The(G)Forum

Xinobrax2 hat geschrieben:

Mr Burzel hat geschrieben:

Acid hat geschrieben:Merci. Demfall aber au kei Exzess leider. Villicht muesi eifach mol is chaltä Wasser gumpä, und luege was passiert. Schisst mi eifach chli a so viel z zahlä, und denn drehedsmer de Hahn ab wensnä grad nid passt und isch stand im Chübel.

Wie wärs mit dem Agebot : http://www.sunrise24.ch" onclick="window.open(this.href);return false; ?

Interessant...warum verstecked die ires beschte Abo? O_o

Edit:

Kann ich mein Mobiltelefon auch als Modem nutzen (Tethering)?

Die Nutzung des mobilen Internets mit sunrise24.ch ist auf Datenverbindungen ohne VoIP mit einem einzigen Mobiltelefon beschränkt ohne Nutzung mit daran angeschlossenen Geräten, Modems oder Geräten mit eingebautem Modem.

ok

Hotspot ufem Android Device...? Wie wönnts da merke...

Anderi Grät sended anderi Infos...OS, Browser, Uflösig usw.. Das chamer zwar theoretisch alles umgah aber s isch chli müesam...

Xinobrax2 hat geschrieben:Anderi Grät sended anderi Infos...OS, Browser, Uflösig usw.. Das chamer zwar theoretisch alles umgah aber s isch chli müesam...

Klar, für en Laie evtl. nid mögli, aber für alli anderi scho wo sich mit IT befasse.
49 CHF isch no fair...obwohl i kei Sunrise Fan bi...

Ich hansmer au überleit...mis Swisscom Abo endet im August. Aber Tethering ohni nervigs Konfiguriere bruchi scho...

Xinobrax2 hat geschrieben:Ich hansmer au überleit...mis Swisscom Abo endet im August. Aber Tethering ohni nervigs Konfiguriere bruchi scho...

Tethering und VPN, de krieges au dini VOIP Calls nid mit au wennde en huere overhead hesch und evtl. dini Leitig zlangsam isch

Mr Burzel hat geschrieben:

Xinobrax2 hat geschrieben:Ich hansmer au überleit...mis Swisscom Abo endet im August. Aber Tethering ohni nervigs Konfiguriere bruchi scho...

Tethering und VPN, de krieges au dini VOIP Calls nid mit au wennde en huere overhead hesch und evtl. dini Leitig zlangsam isch

VPN...ich Idiot...verwendi ja eh :typej:

S wär en Versuech Wert...s Abo duret ja sowiso nur 3 Monet...

Xinobrax2 hat geschrieben:

Mr Burzel hat geschrieben:

Xinobrax2 hat geschrieben:Ich hansmer au überleit...mis Swisscom Abo endet im August. Aber Tethering ohni nervigs Konfiguriere bruchi scho...

Tethering und VPN, de krieges au dini VOIP Calls nid mit au wennde en huere overhead hesch und evtl. dini Leitig zlangsam isch

VPN...ich Idiot...verwendi ja eh :typej:

S wär en Versuech Wert...s Abo duret ja sowiso nur 3 Monet...

De probiers us oder evtl. het öber im GForum scho Erfahrig gsammelt

Sunrise 24 hani es Johr gha. Viber und Skype Arüef oni Problem, das tünds nid underbinde. De speed isch aber s Problem. Hesch kei lte, zumindest vor eme halbe Johr nonig. Bruchsch kei VPN für voip

hmmm... also Gschwindigkeit stohd bis 7.2 Mbit. Isch jo eigentlich rächt Ok für de Priis, und au suscht nid grad langsam. Bi Swisscom hettimer s Doppelt aber zahlt au doppelt. Alles chamer halt nid ha, und mini Internetleitig woni im Moment dehei han isch jo au nid so viel schnäller.

Das wär villicht würklich öpis zum Usprobiere. Das mitem Thetering machtmer no chli Sorgä, würd natürlich scho au gern anderi Grät herähänkä. Müssti villicht lernä wiä mer das macht vo dem ihr do reded. Isch das kompliziert? Müestimer irgendes Android Teliphon chaufä, und en Cyanogen oder wiä de heisst druf chlöpfä.

Priis isch würklich guet, wenn das so funktioniert.

S standard Android het mittlerwile glaubs au VPN integriert. Falls nöd gits sicher au Apps defür. Bim Cyanogenmod hesches uf jede Fall fix integriert.
De VPN Dienst isch halt nid choschtelos, aber defür isch d Verbindig denn au grad no verschlüsslet und du chaschder e IP useme "beliebige" Land uswähle.

Also standard chämt glaub eh nid so in Frog, will ich möcht halt möglichscht nüt mit Google ztuä ha (mol abgseh vo de Suechmaschienä und Youtube aber ich mein halt Google Kontä und Synchronisation und Mail und was weiss ich).

Wiä viel zahltmer denn für so en VPN Dienscht, bzw. was für ein wär z empfehlä?

Komplizert tönts demfall aber nid so, wenn das en zahltä Abüter und Appmässig lauft.

Ich han bisher torguard.net verwendet. Isch zwar nid grad de billigscht Abüter aber de chunt guet mit enorm vil Traffic klar.
Mittlerwile gits aber scho jenschti witeri Abüter mit guete Agebot. D Boerse z.B. bewirbt hide.io
privateinternetaccess.com isch au na beliebt, sind aber Amis. Denn gits na nordvpn.com und btguard.com, sind beidi au nid schlecht.

D Priise und Agebot sind halt recht verschide...s chunt au chli druff a wasd genau wotsch. Verschlüsseligsstandards, mit/oni Logs, Azahl Server, Traffic usw..

Merci... mol duräluege. Also im Rahmä vo 5.- bis 15.- ischmer debie. Und isch jo au abgseh vom Sunrise en gueti Sach, 2 Flügä mit eim Klapper. Nomol über Büecher, villicht probieris denn eifach mol, irgendes Grät müsstmer eh mol aschaffä, und irgendwiä 200.- Stautz für de Aschluss bringedmi au nid in Ruin fallses nid so toll klappt.

S VPN zallsch am gschidschte grad für es ganzes Jahr, denn wirds einiges billiger.
Aber wennt eh no keis Grät hesch wär es Abo inc. Smartphone ev. gar nid mal so tumm...je nach Agebot halt.

Xinobrax2 hat geschrieben: Aber wennt eh no keis Grät hesch wär es Abo inc. Smartphone ev. gar nid mal so tumm...je nach Agebot halt.

Ja das mitem Agebot isch ebä es bitzeli d Sach. Bi Sunrise hani jetzt au mol diä normalä Abos agluegt, bi denä isch jo alles Flexibel und super kei fixi Laufzitä etc, aber Natel chunsch defür aber natürlich nid über. Und bi Swisscom, wasmer vom Netz her e am Liebschtä wär, hani bis jetzt ebä eifach nonig begriffä a was füres Abo dassmi denn würd Bindä, weni en Deal igang. Will det wärs das für 100.- und wenns nochher Scheisse isch, isch dass rächt viel jedä Monet, nur zum echli Gäld bin Natel z sparä (richtig viel spartmer jo eigentlich denn eh bi de 24 Monet Bindig).

Swisscom isch zwar zimlich tür aber s verhebet. Wennt inere Stadt wohnsch hesch eh 4G und idR chasch d Bandbreiti au immer bis as Limit usnutze. Für 100.- hetsch also s Handynetz, Internet für dihei und unterwegs und theoretisch au na TV und Radio (via Internet)....also eigentlich alles i eim. Solangt dihei kenn Server hesch wo 24/7 set im Netz si wärs sicher nid di tümmscht Wahl.

Ebä, ich hätti scho lang. Aber niemert chan mir sägä was unter "normaler Eigengebrauch" und "üblicher Gebrauch" verstandä werdä mues.

Wenn das so bi de üblichä 5-10 GB im Monet lieht, denn isches nid mis, scho gar nid für de Priis. Will de Plan isch in der Tat (egal was füres Agebot dasses schlussendlich wär, dassi das chan machä isch quasi d Bedingig), dasses au mis Internet dehei ersetzt, Fernseh etc. hani scho lang nur über s Internet, vo dem her keis Problem, und wenmer mol en Server würd welä irichtä, oder öpis mues abäladä wo ewig duured, hätti en Internetaschluss usser Hus, vo dem us ich das machä chönt, insofern also alles keis Problem.

Ja was wotsch denn baschtle du? Usenet, Plex und Swisscom TV übers Mobilnetz und d Heimverbindig ispare?

Und dass ig öppis schlaus tue liefere do no en Link: http://www.srf.ch/konsum/themen/multime ... d-begrenzt" onclick="window.open(this.href);return false;

Interessant...lut Kommentär wird de Speed ab 10GB drosslet. Ich teste das mal endi Monet.

Ja ebä, vo dem redi jo diä ganz Zit (also das mit de 10GB hani eifach agnoh, will das so en Grössi isch bi allnä unlimitierte Abos, würklich gläsä hanis bis jetzt ebä nonig, aber es schiint sich also z verdichtä), Infinity isch ebä nid Infinity.

Drum regt mi au diä neu Werbekampagne um so meh uf, wos quasi "schwöred" dassmer würklich so viel telefoniere, smslä und surfä chan "wiä mer will". Dem isch ebä offesichtlich nid so, und uf de Sitä schribeds denn unter all diä "Falschagabä" dass sie sich s Rächt neh chönd ihri Dienscht z kündä, zändere, massnahmä ergriffä oder was weiss ich, im Fall dasses vo "normalem" oder "üblichem" Gebruch abwiicht.

Das sind halt Begriff wo eifach alles oder nüt chönd bedütä, was isch "normal", was isch "üblich". Wemer nochher en Vertrag hed dassmerne hunderti vo Frankä mues übereschiebe, und sie denn so schwammigi Begriff meh oder weniger chönd definiere wiä sie wänd, findi das halt zimlich suboptimal.

De letschti im Swisscom Hilf Chat hedmer nüt gnauers gseit. Hüt hani aber mol no aglütä gha, zum Frögä was ich denn drunter eigentlich z verstoh heigi. Zerscht hani derä am Telefon mol müese zeigä wos stohd, willsi gar nid drus cho isch wasi mein, denn hedsi gfundä dass heig jetzt also au no niä öper gfrögt. Sie teig Morn mol d Frog witerleitä (isch halt scho nach de Bürozitä gsi), einersits öbmer chöng en Richtwert ha, und was passieri wemer de überschrittet.

Mol luege öbi morn denn diä glich Antwort überchum wiä de i de Komentär, und öbs chönd sägä wiä fescht drosslet wird. Wenns diä glichä 0.1mbit sind wiä bim Datäabo, denn ischs e rächt heftigi Verarschig.

Wenns nid s bescht Netz hettet, würdi glaub gar nüm überleggä öbi nid mol Sunrise söll probiere. So Züg regtmi eifach grausam uf.


Edit: Ich glaub es wird wohl würklich so sii, de eint schriibt sogar ab 5 GB werdi bi im drosslet, nomol ein, er heig nach 10 GB au es SMS übercho er heig s Limit erreicht... mol Morn abwartä, aber chönt also no sii dassi abgseh vo miner PrePaid Chartä nöchschtens mol Chund bi Swisscom gsi bin.

Vilicht chunds no drufa wie lang scho chund bisch und öb vil telifoniersch näbem ville sörfe und voiple. Mi verbruch isch jede Monet zwüsche 10 und 20 GB, oni Drosselig, aber ich telefoniere ca 1h/Monet

Übers Natel gigabyteweise umesurfe. Schöni neui Welt.

Herr Rossi hat geschrieben:Vilicht chunds no drufa wie lang scho chund bisch und öb vil telifoniersch näbem ville sörfe und voiple. Mi verbruch isch jede Monet zwüsche 10 und 20 GB, oni Drosselig, aber ich telefoniere ca 1h/Monet

Guet, Telefon isch ganz en anderi Belastig, und lauft jo nid mol ufem LTE Netz, vo dem her hani jetzt weniger s Gfühl dass das en Zämähang hed. Flaterate Telefon oder was weiss ich wiä viel Minutä gratis gits jo au scho länger bi allnä möglichä Abüter.

Hed villicht au öpis demit ztuä wiä usglaschtet s Netz det isch, womer sich grad befinded. Wenns vorig Kapazität hed, dänkeds villicht fuck it, wieso drosslä, gwünneds jo nüt und nid drosslä schafftnä nid so viel Problem.

Ich han nach 1 Jahr ca. 3 Gspröchsminute brucht und 10 SMS verwendet...wenn die mir jetzt ernsthaft de Speed nach 10GB drossled würd mi da schochli hässig mache.

Avenger hat geschrieben:Übers Natel gigabyteweise umesurfe. Schöni neui Welt.

Defür bruchi kei inetzaschluss meh dehei. Feriegeld =)