The(G)Forum

früecher no maniac und videogames gläse bzw sogar im abo gha.
gloub mis letschte videospiel magazin hani vor 8 jahr oder so chouft!

D Gamestar fiiret Jubiläum, 15 Johr gits das Heft jetz scho. Nid schlecht.

Und ds 20jährige wird d Printusgab nüm erlebe. Lächerlichi 130 Site hets jetz no und ds lese gits die druckti Version vor Homepage. Nume dank de DVDs machts überhopt no Sinn das ds choufe. Schad.

ich finds gamepro no guet. hät va. ä sehr gueti dvd debi, neu sogar in hd...

mir gfallet au d'gamepro redaktöre no guet. si sind relativ offe gegenüber neuem und humorvoll... also nöd so senili seniore wie im m! games und au kei konservativi-konsolenazis wie i dä konsolespezifische heftli, sondern eifach nume interessierti gamer.

ha vom gamepro mou es gratisheft pschtöut. mou luege wies isch.
finges au cool wenn ab und zue es heftli im briefchaschte lit.

Koop Kooper hat geschrieben: finges au cool wenn ab und zue es heftli im briefchaschte lit.

Printmediä sind ebbe no geil. chan au nöd immer in bildschirm luege. Ich han 5 abos:

National Geografic
Surfer
Surfing, wobi das eher es Händler uslege Hefltli isch.
Snoboarder
Skateboarder

Wobi ich die letschte vier Heftlis alli bim gliche Verlag aboniert han. Han mich verleite lah, wills nur für es paar $$$ no es Jahr vom andere übercho häsch. Mer mues aber klar säge, dass s Surfing es Werbehelftli mit wenig Inhalt isch.

de blobb und sini huere muetter

Ich han jetzt grad s'Maniac (M!) nach öpe 12 johr abo künt (vorher han ich s'Videogame im Abo gha).
Isch es huere komischs gfühl keis gameheft mehr überzcho aber irgendwie han ich scho sit es paar mönet
gar nüm eso luscht gha es gameheft zlässe. Die meischte games gönd mir eh fang am arsch verbie oder sind
mir eifach z'brutal. Zum teil häts no gueti reportagene gha aber für das allei häts sich vo mir us gsi nömme glohnt
es abo z'mache...werd ich ächsch langsam älter ?!

GameCollector90 hat geschrieben:Ih bi fan vom club nintendo heftli wos bis 2002 gäh het..ha fasch jedes exemplar

Vo dene han ich au emol en siech voll gha...aber ab N64 han ichs weniger guet gfunde!

Nintendo Game Vison suche ich no es paar usgabene !

GEE, schlimmscht. Für Pfüchs. Nur kauft wägem Retrobrichtli übers Blade Runner Spieli.

PC Gamer & Ngamer sind guet.

Ich liese d'Consolat oder wiä diä heisst sehr gern und natürli d'Mgames. So lang mehr s'Ipad nöd chan it Badwanne gheie lah ohni das es kaputt gaht, lies ich no heftli.

inzwüsche hann ich numme no s GamesTM aboniert. Retro Gamer hanni nach 5 Johr kündet....da viel zviel über Spectrum, Intelevision, Atari gschriebe worde isch....und zweni über NES,MS,MD,SNES.
Ab und zue stöbere ich am kiosk im M!Games oder im GamePro.

häsch no retrogamer heftlis zum verschänke?

geosnow hat geschrieben:häsch no retrogamer heftlis zum verschänke?

ich han die asm mags vo diesem, chasch all ha für 20 stutz.

isch nöd mis heftli, völlig unübersichtlich und es Katastrophe dütsch

geosnow hat geschrieben:häsch no retrogamer heftlis zum verschänke?

zeromeier hat geschrieben:

geosnow hat geschrieben:häsch no retrogamer heftlis zum verschänke?

ich han die asm mags vo diesem, chasch all ha für 20 stutz.

isch nöd mis heftli, völlig unübersichtlich und es Katastrophe dütsch

du ASMs kenni alli.

de Genfer versteckt sini game heftli wie pornos

Tip: Legs höch ufe wo d grabbel händ nöd here chöme.

OT: Ich lise Gamestar und PC Games Hardware.

Ich han nie es Abo gmacht, han frühner immer Maniac, VG und sogar N-Zone glese. Vor zwei Jahr hani uf ghört so Heftli z'lese und jetzt kaufi sporadisch es Maniac(mit dem verschiessene Cover, wo halbiert isch ) und sehr selte es Gamepro( DVD hat sich recht guet entwickelt).

Eigentlich müssti dä grümpel scho lang furt schüsse, aber irgendwie reutsmi dänn wieder. Weg dä guete alte zite

Gameheftli hani bis vor 3, 4 Jahr immer am Kiosk kauft - ständig chli as anders.

Aboniert hani sit 2 Jahr c't - interessiert mi meh. Geo Epoche und s' einte oder andere Bikeheft kaufi au gelegentlich am Kiosk.
NZZ Folio, für das würi au no Geld zahle aber hani immer nur im WK resp. ir Bude gläse

http://www.totalmagazin.de.vu/" onclick="window.open(this.href);return false;

Ich will nöd säge d'Gamepro segi jemals guät gsi, ich han diä eifach gern gläse und vor Gametrailers und Youtube au gern ihri Testreviews gluäget. Aber unterdesse isch es soooo uhuerä mies worde..

hey Leute, ech ha jetzt 1 Johr lang s'RETURN MAGAZIN im Abo und ich finds super.
30 Stutz inkl. Porto für 4 Usgabe! En Steal!!

Back to the Roots!

https://www.return-magazin.de/

Gamestar und maniac online ab und zu, that's it, susch bin ich s gameheftli

s'Return isch aber scho eher Homecomputer und weniger Konsole oder? Lohnt sich au, wemmer me Konsole laschtig isch? Ich hans sitt mehrere Jahr s'Maniac im Abo, es isch immer no super es Heftli zlässe, klar findich all die Infos und viel meh auf uf em Internet, aber fühlt sich eifach guet ah, em Sunntig Morgä ufem Sofa es Game Heftli läse...

sirarthur hat geschrieben: ↑22 Feb 2025 19:04 aber fühlt sich eifach guet ah, em Sunntig Morgä ufem Sofa es Game Heftli läse...

genau so isches!
s'Return esch öppe 40-50% Homecomputer. Muss eim halt ligge, klar.