Xinobrax2 hat geschrieben:Okay, aber die Gschpängstergschichtli und Räuberpistole sind halt gfilmt worde und mer chan si sich bi Youtube aluege. Siehe Peterson, Weinstein, Milo...whatever...
Nei, das sind d'Folge. Die ich rief, die Geister, werd ich nun nicht los.
Mir reded nid vom glichä Bild. Ich red nid devo dass de Joe z.B. en Weinstein iladed, dass de chan brichtä was i sim Umfeld bzw. mit im so abgohd, und das Züg us em Rueder lauft. Mit dem hani i keiner Art und Wiis es Problem.
Xinobrax2 hat geschrieben:vDito, ich lueges zwar nid regelmässig, kenn aber sicher di meiste Folge...di einzige woni mengisch überspringe sind die mit de Kämpfer, Schauspieler & Produzente...ich weiss was du meinsch und drum segis jetzt nomal, er het es guets Gspür defür was di gsellschaftlichi und kulturelli Debatte im Land prägt. Obs sich debi um sinnvolli Theme handlet oder nid isch doch nomal en ganz anderi Frag. Meine Güte, si reded über Rassismus und Feminismus...
Denn sägis halt au nomol: Ich gsehn das andersch.
Zudem chamer über Themene verschiede Rede, und das hed au chli en Ifluss druf öb d‘Debattä sinnvoll isch oder nid (bzw. öbmer öpis Sinnvols dezuä Bitreit oder öpmer eifach diä primitivschti Ebeni bedient)
Xinobrax2 hat geschrieben:Direkt nachem Peterson isch doch de Thaddeus wider binem gsi...de het de Joe au wider chli mitem Chopf gnickt und zuegstimmt...und was de Harris betrifft, isch für mich au Chindergarte und ich los ihm trotzdem zue. D Arena isch ebefalls en Chindergarte...und ich luegs mir trotzdem a...das isch ja de Punkt bi de Meinigsvielfalt. Es bringt doch en Schiisdreck wenn jede sini Meinig dörf üssere, wenn sich niemert di konträre Meinige alost. Us minere persönliche Sicht sind all die rechte Vollpfoste ewigs gestrigi und ich chänti grundsätzlich demit lebe wenn sich die morn alli würded in Luft uflöse. Macheds aber nid...si sind da...si mached en grosse Teil vo de Bevölkerig us und ich versueche z verstah wie si ticked.
Hed de Thaddeus vil über SJW und Gender gschnurret, und das Züg befürwortet? Hanimi villicht usklinkt, wiä au bim Peterson (de wirdi villicht nomol probiere), ich han eifach e massivi Überdosis vo all dem geblabber, ischmer au glich vo weler Sitä öper öpis inäwirft, isch alles glich nichts sagend.
Ich han am Harris im erschtä Podcast au no gern zuäglost wos ums Hirni gangä isch usw. Bim zweitä bini chli erstuut gsi, dass er so es undifferenzierts Züg vo sich gid. Und denn schiinter sich immer meh dri grittä zha, und diä folgende hani müese abstelle, wills eigentlich nur no drum gangä isch wiä er mit TYT (en witere Kandidat für d‘Geischterstund, drum passts zum Phänomen) um miner Meinig no idiotischi Asichtä striitet. De letscht isch wieder gangä, wills eifach mol wieder über öpis anders greded händ...es wär so simpel (und ich bin au det oft nid siner Meinig, oder sägemer Vorstellig, aber das macht mir gar nüt... Und ich han sogar Verständniss für s Dillema i dem er gsi isch, aber es machts nid besser.
Und ja ich luege d Arena au, aber mir wär lieber ich würd JRE viel lieber luege, will d Arena luegi meischtens nid grad gern.
Ich verstand au überhaupt nid wiä du uf de „anderi Meinigä“ Punkt chunsch. Mir gods nid um richtigi oder falschi Meinigä, oder drum dass öper en anderi Meinig hed wiä ich und ich das drum nid ghörä will. Unglaublich vili wo ich oft zuelos händ anderi Meinigä. Es god drum öb öper überhaupt öpis z sägä hed. Das isch no lang nid bi allnä de Fall, und es gid halt au vieli wo eifach Brunz usälönd. Und ich chan halt mol nid allnä zuelosä, und i jedi no so bescheurt Debattä istiigä (Bonus Info: Au du nid).
Xinobrax2 hat geschrieben:Zensiert wird eigentlich so guet wie nie. Es git allerdings eh Reihe vo ziemlich perfide und subtile Methode um Meinige z unterdrücke...setmer chli im Aug phalte...
Natürlich. Es gid viel verschiedenes, drum hämer verschiedeni Wörter mit verschiedene Bedütigä.
Ich bin au de Meinig dasmer uf das söll Achtä. Aber guet. Und mer söt bi de Interpretation differenziert vorgoh das ghört au zum Obacht geh.
Xinobrax2 hat geschrieben:
SRG/911
Also ich bin jetzt meh uf de Grundlag vo de erwähntä Sändig (und ähnlichä, hed jo au paar Radio Sändigä geh i letschti) am Dänkä gsi, nid vomene „jetzt kläremer ein für allemal was bi 911 tatsächlich passiert isch“, und ich glaub ehrlich gseit e interaktivs Portal würd üs det au nid unbedingt so mir nix dir nix as Ziel bringä.
Und d Sternstundä sind rein vom Usstrahligs-Format eigentlich jo s glich wiä de KenFM oder JRE. Internet, Fernseh...isch doch kei Unterschied diesbezüglich (ussert dasses chürzer isch).
Pro und Contra isch s Gägäteil vo dem womer bruuched...diä eintä reded über s einte, diä andere über s ander, und niemert mitenand. Das isch scho guet gnueg abdeckt (bzw. es dürft chli weniger devo geh, will oft ischs halt eifach nid fruchtbar).
Eis Problem isch s eidimensionalä Abäbätä vo de „ufklärtä“ Perspektivä.
Es anders isch dass immer diä glichä Bispiel chömed, und möglichscht es paar wo rächt wiit hergholt sind, dassmer devo chan usgoh dass d Argumentation zum Zueschauer durädringt. Also vo de Vorussetzigä wo schiins bestönd scho mol grausam ungünschtig.
Aber ich find eis grosses Problem isch au, dassmer irgendwiä nid chan redä drüber. Es gid eis Wort wo bezeichnet was s Thema isch „Verschwörigstheorie“, en technischä Sammelbegriff, eigentlich selbschterchlärend dur d‘Wortkreation. Und grad i letschter Zit gänd sich Lüt au immer wider müäh, z betonä dasses doch Verschwörigä au tatsächlich gid, teilwies sogar explizit d Problematik vom Begriff „Verschwörigstheorie“ uf diä eint oderr ander Art hervorhebed, und sich aber denn nid z Schad sind 2 Sätz spöter ebä genau de Begriff i derä völlig Konfusä Art und Wiis z bruuchä, wertend, und vo irgendeme mir nid erklärlichä Konsens usgehend was denn nun schlussendlich demit gmeint isch und was nid (isch jo nur scho i derä eintä Sändig mindeschtens 2 mol so passiert). Sie gänd sich also Müäh, chönd aber nid andersch als i irhi Dänkmuschter zrug z gheiä.
Das hed demit ztuä dass diä wo das Züg mached nid uf de Höchi sind und oft es i minä Aufä sältsams Bild händ vo dem Thema wos behandlet. Aber es hed ebä doch au es bitz öpis mit de Begrifflichkeit tzuä, und dassmer nid würklich en Sproch defür finded, zumindescht nid wemer en Begriff will für das zu dem de Begriff „Verschwörigstheorie“ mutiert isch. Ich hoff mer verstohd.
@Aug: Genau das sägi doch au du huere Panane.
Intern gits bi de SRG halt laufend Gspröch drüber warum d Lüt s Vertraue id Medie verlüred und so....drum versuecheds chrampfhaft z bewise, dass si di seriöse Medie sind...und will si selber so fescht devo überzügt sind macheds ein Fehler nachem andere was in letzter Konsequenz nur d Mediekritiker in irne Asichte bestätigt. S isch chli en Selbstläufer...
