The(G)Forum

viellicht sinder dazumal 12 gis und händ serscht mal eleige is kino dörfe und drum isch er so super gsi. wenn de hüt luegsch, luegsch en nöd mal fertig.

ich han grad. vor paar mönet. sipler gsi.

Aber spidy 1 findsch ghört ih dtop3??

Häx hör uf mich so zverarsche.

din nostalgiebonus chasch de hase geh. säg mer doch mal, was so super isch am erschte batman. en scheiss batman, en scheiss joker, es scheisskostüm, scheiss fightchoreographie, d'musig isch no guet gsi.
de zweiti isch 20x besser als de erscht.

dumms gschwätz

Löl, nostalgiebonus min Arsch. De Jack als Joker i dem Film isch öpis vom beschtä wos je hets gits, weis jetzt würklich jede.

Fies, dräckig und ei Schwarz Humorigä One Liner nachem andere. Zudem no gnueg absurdi Szenä. Wenn das en schlächtä Joker söt si weisi also nid was du dir unteremene guete Joker vorstellsch.

Süper Maximali!


Öb de Rescht vom Film guet isch, isch en anderi Frog... D Optik isch aber uf grund vo de Vorlagä nid grad us de Luft griffä. Ich würd sägä öpä 99% vo denä Superheldä Comics händ meh oder weniger Spielzüg Optik.

h4xX0r hat geschrieben:din nostalgiebonus chasch de hase geh. säg mer doch mal, was so super isch am erschte batman. en scheiss batman, en scheiss joker, es scheisskostüm, scheiss fightchoreographie, d'musig isch no guet gsi.
de zweiti isch 20x besser als de erscht.

Ähm han en erscht grad vor 3 wuche wieder gseh. Fightchoreographie isch halt schlecht g'alteret aber lang nöd so schlecht. Mier gfallet de batman und joker charakter und vor allem de ganz burton style.

Aber spidy1? Lol en teenagerfelm, aber so richtig.

Spielt au kei rolle. Ich han dburtonbatmans nöd vor avengers gstellt. Ich han gseit, dass avengers nöd de bescht superheldefilm isch. Tja und mit dem hani au klar recht. Nur chasch du, wie en gwüsse andere user wo du uf de ignorelischte hesch, nöd zuegeh das du unrecht häsch.

Skeletor hat geschrieben:und besser als d'burton batman? oder sogar besser als batman begins :hihi:

so spieli chasch mit dine G-Fründe machä, aber nöd mit mir.

isch mini meinig daniel, ich han vom nolan nur de TDK richtig guet gfunde de BB isch guet und de TDKR mittelmässig bis schlecht.

Spidy 2 findi hüt na super, s 1 isch ok und s 3 isch abfall.

batmäners isch:

TDK > Batman > Begins >>>>>> Rises

burton batman in top3 >>>>>> spidy 1 in top3

batman begins isch mega inspirierende felm.

Acid hat geschrieben:Löl, nostalgiebonus min Arsch. De Jack als Joker i dem Film isch öpis vom beschtä wos je hets gits, weis jetzt würklich jede.

Fies, dräckig und ei Schwarz Humorigä One Liner nachem andere. Zudem no gnueg absurdi Szenä. Wenn das en schlächtä Joker söt si weisi also nid was du dir unteremene guete Joker vorstellsch.

Süper Maximali!


Öb de Rescht vom Film guet isch, isch en anderi Frog... D Optik isch aber uf grund vo de Vorlagä nid grad us de Luft griffä. Ich würd sägä öpä 99% vo denä Superheldä Comics händ meh oder weniger Spielzüg Optik.

de nicholson im batman isch wie de nicholson i jedem andere film. er chan gar nüt anders spiele. usserd viellicht no im china town.

pfeiffer und devito >>>> nicholson

Er isch scho oft de flippig usgflippt (wenn au nid immer uf diä glich Art, und meischtens durchus ernschthaft und nid so wiä im Batman), und wenn er mol imene Film en anderi Rollä hed, isch de Film denn meischtens nid grad so guet (mit Usnahmä). Zumindescht mol vo denä mit im wo ich gseh han, was nid grad alli sind.

Nur treit das einersits i so mängem Bispiel zu absolut genialä Film bi (do meini jetzt nid unbedingt de Batman), und andersits passts super zum Jocker. Und isch jo nid nur sis Spiel, sondern au d Dia-/Monolög und suscht s Drehbuech. De Joker i dem Film isch super.

So much to do... and so little Time *Schnip Schnip*

Aber d Pfeifer im Zweitä isch tatsächlich au super, do hesch recht, diä hani ganz vergässä. Miau.... Bäng!
De Pingu hani irgendwiä niä so richtig Begriffä.

Huere geil, mier redet über superhelde.

Avengers. 10 / 10

pew pew boom tätsch. ...and hulk: smash!

Sie sorry aber, de pfeiffer isch etz oeppis vom schlimmschte gsi, woni je gseh han.
de walken isch de einzig wo de film ufgwertet het.

Batman 1 isch alles sipler gsi. De joker, de henchmen, de basingler, de stiil, de settings,
de moseg, de atmosphaere, de witz, de batman und sini spielsache, etc.

machet doch es topic uf

I confess (8/10)

Intouchables -> 8/10



E guete Lueg gsi, schön. Nid der Überfilm wie es paar Magazin gschriebe hei, aber doch unterhaltsam. Hört leider uf bevors richtig agfange het.

Ace Attorney 7,9/10

Hat der Miike gut verfilmt.

Marvel Avengers, 10/10 eifach suprigi Underhaltig gsi

expendables 2

hahahaha so guuuuet. muess es 10i sii

de sly isch phantastisch

ah ja s best am batman je isch eh d prince musig gsi bevor ichs vergiss da drin z schribe.

Avenger hat geschrieben:Intouchables -> 8/10

E guete Lueg gsi, schön. Nid der Überfilm wie es paar Magazin gschriebe hei, aber doch unterhaltsam. Hört leider uf bevors richtig agfange het.

hane im flüger gluet und paar mal müesse lache. Würklech sehr amüsante Film.

The Failengers

Ohni itz speziell Superheldefilm guet ds finde, isch das en geile lueg gsi. Geili Dialög, geili Filmreferenze (sicher no meh als mir ufgfalle si).