The(G)Forum

thaeye hat geschrieben: ↑23 Mär 2023 13:40 mandalorians sind idiote. schad de mythos kaputt.

Ich bruch ein bis zweimal im Jahr min Star Wars Fix. Schad chan Didney das nid erfüllte aber zum Glück gitts so viel alte Star Wars scheiss vo hüere güet isch.
Gad letsch Wuche hamer mal wieder Darth Plagueis gäh. Super Story um de Palpatine und sin Chef.
Da gitts jenschtes und z.B. Audible hed agfange, da wieder Züt z vertone. z.B. sinds jetzt a de X-Wing (Rogue Squadron) Saga dran. Heds bis ez nur gekürzt gäh.
D Büecher hani devo bereits 2 oder drümal gläse... super geil!

Kein Mensch brucht Didney.

wie sind die möngis überhaupt uf de planet choh? gar nöd soviil ruumschif gha? und ich ghan gmeint d mandalorians sind nur na es paar? voll am rekrutiere gsi?

den sogar na en cgi möngi inegmecht, haet huere schlecht usgseh.

thaeye hat geschrieben: ↑23 Mär 2023 13:51 den sogar na en cgi möngi inegmecht, haet huere schlecht usgseh.

jaaaaa, gäll de ganz links im bild wo eifach bitz is wasser balleret hett wieso balleret die is wasser, hami echt gfrögt, was für es zieltraining söll das si!??

hey, aber de jarjar binks als jedi isch no cool gsi

und de huere grogu chönt au mal schnorre, mir wüsset langsam das sie sich waen am Yööööö faktore bediene.

ich finds gliich cool das ganze. ich ha ja alligs nur scho bim titel-song tränli ide auge... göransson ftw. de titelsong isch dope!

Mir göhn langsam die Mandalorians ufe Sack mit ihrer Moral und ihre dumme Regle. Erscht händs zwei kompletti Episode gmacht wiener sini Schuld muess reinwäsche will er eimol de Helm abzoge het :typej:
Episode 3 isch denn ändlich e Liechtschimmer gseh, mit dere Sidestory um die ex Imperialischte uf Coruscant.
Und geschter Episode 4 wieder im Stil vode erschte zwei. Und die Rüssi für de Grögu hät jetzt ächt nit müesse si.

Het das wirklich de Favreau gschriebe? Staffle 3 wirkt so uninspiriert
Ich will de Western Style zruck us Staffle 1 und 2. Abgschlosseni Episode, verbunde mit me rote Fade.

Das mitem „Reinwaschen“ isch eh en Witz! Er hett ha nume es Fläschli vo dem Bissiwasser chönne näh und zrüggjoggle. Gar nid müesse drigumpe. Sowieso, es isch ja nüt bsunders gsi dert härezgah. Zersch so, hei mega Challenge sich dört ga z reinige. När sone Pipifax. Ganz lahmi Staffle bis itze. Ou dr Mando schiists gloub ah…

Piss di Disney!!!

abyss hat geschrieben: ↑24 Mär 2023 11:17 Gar nid müesse drigumpe.

also er isch scho sehr tüüf drigumpet, fascht versoffe ischer ohni bo-katan wär er jetzt hinüber.

Ja aber äbe. Für was dr Ufwand wenn eh nume es Fläschi Wasser chasch mitnäh und när säge; Hei hami de greiniget. Danke. Joine wider eue Club. WTF? Nimi grad es 6-er Pack uf Reserve. Ha dänkt das isch en Quest wo mega wichtig und soannend isch. Aber nei, si joggle eifach mou chlei ir Pampa ume…

Fasch scho z Nievau vom Bobler Fettsagg. Und dasch z wenig

abyss hat geschrieben: ↑24 Mär 2023 14:06 Fasch scho z Nievau vom Bobler Fettsagg. Und dasch z wenig

definitiv.

Rotten Tomatoe Publikumswärtige sind au entsprächend:
Staffle 1 93%
Staffle 2 93%
Staffle 3 75%

ja mal warte, sind erst bide hälfti.

tendenz stimmt aber.

Also mini Hoffnige sind jetzt bi 0. Episode 7 isch zwar nit ganz so schlächt gseh wie die letschte paar vorhär, aber für mi isches verbi mit Mandalorian. Disney het au die Subfranchise and Wand gfahre. Eigentlich söttets die Serie umbenenne in Bot Katan. Die schint jetzt d'Lead Rolle zsi. de Mando isch nume no en Sidekick. Zum Kotze

btw: de Audience Score uf Rotten isch mittlerwile bi 50%

luege nöm, langweilig

aso ich han ep. 07 rächt gfiiret. de ganzi build-up vo de letschte (eher langwiilige) folge hett doch no sinn gmacht jetzt findi. geili action gsi am schluss. bitz empire strikes back feeling gsi...

aber ja, bo-katan isch jetzt lead und er dient ihre jetzt ja voller stolz...

Schlächt gsi die Season, bis uf Szene mit Baby Yoda "Yes Yes Yes"..."No No No"…

episches Finale gsi, au wenni es paar sache e bitz "luschtig" gfunde han...

sie müend z.b. unbedingt smovement vom grogu verbessere wenn er lauft
so schlächt...

gibe dere season 6/10

The Sheep hat geschrieben: ↑24 Mär 2023 16:42 Rotten Tomatoe Publikumswärtige sind au entsprächend:
Staffle 1 93%
Staffle 2 93%
Staffle 3 75%

genau so. wobi Staffle 3 öppe 40% au würd länge.


Quelle

S03 no gar nid gluegt... Nid wert dämfau?

emP hat geschrieben: ↑01 Mai 2023 13:41

The Sheep hat geschrieben: ↑24 Mär 2023 16:42 Rotten Tomatoe Publikumswärtige sind au entsprächend:
Staffle 1 93%
Staffle 2 93%
Staffle 3 75%

genau so. wobi Staffle 3 öppe 40% au würd länge.

Sie isch bi 50% jetzt. Mehr het si au nit verdient

Jones hat geschrieben: ↑01 Mai 2023 15:00 S03 no gar nid gluegt... Nid wert dämfau?

Nope. Mach gschidr öppis angers. Dreihbuech hett gfüehlt e 10 jährige geschribe.

emP hat geschrieben: ↑01 Mai 2023 16:46

Jones hat geschrieben: ↑01 Mai 2023 15:00 S03 no gar nid gluegt... Nid wert dämfau?

Nope. Mach gschidr öppis angers. Dreihbuech hett gfüehlt e 10 jährige geschribe.

e 10 jährigi Emanze

wär ebefalls Fan isch devo, dass jetzt Bo-Katan de*die wahri Mandalorian isch, unbedingt die neu Peter Pan Verfilmig luege!