Seite 2 von 4
Re: Videospieli und dis Umfeld
Verfasst: 15 Apr 2013 08:19
von Mastler(P)
was du immer erläbsch.
ich vermeide aber möglichscht unnötigi konversatione. energieverschwändig. chan denn aber so ugseh wenn sichs thema hebt.
level 1
level 2
game over
Re: Videospieli und dis Umfeld
Verfasst: 15 Apr 2013 11:29
von Herr Rossi
ich finde me mues sich nid rächtfertige. bi au scho "under beschuss" grate wägem game. ich säg denn eifach, dass das sehr intolerant isch und intoleranz es zeiche vo unsicherheit und schwächi darschtellt. d reaktione sind denn meischtens schwige oder sinnlosi diskussione, wonich de gar nümm druf igaa. spart nerve und gid eim es gfühl vo überlägeheit.
Re: Videospieli und dis Umfeld
Verfasst: 15 Apr 2013 11:51
von Tatsujin
das isch das ganz normale alltag.
Re: Videospieli und dis Umfeld
Verfasst: 15 Apr 2013 11:55
von zeromeier
Herr Rossi hat geschrieben:es zeiche vo unsicherheit und schwächi darschtellt.
wieso söt das es zeiche vo Unsicherheit darstelle? was fürn beknackti Ussag isch denn das?
Re: Videospieli und dis Umfeld
Verfasst: 15 Apr 2013 11:56
von evo
mer könnt au sage es sich es zeiche vo enere tüüfe inteligänz
Re: Videospieli und dis Umfeld
Verfasst: 15 Apr 2013 11:57
von zeromeier
Marco_in_motion hat geschrieben:
Wiä gönd Ihr um mit so Situatione?
wenns lüüt sind wo eim scheiss egal sind? ufstah und gah.
Re: Videospieli und dis Umfeld
Verfasst: 15 Apr 2013 11:58
von zeromeier
evo hat geschrieben:mer könnt au sage es sich es zeiche vo enere tüüfe inteligänz
aha. ich bin intolerant was s'rauche i gschlossne rüüm agad. bin ich jetzt unsicher und han e tüüfi intelligänz? e tüüfi intelligänz hed meh, wemer so bullshit uselad.
Re: Videospieli und dis Umfeld
Verfasst: 15 Apr 2013 11:59
von evo
und was haltisch vo lüt wo meine/behaupte game macht tumm? finsch das en inteligenti behauptig?
Re: Videospieli und dis Umfeld
Verfasst: 15 Apr 2013 12:00
von zeromeier
evo hat geschrieben:und was haltisch vo lüt wo meine/behaupte game macht tumm? finsch das en inteligenti behauptig?
nei, das hed aber nix mit intoleranz ztue. tumm sinds vorallem, wills sone schwachsinnigi Ussag nöd mit eifache Argumänt chönd widerlegge, also die ussag:
und intoleranz es zeiche vo unsicherheit und schwächi darschtellt.
Re: Videospieli und dis Umfeld
Verfasst: 15 Apr 2013 12:07
von evo
ja isch chli sehr pauschal usdruckt gsi. mer argumentiert halt nur all zu gern us sim eigete standunkt. i bi au intollerant zb. gegnüber nazis
Re: Videospieli und dis Umfeld
Verfasst: 15 Apr 2013 12:23
von zeromeier
evo hat geschrieben:i bi au intollerant zb. gegnüber nazis
völlig zurecht
Re: Videospieli und dis Umfeld
Verfasst: 15 Apr 2013 13:15
von damian
Marco_in_motion hat geschrieben:Gester isch de chlinnst vo minere Schwö 2 jährig worde, Also sind näbst em Familieschluuch jeensti Lüüt cho, woni nonig gseh han, Arbeitskollege vo mim Schwager, Kolleginne vo de Schwö usw. Mer fangt ah chli schwätze über dies und das, dänn isch plötzlich mal s'Thema Videogames und Chind uufcho.
Plötzlich sind Uussage wià : "Videogames machet tumm" und "Games verfälsched s'Wältbild" (Hallo??) "Killerspieli verbüüte" etc. ....vill so Scheiss hani müese ghöre.
Dänn hani i d'Rundi gworfe das alli kei Ahnig händ und ufhöre sölled so Seich go verzelle. Hät schomal für ahgspannti Stimmig gsorgt, woni dänn no fetli vo mine Arcadechäste umezeigt han, bini de Möng of the Day gsi
Ha mi uhuere ufgregt dete, ä Gruppe erwachseni Lüüt wo sich ines Thema inesteigeret wo's praktisch nix drüber wüssed aber voll drüber her ziehnd findi eifach scheisse. Schlussändlich hani nümme vill chönne mache, Alli sind a dem Namittag Experte in Sache Games gsi.
Diä händ mi überrollt mit Ihrem tumme Scheiss und am meiste hätt mi sone Theologin uufgregt : "Jede wo das macht isch Tumm, ich bin Mueter ich weisses"
Däre hani gseit das seg ä frächheit und i demfall segs eso das jede wo Theologie studiert hät sich sälber belügt. es zimmlich Fiasko gsi am schluss.
d'Schwö isch no hässig worde uf mich:-(
En zimmliche scheiss Namittag
Wiä gönd Ihr um mit so Situatione? wänn Lüüt wo undernull Ahnig händ vor Dich anestönd und säged dass dis liebste Hobby s'tümmste isch wo's gitt? Ich fühl mi dänn i minere heilige Chindheit ahgriffe und mues eifach umegäh.
bin immerno hässig :-FU
marco, was häsch gmacht.
ich meine du häsch ja rächt, aber das isch en familieschluuch, da versuecht mer nett zunenand zsi, egal was für dumms zügs dass uselönd, wänns zu dumm wird muesch ebä s'thema wechsle.
seisch s'nächt mal so öppis wie "film und fernseh füeret zu dä gliiche verblödig" und dänn müend alli plötzli iigestah dass si kein dreck besser sind. oder seisch "es chunt - genau wie im ferneseh und dä literatur - va. drum aa was für videospiel mer spielt. ich han früener immer schach ufem pc gspielt und drum etz en IQ vo 1984691649"
keis wunder isch dini schwö hässig uf dich wänn du all ihri gäst beleidigt häsch... ok, zurecht, aber hey, das machsch eifach nöd...
mich häts uf jede fall prächtig untwerhalte
Re: Videospieli und dis Umfeld
Verfasst: 15 Apr 2013 13:19
von Herr Rossi
logisch bin ich au intolerant gägenüber nazis, de verglich isch aber chli plakativ und länkt nur vom eigentliche thema ab.
undifferenzierti asichte vo öpisem vomer kei ahnig het isch e unbegründeti intoleranz, und die widerum berueht uf eigeter unsicherheit, angscht etc. das isch ja wie bi lüüt wo immer all afigget; sind im grund gno bemitleidenswärti mönsche oni sälbschtwärtgfühl.
Re: Videospieli und dis Umfeld
Verfasst: 15 Apr 2013 13:35
von zeromeier
Herr Rossi hat geschrieben:unbegründeti intoleranz, und die widerum berueht uf eigeter unsicherheit, angscht etc.
wieso söt sie uf dem beruhe? evtl. findt meh eifach öpis scheisse und isch drum intolerant. ob das guet oder schlächt isch, isch e anderi frag. aber das isch doch es sich zrächtlege vomene sehr eifache wältbild, findsch nöd?
de Hanf chan sicher no was dezuä säge, er studiert das.
Re: Videospieli und dis Umfeld
Verfasst: 15 Apr 2013 13:40
von Master(G)
ich han kei problem. zumindescht nöd mir bekannti. dafür han ichs gsorg. mit dem poster ade gamechäller tür (dett lauft jede dra verbi, wenn er id garage zum auto gaht)
Re: Videospieli und dis Umfeld
Verfasst: 15 Apr 2013 13:43
von thaeye
Herr Rossi hat geschrieben:logisch bin ich au intolerant gägenüber nazis, de verglich isch aber chli plakativ und länkt nur vom eigentliche thema ab.
undifferenzierti asichte vo öpisem vomer kei ahnig het isch e unbegründeti intoleranz, und die widerum berueht uf eigeter unsicherheit, angscht etc. das isch ja wie bi lüüt wo immer all afigget; sind im grund gno bemitleidenswärti mönsche oni sälbschtwärtgfühl.
ich lieb die immer tolerante mensche, lol. mensche ohni rückgrat und prinzipie. aber hauptsach gschwulstig umeschnorre.
Re: Videospieli und dis Umfeld
Verfasst: 15 Apr 2013 14:13
von damian
zeromeier hat geschrieben:Herr Rossi hat geschrieben:unbegründeti intoleranz, und die widerum berueht uf eigeter unsicherheit, angscht etc.
wieso söt sie uf dem beruhe? evtl. findt meh eifach öpis scheisse und isch drum intolerant. ob das guet oder schlächt isch, isch e anderi frag. aber das isch doch es sich zrächtlege vomene sehr eifache wältbild, findsch nöd?
de Hanf chan sicher no was dezuä säge, er studiert das.
es isch es sehr eifgachs weltbild wo aber erstuunlich viel wahrheit drin hät!
selbstwahrnehmig und fremdwahrnehmig sind eh 2 ganz verschiedeni sache. drum gönd psychologe ja au zume therapeut wills es sich bi sich selber nöd mache chönd.
Re: Videospieli und dis Umfeld
Verfasst: 15 Apr 2013 14:17
von Shadow
@marco: lad sie doch mal ih zumene GameAbig... zersch chli Kuschelgames (Mario, Tetris, Bubble Bobble) denn plötzlich alli Killergames vürenäh.... haha
Re: Videospieli und dis Umfeld
Verfasst: 15 Apr 2013 14:23
von Master(G)
min nachber isch mal zu mier in gamechäller cho wäg de chatzetüür (er hett au so eini mit chip welle) und isch usem stuune gar nüm use cho.
begrüesst worde isch er vo minere bb-gun und nerf-gun sammlig und gloffe isch natürlich battlefield 3.
de hett mich zerscht huere dumm aglueget.... "sind die ächt???" - "nei nei, sind spielzüüg mit plastikchügeli!".... "aha!" ROLF!
Re: Videospieli und dis Umfeld
Verfasst: 15 Apr 2013 14:29
von Tatsujin
"aha!" ROLF!
Re: Videospieli und dis Umfeld
Verfasst: 15 Apr 2013 14:32
von zeromeier
Tatsujin hat geschrieben:"aha!" ROLF!
geil wär, wenns "ROLF!" gseid häted.
Re: Videospieli und dis Umfeld
Verfasst: 15 Apr 2013 15:25
von Parisienne
zeromeier hat geschrieben:Tatsujin hat geschrieben:"aha!" ROLF!
geil wär, wenns "ROLF!" gseid häted.
Re: Videospieli und dis Umfeld
Verfasst: 15 Apr 2013 15:31
von geosnow
lol. Rolf, nei Urs heissi.
Re: Videospieli und dis Umfeld
Verfasst: 15 Apr 2013 15:46
von Herr Rossi
thaeye hat geschrieben:Herr Rossi hat geschrieben:logisch bin ich au intolerant gägenüber nazis, de verglich isch aber chli plakativ und länkt nur vom eigentliche thema ab.
undifferenzierti asichte vo öpisem vomer kei ahnig het isch e unbegründeti intoleranz, und die widerum berueht uf eigeter unsicherheit, angscht etc. das isch ja wie bi lüüt wo immer all afigget; sind im grund gno bemitleidenswärti mönsche oni sälbschtwärtgfühl.
ich lieb die immer tolerante mensche, lol. mensche ohni rückgrat und prinzipie. aber hauptsach gschwulstig umeschnorre.
au da gseni leider nur e schwarzwiisswarnehmig. gschwulschtig gseh find ich dich nid rossikompatibel. wenn du aber druf beschtasch das ich dich als idiot bezeichne isch au guet. mir isches egal.
vilicht hesch ja nid verschtande wasi gschribe ha?
toleranti mönsche hend ja diner meinig nah kei rückgrat und prinzipie. chöntisch das bitte no wiiter usfüere? vilicht ergid sich e interessanti diskussion
Re: Videospieli und dis Umfeld
Verfasst: 15 Apr 2013 15:53
von thaeye
ich würd dich nie als idiot bezeichne, ich bin aständig.
kompatibel simmer nöd nei, ich bin schwarz wiis, du bisch ich bin chli alles und nüt (ja, chasches ja au vo dere siite aluge, ich bin so ifuehlsam bablablabla) . en luftibus sozsege. waenns härt uf härt chunt, sind das die wo de schwanz iziehnd. aber das sind jetzt gruechtli. hahah. die meiste supertolerante lüüt machet das nur zum ihres ego befriedige, damit i jedem fall nöd muend stellig bezieh und den am schluss ihres ego haend chöne ufblase.
und ja ich umgib mich lieber mit lüüt wo en linie vertretet (au won ich z.t nöd teile oder gar nöd teile) als mit so superwäschspueler gschmois. gueti diskussione erstönd au us härte usenandersetzige.
toleranz isch nöd per se öpis guets. en strenge entscheid und en linie hilft ab und zue. aber halt nur wemme s hirni ischaltet.