The(G)Forum

isch ja scho guet, aber amazing hygiene.

ahhh en Konsole-pc verglich wie spannend, ich glaub de hinderletscht weiss siit 10 jahr das de PC technisch gseh immer bessser als Konsole sii wird.

zwirrlibatz hat geschrieben:

Master(G) hat geschrieben: wenni eu tech-geeks zuelose...

ich spiels uf de PS4 und wirds liebe!

mir nöd. mir werded eus nume gottsjämmerlich ärgere.

das glaubi! aber mach der kein chopf, mit ere neue 1.000 stutz graka und nachem 4. patch und mit bitz technik-how und .ini gebastel laufts denn au ufem PC stabil

sind immer die gliche quadratschädel wo mit dem mist afanget

logisch, ich mache da aber au immer gärn mit! bin ja au sone chindschopf. passt scho

jetzt chunt den nah de Glarner mit sim pc Fimmel. aufgepasst.

Gurgelhals hat geschrieben:

zwirrlibatz hat geschrieben:
Häsch sie no sözel?

Ja. Weiss aber nöd, öb sie würklich 2x so schnäll isch. Hanget vom verbaute 560er-Modell ab, det gitt's afaik (wie immer im Mid End-Segmänt) verschiedeni Modell und die einte sind schnäller und die andere sind beschnitte.
Usserdem mues es im Ghüs gnueg Platz ha und es gnueg starchs Netzteil sötsch au ha. D'Charte isch drum rächt gross (2 Slots breit und 26.7cm lang) und frisst ziemlich Strom. Isch halt High-End (gsi).

2 slots hanich, 26.7cm nöd sicher... und es 500watt netzteil. grafikkarte isch gtx 560 ti. aber min prozässer (duo e6750 2.66ghz) isch doch eh hinedrii...?

thaeye hat geschrieben:sind immer die gliche quadratschädel wo mit dem mist afanget

weli? die wo jedesmal und immerno mit dem höhö-pc-isch-komplizierte-nerdkram-ich-han-so-kei-problem-mit-mire-konsolä gschwätz hinefürechöme? das sind die lächerliche.

ich bruuch min pc wie jede nöd nur spili und rüschten wie jede öppe mal uf. und wenn öpper es aktuells pc-spili im beschtmögliche glanz will spiele, wo isch s'problem? uf mire chischte lauft de witcher wohl eh nöd rächt und dänn chauf ich mir vilech e ps4. huiuiuibigdiiiil.

da haet aber gar niemert mit dem agfange. ihr sind immer die wo die Diskussion ufbringet, du, de moff und de Glarner und de ceiserfotzn. aber da gseht meh halt wer sich gern ufes Podest stellt:)

die meiste da drin gsehnd ja glich also chame au mal s müüli hebe will meh weiss ja wie so diskussione usechömet.
rüst du doch din pc solang uuf wie du willsch, findi guet.

rüschte

au contraire mon thaeye. bi jedere "lauft das äch uf mim pc oder was bruuchi drfür?" -frag chunnt en trottel mit pc-nerds = dumm und konsole = hui drhär. mir cha me mal gern erchläre was a konsole und ihrem ganze drumherum weniger fimmelig und nerdig isch. es isch es domms thema, grad will die einte us haarherbiizogne gründ die andere unter en generalverdacht stelle und allmögliche blödsinn assoziiere. wie xeit, wenn eine hi-end will, na und? was muess das irgendöpper störe?

müüli hebe

thaeye hat geschrieben:da haet aber gar niemert mit dem agfange. ihr sind immer die wo die Diskussion ufbringet, du, de moff und de Glarner und de ceiserfotzn. aber da gseht meh halt wer sich gern ufes Podest stellt:)

aso exgüse, mer hend lediglich drüber diskutiert dasses kei vernünftigi neui charte git und mit demm stelltmer sich ufs podest?

zwirrlibatz hat geschrieben:pc-nerds = dumm und konsole = hui

wer hett das gseid und wo? mach mal quote....

Master(G) hat geschrieben: wenni eu tech-geeks zuelose...

ich spiels uf de PS4 und wirds liebe!

weisch was ich demit han welle säge? dass ich au mitere technisch underlägne PS4 version gnau soviel spass wird ha.
(und dass ich mich über eues technik-gequatsche amüsiere)

aber ich nimme fascht ah, dass du das ned verstande hesch, nach dinere antwort zschätze... und warum dich die ussag so ufregt weissi au ned.

jedefalls händ ihr pc-freaks denn grad wieder agfange scharf schüsse mit master-race-blabla und ich han denn mitgspielt, logisch
isch doch nur spass, also warum regsch dich so uuf?

fakt isch: The Witcher 3 wird mega, egal wo mers spielt. und ich freu mich!


im übrige han ich en guete gamer pc, ha eifach kei luscht uf dem gross zspiele, weiss de gugger wieso ich soviel gäld usgäh han für das grät...

isch witcher guet spielbar mit controller? bevorzug scho pc bi dem game, au us gwohnheit.

bi so games dänki scho...

ah ja, dänket die glaub au: http://www.pcgameshardware.de/The-Witch ... r-1154215/" onclick="window.open(this.href);return false;

Mastler(P) hat geschrieben:isch witcher guet spielbar mit controller? bevorzug scho pc bi dem game, au us gwohnheit.

ich wirds sehr wahrschinlich au mit pad spiele, aber sicher mal beides probiere.

s 1 hani ebe am liebschte ih dere top-down ahsicht gspillt. aber ab em 2 isch ja nur no über dä schultere, oder? das passt denn scho au besser mitm controller.

Mastler(P) hat geschrieben:s 1 hani ebe am liebschte ih dere top-down ahsicht gspillt. aber ab em 2 isch ja nur no über dä schultere, oder? das passt denn scho au besser mitm controller.

dito, ne supr game mechanik hatte der erstling gehabt....wild hunt sieht wieder recht dynamisch zu sein, mal hoffen dass es nicht wie der 2ter teil ist.

Mastler(P) hat geschrieben:s 1 hani ebe am liebschte ih dere top-down ahsicht gspillt. aber ab em 2 isch ja nur no über dä schultere, oder? das passt denn scho au besser mitm controller.

sötsches au na spiele, isch es sehr guets spiel

Moff hat geschrieben:

Mastler(P) hat geschrieben:s 1 hani ebe am liebschte ih dere top-down ahsicht gspillt. aber ab em 2 isch ja nur no über dä schultere, oder? das passt denn scho au besser mitm controller.

sötsches au na spiele, isch es sehr guets spiel

was wötsch? s 1 hani durre, glaub epis um 78 stunde gha. isch das en geile arbeitslose sommer gsi.

s 2 hani aber immernonig durre.

Meh sött eh meh arbeitslos si. Eifach zums läbe gniesse.

Master(G) hat geschrieben:[weisch was ich demit han welle säge? dass ich au mitere technisch underlägne PS4 version gnau soviel spass wird ha.

Und das isch ebe genau de Punkt, wo d'Asprüch zum Teil ziemlich tüütlich usenand gönd Mich würd's agurke, das Spieli mit reduziertem Detailgrad uf ere (sub-)1080p-Uflösig mit 30fps z'spiele. Und de Moff setzt d'Latte sogar no höcher und würd's agurke, das Spieli ohni G-Sync und nöd mit stabile 60fps uf 1440p z'spiele.

also dass die highend pc noblemen jetzt ne bessere hygiene hätte als konsolespieler halt ich mal fürn gerücht

also vortex, ich glaub du würdst das auf der ps4 auch deutlich besser spiele können als auf ner gtx580 (selbst wenns cpu-bound ist, wird dir da wohl dein coreduo in die suppe spucken) und bloodborne würdst doch auch mal gern. nich!?

:mindless sony shill:

BrainBug hat geschrieben:also vortex, ich glaub du würdst das auf der ps4 auch deutlich besser spiele können als auf ner gtx580 (selbst wenns cpu-bound ist, wird dir da wohl dein coreduo in die suppe spucken)

Das würd ich au meine. D'GTX 580 isch zwar leischtigsfähiger als das, wo in ere PS4 drin isch, aber - sowiit en Verglich überhaupt möglich/sinnvoll isch - nöd allzu viel (was au nöd gross überrascht, die Grafikcharte isch im Jahr 2010 mal High-End gsi). Und s'Hauptproblem isch eh d'CPU. Dual Core isch passé. Tummerwiis isch aktuell grad en saublöde Ziitpunkt zum d'CPU ufzrüschte - Haswell isch uralt und Skylake chunnt erst im Herbst.