The(G)Forum

nachdem ihr da alli so schwärmet, hanis jetzt doch müesse aspiele... obwohl ich eigentlich überhaupt nix mit harry potter am huet han muessi säge, es isch tatsächlich es sehr guets spiel. ha am sunntig nur churz welle dri luege (danke richi übrigens fürd disk ) und ha de grad 5 stund am stuck gspielt

erstuunlich guets spiel. hätti ned dänkt. bi gspannt was no chunt. ha erst grad levitation spell glernt. wie wiit wäg vode open world bini?

Master(G) hat geschrieben: ↑14 Mär 2023 09:46 nachdem ihr da alli so schwärmet, hanis jetzt doch müesse aspiele... obwohl ich eigentlich überhaupt nix mit harry potter am huet han muessi säge, es isch tatsächlich es sehr guets spiel. ha am sunntig nur churz welle dri luege (danke richi übrigens fürd disk ) und ha de grad 5 stund am stuck gspielt

erstuunlich guets spiel. hätti ned dänkt. bi gspannt was no chunt. ha erst grad levitation spell glernt. wie wiit wäg vode open world bini?

open word erst gah wenn zumindest de bese gholt häsch. vorher isch scheisse.

aso demfall eifach mal main-quests mache bis de bäse hesch?

Ja genau. So 5-6h main queste de hesch bäse u super spass!

ok gut.

das spiel wär au als star wars game guet ine cho. ololol mit jedi-powers und blaster.
chum mer bitz so vor...

die viele chline details händ mi echt beidruckt. grafisch sowieso. spiele mit unlocked framerate im quality mode uf series x mit VRR aktiv. lauft erstuunlich guet bi dere grafik. grad e chli es brätt.... normalerwiis isch performance-mode pflicht, aber da und dank VRR isch de quality mode meh als bruchbar!

jetzt hani de bäse. geil. umeflüge isch ja voll cool
krass die wiitsicht. also grafisch findis extrem schön gmacht, ha de finger immer ufem screenshot-button.
vor allem znacht, sehr sehr hübsch!
gameplay findi au super. motiviert mit dene spells. bis uf es paar fetch-quests wo närve und langwiile sind all quests interessant.
dmusig findi au super. dungeos und puzzles au. top game.
aso hett scho goty potential. ja, ich has gseid. hätts ja au ned dänkt....

Chamer das spiele wenn eim harry Potter null (0) interessiert?

jo ich hans au gspielt und sogar fertig gmacht und han mit em pottler null am huet. immer gmeint isch kinderkack.

thaeye hat geschrieben:jo ich hans au gspielt und sogar fertig gmacht und han mit em pottler null am huet. immer gmeint isch kinderkack.

Mega, ischs nöd Kinderkack?

spielt halt in hogwarts und döt sind vill chind ume. also quests sind mängisch scho chli dämlich: han mini murmelchugle verlore, gang sie go sueche.

thaeye hat geschrieben:spielt halt in hogwarts und döt sind vill chind ume. also quests sind mängisch scho chli dämlich: han mini murmelchugle verlore, gang sie go sueche.

Bisch sie go sueche?

nei haet mich agschisse und bin den mit em bese es paar troll go verflueche.

thaeye hat geschrieben:nei haet mich agschisse und bin den mit em bese es paar troll go verflueche.

Tönt au besser

Master(G) hat geschrieben: ↑16 Mär 2023 12:06 jetzt hani de bäse. geil. umeflüge isch ja voll cool
krass die wiitsicht. also grafisch findis extrem schön gmacht, ha de finger immer ufem screenshot-button.
vor allem znacht, sehr sehr hübsch!
gameplay findi au super. motiviert mit dene spells. bis uf es paar fetch-quests wo närve und langwiile sind all quests interessant.
dmusig findi au super. dungeos und puzzles au. top game.
aso hett scho goty potential. ja, ich has gseid. hätts ja au ned dänkt....

Jep isch würklech e risige überaschigs hit!

zeromeier hat geschrieben: ↑16 Mär 2023 14:45 Chamer das spiele wenn eim harry Potter null (0) interessiert?

zu 100%. ich ha no kein einzige potter film glueget. ha die immer doof und chindisch gfunde.
und ha mir genau die gliich frag gstellt.
isch absolut keis problem, mer chans eifach als guets open world fantasy-abentür aluege.

PS: ich han die murmeli ide bibliothek fürs chline meitli gholt, logisch.

lueg mal, das isch in-game grafik, scho huere geil:

Update nach 27 Stund:

Immerno top, liechti Abnutzigserschinige machet sich aber bemerkbar.

Ich ha viel Side-Quests und so Mini-Puzzles ide Landschaft gmacht. Debi fallt mir uuf, dass de meischti Loot womer dette bechunt rein kosmetischer Natur isch und die viele Chleider ohni Upgrades meischt ned bruchbar sind. Muesch immer zerst Hei und am Websstuehl go Upgrades mache. Da ich uf EASY spiele, bruchi das aber überhaupt ned.

Warum spiel ich uf EASY? Will Gägner uf NORMAL echti Bullet-Sponges sind und ich sowas hasse.

Schad isch au, dass vieli Zaubersprüch nur sehr sälte zum Isatz chömed. Repairo wär z.B. für Puzzles interessant, hani aber bis jetzt und nach so langer Ziit gfühlt nur 3x müesse isetze und no i keim einzige Puzzle.

Erstuunlich isch au, dass ich no öppe 1/3 vode Map no gar nie bsuecht han (de Bereich une rechts). Storytechnisch bini wohl aber sicher scho über de Hälfti, will es isch ja jetzt Winter (Season 2 vo 4). Wenn gahts dett abe?

Side-Quests sind guet gmacht. Nur sehr sälte en Fetch-Quest. Vieli führet a Ort ane, womer suscht gar nie bsuecht. Findi guet.

Erstuunt bini au über de Umfang vom Room of Requirement. Was mer da alles baue, anestelle, sammle, züchte, braue und crafte chan, isch ja jensiits! Chönt mer glatt es eigets Game druus mache.

Fun Fact: Ich han jetzt die erste 2 Harry Potter Film mal glueget und ha no vor, die restliche 5 au no zluege.

hesch mit allem recht
ich has schlussendlich doch au ned superduper gfunde, es isch vor allem am afang im schloss enorm guet, aber d'open world isch sehr underdurchschnittlich, und det findet 2/3 vom spiel statt leider
und auf vo dir agsproche, d'itemisierig isch ned guet gmacht, es isch alels u random. zT hets cooli extra rätsel zum löse und denn beschunnsch en normali chischte mit grüenem crap drin

ich has aber trotzdem gernd duregspielt will mir s'kämpfe viel spass gmacht het, ich spiel ja immer gern zauberer und da hend sie sich würklich was interessants überleit

ja das isch leider so, dr loot isch komplett scheisse u bringt nid viu. ou dopen world isch solala, dr unger bereich machsch ersch ganz am schluss vom game.. u den bringts eh nümme viu. Aber wie du seisch. Side Quest u main quest si lessig zum mache, aues angere isch komplette füller. dänke e 2. teil wär heftig

nach de weihnachte (was für e schwachsinnigi umstellig) und wenn im rush modus bisch, gits no e handvoll hauptquest z mache, ca 6h. danach isch finito.

ja denn längets mir denn glaub au. finds es würkli sehr guets game. aber wie bi allne open world spiel stellt sich bi mir früener oder später immer en gwüssi müedigkeit ii. ich dänk nöd, dass ich das 100% komplettiere, aber die main- und side-quests machi ganz sicher no dure.

komplettiere lohnt sich au gar ned, zum teil gits au gar kei belohnige meh, zB für die merlin rätsel, für die letscchte 20 gits gar nüt me
quests dure und guet isch, sidequests sind ja au relativ wenig

Master(G) hat geschrieben: ↑22 Mär 2023 09:44 ja denn längets mir denn glaub au. finds es würkli sehr guets game. aber wie bi allne open world spiel stellt sich bi mir früener oder später immer en gwüssi müedigkeit ii. ich dänk nöd, dass ich das 100% komplettiere, aber die main- und side-quests machi ganz sicher no dure.

genau das hani o gmacht u när mit fröid wäggleit

die suech quests sind eifach muehsam, de spiegel etc. die hani fast all usglah uusert isch grad paar meter i de nöchi.

Quelle

spoiler: er gitt 10/10