The(G)Forum

http://www.welt.de/finanzen/article1254 ... unden.html" onclick="window.open(this.href);return false;

nur wägem gäld

kreisi isch no, dass es unterschidlichi mäldige zum fundort vo ihrem körper gid...

i de wonig, vor em huus....
wo no?

http://youtu.be/eUFSDihjPxY?t=52m42s" onclick="window.open(this.href);return false; vilich so
http://youtu.be/H3QNgtRKe3Y?t=42s" onclick="window.open(this.href);return false; oder so?

http://mag.newsweek.com/2014/03/14/bitc ... amoto.html" onclick="window.open(this.href);return false;
hmmmm

Läck sind d Lüt vo de Newsweek Arschlöcher :typej:
Da chenteds grad so guet imene Artikel schribe "Lueged mal, mir hend eine usem Zügeschutzprogramm gfunde! Er heisst jetzt Herbert und wont in..."
Debi ischer wahrschindlich nid mal de Nakamoto

Negativ Schlagzile am laufende Band und de Kurs stigt wider...s interessiert langsam kei Sau me was die verzelled. Bitcoin FTW

Herr Rossi hat geschrieben:kreisi isch no, dass es unterschidlichi mäldige zum fundort vo ihrem körper gid...

i de wonig, vor em huus....
wo no?

tönt nach verschwörig...

Xinobrax2 hat geschrieben:Pstellt hani ursprünglich mal 1 Coincraft Desk mit 4 Modul. Acho sind jetzt 2 Coincraft Desk und 2 zuesätzlichi Modul. Also + 50% extra als "Entschädigung" für d Verspötig...eigentlich het das Ding scho im Dezember sele cho

S lauft Tag und Nach und s ROI hani bimne Kurs vo 550$ am 12.05.2014. Stigende Difficulty Level & Stromchöste inklusive. Lohnt sich also schono

Ich würd allerdings devo abrate irgendwas bi Bitmine z pstelle. Die sind völlig überforderet.

Wievill Bitcoins produziersch ungefähr pro Monat?

Gits irgend e gueti Siite wome sich über die zahlriiche Miner cha informiere? Wottmi da mau chli ganuer ineläse, aber s gitt so viu verschideni u d heufti dervo isch scam...

Noldi_Palmer hat geschrieben:Wievill Bitcoins produziersch ungefähr pro Monat?

Chani nid so oni witeres sege. Im Moment isches öpe 1.1 BTC pro Wuche.
D Difficulti wird aber immer nach 2016 Blöck neu berechnet. En neue Block wird durchschnittlich alli 10 Minute gfunde.
Mit anderne Wort de Ertrag vomene Miner veränderet sich alli 2 Wuche drum isches schwirig en ganze Monet vorher z sege.

@Pombaer: https://en.bitcoin.it/wiki/Mining_hardware_comparison" onclick="window.open(this.href);return false;
En Miner lohnt sich aber nur wennt di für technischi Spilereie chasch begeistere. Wennsder um de Profit gat chaufsch gschider direkt Bitcoins
Oder es solarbetribnigs Raspberry Pi mit USB ASICs wär sicher au na interessant. Nöd psunders ergibig aber lauft defür ewigs oni zuesätzlichi Chöste...

Xinobrax2 hat geschrieben:

Noldi_Palmer hat geschrieben:Wievill Bitcoins produziersch ungefähr pro Monat?

Chani nid so oni witeres sege. Im Moment isches öpe 1.1 BTC pro Wuche.
D Difficulti wird aber immer nach 2016 Blöck neu berechnet. En neue Block wird durchschnittlich alli 10 Minute gfunde.
Mit anderne Wort de Ertrag vomene Miner veränderet sich alli 2 Wuche drum isches schwirig en ganze Monet vorher z sege.

@Pombaer: https://en.bitcoin.it/wiki/Mining_hardware_comparison" onclick="window.open(this.href);return false;
En Miner lohnt sich aber nur wennt di für technischi Spilereie chasch begeistere. Wennsder um de Profit gat chaufsch gschider direkt Bitcoins
Oder es solarbetribnigs Raspberry Pi mit USB ASICs wär sicher au na interessant. Nöd psunders ergibig aber lauft defür ewigs oni zuesätzlichi Chöste...

Wievill TH hesch? Weli pool und coins tuesch mine?

Ca. 1,2 TH, Pool isch Ghash.io und Eligius...wobi eigentlich wärs besser en mittelgrosse Pool z näh...mine tueni Bitcoins.
Miteme ASIC chasch nur SHA-256 Coins mine. Da gits zwar no es paar anderi Kandidate, aber dene iren Wert isch so instabil dases sich eifach nid lohnt.

Da hesch e chlini Übersicht (Ganz obe eifach nur SHA-256 uswähle): http://www.coinwarz.com" onclick="window.open(this.href);return false;

Jetzt schiints sich de Bitcoin Kurs scho über es rexchts Zitli einigermassä stabilisiert zha...
Wird eigentlich scho ordentlich demit ghandlet?
S Problem isch halt dasses quasi erscht bi Endverbrucher überhaupt in Isatz z cho schiint. Solangs denn Gschäft nur anähmed ums sofort in Landeswährig z tuuschä, wills mit bitcoin nid witerchömed, isch immerno en extremi Schrankä vorhandä.

Ich han jetzt uf jedä Fall au mol es Bitcoin Portmonaie. Mol luege wenni s erscht mol öpis chan chaufä demit. Andersits solang ich nüt chan verchaufä für Bitcoins ischs es reins "Verluscht in Chauf neh will Gwunder" Gschäft und somit relativ Sinnlos.

Naja, stabil isch andersch...vor es paar Täg isch de Kurs na bi 650$ gsi...zum Glück hani do einiges vertickt.

Momentan wird de Wert halt würklich na in Dollars usw. gmesse. Isch chli schad....aber anderersits isches praktisch unmöglich e neui "Währig" z etabliere wo vo afang a en eigne Wert het. De chasch ja a nüt messe....es sei denn du stecksch enorm vil Eigekapital bzw. eigni Wert als Sicherheite is System. Oni Sicherheite entstat de einzig Gegewert us de Ware und Dienstleistige wo demit ghandlet werded...so betrachtet wär de Wert vo jedere neue Währig aber 0 solang nüt demit ghandlet wird...und wer handlet mitere Währig oni Wert? Isch chli tricky...

Bitcoin entwicklet sich bis jetzt recht guet....s het mittlerwile au scho einigi Automate womer Bargeld in Bitcoins chan tusche....das machts für di weniger nerdige Mitmensche chli eifacher.

lol... das Höch hani gar nid mitkriegt... vorher ischer aber jo doch es Zitli immer mehr oder weniger im glichä Hunderter gsi, also es "Zitli" und "stabiliesiert" hani natürlich in Bitcoin Maasstäb gmeint...

Isch halt scho so... e Währig mues e Vertrauensbasis sii, und drum hani ebä s Gfühl e vo Afang a unabhängigi Währig chan eigentlich nur imene chlinä Chreis entstoh, und denn villicht expandiere. Ufemene Wältwiitä und Anonymä Masstab isch das chum machbar. Villicht schafftmer denn irgendwenn de Absprung, aber es isch halt scho Saumässig schwierig. Im Moment blibt jo öperem wo sich i de normalä Wirtschaft befinded nüt anders übrig als Bitcoins zwar chönä azneh, aber denn so schnäll wiä möglich in sini jewilig Währig umztuuschä, und solang das so isch, isches ebä kei Alternativä. De einzig Vorteil lieht denn villicht i de Gebührä oder so, aber bi Bargäld hedmer au kei Transaktionsgebührä, Lokalä Handel (bzw. au alles was mit Banküberwiisig/Rächnig unkompliziert zmachä isch) au nid würklich en exclusivä Vorteil.

Aber ja... mol luege was chund. Solangs in erschter Linie Spekulationsobjekt isch, wird sich wohl nid viel ändere. Villicht mueses eifach no chli meh devo geh dass nüm ganz so interessant werded, und sich denn ebä tatsächlich über langi Zitrüüm e normalisierig istellt, so dassmer denn tatsächlich langsam in en aständigs Handelsmitttel übergo chan.

Oni die Abüter wo d Bitcoins direkt in Fiat tuschet chent sich de Handel gar nid ersch etabliere....het also scho sini Vorteil. Ich gsene Bitcoin allgemein eher als Projekt mit enormem Potential. Ob mir i 10 Jahr e witerentwickleti Version vo Bitcoin hend oder ob sich bis denn öpis völlig neus basierend uf de Idee vo Bitcoin entwicklet spillt eigentlich kei Rolle. Hauptsach s gat chli i die Richtig....

Ich chaufe immer wider mal was mit Bitcoins. S isch eifach super. Handy füre neh, QR Code scanne, senden atippe und fertig. So mues e Zalig über s Netz hütsotags ablaufe. Es isch unglaublich dases d Banke bis jetzt nonig gschafft hend öpis verglichbars uf d Bei z stelle :typej:

Klar ebä, wenns so isch wiäs isch, bruuchts de Wechsel i herkömmlichi Währig...aber irgendwenn mues t Stabilität cho, dass öper wo Bitcoins ahnimmt nid grad sofort mues wächslä, und sich durch das dass denn au i denä Chreis Bitcoins nid nur eifach agnoh werded sondern tatsächlich au vorhandä sind, und sich so denn ebä au verbeitä chönd, willmer mol überleit "hei, wieso tuen ich Bitcoins nur aneh... eigentlich chönti jo au sälber demit zahlä", und ebä innerhalb vo de Branchä denn ebä au gmunklet wird "hei, üsi Abnehmer nähmed alli vo ihrnä Chundä Bitcoins, und wenns diä nid müend wächslä zum bi üs War z beziäh, isch das für diä eifacher, also nähmemer doch au Bitcoins".

Dasses i sonä Richtig chönt go, mues aber no sehr vil passiere... oder es werded denn d Massstäb chliner.
Will ebä, dass isch natürlich jetzt us üser Sicht, und in Relation zu Dollar, Frankä oder Euro gseh... es gid natürlich uf derä Wält au Währigä für diä müsst en Bitcon nid so grauähaft stabil sii, und isch trotzdem no viel stabiler. Und denn chamer ebä au für chlineri Chreis wider lokali Währigä machä... det fallts denn ebä au eifacher sich vonere herkömmlichä Währig z trännä. Allerdings bedignt das au d Strukturä i de Realwirtschaft wo so öpis zuälöhnd. Mit globalem Handel loht sich dass denn natürlich nid veriibarä.


Und duchasch natürlich mit Bitcoins chaufä, will du si sälber minesch, oder Dienstleischtigä demit zahlä losch oder was au immer machsch... aber für Lüt wiä jetzt z.B. mich wo en Lohn in CHF überchund, machts kei Sinn mini CHF in BTC umzwandlä zum denn bei eim do in BTC zzahlä nach Tageskurs damit de denn diä BTC sofort wider in CHF umwächslet... denn chanem grad so guet eifach d CHF übereschiebe.

Und d Kreditinstitut chömed jo scho mit ihrnä Kontaktlos Chartä und Apps für Handys und so... aber choschtet halt alles, diä wänd ebä Cholä. Und fairerwiis muemer aber au sägä dass binere Bank halt denn docoh in Sachä Sicherheit und Missbruuch und so no bitz anderi Vorzeichä stönd... bi Bitcoin nimmsch d Verantwortig sälber i d Hand.

Oha...die neue Banke Apps keni nanig...ich han mal d 08/15 ebanking App vo de UBS aglueget und die suckt enorm. Chamer demfall in Zuekunft au innerhalb vonere Sekunde Überwisige a Privatpersone mache? Oder gat das witerhin nur a Unterneme verbunde mitere saftige Gebühr?

No was bezüglich Sicherheite vo de Banke. Die werded au hüt na öfters mal ghackt...s wird nur nid so gern gege usse kommuniziert. De Unterschied isch eifach, dass si s verlorene Geld eifach wider chönd ersetze. So gseh hesch als Chund scho me Sicherheite, s System an sich isch aber zimlich fragil vergliche mitere Blockchain.

Ich känn diä Apps sälber au nid, will ich han gar keis so es Natel han, han nur letschti mol en Biitrag gseh. Det isches jetzt meh um en Alternativä zum Chärtli gangä... also für Bargeldloses zahlä i Gschäfter und so. Irgendwiä Apps wo denn über NFC oder wiä das heisst chasch am zahlterminal adockä statt mit diner Chartä. Aber natürlich wirds det genau so Gebührä ha und alles.

Und d E-Banking apps gits scho au. Mer chan jo au sini Izahligsschii scannä, glaub au mitem Telephon, isch denn eigentlich nid vil andersch als so en code. Ich stell mir vor dass chönt sii dass denn en Shop dir diä Rechnig grad per automatisch generiertem PDF azeigä loht nach de Bstellig und du chasch es abfötele und d Überwiesig somit in Uftrag geh.

E-Rechnig gits jo au unterdessä, dassder en Rechnig eifach is E-Banking gschickt wird, denn muesch nur no bestätigä, nüm alles usfüllä usw. und bruucht au kei Briefe meh und so.

Natürlich isch das in viellerlei Hinsicht aber au nid verglichbar mit eme System wiä Bitcoin (z.B. bezüglich Zitruum für d Transaktion (hedmi zwar überrascht dasses bi Bitcoin denn doch au no rächt es Zitli god), oder dass nid jedä eifach für jede Zweck jederzit mol churz en Izahligsschii mit Ref.Nr. und allem wases bruucht chan usstellä), aber ebä, s ganzä Modell dehinter isch au es total anders. Wiä e sofortzahlig i dem Modell usgsehd, zeigt jo z.B. PayPal... nur wänd diä natürlich au wieder de Cholä.

Was d Ziite betrifft...

Transaktione sind bi Bitcin innerhalb vonere Sekunde übertreit. Demit aber niemert sis Geld mehrmals chan usgeh, wird jedi Transaktion aschlüssend vom Netzwerk überprüeft. Konkret mues e Transaktion 6 Mal gegeprüeft werde. Das entspricht 6 Blöck i de Blockchain. D Berechnig vomene Block duret durchschnittlich 10min, somit isch d Transaktion nach 1h komplett abgschlosse.

Uf dütsch: S Geld wird praktisch oni Ziitverzögerig übertreit. De neu Psitzer chans aber us Sicherheitsgründ ersch nach 1h wider usgeh. D Shops regled das unterschidlich...wennt z.B. imene Lade öpis mit Bitcoins zallsch wartet niemert uf 6 Bestätigunge. D Azeig vo de Transaktion isch det Bestätigung gnueg. Onlineshops und Tuschbörse warted, wenn überhaupt, idR uf 3 Bestätigunge.

Für die wos nonig mitübercho hend, am 15. April werded d Bankkontene vo de Chinesische Tuschbörse igfrore. Drum sinkt momentan mal wider de Kurs...
Ev. lohnt sichs en Teil z verchaufe und am 15. bzw. 16. April wider z chaufe...je nach dem wie sich de Priis entwicklet.

guet waer die naechst moeglich bitcoin waerhig, investitions moeglichkeit zfinde....aber wenns so eifach waer.....

Chasch ja...git jenschti Agebot...

Apropos nögscht Bitcoin. I manche Chreise wird derzit es neus Konzept diskutiert: Sidechain. I dem Modell laufed mehreri Blockchains parallel. So chentmer en Coin mit spezifische Eigeschafte oni witeres eifach is bestehende Bitcoin Netz integriere oni grad en neue Altcoin z erschaffe. D Coins chentmer denn vo de einte Chain zur andere verschiebe. D Idee an sich isch nid schlecht...mal luege wie sich das entwicklet...

Xinobrax2 hat geschrieben:Für die wos nonig mitübercho hend, am 15. April werded d Bankkontene vo de Chinesische Tuschbörse igfrore. Drum sinkt momentan mal wider de Kurs...
Ev. lohnt sichs en Teil z verchaufe und am 15. bzw. 16. April wider z chaufe...je nach dem wie sich de Priis entwicklet.

Läck isch das e beschisseni Prognose gsi...zum Glück tradet min Bot für mich