The(G)Forum

was isch grandios i de erschte 40 minute? nüt! es passiert nüt und s'isch cineästhetisch nix herusragend. gschicht und darsteller sind wiissi liinwand wo dr zueschauer füllt. dadrfür gitt dr film ziit und ruum und wenn das d'absicht gsi isch, dänn hett die super gfunzt. aber für mich isch das so dünn wie prätentiös. da gitts so viel so bessers.

da no en guete review:

emP hat geschrieben:Drive - http://www.imdb.com/title/tt0780504/" onclick="window.open(this.href);return false;

Es so chli en Retro Action Movie. Ma ohni Name wo Rache üebt. So chli Charles Bronson Stories und Dialög (!) Leider hetts bi mir überhaupt nid funktioniert. Ich hanen eher langwilig gfunde. Es bitz a No country for old men hett er mi erinneret. Leider nid eso guet. Au isch de Ryan Gosling chli e Fehlbsetzig IMO, resp ig cha gar nüt afah mit ihm.

zwirrlibatz hat geschrieben:

zwirrlibatz hat geschrieben:die wildeschte analyse gläse.

Ebä, was z.B. so... ich hans ebä nid gläsä, und wundere mi drum was denn das so chönt si.

zwirrlibatz hat geschrieben:was isch grandios i de erschte 40 minute? nüt! es passiert nüt und s'isch cineästhetisch nix herusragend. gschicht und darsteller sind wiissi liinwand wo dr zueschauer füllt. dadrfür gitt dr film ziit und ruum und wenn das d'absicht gsi isch, dänn hett die super gfunzt. aber für mich isch das so dünn wie prätentiös. da gitts so viel so bessers.

Es passiert nid nüt. De Driver fahrt chli mit sim Auto umänand. Denn ischer de Fahrer bimene Ibruch/Überfall was au immer, und er schiint es Talent defür zha. Er chund anere Nachbarin nöcher, verliebt sich e bitz, und si sich i in, de Sohn vo ihrä hed au Freud.

Klar, s Tempo isch nid überschallverdächtig, aber es passiert trotzdem öpis. Zudem lauft halt viel über d Stimmig und Emotion.

Für mich isch weder Gschicht no de Darsteller leer. Im Gägäteil. Ich cha mi i de erschtä 40min. mit dem Typ identifiziärä, ich verstanden, und ich chan eigentlich alles nohvollziä.

fair. so han ichs au beschriebe. du chasch dir din Drive fülle will de film das zuelaht und dadrgäge gitts au nüt zsäge. vieli film wo ich gern han mached das. mini kritik bzw enttüüschig isch i relation zum hype gmeint. ich erwarte vomne hochgjublete film meh als das und us erfahrig vermuet ich bi dem hype viel möchtegerngeplapper im beschte rollchragepullihornbrülle klischee. bi dem film da isch mir viel zweni fleisch am chnoche für das er dä verdienti. schad, de Refn isch susch ja super. he nu.

Nei, du redsch vo absolut freier interpretation, wildä analysä, verständnissproblem (bzw. Angscht devo) und wissä Liinwänd wo jedä chan dri füllä waser will. Au wenns nomol wiederholsch und si au mir zuäschribsch, mini Ussag isch ebä genau dass für mich nüt vo all dem gilt.

Dass de Film als ganzes vil meh heti dörfä/chönä si, und dasmer zwiespältigi Gfühl chan ha, do will ich dir nid widersprächä (hed allerdings logischerwiss für mich nid mit de erschtä 40min. ztuä, verlürä tueter nocher).
Dasmer allerdings niä öpis inä Relation miteme Hype söt stellä muesder jo glaub nid verzellä...

Vom Refn hani bis jetzt nur de Bronson und de Valhalla rising gseh... Bronson hedmi allerdings bis jetzt am wenigschtä beidruckt, au wenn durchus en aktzeptablä Film.

ah ok, demfall isch für dich dä film scho volle gnueg.

die "wilde analyse" han ich gfunde bim nahläse drüber will ich nöd han chöne fasse, dass de film so läär isch, so es profans geplätscher, und ich mich gfröögt han öb ich da was verpasst han. aber meh als filmluggefüllendi interpretationsversüech mit paar superlativ zum stil han ich nöd gfunde.

zwirrlibatz hat geschrieben:ah ok, demfall isch für dich dä film scho volle gnueg.

Wemer diä Ussag uf diä erschtä 40min bezieht, denn isches genau so.

Hochgjublet? Hype? Wo denn so? Und vo wem?

vo de ganze rollchragehornbrületrägerfraktion.

er isch extrem overhyped bi de filmnerds....best film des zomg-jahres wiuwiu, lol scho nid grad.
bi so film chasch glaub ALLES ine-interpretiere, wo möchtsch. und dr Gosling isch guet, aber er het scho i wesentlich bessere rolle glänzt.

Sylvara hat geschrieben:er isch extrem overhyped bi de filmnerds....best film des zomg-jahres wiuwiu, lol scho nid grad.

Wiemer z.B. nur scho am Thread Titel erkännt

Sylvara hat geschrieben:bi so film chasch glaub ALLES ine-interpretiere, wo möchtsch.

Jetzt du au no... bringed doch mol es Bispiel oder zwei, ich kapier überhaupt nid was das söll heissä.

Ich find s'Opening grandios. Uhuere super sogar!

Hane jetz ou ändlech gseh und fingene rächt super.

Gseh ou überhoupt nid wele Teil vom Film jetz da e blanki Liinwand söll sii wo jenschti Interpretatione zueloht. Es passiert ebe uf visueller äbeni gad extrem viu trotz der ruhige Machart. D Masse a Istellige wo us der Fahrer-Perspektive d Stross als Schine zeige und d Tatsach dass der Fahrer für die erscht Hälfti vom Film quasi nur Kommandos/Afrage entgäge nimmt seit gnue über die Figur us. Dasser denn bi dere Eibahnstrecki verwirrt/überforderet isch sobauder sech aktiv für öpper mues interessiere macht ou Sinn.

Isch guten Gfühl der Fium. Luegi de nomau.

Sephi hat geschrieben:Hane jetz ou ändlech gseh und fingene rächt super.

Gseh ou überhoupt nid wele Teil vom Film jetz da e blanki Liinwand söll sii wo jenschti Interpretatione zueloht. Es passiert ebe uf visueller äbeni gad extrem viu trotz der ruhige Machart. D Masse a Istellige wo us der Fahrer-Perspektive d Stross als Schine zeige und d Tatsach dass der Fahrer für die erscht Hälfti vom Film quasi nur Kommandos/Afrage entgäge nimmt seit gnue über die Figur us. Dasser denn bi dere Eibahnstrecki verwirrt/überforderet isch sobauder sech aktiv für öpper mues interessiere macht ou Sinn.

Isch guten Gfühl der Fium. Luegi de nomau.

Du beschriebsch eigetlich sehr guet, werum dä Film e leeri Linwand isch. Argumentiersch denn aber recht gägeteilig. isch 'na spannend.

emP hat geschrieben: Du beschriebsch eigetlich sehr guet, werum dä Film e leeri Linwand isch.

Dasch Asichtssach. Höhö, checksch? Asichtssach...

Aber ebe. Nur wiu gwüssi Sache nid explizit im Dialog erwähnt wärde git eim der Reschissör, zmingscht i däm Fau, no lang ke Carte Blanche zum irgend öppis i Fium inezläse.

Blau-Strahl UK Version isch dusse für 12 Pfund

:weixen:

Ich hanen also au verdammt geil gfunde. So geil, dasi ne innert 1 Wuche, 2mol gluegt han.

Beschti Szene mit Abstand => Fahrstuehl-Szene!

Gosling isch en geile Siech!!