aso ich han jetzt ca. 10 stund MP zockt und muess säge, eigentlich hanis gseh.
es packt eifach nüm so wie früener. weiss au nöd.
ich find vor allem dmaps VIEL zchli. wer hett die designt, en lilliputaner?? es isch fascht nüm luschtig so chli sind die...
dur die chliine maps wirds no hektischer als es ohnehin scho isch und dwahrschiinlichkeit, dass eine 12m hinter dir spawned und dir in rugge schüsst isch no grösser.
Ich han ghofft, dass die 24 player maps eventuell grösser sind, aber nei, die sind genau gliich chli und es isch totals chaos mit soviel lüüt... durchschnittlichi läbensduur vo 4-5 sekunde und das bi denere K/D-Ration vo über 1.4! lachhaft, macht doch kei spass so...
de neu kill-confirmed modus isch en totale bruch. lüüt abknalle und 'gold' sammle. wo simmer da? super mario world?? chum..
mis grosse problem mit de letschte paar CoDs isch immer gsi, dass en bilschrimtod nur selte dur eigets verschulde oder en fähler zstand chund.
25% vo de ziit verlürsch eifach en reflex-battle, will der grad eine um de egge entgegezseckle chunt und du nöd schnell gnueg gsi bisch.
die andere 75% sind tod wo nöd chasch verhindere, z.b. wenn ufem mine trampsch oder en claymore oder wenn der de AC-130 bombe ufe chopf wirft und helis umeflüget. du chasch ja nöd devo seckle. wenns die nur liecht preicht, bisch tod. im BF3 chasch wenigstensch mal no in deckig gah oder abseckle und hesch en chlini chance, das läbsch.
die meischt ziit tödet die lüüt, wo nöd mal gsehsch. und denn chunt no sproblem vode lags... wieviel mal hani eim en shotgun ad bruscht drückt und gschosse und bin dänn sälber gstorbe? ide killcam gsehni denn, dass ich kein schuss abgäh ha söll... wtf?? und das bime ping vo 50ms ... schwach.
da lob ich mir d-server vo BF3...
und denn gitts no en faktor: es spieled afe sooooo unglaublich viel MW3, die meischte irgendwelchi schuelbuebe wo nach de schuel hei chömed und nix anders mached als zocke. prestige 3 oder 4 hani scho gseh.. was mached die?? du hesch soviel hochkarätigi gägner dur das, das du als ab-und-zue-gämer rächt wenig chance hesch. als camper vielleicht no
aber äbe, die chline maps und immer gliiche spielgfühl sind gründ für mich, warum mich das spiel jetzt total nüm reizt.
okay, mal für 1-2 stund mit kollege bitz run-and-gunne isch okay. aber würkli verbisse kämpfe? neee... de lieber battlefield 3, wo kein lone-wolf bisch sondern würkli fürs team spielsch und anderi supportisch. CoD isch doch zu 90% en solo shooter, au mit kollege chasch eim ja gar nöd würkli hälfe... es isch es hirnloses umeseckle und ballere, wie es huehn ohni chopf chum mer mängisch vor (mit de gliiche läbenserwartig)
und was gitts neus? würkli neus? es hybrid scope, es paar neui waffe und ein neue kill-streak reward (juggernaut). isch das alles?
de rescht isch genau, aber würkli genau gliich wie MW 1 (ja eis!)...
shit, dezue chunt no, dass vo Assassins Creed über Skyrim bis zu Saints Row weiss gott gnueg VIEL GEILERI games ume sind, wo mini ufmerksamkeit ha müend!
also im Kampf MW3 vs BF3 hett für mich ganz klar BF3 gwunne... wenn sich ACtivision für nöchscht jahr nöd würkli was ifalle laht, isch CoD für mich als langjährige OBERFAN vo dere serie gstorbe. truurig aber wahr.
i has jetz 52h gspillt und finges nüm so schlimm wie am afang!
