1000/1000 Megabit Internetleitig^^

[Mastler(P)]

Für was brucht me denn das?

nur scho dafür:

Alles andere apstelle, plombiere, Festnetzaschluss uf VoIP zügle, usw. Chämt öppe 400.- günschtiger pro Jahr

[Avenger]

Festnetz? Gits das no? Ha sit ewige zite sipcall. Und bruches genau nie.

[Gurgelhals]

Neulich im Callcenter vom Teschtsieger:

"Dörf ich nach Ihrem Grund für d'Kündigung fröge?"
"Natürlich. Ich han uf es bessers & günschtigers Glasfaseragebot gwächslet."
"I dem Fall wüssed sie aber wahrschinlich nöd, dass d'Cablecom au scho lang Glasfaser im Agebot hätt." *<---- ololololololol!*
"Doch, das weiss ich. Aber es gaht halt nöd bis i d'Wohnig."
"Dörft ich i dem Fall fröge, zu wellem Abüüter sie wächsled."
"Natürlich dörfed sie das. Zu Fiber7."
"Aha. Ja, guet, dänn..."

[TypeJ]

du bisch huere krass

[Mastler(P)]

du bisch huere krass

[mr.raw]

geile siech!

[Xinobrax2]

Neulich im Callcenter vom Teschtsieger:

"Dörf ich nach Ihrem Grund für d'Kündigung fröge?"
"Natürlich. Ich han uf es bessers & günschtigers Glasfaseragebot gwächslet."
"I dem Fall wüssed sie aber wahrschinlich nöd, dass d'Cablecom au scho lang Glasfaser im Agebot hätt." *<---- ololololololol!*
"Doch, das weiss ich. Aber es gaht halt nöd bis i d'Wohnig."
"Dörft ich i dem Fall fröge, zu wellem Abüüter sie wächsled."
"Natürlich dörfed sie das. Zu Fiber7."
"Aha. Ja, guet, dänn..."

Kennsch?


Quelle

[Acid]

Han letschti grad bi Swisscom kündigt, händs mer gseit sie wüüredmi gern bhaltä, öbi dehei gar kei Internet me wäli etc.

Den hendsmer denn no gseit ich heigimi doch voreme Zitli für d Infinity Abos interessiert (wiäni jo imene andere Thread mol beschribä han) und det heigi leider e völlig falschi Information übercho, sig glich nid 10gb Limit Zeugs und Sachä...

Aber das do im Video isch nid schlächt, diä vom Swisscom heds denn scho gli begriffä dassi nüt will, lol.

[Gurgelhals]

Kennsch?

rolf, i däre Art stell ich mir öppe d'Höll vor Und dänn no i dem Ami-Gebruchtwagehändler-Stil. Grauehaft!

Isch mer aber eigentlich gar nöd drum gange, dene im Cablecom-Callcenter Ufdringlichkeit o.Ä. vorzwärfe, han's eifach amüsant gfunde, dass d'Sach erlediget gsi isch, sobald de Name Fiber7 gfalle isch Eigentlich sind's ja im Gägeteil sehr effizent vorgange: Erschti Frag zum Abkläre, öb's en schlächt informierte Chund isch (eine wo sich vom Wiuwiuwiuglasfaser-Gschwätz blände laht, obwohl die meischte FTTH-Agebot ja tatsächlich nöd meh büüted als d'Cablecom). Zweiti Frag zum Abkläre, öb de Chund würklich zu öppis besserem wächslet. Und das wär's dänn au scho gsi.

Zudem: Kei grossi Umtriib (à la Kündigung wird nume mit igschriebnem Brief akzeptiert, usw.) und astandslos Kündigung per Ändi vom laufende Monet, obwohl gemäss Vertrag eigentlich e Kündigungsfrischt vo 2 Mönet gsetzt isch. Chan also überhaupt nöd klage (und han ganz allgemein i dene ca. 15 Jahr, wo ich s'Breitbandinternetz bi de Cablecom gha han, chum Grund zum klage gha).

[Gurgelhals]

Ah ja, Fiber7 isch es Traumagebot für EDV-Experte/Power User/Freaks, aber für 90% vo de CC/Swisscom/etc.-Chundschaft isch das nüt. Natürlich chasch de vorkonfigurierti Mikrotik-Router theoretisch eifach istecke und loslegge (ok, d'Glasfaseroptik muesch zerscht no isetze) - d'Aleitig dezue chunnt uf zwei usdruckte A4-Siite. Aber nume scho zum es Port-Forwarding izrichte oder s'WLAN-Kennwort z'ändere bruchsch es Tutorial, will d'Admin-Tools so dethär chömed:



Isch aber würklich sehr es mächtigs Teil, chasch so ziemlich alles bis is chlinnschte Detail sälber konfiguriere (Kehrsiite: Au verhältnismässig eifachi / grundlegendi Sache muesch bis is chlinnschte Detail sälber konfiguriere).

Guet, inzwüsche büüted's statt em Router au eifach en Glasfaser/Chupfer-Konverter a, wo me dänn en eigene (afängerfründlichere) Router chan dehinder hänke. Isch evt. sogar die besser Lösig, will de Mikrotik-Router gar kei NAT Routing mit 1Gbit/sec schafft. Chume drum effektiv gar nöd über 400Mbit/sec (nöd, dass das i de Praxis würd uffalle ).

[Xinobrax2]

Es isch mega....wenns das da gäbt heti scho längst es Abo

[Jones]

Kennsch?

i muess auso dr huet zieh vo däm chund. i wär gloub bitzli lüter worde...

[Mastler(P)]

Es isch mega....wenns das da gäbt heti scho längst es Abo

i wellem huus bisch denn jetz grad?

[Xinobrax2]

Kennsch?

i muess auso dr huet zieh vo däm chund. i wär gloub bitzli lüter worde...

Isch halt nid irgend ein Chund gsi sondern de Ryan Block, ehemalige Chefredakteur vo Engadget. Amene Tech-Journalist as Bei z pisse isch idR nid sone gueti Idee. Wenis richtig in Erinnerig han hets vorher bereits sini Frau es paar Minute lang probiert. Wo si denn langsam chli gnervt gsi isch het er s Telefon übernoh und s Ganze ufzeichnet.

@Mastler: Isch grad chli sprunghaft zwüschet Züri, Uster und Ossinge.

[Jones]

Ah so... Trotzdem! Dä trottu am telefon isch chum zum ertrage...

[Xinobrax2]

Tja, isch halt quasi d US-Version vom Testsieger

Seg schinbar au kein Einzelfall...

[Shadow]

Kennsch?

rolf, i däre Art stell ich mir öppe d'Höll vor Und dänn no i dem Ami-Gebruchtwagehändler-Stil. Grauehaft!

Isch mer aber eigentlich gar nöd drum gange, dene im Cablecom-Callcenter Ufdringlichkeit o.Ä. vorzwärfe, han's eifach amüsant gfunde, dass d'Sach erlediget gsi isch, sobald de Name Fiber7 gfalle isch Eigentlich sind's ja im Gägeteil sehr effizent vorgange: Erschti Frag zum Abkläre, öb's en schlächt informierte Chund isch (eine wo sich vom Wiuwiuwiuglasfaser-Gschwätz blände laht, obwohl die meischte FTTH-Agebot ja tatsächlich nöd meh büüted als d'Cablecom). Zweiti Frag zum Abkläre, öb de Chund würklich zu öppis besserem wächslet. Und das wär's dänn au scho gsi.

Zudem: Kei grossi Umtriib (à la Kündigung wird nume mit igschriebnem Brief akzeptiert, usw.) und astandslos Kündigung per Ändi vom laufende Monet, obwohl gemäss Vertrag eigentlich e Kündigungsfrischt vo 2 Mönet gsetzt isch. Chan also überhaupt nöd klage (und han ganz allgemein i dene ca. 15 Jahr, wo ich s'Breitbandinternetz bi de Cablecom gha han, chum Grund zum klage gha).

Bäm!

[Gurgelhals]

Namal en Grund für de Wächsel uf Fiber7: De Scheff vo de Bude isch de gütt (Thema Netzneutralität-Bullshit-Statement vo Swisscom, Cablecom & Co.): https://drive.google.com/file/d/0B1dniA ... edit?pli=1" onclick="window.open(this.href);return false;


Ah ja: IPv6 = geil. Es /48er-Subnetz mit insgesamt 2^80(!) IPv6-Adresse chunnt me da über. Das sind also - wänn ich mich jetzt nöd total verrächne - ungefähr 280 Billione mal de gsamti IPv4-Adrässbereich. Oder anders gseit: Ich chönnt jetzt theoretisch 65'536 LANs mit jewiils 18'446'744'073'709'551'616 IP-Adrässe betriibe

[Supersonic]

So, geschter de Glasfaser i d'Wohnig verleit und hütt scho de Router übercho. Rächt geile Gfühl isch es. Vor allem de Ping vo 3ms (speedtest.net) Morn gaht d'Kündigung an Testsieger use

Jetzt mues ich nume no es Diplom als Netzwerk-Administrator erwerbe, zum d'Konfiguration vo dem Mikrotik-Router au nume asatzwiis chönne z'vestah Gitt's da irgendwo gueti Tutorials?

Verzell! Nimmt mi au mega wunder. Wie isch Glasfaser zoge worde? Gratis? Du wohnsch au in Züri, oder?

[Gurgelhals]

Nei, Winterthur. Det isch es so, dass du im Chäller d'Verteilerbox häsch (sofern s'Huus bereits as Glasfasernetz agschlosse isch) und de Provider bi de Bstellig en Elektriker beuftreit, zum d'Leitig i d'Wohnig z'zieh (afaik via Swisscom, will die z'Winti s'Netz baut; z'Züri wäred's dänn wohl d'EWZ). Zahle tuet das alles de Netzbetriiber.

De Umstieg isch jedefalls relativ schmerzlos. Bstelle, Telefon vom Elektriker abwarte und Termin abmache, nach em Iibau de Router aschlüsse und das Ding lauft.

[Xinobrax2]

Bis wo ane zalleds denn d Leitig? De Router isch na inbegriffe nimi mal a...aber wie gsets us mit de Kabel im Huus und de Charte für d Rechner? Oder bisch eifach bi Gigabit blibe?

PS: Blödi Frag binere Gigabit Verbindig, sry Aber ich het glaubs na froid dra grad Fiber durch s ganze Huus z zieh...

[Gurgelhals]

Bis zur Glasfaserbuchse i de Wohnig. Also eigentlich sinds zwei Schritt:
1. Erschlüssig vo de Liegeschaft. Das gitt e Verteilerbox im Chäller und das zahlt während de Usbauphase no d'Swisscom und wird au vo dene initiiert. Das lauft zwüschet Huusbsitzer und Swisscom ab und wänn de Bsitzer während de Usbauphase da nöd mitmacht, zahlt er's irgendwänn dänn halt mal sälber.

2. Erschlüssig vo de Wohnig: De Schritt wird vollzoge, wänn en Bewohner es Glasfaseragebott bstellt. Lauft wie obe beschriebe. Zahle tuet's ebefalls de Netzbetriiber. Einzigi Usnahm isch, wänn's ufgrund vo de Bausituation Komplikatione gitt (z.B. kein Stiigkanal, wo sie chönd s'Kabel durezieh). I dene Fäll würded d'Mehrchoschte aber theoretisch uf de Vermieter zruggfalle, will's ja um es baulichs "Upgrade" gaht.

Alles jensiits vo de Buchse isch Sach vom Mieter / Provider. Da häsch e Setup-Gebühr (afaik öppe 150.-) und bi de Wahl vo de Hardware bisch völlig frei. Fiber7 büütet 4 Optione (wobii d'Hardware für b), c) und d) natürlich nöd inbegriffe isch und extra choschtet):
a) Kei Hardware -> mousch alles sälber chaufe. Und bisch au sälber verantwortlich, dass es dänn funktioniert
b) Fiberoptik + -kabel -> sie liefered dir d'passende Fiberoptik-SFP-Modul und s'dezueghörige Glasfaserkabel, alles andere chaufsch sälber.
c) Alles us b) + Mediakonverter (Fiber uf Gigabit-Ethernet) -> Für die ganzi Ethernet-Infrastruktur hinder em Konverter (Router, etc.) bisch sälber zueständig.
d) De Mikrotik-Router -> isch e Kompromisslösig: Das Ding schafft mit IPv4-NAT "nume" maximal 600Mbit/sec, aber defür häsch alles i eim Grät: Fiber/Ethernet-Konverter, Router, Switch und WLAN-Accesspoint.

S'Problem isch, dass Fiber7 im Grund gno aktuell viel z'guet isch für aktuelli Consumer-Netzwerkhardware. Kritisch sind vor allem zwei Bereich, nämlich a) d'Routing-Performance und b) de IPv6-Support, speziell d'Prefix Delegation. Das isch de Prozess, wo de Router sich s'IPv6-Subnetz bim Provider abholt (d.h. entspricht öppe dem, wo bisher mit IPv4 i de Regle de DHCP-Client vom Router gmacht hätt, nume gitt's halt nöd ei IP-Adresse sondern es ganzes /48er-Subnetz ).

De Mikrotik isch s'einzige Grät, wo würklich All in One isch, schafft aber ebe nume max. 600Mbit/sec. Gwüssi Asus und Netgear High-End-Consumer(!)-Router schaffed defür zwar e besseri LAN<->WAN-Performance mit anöchernd 1Gbit/sec, defür isch bi dene Grät d'Firmware rächt buggy und instabil (überrascht nöd) und vor allem de IPv6-Support erst unvollständig (au das überrascht nöd). Au 3rd Party-Projekt wie Tomato und DD-WRT sind i dene beide Bereich afaik nöd würklich bereit (das überrascht hingäge).

Im Grund gno isch Fiber7 also es Agebott, wo me aktuell nume mit Netzwerk-Hardware us em Profibereich würklich usreize chan. Es paar Freaks händ inzwüsche aber folgendi Konfiguration mit Consumer-Hardware als "ideali" Lösig gfunde:
- Fiber isch über de Mediakonverter aghänkt.
- Dehinder chunnt en Ubiquiti Edgerouter. De schafft NAT mit 1Gbit/sec und beherrscht (allerdings nume via Gebaschtel im Terminal / Skripts) die nötige IPv6-Funktione (Prefix Delegation).
- Dehinder chunnt en Gigabit-Switch (de Edgerouter hätt zwar 3-5 Ports, du chasch aber nume ein Port fürs LAN und eine fürs WAN bruuche; Bridging vo mehrere Ports zu eim LAN beiiträchtiget d'Routing-Performance, so dass nüme 1Gbit/sec häsch; drum mousch de Teil uf en separate Switch uslagere).
- Und hinderem Switch dänn alles andere (WLAN Access Point, Rächner, usw.).

Also es rächt ufwändigs Setup, wo me de facto für jedi einzelni Funktion es eiges Grät brucht, und ohni Konfiguration via Terminal gaht's offebar au da nöd. Entsprächend au verständlich, dass de Provider sich für de Mikrotik als Kompromisslösig entschiede hätt (und au das Ding isch wiit devo entfernt, irgendwie "Enduser-fründlich" z'si - siehe mis Posting dezue wiiter obe). Ich bliibe jedefalls vorläufig bim Mikrotik. Alles andere wär mir z'ufwändig/z'kompliziert. Es wär ja nöd so, dass es jensiits vo irgendwelche Speedtests würd uffalle, dass ich mit "nume" im Schnitt 400Mbit/sec im Netz bin (PS: Im Übrige sind au d'speedtest.net-Server i de meischte Fäll z'langsam für Fiber7 ).

Und ja, natürlich han ich im LAN wiiterhin Gigabit Ethernet. 10gbe chasch ja nonig zahle bzw. isch no nöd im Consumer-Bereich acho.

[Xinobrax2]

Das nenn ich mal e usfüerlichi Antwort, thx

[Xinobrax2]

Btw...me oder weniger passend zum Topic: Ich het grad 1 Monat OBOOM Premium z verschenke. Am liebste a öpert, wo de Account au chan uslaste. Bi Interesse eifach mal melde.

[Gurgelhals]

Das nenn ich mal e usfüerlichi Antwort, thx

Isch ebe geile Gfühl

Viel besser als die theoretische 1Gbit/sec / effektive 400Mbit/sec sind ohnehin d'Latenz (ping6 zum Provider um die 0.7ms und uf google.ch dänn 1ms ) und d'Tatsach, dass es offebar en ziemlich parate Lade isch: De Scheff isch sälber en Freak & Baschtler und s'ganze Agebot isch offesichtlich nöd vo BWLer und Buechhalter, sondern vo IT-Fachlüüt und Internet-Idealischte konzipiert (kei Hardware-Zwang, kompromissloses Bekänntnis zur Netzneutralität, IPv6 und die symmetrische 1Gbit/sec-Bandbreiti als Statement im Sinn vo "das isch hützutags machbar (au us wirtschaftlicher Sicht) und alli andere, wo uf Glasfaser nöd viel meh als VDSL/Kabel-Bandbreiti abüütet, zocked eu ab.").