The(G)Forum

gestern war Sevenforce aus dem Triggerforum paar STD in Oberndorf.Gruss an Dich Tatsujin .Haben nur kurz Dogyuun,Super fantasy zone, Space Invaders 90 und Pulseman gespielt.Das hat er dann auch mitgenommen
Danach noch mit meinem Freundeskreis essen gegangen und dann musste er leider wieder in den Zug und die Heimfahrt antreten.

pulseman


Quelle

Pulseman und ristar hani mit absicht no nieä gspielt. Akumajou Dracula X: Chi no Rondo au nur bis 37%. s beschte hani nochli ufghobe.

Und für was? Uf was wartisch?

weiss nöd, vorfreud isch die schönscht freud.

geosnow hat geschrieben:weiss nöd, vorfreud isch die schönscht freud.

woah, würd mi kaputt mache. Ich mues immer grad alles fertig mache wo neu isch. Weg dem mues i immer schwereri Spiel kaufe damit Kohle nit immer in 1-2h verbrennt isch. Ok Dracula X het en hoche Replay wert, aber wie ka me es Game übersuper finde wenn me nit mol d'hälfti devo kennt?

hehe, will ich sehr viel games kenn und denn scho säge chan, dassi s game super find. shenmue 2 muesi au no spiele. das gfallt mir au sehr guet. es git no es paar so games. zerscht bruchi aber en neue verstärcher für d alag bide retrokonsole.

Lol drac x nur 37%？

Wie chan mer nur nach 20jahr?

das scho ich weiss au nach de erschte 15min ob i das Spiel will witerspiele oder nit, denn fliegts (falls scho kauft) in Crapkischte und wird mol füregholt wenn alles andere gmacht hesch, schlimm isch es wenn paar gueti mitenand kömme. aber bime sone Dracula X könnti nüm schlofe wenni wüsst dr Save isch nit bi 100% :typej:

Tatsujin hat geschrieben:Lol drac x nur 37%？

Wie chan mer nur nach 20jahr?

han kein stress. hans ja bim release kauft und bim shady abgholt.

aha, du losch dir zit. de isch jo guet.

10x Game Review osem "Multiplayer-Blickwinkel" (ahlässlich eusere Game Session 2012 vom 27.12. )

NHL 96 - Mega Drive
spielt secht im MP bsonders guet of PAL, da längsämer hilft, s'Game chli übersichtlicher zmache för 4 Spieler.
Esch di bescht Version näbscht em 94gi (94 esch mer es bitz z'träg). För en Ahfänger-Multiplayer Groppe es bitz a dä Grenze vo dä Eifachheit her gseh. 9/10

Warring Worms Returns - Atari 2600 (Homebrew)
Esch es ziemlich intelligents Game ond chorzwiilig zom es ziitli zueluege. Viel Modis (typisch Homebrew) Leider nor 2-Player, 4-Player wärs es 9/10 Game, so esch's es 8/10.

Battle Lode Runner - PC-Engine
Dä Evergreen. Super Music, super Taktik, intelligents Spielprinzip. Gueti Ihstelloptione. Einfach ond simpel. Gfallt mer fasch so guet wie Bomberman. 9/10

Winter Heat - Sega Saturn
Actionorientierts Winterolympic stlye Game. Einigi Diszipline sind leider z'ähnlich ond schlächt gmacht (Skeleton/Bob, Skating 2x etc). Macht Spass, aber es giht ahsprochsvolleri Olympiade-Games. 7/10

Final Match Tennis - PC-Engine
No comment > 10/10

Sega Bass Fishing duel - PS2
S'einzig Split-Screen Sega Bass wos giht. Esch i allem (Technik/Grafik) hoffnigslos veraltet aber häd trotzdem no Charme. Dä "Ziitchlau-Modus" macht Spass ond esch spannend, bsonders au zom zueluege. 8/10

Ultimate Soccer - Mega Drive
Wär es Fun/Action Soccer, "wär" will händs im 8-Player probiert, aber leider ned änebrocht innert "nützlicher" Ziit: Vell zkomplizierts Menu. Schaad, hätti mi wondergno. Kei Wertig, förs beschissnige MP-Menu aber es 2/10

Medieval Mayhem - Atari 2600
No comment > 10/10 (nor öpis hämer usegfonde: Vorsicht, die beide obere Players chamer i dä tömmi mit dä Schalter hinde am Konsole-Ghüüs siiteverkehrt ihschalte. Bis mer das usegfonde händ, gopf :typej: )

Bomberman SS - Sega Saturn
Näbscht em Bomberman 94 immer no s'bescht Bomberman ever. Äbe, halt au s'einzig bekannt 10-Player game wos giht. Es lohnt sech aber en US/Euro-Version zha, wiel s'Japan Menü doch rächt uusfüehrlich esch. 9/10

Micromachines 2 - Mega Drive
Sicher eis vo dä beschte MMs, was mi aber glich biz enttüscht esch, dass viel Bahne sehr ähnlich sind ond grad för Beginners z'schwierig. Vo 20 Bahne sind drom nor öppe 6 geeignet för en 4-Player Session. Mer händs au bewosst PAL gschpillt, da in 50hz scho fasch no zschnell. 7/10

geosnow hat geschrieben:Pulseman und ristar hani mit absicht no nieä gspielt. Akumajou Dracula X: Chi no Rondo au nur bis 37%. s beschte hani nochli ufghobe.

ristar isch sehr lang, ich würd mal aafange, därfsch nämli jedes mal wieder vo vorne aafange...

pulseman isch natürli öppis vom beste wos je hez gits

und shenmue 2 wär eigentli recht guet wänns gameplaytechnisch nöd chli unfertig und chnorzig worde wär. va. uf dä disc 3 ischs zum teil ä qual all die try&error missione. wichtig: unbedingt vo disc 2 uf 3 mind. 1000$ mitneh. sust bisch nachher ziemli verarscht.

hanf hat geschrieben:pulseman

…gseet rächt guet uus! Grafik esch huere de Flash!

m.o.terra kaesi hat geschrieben:10x Game Review osem "Multiplayer-Blickwinkel" (ahlässlich eusere Game Session 2012 vom 27.12. )

Super esch gsi!

Fade hat geschrieben:

hanf hat geschrieben:pulseman

…gseet rächt guet uus! Grafik esch huere de Flash!

die huere gamefreak hettet gschieder pulseman 2 gmacht als all dä pokemon shizzle...

ja eh, und nachher grad in bankrott inisädere?

egal.

pulsemann [x----------------------] pokemon

hanf hat geschrieben:pulseman


Quelle

Das isch also pulseman...mhhh eifach ä kopie vo sparkster und mega man vom Snes...tsssss eifach ächli nervöser! Guet, demfall gits jo lüt wo das gern händ

Genfer hat geschrieben:

hanf hat geschrieben:pulseman
Das isch also pulseman...mhhh eifach ä kopie vo sparkster und mega man vom Snes...tsssss eifach ächli nervöser! Guet, demfall gits jo lüt wo das gern händ

du weisch scho, dass sparkster aka rocket knight adventure zerscht uf em MD usecho isch. Zudem sind beidi games nöd vo nintendo.

Mir isch glich vo wem das games sind, hauptsach sie sind uf em Snes usecho
Usserdem han ich gar nöd viel games vo Nintendo sälber ufem Snes...aber zum glück gits Konami und Capcom

Genfer hat geschrieben: Das isch also pulseman...mhhh eifach ä kopie vo sparkster und mega man vom Snes...tsssss eifach ächli nervöser! Guet, demfall gits jo lüt wo das gern händ

hät gameplaytechnisch nüt mit sparkster und mega man ztue. isch komplett andersch zum spiele... also würkli, komplett andersch, am eheste ischs wie sonic, aber au das triffts sehr schlecht...

hanf hat geschrieben:

Genfer hat geschrieben: Das isch also pulseman...mhhh eifach ä kopie vo sparkster und mega man vom Snes...tsssss eifach ächli nervöser! Guet, demfall gits jo lüt wo das gern händ

hät gameplaytechnisch nüt mit sparkster und mega man ztue. isch komplett andersch zum spiele... also würkli, komplett andersch, am eheste ischs wie sonic, aber au das triffts sehr schlecht...

Ich luege dän emol eim über d'schultere wän ers live schpielt
(han sowiso nomol es MD2 im chäller gfunde...ich wird eifach nöd alles los :typej: )

Isch dä Pulseman so tür und soviel wert ?
http://shop.ebay.fr/i.html?_trksid=p519 ... &_from=R40

tendeziell gits es scho chli günstiger, aber mindestens 100 stutz muesch scho rechne...