[OT]Generelles Politik-Topic

[Jones]

Wenn ires System dezue füert, dass si am Endi d Wahl zwüschet me Idiot und me Arschloch hend, denn seteds ev. mal was ändere...

Geld isch schuld.. NUR das!
chunnt aber überall uf dr wäut meh und meh ähnlech...

[Xinobrax2]

Wenn ires System dezue füert, dass si am Endi d Wahl zwüschet me Idiot und me Arschloch hend, denn seteds ev. mal was ändere...

Geld isch schuld.. NUR das!
chunnt aber überall uf dr wäut meh und meh ähnlech...

D Ironie debi isch doch, dases im Kern vo de Unabhängigkeitserklärig immer nur drum gange isch, sich vo de Geldmacht und em britische Königshuus z trenne. Jetzt werdeds vo de Fed und de US-Oligarchie regiert

[Jones]

ha dr gnau Inhalt vor unabhängigkeitserklärig grad nid im chopf aber am zwöite teil vo dire ussag stimmi sicher mau zue...

[Xinobrax2]

Vereifacht gseit isches drum gange, dass sich d Amis als eigeständigs Volk verstande hend und kei Stüre me as Königshus hend wele zale...

[Buccaneer]

Vereifacht gseit isches drum gange, dass sich d Amis als eigeständigs Volk verstande hend und kei Stüre me as Königshus hend wele zale...

... und sie hend au gmerkt, dass Gäld sötti vom Staat gmacht wärde und mer d Macht übers Gäld NIE sött in privati Händ gäh... ja nu. Sie hend sich au rächt lang degäge gwehrt, aber d Dänker hend de länger Schnuuf gha.

[Xinobrax2]

Vereifacht gseit isches drum gange, dass sich d Amis als eigeständigs Volk verstande hend und kei Stüre me as Königshus hend wele zale...

... und sie hend au gmerkt, dass Gäld sötti vom Staat gmacht wärde und mer d Macht übers Gäld NIE sött in privati Händ gäh... ja nu. Sie hend sich au rächt lang degäge gwehrt, aber d Dänker hend de länger Schnuuf gha.

Korrekt, das isch denn denach cho. De Stephen Zarlenga het das i sim Buech "Der Mythos vom Geld" ziemlich detailliert usenand gno...di ganz Gschicht vom Geld, vo de Muschle und Federe bis zu üsem hütige System. Sehr interessant

[Herr Rossi]

Achtung Steilpass für de Aug, de Kapitalismus isch bös

[thaeye]

s aug haet sini meinig 100x mal kundtue, es git bisher keis anders system wo wohlstand für so vill lüüt gschafft haet. und bi dem blib ich. da chasch nah lang umerumpelstilzle und zoikle. das da drin vorallem anarchiste ihri meinig kundtuend, bin ich mir scho siit es paar jahr bewusst.

[Herr Rossi]

scho klar gsesch du i jedem e anarchischt wo s kapitalistische syschtem hinderfragt, schwarzwissdänker hends scho eifach, wenns aber um chli komplexeri theme god chasch die läbensphilosophie de hase gä.
gruess vom ne sozialdemokrat

[thaeye]

ohni kapitalistischs system, kei verteilig vo nix. ganz eifach, es sind schruube wo muend dreiht werde und nöd s ganz system über de huuufe gruehrt werde wege es paar idiote wo gern die ganz welt glich mache möchtet.

schwarz-wiis denke isch kein lebensphilosophie aber zwingt s gegenüber position izneh, das isch minere meinig nah wichtig. ansonste trüllsch dich wie mitem ribit im chreis (welt böse-alles dumm-ich bin könig), chasch sini antworte amigs scho selber schriebe, weisch was chunt.

aber je meh ich biträg vo oi differenzierte erdemitbewohner liese, desto meh lern ich dezue. evtl. bini den au mal uf dere ebeni und verstahn oi super differenzierte wundermensche besser.

[evo]

me könnt au langsam e neus system ahpeile wo die guete aspäkt vom kapitalismus integriert.

[thaeye]

me könnt au langsam e neus system ahpeile wo die guete aspäkt vom kapitalismus integriert.

rofl, den besser s system justiere, system neu installiere isch mit vill bluet vergüsse verbunde.siehe gschicht.

[evo]

wemmes vo hüt uf morn mache möcht bestimmt. langsam schritt für schritt umdänke isch gfrogt. aber sicher nit de status quo erhalte

[thaeye]

wemmes vo hüt uf morn mache möcht bestimmt. langsam schritt für schritt umdänke isch gfrogt

utopie, systemumstürz sind immer bluetig gsi. ob uf churz oder lang. es gat drum d günnverteilig anderst z gstalte und demit meh vom wachstum profitizere zlah, da chasch a villne schrube dreie und ich wär eigetnlich positiv das me das schaffe chönd, nur leider waennd den die superdifferenzierte Mitmensche immer nah meh verteilig und nah meh durmischig vo allem.

[Xinobrax2]

Geld isch doch eini vo de genialschte Erfindige wo d Mensche je hervorbracht hend. Irgendwie muesmer ja d Arbeitsleistig vo 7 Milliarde Mensche koordiniere...vorusgsezt mer will d Komplexität vo üsere hütige Gsellschaft irgendwie ufrecht erhalte. S Problem lit imo eher bi de Geldschöpfig bzw. bim Monopol uf d Geldschöpfig. Geld isch es Produkt und müessti daher au als solches behandlet werded. Mehreri Währige müessted parallel mitenand chöne konkurriere...nid zwingend innerhalb vo nationale Grenze sondern ganz allgemein...mir mached genau s Gegeteil. Mir hend gsezlichi Zaligsmittel wo jede mues akzeptiere und d Schöpfig vo dem Zaligmittel übergebedmer anere zentrale Stell. Selbst das het historisch betrachted mal sini Berechtigung gha, aber hütsotags isch eher dumm. Dezue chunt denn au no dasmer alles durch e Leitwährig decked wo selber duch en endliche Rohstoff und Wertpapier deckt wird...und selbst die Deckig isch rein illusorisch will s Giralgeld scho sit jahre i keim Verhältnis me zu de reale Güeter und Dienstleistige stat.

[Astroboy]

I bi Vertreter vo dere Theorie wo beseit, dass dr Kapitalismus scho so wit fortgschritte isch, dass e Reboot gar nüm müglech isch. Jeglechi Bestrebige gäge kapitalistische Mechanismene werde vom kapitalistische System säuber über churz oder lang absorbiert, so dass es künftig gäge ähnlechi Aagriffe immun wird. Dr Kapitalismus als perfekts Virus, quasi. Also findi justiere und schrube ou guet, aues angere wär e zu heftige Iigriff (e.g. Natur- / Nuklearkatastrophe oder (Welt)Chrieg) als Reset-Chnopf). Sech über d'Verteiligsgrechtigkeit Gedanke z'mache isch sinnhafter weme's im derzitige kapitalistische System denkt, wöui einzelni Impulse vo z.B. anarchistischer oder marxistischer Site gar nüm zum letztlich gwünschte Umbruch chöi füehre. Darum findi z.B. ds bedingigslose Grundiikomme so spannend, wöu's schrüblet. Ok, es hämmeret eher . Dass es us individueller Sicht meh Spass cha mache und meh Bestätigung git, es anarchistischs Kampfpflänzli gäge die bösi Maschinerie z'si dünkt mi nachvollziehbar, us gsamtgsellschaftlecher Sicht müesst me sech de eifach d'Frag la gfaue, wie viu me dermit effektiv cha bewirke.

[thaeye]

nah eine mit bitzeli vernunft da, guet. s anarchiste kampfpflänzli bringts uf de punkt, fürd gsellschaft bringet die lüüt nöd wahnsinnig vill. sie stosset zwar diskussione aaa aber ohni lösigsvorschläg wo realistisch sind ohni das grad de ganz weste undergat. meistens machets die lüüt ja au zum ihres ego befriedige (Herz und so) und zeige ebe wie differenziert sie doch sind.

ich glaub aber immer nah en reboot isch möglich. meh muesst eifach gas geh.

[Xinobrax2]

Ich glaube d Anarchiste bruchts gar nid...das System macht sich selber kaputt wenns nid überarbeited wird...

[Herr Rossi]

ich glaub aber immer nah en reboot isch möglich. meh muesst eifach gas geh.

a das glaub ich au, mir würded eifach unteschidlichi wärchzüg verwände welle defür bzw. verwändet si scho.

[Xinobrax2]

Di beide letschte Reboots hends miteme Weltchrieg gmacht. Ich fänd das eher blöd.

[zwirrlibatz]

weisch wie wiit de kapitalismus fortgschritte isch? zumne aldilidliryanairikeaspotifyallesjetzsofortsoguetsobilligwiemöglichschnäppchenjägersystem. und das au no egoistischer sit jemals. vergiss reboot, de point of no return hämer scho lang überschritte.

[Herr Rossi]

ww1 und ww2 sind kei reboots gsi sondern massnahme zum erhalt vo de syschtem. wie eigentlich jede chrieg. das syschtem wär ansich super, es wird eifach usgnützt

[zwirrlibatz]

die wws sind nur zweni radikal gsi. für en reboot müesste mir eus zrugg i d'steiziit bombe.

[Xinobrax2]

Was du willsch isch demfall kein Reboot sondern es anders OS

[zwirrlibatz]

richtig.