom nume die "toti" Leitig zum Huus mieted (das da: http://www.swisscom.ch/en/wholesale/pro ... s/alo.html" onclick="window.open(this.href);return false; ) und sie dänn sälber betriibed. Sprich: i de Telefonzentrale hänkeds sie sie an en eigene Switch, wo mit em eigene Internet-Backbone verbunde isch.

Ich bin au debii, han kündet bi de Cablecom und warte jetzt uufs Modem. Ich han überraschenderwiis sogar scho ä OTO-Buchse ide Wohnig gha. MEGA!

Viel Spass mit de Konfiguration vom Mikrotik

Gurgelhals hat geschrieben:

Viel Spass mit de Konfiguration vom Mikrotik

chasch mer denn ja helfe

rolf, ich bin ja sälber meh schlächt als rächt am umeimprovisiere mit dem Ding

Port-Forwarding Regle z'erstelle isch scho mal nöd ganz eifach. Dänn mousch immer alles parallel für IPv4 und IPv6 mache, will Fiber7 IPv6 vollständig understützt (was ja eigentlich super isch, aber i die ganzi IPv6-Materie han ich mich trotzdem dörfe iiläse). Mit Firewall-Chains und Interface-Konfiguratione han ich mich bisher au nonig gross usenand gsetzt, aber da isch es au früehner oder spöter mal nötig, usw. Isch halt würklich nöd Plug & Play (sträng gno natürlich scho: Du chasch das Ding istecke und du häsch Internet, sowiit isch er vom Provider scho vorkonfiguriert. Aber ebe: Sobald chli meh bruchsch - statischi IPs für dini Clients, Port Forwarding für Torrents, usw. - gaht's ziemlich schnäll mal ap ). Anderersiits sind d'Möglichkeite, wo dir das Ding ab Werk büütet, halt scho rächt beidruckend.

Rückblicked würd ich aber wahrschinlich statt em Router doch nume d'Optik + Mediakonverter näh, vorerst mit em alte Router wiiterfahre und druf warte, dass en Router für de Consumerbereich usechunnt, wo würklich alles schafft (also au 1Gbit/sec WAN<>LAN-Throughput).

De Lerneffekt isch doch sowiso immer s beschte a neuem Technik-Spielzüg. Isch doch super, wemer sowas via Try & Error selber chan ufbaue. Ich wär beleidigt wenn die mir en Systemtechniker würded schicke Das isch chli als würdsch bimene neue Lego Bausatz amene Kolleg alüte demit ers für dich chan zemebaue...

Xinobrax2 hat geschrieben:De Lerneffekt isch doch sowiso immer s beschte a neuem Technik-Spielzüg. Isch doch super, wemer sowas via Try & Error selber chan ufbaue. Ich wär beleidigt wenn die mir en Systemtechniker würded schicke Das isch chli als würdsch bimene neue Lego Bausatz amene Kolleg alüte demit ers für dich chan zemebaue...

trial and error, isch dä üblich usdruck. nur so am rand. bi sprach bini mängisch bitz empfindlich, au wenni wie en chrüppel schrieb.

Mastler(P) hat geschrieben:

Xinobrax2 hat geschrieben:De Lerneffekt isch doch sowiso immer s beschte a neuem Technik-Spielzüg. Isch doch super, wemer sowas via Try & Error selber chan ufbaue. Ich wär beleidigt wenn die mir en Systemtechniker würded schicke Das isch chli als würdsch bimene neue Lego Bausatz amene Kolleg alüte demit ers für dich chan zemebaue...

trial and error, isch dä üblich usdruck. nur so am rand. bi sprach bini mängisch bitz empfindlich, au wenni wie en chrüppel schrieb.

Spillt doch kei Rolle...

ja eh, mind never.

im not implying your arent playing with a filled deck, nor am i playing satan's advocate.
i actually think we're seeing eyeball to eyeball on this one.

just take my advice with a granulate of salt.

Ich merks mir jetzt für de Rest vom Lebe...merci.

lol...bitte^^

aber ja, super agebot. machi vilich au irgendwenn. schriebed wieter, will eich nöd stöhre.

Hans jetzt also dihei und es isch wahnsinnig schnell. Aber mit de Konfiguration hani no chli Müeh. Momentan chumi nume per Wireless is Internet und mitere Wired Connection bini zwar mitem Router verbunde, aber er laht kei Internet dure. Usserdem funktionierts Wi-Fi Internet momentan nume uuf eim Grät gliichziitig. Sobaldi mis Natel mit Wi-Fi au no verbinde gheit entweder s'Handy oder de Laptop use. Han s'Modem am Aafang müese resett wil es Passwort verlangt worde isch, aber das hett au nüüt ghulfe.
Chume nöd ganz drus

Wänn'd en Factory-Reset gmacht häsch, sind evt. wichtigi Istellige verlore gange (womöglich isch die ganze IPv4-NAT-Konfiguration usegheit, dänn isch natürlich klar, dass immer nume eis Grät gaht). Am beschte tousch z'allererscht mal s'Konfigurationsfile vom Provider neu ispiele: https://www.fiber7.ch/fiber7-support/" onclick="window.open(this.href);return false; (Obacht: d'WLAN- und Admin-Passwörter wärded da au neu gsetzt; die stönd i de dezugehörige Aleitig).

Das hani natürli gmacht und denn ischs immer nonig gange. Gester znacht ischs mer jetzt aber glunge und jetzt schiint alles problemlos z'funktioniere. Nume bi Torrents chumi nonig so uuf d'Höchi. Über 2Mbit bini nonig übere cho. Häsch vilicht ä gschiidi Liste für Torrent und Gaming Ports? Bzw. checki s'forwarding uuf dem Router nonig so gnau. Das wirdi aber schono chönne usefinde. S'GUI vom Router isch chli gar Advanced und das machi weiss Gott nöd zum erste Mal

Port Forwarding machsch under IP > Firewall > NAT.

Det neui Regle erstelle und zwar mit folgende Agabe:
a) d'Kriterie für s'Forwarding:
- Chain: "dstnat" (= d'Afrag chunnt vo usse a d'WAN-IP und sött a e bestimmti LAN-IP)
- Protocol: 6 (tcp) (oder udp bzw. no e zweiti Regle für en udp-Port, falls din Torrent-Client de brucht)
- Dst. Port: [Portnummere wie im Torrent-Client spezifiziert]
- In Interface: sfp1 (= s'Interface, wo dini Glasfaser-Optik drin isch, also effektiv de WAN-Port)

b) d'Forwarding-Regle:
- Action: dst-nat (= Afrag witerleite a die folgendi IP-Adrässe/Port)
- To Adresses: [IP-Adrässe vom Rächner, wo din Torrent-Client druf lauft]
- To Port: [Portnummere wie im Torrent-Client spezifziert]

Vorher setzisch am beschte no e statischi IP-Adresse für din Client, das gaht under IP > DHCP-Server > Leases. Det de entsprächendi Host aklicke und obe uf "Make Static" klicke und das wärs au scho und zuedem ohni müehsams MAC-Adresse abtippe. Nachher chasch det problemlos au en anderi statischi IP-Adresse für die jewiilige Grät bestimme.

Gurgelhals hat geschrieben: Rückblicked würd ich aber wahrschinlich statt em Router doch nume d'Optik + Mediakonverter näh, vorerst mit em alte Router wiiterfahre und druf warte, dass en Router für de Consumerbereich usechunnt, wo würklich alles schafft (also au 1Gbit/sec WAN<>LAN-Throughput).

i üsne tests hei de D-Link DIR-880L und DIR-868L immerhin 900-950Mbit/s gschafft.

es isch denn eher client siitig schwierig worde zum de speed usreize.

Meh als 940Mbit/sec netto liit afaik sowieso nöd drin. De ganzi Overhead frisst um die 50-100Mbit/sec, entsprechend sind das sehr gueti Wert.

Bezüglich Routerfrag chunnt bi mir halt au no dezue, dass ich dene Consumer-Modäll vo Asus, Linksys, DLink, Netgear, usw. nach über 10 Jahr 3rd Party-Linux Firmwares nöd würklich über de Weg traue was Stabilität, Zueverlässigkeit und Konfigurationsmöglichkeite betrifft. Es gitt erfahrigsgemäss immer irgendöppis, wo die Dinger mit de proprietäre Firmware ab Werk nöd chönd und/oder sie zum abstürze bringed, und für das han ich eifach kei Geduld meh. Und was die verschiedene Highend-AC-Router betrifft, han ich au ghört, dass die rächt heiss wärded. Da würd ich drum wohl doch ehner uf d'Ubiquiti-Lösig wächsle (will "Prosumer"-Hardware) und in chauf näh, dass es dänn halt näbed em Media Converter au no en extra Switch und en Access Point brucht.

Bi dene AC Router ghör ich vor allem extrem Unterschiedliches:
dr Netgear R7000 het bereits exzellente Support vo dd-wrt. En Typ namens Kong macht sich recht um das Gräät bemüeht. Allerdings: nach gwüsse Teschts ischer dr schnellscht Router ever, nach andere ischer eher im Mittelfeld, wenn im 2.4Ghz Bereich bisch. Hetti mee Geld, ich würds eifach mal waage und das Ding chaufe.
Router müend bi mir sowieso nüd soo viel chönne, wil ich es pcengines Board verwende, wo mit OpenBSD bestückt isch, für alles, was Firewall, DHCP etc. betrifft

Hm, gemäss de Release Notes isch aber da offebar d'NAT-Hardwarebeschleunigung deaktiviert, will sie irgendwie no verböggt isch und entsprächend chunnt das Grät mit DD-WRT ebefalls nöd über 400Mbit/sec. Unsicherheite wie die sind ebe genau das, wo ich kei Luscht druf han.

Gurgelhals hat geschrieben:Hm, gemäss de Release Notes isch aber da offebar d'NAT-Hardwarebeschleunigung deaktiviert, will sie irgendwie no verböggt isch und entsprächend chunnt das Grät mit DD-WRT ebefalls nöd über 400Mbit/sec. Unsicherheite wie die sind ebe genau das, wo ich kei Luscht druf han.

Was? Ich han gmeint, das seg sitem letschte Kong release aktiviert?

Kong hat geschrieben:Build 24710 23. July 2014 +++++++++++++++++++++++++++++++++++++++++++++++++++++++++++++++++++++++++++++++++++++++++++++++++++

Update 07/24 8:28AM:

-fix privoxy rule file
-fix accept_ra value for native ipv6 without pd

New:

-DD-WRT Turboboost (NAT acceleration) with qos support. WAN-LAN routing speed in lab ~800Mbps
-minidlna update
-ipv6 implementation for native IPV6 and IPV6 with pd includes ipv6 dhcp client/server
-openvpn scramble integration to make it difficult for censors to detect openvpn traffic
-user password field for openvpn client. It is not neccessary anymore to create a password file through "Save Startup"
and add the auth-user-pass option to "Additional Config"

Fixed:

-openvpn with qos enabled
-openvpn status page
-sporadic upgrade failed when flashing (introduced in 24500)
-minidlna video stalls for some clients

Hm, wiiter obe i de Release Notes staht ja folgendes:

Build 25015 13. Sep 2014 +++++++++++++++++++++++++++++++++++++++++++++++++++++++++++++++++++++++++++++++++++++++++++++++++++

HW NAT removed until we have fixed all known issues

[...]

Build 24865 15. Aug 2014 +++++++++++++++++++++++++++++++++++++++++++++++++++++++++++++++++++++++++++++++++++++++++++++++++++

New:

-HW NAT option allow to switch HW NAT on and off (HW NAT is experimental and may not work for everyone, by default it is off)
-dnsmasq update 2.71
-update openssl 1.0.1i
-wireless TPC settings
-some wireless parameter optimizations (reset required)*

Oder isch das öppis anders? Chume nöd drus.

Nei, ich glaub du hesch recht. S git ke HW NAT fürs dd-wrt uf em R7000.

So wie ich das verstahne isch s'hardwarebeschleunigte NAT uf dene Grät e proprietäri Lösig, wo fixfertig vo Broadcom a d'OEMs glieferet wird. Entsprächend gaht das nume via Hersteller-Firmware und chan nöd i eme Open Source-Projekt implementiert wärde (bzw. schiined d'Versüech, die Funktionalität irgendwie z'reproduzeire no nöd würklich z'fruchte). Isch chli fark, will mit Closed Source Firmware will ich uf dene Dinger ebe würklich nüt meh z'tue ha.

Edith: Ah, er erchlärt's no rächt guet: http://forums.smallnetbuilder.com/showt ... hp?t=18144" onclick="window.open(this.href);return false;

Mir hei hie ir WG e 60/60er Fiber vo iWay (via EWB), scho nur das macht Spass. Und ize hani ou no gad mit Flachband-Kabel die ganzi WG verkablet und dr Server vo mim Zimmer id Chuchi gsteut.

Gigabit-WG mit 7.5 Mb/s Internet (Ping: 4ms) für den Gewinn

Plex

Synology

Glasfaser

Automation & Usenet

Passthepopcorn


Und ändlech Rueh im Zimmer!

Your message contains too many smilies. The maximum number of smilies allowed is 30.

Ei Frog: für was brucht me de ultrakrassi Upload? Was Cha me schönes astelle mit dem?