The(G)Forum

hardcore will never die but i did a lot.

zwirrlibatz hat geschrieben:ich han de ganz wassertämpu ohni blaus tiischii gmacht will nöd gwüsst dass es das gitt.

Mir wüssed. Du = Hartkern!

Ich han damals am Afang im Gorone-Dorf (no als junge Link) nüme witergwüsst und han en Ewigkeit probiert, vo de Höhli am Vulkangipfel obe in Füürtempel inezcho. Ohni roti Jagge natürlich. Isch aber im Gägesatz zu dinere Wassertämpelüebig nöd würklich vo Erfolg krönt gsi

säb han ich aber au probiert. nöd mal de offesichtlich 30sec timer hett mich erschütteret.



ich extrem krass hartchern gsi (ok bim wassertämpu ehner hartdumm). hüt spiel ich alles uf easieschtem verfüegbarem setting. usser dä neu goldeneye.

damals isch wirklich super gsi. ich ha damals öppe 30 stunde brucht zum die erschte 3 tämpel als kline link zmache. jede winkel hani abgsuecht, jede baum agrämplet und mit jedem mensch gredet woni gfunde ha. alles hani welle entdecke, allllllles.

Isch au gopfertammi kompliziert gsi, was me det im Goronedorf hätt müese mache zum in zweite Dungeon z'cho

Ich känne s'OOT offesichtlich ebe doch nöd komplett uswändig, will de Punkt vergiss immer wieder. Irgendöppis mit de Bombeblueme glaubs...

evo hat geschrieben:jede baum agrämplet

im majora hetts en gheime ruum wo ichs nie inegschafft han will ich trotz allem rumgesueche nöd wie vorusgsetzt alli härzteil drfür gha han.

ich kenn alles!
verlooreni wälder --> salias lied --> darunia --> armband --> blueme zu de stei abewärfe

bomba blueme kame au in dr gross topf wärfe wo sich trüllt. wenn s lachende gsicht fürezeigt wenner stohblibt gits es herzteili

:zeldlerlexicon:

All Skulltulas und all Herzli hani ghollt...
lol, dä mitm Fürdungeon hani au probiert, natürli die erschte paar mal no rächt zueversichtlich.


Ich hoffe, me dörf devo uusgah, dass es zuesätzliche Inhalt wird gäh.
En neue Dungeon, es paar neui Charaktere, oder eifach es paar Jux, wos im Orginal nöd gha hät.

mini gsamt videospielkarriere isch drüteilt i vor, während und nach OoT.




(au wenn ich hüt dä majora besser find)

evo hat geschrieben::zeldlerlexicon:

superschön: http://www.amazon.com/Legend-Zelda-Twil ... 0761555730

aber damals nonix walkthrough. allllllles gsuecht und gröötlet und verzwiiflet und gfreut.

zwirrlibatz hat geschrieben:

evo hat geschrieben::zeldlerlexicon:

superschön: http://www.amazon.com/Legend-Zelda-Twil ... 0761555730

aber damals nonix walkthrough. allllllles gsuecht und gröötlet und verzwiiflet und gfreut.

hani dänks. genau wie s equiwalänt zum phantom sanduhr und geister gleis.

geile siech.

Ocarina..... of Time 3D

Fröie mi ou rieeesig ufs Riimeik, eifach wiuis nümme gspiut ha sits denn usecho isch.

dito. uftoh innerhalb 2 wuche komplett usenand gnoh. öppe 100h inegstecke und denn wieder id packig do und is regal gleit. und genau döt ligts no hüt.

ich spiel abwächsligswiis d'cube remakes vo däm und vom majora öppe all zweidrü jahr mal dure.

mit anderne wort, mit euch red ich nüm über zelda.

Hm, de Majora würd ich eigentlich gern au wieder mal durespiele, aber da wart ich glaubs au ufs unvermeidliche 3DS-Remake

Majora super. Termina = Hyrule uf schlächte Droge. Und das wahrschinlich au nume, will s'Büdget d'Entwickler dezue zwunge hätt, d'Figure us em OoT z'recycle

Gurgelhals hat geschrieben:Isch au gopfertammi kompliziert gsi, was me det im Goronedorf hätt müese mache zum in zweite Dungeon z'cho

genau das isch eis vo däne rätsel wo absolut unfair isch und minere meinig nah hüt nümm so därft drin si. (im 98i wod grafik no guet, und di erhältliche n64 spiel wenig gsi sind, ischs ev no gange)

Gurgelhals hat geschrieben:Hm, de Majora würd ich eigentlich gern au wieder mal durespiele, aber da wart ich glaubs au ufs unvermeidliche 3DS-Remake

Majora super. Termina = Hyrule uf schlächte Droge. Und das wahrschinlich au nume, will s'Büdget d'Entwickler dezue zwunge hätt, d'Figure us em OoT z'recycle

wahr, 9 mönet händs ziit gha zum es neus zelda zmache. nöd grad viel wämmer bedenkt.

es super spiel, aber d'rätsel findi z.t. sensationell unfair, will etz no derzue chunt dass du d'sache zum richtige ziitpunkt muesch mache. dä evo heb das anschienend alles ohni komplettlösig gschafft, mir es rätsel wie das söll ga... geil sind uf jede fall d'verwandlige. und au 'ziit feature, aber ebä, es macht d'sach au viel komplizierter... also stell der vor das rätsel wo du dä goron mit de bombe muesch stoppe gaht nur genau zunere bestimmte tagesziit will er nur über dä mittag mal chli umerollt...

ich han im MM bis uf de eint gheimruum bzw alli herzteil hole au alles ohni komplettlösig gschafft. alles e frag vo de geduld und em nödvorhandene internetz.

zwirrlibatz hat geschrieben:alles e frag vo de geduld

zwirrlibatz hat geschrieben: alles e frag vo de geduld und em nödvorhandene internetz.

grad welle sage. ich glaub tusigi kinder hän das spiel au beändet. vo sensationell unfair bis unschaffbar kamme do glaub nit spräche.

hanf hat geschrieben:

Gurgelhals hat geschrieben:Hm, de Majora würd ich eigentlich gern au wieder mal durespiele, aber da wart ich glaubs au ufs unvermeidliche 3DS-Remake

Majora super. Termina = Hyrule uf schlächte Droge. Und das wahrschinlich au nume, will s'Büdget d'Entwickler dezue zwunge hätt, d'Figure us em OoT z'recycle

wahr, 9 mönet händs ziit gha zum es neus zelda zmache. nöd grad viel wämmer bedenkt.

es super spiel, aber d'rätsel findi z.t. sensationell unfair, will etz no derzue chunt dass du d'sache zum richtige ziitpunkt muesch mache. dä evo heb das anschienend alles ohni komplettlösig gschafft, mir es rätsel wie das söll ga... geil sind uf jede fall d'verwandlige. und au 'ziit feature, aber ebä, es macht d'sach au viel komplizierter... also stell der vor das rätsel wo du dä goron mit de bombe muesch stoppe gaht nur genau zunere bestimmte tagesziit will er nur über dä mittag mal chli umerollt...

de (e)is-dungeon isch eine vo de beschte überhaupt...

hanf hat geschrieben:aber d'rätsel findi z.t. sensationell unfair, will etz no derzue chunt dass du d'sache zum richtige ziitpunkt muesch mache.

staht alles im tagebuech wo me vo de bomberkidz berchunnt. nüt isch da jemals unfair.