The(G)Forum

Inzwischen gibt es ja erste Reviews und bis auf einige Kinderkrankheiten der Software und das die Akkus der Controller gerademal 3-4 Stunden halten scheint es ganz gut worden zu sein.

Die 3-4 stunden akku stören mich nicht.

Vr spielt man nich so lange

Und wie findet ihr es?

Esch no geil,
Star Wars Demo gamet.
Horizon gseht super us,aber ou ahstränget!

euse testbricht isch live:
https://www.thegnet.org/post/the-g-net- ... tation-vr2

Horizon isch es brätt, aber ja, würkli astrengend. Ich has alligs ned länger als en stund spiele, denn tuet mer de rugge weh. aber im sitze isches gaggi. mer muess das scho mit körperisatz spiele, wie eigentlich alli vr-games, denn machts am meiste spass. muesch aber min. 2x2m platz ha, am beschte no meh. denn isch geil.

jetzt müend numeno spiel cho, ich mein NEUI spiel, usser hoirzon gitts ja nur upgrades für alti games.

Synapse erschiint für PSVR2
"Jedi-Shooter" LOL

https://www.thegnet.org/post/synapse-ne ... fuer-psvr2


ich han gseh, dass REZ Infinite no es Update becho hett mit eme neue Gebiet "Area X".
de optischi unterschied zum main-game isch gewaltig! rächt abgspaced bini... leider isch es sehr churz, gaht nur ca. 20 Minute isch ned meh als es demo eigentlich.

Ich glaub übrigens dass d'PSVR würlich nöd abwärtskompatibel hät chöne gmacht werde und das sony das würkli gern gmacht het. D'tracking technologie sind zu unterschiedlich und das hetti ganz sicher zu problem gführt...

irgendwie schints aber scho so dases scho dead on arrival isch. Technologie vom feinsten, aber ke software wo würklech sinn macht u nüt ir zuekunft wo sinn macht.. isch schad, aber gloube dr hype für VR isch langsam düre..

wie "kein sinn macht"?

horizon, gt7 oder resi games findsch mached kein sinn?

aso bi mir isch de VR hype grad wieder am cho du....

Master(G) hat geschrieben: ↑27 Feb 2023 13:30 wie "kein sinn macht"?

horizon, gt7 oder resi games findsch mached kein sinn?

aso bi mir isch de VR hype grad wieder am cho du....

Horizon isch ds einzig würklech neue game unger dene 3. die angere si "auti" games miteme VR feature. Machts nid schlächter aber ou nid es neus Game.. aber mir wärdes gseh wies wird laufe

Probiered ächli demos us.

Ich finds psvr2 guet und bin au voll im hype.

Sony het bim erschte PSVR nit so richtig begriffe was VR isch und praktisch nume uf Sofa tauglichi Spieli gsetzt womer sich nit gross bewege muess. Isch das bim Nachfolger immer no so?

nei, wie ich au i mim test gschriebe han, isches am beschte, wemmer im stah und in bewegig spielt.
bruchsch aber viel platz.
natürlich gitts au games wie Moss 2 wo uf sitze usgleit sind.
aber z.b. resi oder äbe horizon sind am geilschte, wenn die bewegsch.

da übrigens mis review zu horizon:
https://www.thegnet.org/post/the-g-net- ... e-mountain

Chunnt druf a wies umgsetzt isch. Resi 7 isch ufem PSVR nit wirklich e Freud gseh. Gegeständ benutze und Kämpf isch alles über Chnöpflidrucke ufem Gamepad glöst gseh, und automatischi Kameraschwänks hättet ime VR spiel au nüt zsueche. Bin gspannt ob sie bi Resi 8 Village und bi Horizon Call of the Mountain am Spieler mehr zuetraue.

Han grad dis Review gläse. Wie vermuetet, isch Horizon offebar mehr Experience als es vollwärtigs Spiel, und setzt vor allem uf Elemänt wo bsunders guet verträglich sind im VR: ufme Fahrzüg sitze (Boot in däm Fall) und chlättere. Isch natürlich nit verchert. Menus sind intuitiv, das findi guet.

ja guet, bime resi isches halt so, dass de VR-aspäkt halt meh en "bonus" isch.
bim horizon ischs game vo afang nur uf VR usgleid, de unterschied ide spielerische möglichkeite und de freiheite isch offesichtlich.

Für mi isch VR wenn richtig muesch loufe.. wie imene VR center halt...

sone 2x2m Platz laht das nid zue u miteme Controller vorwärts loufe/springe isch komisch... Aber wer het 10x10m platz? Niemer...

Für racing games z.b. hingege findis sehr früsch!

gäbt jo no en anderi Lösig. Isch zwar au nit so guet wie ächts umelaufe inere Halle, aber mit bitz Üebig chamer durchus driwachse:

Ja das stimmt die 'tretmühle' dinger.. würdi gern mau teste...

aso GT7 in VR ohni stürrad isch jetzt au ned eso de burner findi.
aber ja, alles im sitze gaht super. flugsims, racinggames, kayak fahre lol oder äbe sowas wie moss, wo für sitze gmacht isch.
railshooter au. sowas wie die alte namco lightgun shooter wär au optimal für VR. house of the dead oder so au.

klar... es stürrrad isch pflicht mire meinig nah...

ich ha zwar scho e scheissfreud am GT7 jetzt in VR.... selbscht nur mit standard-pad. es träumli eifach! wie es komplett neus game!

Psvr2 isch voll geil. Aber ich chan nöd allzu lang il vr game. Aber isch okay so. Abwächslig

Priis / Leischtig stimmt glaub nöd, oder? Es Gadget eimal meh.

zeromeier hat geschrieben: ↑09 Mär 2023 18:03 Priis / Leischtig stimmt glaub nöd, oder? Es Gadget eimal meh.

ja, wie ich i mim review gschriebe han:

Ein Fragezeichen steht noch hinter dem Preis, denn man muss deutlich mehr hinlegen, als für eine PS5 Konsole. Daher frage ich mich nach wie vor, ob VR-Gaming über sein Nischendasein hinauswachsen kann.

...vor allem au, wills erst 2 exklusivi PSVR2 Spiel gitt. De Rescht isch "alts" für VR2 umgsetzt.

aber GT7 chan ich nüme "normal" spiele, es gaht nüm. es isch soooo viel besser in VR, unfassbar. (au, wenns bild ned so scharf isch wie ufeme flatscreen in 4k)