Arbeitskollege wo di Hässig mached

[abyss]

I möcht dä mou live elebe!

[Avenger]

Er weiss sicher wie am Chef si Schleudersitz aktiviert wird, drum isch er immer no do. Und eventuell bliibt er no für länger.

[abyss]

Bringt er dir no abuntzue Trocheflesch?

Naja, schient ja en chillige z si. Ömu bessr als so en Hypochonder, oder?

[Marco_in_motion]

Nei ich han sis Trochefleisch nöd welle, cha ja nöd es Gschenk ahnäh und dänn Arschloch uusteile. Nei er bringt garnüt meh, ämal mir nöd.
Chillig ischer aunöd...

Avenger : anschiinend ischer uf de Abschussrampe...

[Overdose]

het de typ chind u frau? chamer da ned wirkli vorstelle.

[PlanetHarrieR]

So wiä wänn mer ame Büsi rüefe will : bssss-bssssss-bsss-bsssss
Oder mängisch tueter so komisch gurgle, ganz liislig aber ich raste komplett uss innert es paar Sekunde wänner das macht.
Und was au huere nervt isch wänner ständig min Nachname flüstered und no es "verniedlichungs-Li" hine anehänkt. Das channer übrigens länger als 5 min. am Stuck.
und was er au gern macht sind sämtlichi Bürogrät imitiere. Mer dräiht würklich fast dure und obwohl ich ihn abgrundtüüf verachte machi garantiert keis Fotti vo ihm und stelles da ine. Dä chönnt mi dänn glaub gröber drah näh vo wäge Dateschutz und so.
Was au sehr verstörend isch : mängisch lahni min blick dur s'Büro streife oder gaffe eifach sust chli ume und wänni ihn dänn churz ahluege stelli fest das er mich scho ahgrinst. irgendwiä scary.

in der tat

General Schaden, es isch würklich enorm a de Grenze zum uushalte, au jetzt i dem Moment macht er d'Grüsch vom Faxmodem nah und ich glaube ich erschlahnen hüt no.

tief durchatmen, tu nix unüberlegtes...

[Marco_in_motion]

het de typ chind u frau? chamer da ned wirkli vorstelle.

Jep hätter, also e Fründin, sust isch Gschide und hät en Sohn wo jetzt d'RS macht.

[Mastler(P)]

Whoa dä shit müesstisch echt mal ghöre

du häsch doch sicher es natel. mach video!

Uf all Fäll hanis nümme gseh und hanem mis modellauto nahgrüehrt, jetzt isch de Spoiler abgheit und er findets mega

doppllol

obwohl ich ihn abgrundtüüf verachte machi garantiert keis Fotti vo ihm und stelles da ine. Dä chönnt mi dänn glaub gröber drah näh vo wäge Dateschutz und so.

frög en doch ob eis mache döfsch. seid sicher ja.

[Marco_in_motion]

Es isch jetzt Ziit für en white Russian

[abyss]

Eher fürne White Walliser.

[PlanetHarrieR]

White Glarussian

[Overdose]

für en captain

[Tatsujin]

Ömu bessr als so en Hypochonder, oder?

Du weisch aber scho was en hypochonder gnau isch?

[Mastler(P)]

Es isch jetzt Ziit für en white Russian

[Herr Rossi]

het de typ chind u frau? chamer da ned wirkli vorstelle.

chamer bi vilne nid vorschtelle, eigentlich bi fascht allne. schint aber trotzdem z funktioniere.

de walliser isch wahrschinlech e betriebsspion. inere erschte phase sorgt er defür, dass all dänked er sig en harmlose trottel. er luegt das ihn all afönd miide und niemert freiwillig i sini nöchi chunt. in phase 2 chaner de unghinderet alli date sammle, ohni kritische frage müsse usgsetzt zsii. in phase 3 sammled er denn us spass privati emails, bilder etc vo allne rechner. er erpresst denn all betroffne in phase 4, wo er au freigschtellt wird und denn 3 mönet lang no chole bechund oni de finger chrumm zmache.
er = fiis

[Marco_in_motion]

so hani das noniä ahglueget

[turntablism]

lol sonen hafechäs hani scho lang nümm ghört

[Tatsujin]

[Avenger]

Nach Wikileaks und Prism chunt als nöchsts Wallileaks.

[Herr Rossi]

achievment unlocked
marco in emotion

[Overdose]

standortsänder im bündnerfleisch versteckt.

[Marco_in_motion]

jesses lol

[TypeJ]

kartoffel, tönt nachem beschte mitarbeiter ever

[Marco_in_motion]

Vorane hätter mit sim Sohn telefoniert wo ebe grad d'RS macht. dä redet au mit ihm eso gstört, isch echt de Wahnsinn!

[derinderinderinderin]

marco in emotion

Namensänderig, SOFORT!