The(G)Forum

du chunsch eifach nid drus, gang nomal go läse.

ihr dörfet euch au besser erkläre. i lise nur das:

12h isch s absolute Maximum woni bi de meischte Action-Adventures toleriere. Idealer wäre um die 5-7h. Nur die wenigschte Spiel i däm Genre rächtfertige e längeri Spielduur durs Gameplay.

evo hat geschrieben: pre 2005 het jedes ahständige AA um die 20h härebrocht

evtl. hets ou bitz mit verzerrter Erinnerig ztüe meinsch nid? Prä 2005 ha ig pärsönlech gloub ehrlech gseit nonid gnue Shit ztüe gha zum mich ab z länge Spiel chönne ufzrege. Und d Asprüch si ir Zwüschezit doch hoffentlech ou bitz gstige. Aber Wunger würdsmi glich no näh wiviu Prä-2005 Action-Adventures usem Stehgreif chasch ufzelle wo en Spielduur über 20 Stund mit entsprächend vielfältigem Spielinhalt grächtfertiget hei. Jetz mol abgseh vo Zelda.

concer si schlächte fäll tag, god of war, metal gears, stärnefuchsabentüür, hinter guet u böse, sphinx, metroid primes

so ganz spontan

ah dr god isch jo nach 2005, sorry gäll

sölli no paar 2d sache ufzelle womer als action adventure könnt definiere?

die meischte glischtete spil chömed nidemal id nöchi vo 20h.

Vorallem rechtfertiget grad es paar devo dur ihres lahme gameplay nöd meh als 7h.

ds erste unds zweite god of war ende nach ca 8h und das isch genau guet, s simple kampfsystem verhebt nid für 20h.

Und de sternefuchs... lolz.

das isch en anderi diskussion

En Evergreen :hihi: wie mario kart.

Ah ja, han de darksiders bstellt und freu mich druff.

evo hat geschrieben:concer si schlächte fäll tag, god of war, metal gears, stärnefuchsabentüür, hinter guet u böse, sphinx, metroid primes

so ganz spontan

Wie scho poschtlet worde isch: Conker, God of War, BG&E und ou die meischte Metal Gears si im Schnitt so um die 10h läng, evtl. um die 12h. Und ou i dere Lischte hets no söttigi wo ufgrund vo Ideeämangel ruhig chürzer hätte dörfe sii.

Prime ischs einzige uf dire Lischte wo id nöchi vo 20h chunnt. Und verhebe tuets glücklecherwiis ou so lang.

häjo, dempfall isch jo alles im grüene, ich ha bi jedem vo dene spie ldoppelt so lang gha

Sephi hat geschrieben:Aber Wunger würdsmi glich no näh wiviu Prä-2005 Action-Adventures usem Stehgreif chasch ufzelle wo en Spielduur über 20 Stund mit entsprächend vielfältigem Spielinhalt grächtfertiget hei.

Close Topic!

PS: PC Gaming! Fuck Yeah!

Ah ja, übrigens: S'erschte Tomb Raider. Kein Witz. Han ich damals nöd gspielt gha, sondern erst s'Remake vo 2007, bin also nöd mit em "unkritische Blick vo früehner" dehinder gange. Es isch lang, wahnsinnig guet und nie langwiilig. S'Leveldesign isch eifach sauguet und s'Core-Gameplay verhebet tiptop.

Krass isch dänn ebe grad de Verglich mit em ungefähr zur gliiche Ziit erschienene Tomb Raider Legend (also de erschti vo de Crystal Dynamics-Tomb Raiders). Ich han das dänn grad nach em Remake gspielt und es isch en brontali Entüüschig gsi: D'Spielduur isch öppe en Drittel vom Remake und es isch oft rächt langwilig und banal. Und zwar genau drum, will's halt im Gägesatz zum Remake mehrheitlich keis kniffligs Leveldesign me hätt und scho ziemlich fescht uf em "press X for awesome"-Zug fahrt. Logisch verhebet so Spieli dänn au nöd länger als 5-7 Stund Aber defür hätt's meh Cutscenes

ich chaufs natürli erscht uf de Wii U

tomb raider sötti mal spile, ich han die immer dumm gfunde us offesichtliche gründ.

evo hat geschrieben:häjo, dempfall isch jo alles im grüene, ich ha bi jedem vo dene spie ldoppelt so lang gha

denn hätsch aber au bi de hütige spil 20h.


::

finds übrigens intressant wieso plötzlich so viel lüüt intressiert si a däm game. s erste isch ja ken mega hit gsi.

O_O hat geschrieben:

evo hat geschrieben:
finds übrigens intressant wieso plötzlich so viel lüüt intressiert si a däm game. s erste isch ja ken mega hit gsi.

Ich bin genau uus dem Grund überhaupt nöd interessiert dra. Nach 3h hanis langwiilig gfunde wil ich mich gfühlt han als ob ich ä Collage vo andere Games spiele würd. Es hett scho funktioniert aber es isch mir vorcho als ob mir öpper öppis vorkeuts uuftische würd. Und d'Story hani au selte blöd gfunde aber das isch eigentlich keis Kriterium meh bi Games. D'Art Direction isch recht nice aber spricht mich eifach nöd so ah.

Mich würds also au no interessiere was alli Lüüt so a dem Game finded.

chunt glaub eifach zure guete ziit use und het ok reviews.

O_O hat geschrieben:tomb raider sötti mal spile, ich han die immer dumm gfunde us offesichtliche gründ.

Me mues ebe glaubs würklich nume de erschti Teil spiele. De zweiti isch dänn bereits eso en Fall, wo nach 5 Stund langwilig wird, aber leider 20 Stund gaht. Und alles, was nachher cho isch, isch eh Müll. Drum ebe s'Anniversary-Remake: D'Grafik isch vo 2007, s'Gamplay aber zum Glück nöd. S'Beschte vo beide Wälte

Ahh ischmer gar nid bewusst gsi dass es es Remake gäh het. Chönts dämfau evtl. ou no einisch spile, has in sehr gueter Erinnerig. Dasch das gsi wome s' Scion het müesse finge, nid?

Das game laded dermasse min schwenis uuf. Ich hoffe d raetsel werdet no schwerer.