The(G)Forum

MIr mached zue: https://next-level.fun/wir-machen-zu/

Bis uf es paar wenigi usnahme verkaufi alles.. hoffe chunt alles weg.. bin aber au scho mitemne dütsche händler im gspröch, isch aber eher e option für spöter emol willi denn mitde priise abemuess..

https://www.ricardo.ch/de/a/sega-mega-d ... 281603612/

Erschts gebot druff..
..chömid jungs, niemert?

Grisu hat geschrieben: ↑19 Mai 2025 18:23 https://www.ricardo.ch/de/a/sega-mega-d ... 281603612/

Erschts gebot druff..
..chömid jungs, niemert?

freu mich für dich!

Zerscht mal abwärte öber denn zahlt

Cool. Hätti nie denkt dass öpper so en riesen Betrag büütet. Was kassiert denn Ricardo defür ?

Naja, zahlt het er ja nonig…
Aber cool wenns klappet.

luut ricardo.ch max. 290.-

kennen wir den?

loi_bs66

Er scheint um die 60 zu sein

Jupps, ersch wennis gäld ide hand ha glaubi dra, sind jetz scho paar cho wo verzellt hend sie weleds chaufe..
Bieter het sech vorab ned gmäldet..
..entweder fake, oder er kennt eine vo üüch wo weiss wie mini games usgsehnd?

Und ja, 290fr esch maximalgebühr

Fraktion spassbieter het wiedermal zuegschlage..

Fullset chunt glii wieder online

Schad.... Hätters möge gönne

Chasch si eifach lösche la demit kei Abchlussgebühre muesch zahle?

Oh mann, s isch in letschter Ziit echt müehsam uf ricardo.

Jetz muesch zerst 7 Täg warte, zum de Atrag bi ricardo stelle und dänn hät de Chäufer namal 7 Täg Ziit zum reagiere. Oder ebe au nöd...

Rtron hat geschrieben: ↑25 Mai 2025 20:50 Oh mann, s isch in letschter Ziit echt müehsam uf ricardo.

Jetz muesch zerst 7 Täg warte, zum de Atrag bi ricardo stelle und dänn hät de Chäufer namal 7 Täg Ziit zum reagiere. Oder ebe au nöd...

was passiert mit some typ. konto sperre? gar nix?!

m.o.terra kaesi hat geschrieben: ↑25 Mai 2025 20:57

Rtron hat geschrieben: ↑25 Mai 2025 20:50 Oh mann, s isch in letschter Ziit echt müehsam uf ricardo.

Jetz muesch zerst 7 Täg warte, zum de Atrag bi ricardo stelle und dänn hät de Chäufer namal 7 Täg Ziit zum reagiere. Oder ebe au nöd...

was passiert mit some typ. konto sperre? gar nix?!

Er chunt glaubs eifach en negative über... "Der Käufer ist seinen Verpflichtungen nicht nachgekommen" oder so.

huere wenig sanktion. wenigschtens 2 oder 3 negativpünkt wär ahgmässe. besser 1 monet sperre.

Ja, eifach e Negativ Bewertig... Eigentli völlig lächerlich...

Grisu hat geschrieben: ↑25 Mai 2025 18:21 Fraktion spassbieter het wiedermal zuegschlage..

Fullset chunt glii wieder online

Has gwüsst…
Aber naja, nöd ufghä.

Esch ja wie auscho gseit offesichtlech ned seriös gsi. Chäufer behauptet, er sigi ghackt worde.
S'guete dra esch, dassi de chole ned dringend bruuche. Aber de richtig chäufer chunt denn schono.

Ärgerlich, aber alles andere hätt mi au überrascht...da bietisch ja ned eifach so mit ohne vorher min. go luege oder en Nachricht schriebe.

Wenni im Euro Millions denn mal 200 Mio gewünne chaufders si ab.... Logo

Grisu hat geschrieben: ↑25 Mai 2025 18:21 Fraktion spassbieter het wiedermal zuegschlage..

Fullset chunt glii wieder online

würkli schad, hättis dir so gönnt!

Dankä jungs. Esch für mech ke wältuntergang, au wenn d'sammlig ned verchauft würdi. Eifach chli läschtig so lüt, au wenn sech dür das de verluscht vo minere läbenszit in gränze haltet.

Fullset esch jetz wieder online. Has agebot eifach kopiert und guet esch, so muessi au ned warte bes ricardo reagiert. Mol luege wie lang dasses duuret bes es wieder 40 beobachter het..

isch Einzelverchauf keis Thema? Klar de Ufwand isch viil grösser, aber chöntsch so nöd meh usehole? Im Schnitt sinds so ja ca. 65.- 70.- pro Game, resp. Konsole, Zubehör.

Nope. Vorhär bhaltis lieber.
Und es goht mer ned drum, möglechst viel usezhole.