Seite 9 von 55
Re: Tsunami
Verfasst: 13 Mär 2011 10:06
von Gurgelhals
hanf hat geschrieben:Jones hat geschrieben:
es isch eifach nume no gschmackslos
d'sp seit das sit jahre jede tag. vome usnutze vo dä situation würdi da also nöd rede!
Frögt sich halt, was gschmackloser isch:
- Die Politiker, wo de Unfall usnützed, zum e grundsätzlichi Debatte über Atomstrom z'fordere. Also mehrheitlich d'AKW-Gägner: "Was det passiet isch, isch schlimm, drum bruched mir jetzt erst rächt e kritischi Debatte zum Thema."
- Die Politiker, wo de Unfall usnützed, zum under em Vorwand vo de Pietät e Debatte abzwürge. Also mehrheitlich die Politiker, wo vo de AKW-Lobby gkauft sind: "Was det passiert isch, isch schlimm, drum reded mir jetzt us... ähm... 'Rücksicht a d'Opfer' erst rächt nöd drüber. Und ja nöd Wahlkampfthema und sowieso, gäll!"
Re: Tsunami
Verfasst: 13 Mär 2011 10:07
von Mastler(P)
alli in reaktor schüsse
aber isch ja nüht neues das die es baar vo dä gröschte idiote deht händ..
Re: Tsunami
Verfasst: 13 Mär 2011 10:12
von Jones
sorry aber das chame o paar wuche später thematisiere u nid während däm sie no am ufrume, liche sueche etc si z'japan! :typej:
und dass aui AKW befürworter vor AKW-Lobby chouft söue si, isch auso no amüsant!
Re: Tsunami
Verfasst: 13 Mär 2011 10:44
von Guave
D Lag isch nid grad sehr ermunternd. Jetzt sinds scho 3 Reaktore wo spinne.
Ganzi Dörfer eifach inexistent, Krass.
Geschter in der Beiz het eine gseit: "Jetzt wos keini Hüser me het, bruchts au kei Atomstrom me"
Aber das me parallel zum Wiederuffbau villicht anderi Stromproduzente uffbaut, wär sicher kei schlechti Idee..
Re: Tsunami
Verfasst: 13 Mär 2011 10:54
von Jones
wär sicher ke schlächti idee!
d'frag isch haut, ob meh sich das cha leischte....
Re: Tsunami
Verfasst: 13 Mär 2011 10:55
von h4xX0r
gitt ebe kei alternative zum atomstrom, also keini wo d'umwelt weniger belastet.
Re: Tsunami
Verfasst: 13 Mär 2011 11:02
von Tatsujin
so ischs leider nah.
Re: Tsunami
Verfasst: 13 Mär 2011 11:04
von Jones
es würdi langsam zyt, dass irgend e schlaue chopf öpis erfindet, wie meh dä atommüll cha wiederverwärte und unschädlech mache... super wärs!
Re: Tsunami
Verfasst: 13 Mär 2011 11:07
von h4xX0r
mit de ragett zu de marsmämmli schüsse
Re: Tsunami
Verfasst: 13 Mär 2011 11:10
von Jones
h4xX0r hat geschrieben:mit de ragett zu de marsmämmli schüsse
und hoffe, dass ufem mars niemer wohnt, wo dir denn us rache e ladig zrügg schickt, wo no viu exposiver isch!
Re: Tsunami
Verfasst: 13 Mär 2011 11:11
von Tatsujin
Jones hat geschrieben:es würdi langsam zyt, dass irgend e schlaue chopf öpis erfindet, wie meh dä atommüll cha wiederverwärte und unschädlech mache... super wärs!
ja, plutonium neutralisiere, resp. d halbwertsziit extrem ds beschlüünige/minimiere
Re: Tsunami
Verfasst: 13 Mär 2011 11:13
von Guave
Nei es gitt kei Alternative momentan.
Aber wenn jedes Huus scho mal Fotozelle uffem Dach hätti und jedes Huus durch Erdsonde gheizt wird, wär das scho mol e Schritt zu viel weniger Stromverbruch.
Aber: Erdsonde wärde sie garantiert nid mache in Japan. Jedes mittelmässige Erdbebe würdi die Erdsonde schädige oder komplett unbruchbar mache.
In Basel hets ja mal der Versuech vo Geothermie gää. Aber do hets denn au bebt und me het das sofort gstoppt. D Iiwohner vo Basel hättes nid verstande wenn witterbohrt worde wäri.
Ich ha mich au gfrogt warum me im erdbebegfördetschte Gebiet in der Schwiz, eso es Projekt muess starte. Aber es isch jetzt definitv verbii und die Firmene wo mitgmacht händ sind glaubs alli Komkurs gange wege de Grichtsverhandlige und Schadensersatzforderige.
So lächerlich wies tönt. Jedi Katastrophe in dem Usmass birgt au Chance.
Me könnti e moderni Infrastruktur "from scratch" uffbaue. Hüser nach neuschte MInergiestandarts uffbaue etc. Das würd scho mal der Verbruch ziemlich aabesetze,
Re: Tsunami
Verfasst: 13 Mär 2011 11:15
von h4xX0r
Was machen aber die Medien? Sie berichten jetzt hysterisch über die Ereignisse in der Atomanlage von Fukushima, erinnern uns auch dauernd an die Katastrophe von Tschernobyl, sagen aber gleichzeitig in einem egoistischen Unterton, Deutschland sei nicht von einer möglichen Verseuchung aus Japan betroffen. Diese selben heuchlerischen Medienhuren sagen aber seit Jahren kein Wort über die radioaktive Verseuchung ganzer Landstriche durch Uranmunition, in den vom Westen geführten verbrecherischen Kriegen im Balkan, Gaza, Irak und in Afghanistan, wo zehntausende Menschen einen grausamen Krebstot sterben und deformierte Babys zur Welt kommen.
Und, wie widerstandslos die deutsche Bevölkerung die Laufzeit- verlängerung der Atomkraftwerke durch Merkel einfach hingenommen hat, ist nicht zu fassen.
Hier weiterlesen: Alles Schall und Rauch: Zweiter Reaktor in Fukushima hat Probleme
http://alles-schallundrauch.blogspot.co ... z1GTeHFR86
Re: Tsunami
Verfasst: 13 Mär 2011 11:18
von domino2
http://www.boston.com/bigpicture/2011/0 ... rmath.html
the big picture..eini vo de beste site in sache shoots...
Re: Tsunami
Verfasst: 13 Mär 2011 11:26
von Guave
Jetzt wird grad brichtet das sie kontrolliert der Strom abschalte wärde. Etwa 3 Stund oder so was.
Und e witters Problem isch das sie nid eifach der Strom vo West-Japan umschichte könne, well dä in 50Hz produziert wird, aber Ost Japan mit 60Hz Strom schafft.
Re: Tsunami
Verfasst: 13 Mär 2011 11:27
von Gurgelhals
Tatsujin hat geschrieben:Jones hat geschrieben:es würdi langsam zyt, dass irgend e schlaue chopf öpis erfindet, wie meh dä atommüll cha wiederverwärte und unschädlech mache... super wärs!
ja, plutonium neutralisiere, resp. d halbwertsziit extrem ds beschlüünige/minimiere
Isch halt eifacher, mit de gegäbene Mittel wiiterzwurschtle statt dass me sich au mal Gedanke drüber macht, wass me dänn für alternativi und/oder verbessereti Technologie & Asätz chönnt entwickle. Eifach so, dass me viellicht i 30, 40 Jahr ganz noimet anders stönd. Und das betrifft ja nöd nume d'Stromindustrie, sondern au d'Erdölindustrie, d'Autoindustrie, usw.. Aber das setzt halt e gwüssi Innovations-, Risiko- & langfristigi Investitionsfreudigkeit vorus und au e gwüssi Offeheit für neui Ideeä und e zuekunftsgrichteti Perspektive. Aber d'Zuekunft interessiert ja eh niemert meh, Hauptsach, es wirft hütt und jetzt no en fette Profit ab und nach mir dänn bitte d'Sintfluet. Isch de wesentlich eifacheri Wäg zum sich d'Wält zrächtlege
Re: Tsunami
Verfasst: 13 Mär 2011 11:32
von h4xX0r
mer muess ebe uhuere viel chönne abdecke uf eimal. wie geil, dass bio-diesel isch und wie umweltverträglich etc. gseht mer ja au. und logisch, nach mir die sindtflut isch ja scho immer so gsi. ich glaube au, dass d'wirschtschaft en hufe so lösige i de hinterhand händ, aber die eifach nöd fürechömmed, will denn de cash fehlt. (siehe produktion vom chrebsheilmittel dichloroacetate)
wenn du chrebs häsch, hät eifach d'wirtschaft meh devo, wie wenn du kei chrebs häsch.
Re: Tsunami
Verfasst: 13 Mär 2011 11:53
von Schummelschumi
h4xX0r hat geschrieben:gitt ebe kei alternative zum atomstrom, also keini wo d'umwelt weniger belastet.
ähm ja, ok. :typej:
Re: Tsunami
Verfasst: 13 Mär 2011 11:57
von Tatsujin
Schummelschumi hat geschrieben:h4xX0r hat geschrieben:gitt ebe kei alternative zum atomstrom, also keini wo d'umwelt weniger belastet.
ähm ja, ok. :typej:
lol ja zrugg zu cholechraftwerk oder all das andere züügs wo zum ufbau soviel energie bruucht wie i de nöchschte 20 jahre demit wieder chasch usewirtschafte.
Re: Tsunami
Verfasst: 13 Mär 2011 12:06
von NERV
Re: Tsunami
Verfasst: 13 Mär 2011 12:19
von Chäller
Wäg de AKW-Diskussion: Da mal no en Link zu Uran-Priise:
http://www.uxc.com/review/uxc_Prices.aspx
Es isch üsserscht fraglich, ob Atomstrom in Zuekunft wirtschaftlich chan produziert werde.
Re: Tsunami
Verfasst: 13 Mär 2011 13:02
von Tatsujin
etz hends grad verkünnt das morn für ganz kanto de strom abgschallte wird zwüsche 9:20am ~ 1pm und 6:20pm ~ 10pm.
Re: Tsunami
Verfasst: 13 Mär 2011 13:04
von Jones
Tatsujin hat geschrieben:
lol ja zrugg zu cholechraftwerk oder all das andere züügs wo zum ufbau soviel energie bruucht wie i de nöchschte 20 jahre demit wieder chasch usewirtschafte.
DAS stimmt ganz sicher nid! es kohlachraftwärk isch zum boue sicher es x fachs günstüger als es AKW...
aber grad i zyte, wo z'einzige problem uf dere wäut co2 isch, isch das viellech nid ganz z'richtige...
und grad ir outoindustrie isch doch scho einiges gange die letschte jahr, wenn meh dr durchschnittsverbruch vo de fahrzügflottene alueget!
super isch o, dass die, wo gäge AKWs si, o derfür si, dass d'lüt stromoutos fahre! man stelle sich vor, alli würde elektrooutos fahre! de würde alli AKWs uf dr wäut nid länge! geschweige denn alternativi energie...
Re: Tsunami
Verfasst: 13 Mär 2011 13:05
von Jones
Chäller hat geschrieben:Wäg de AKW-Diskussion: Da mal no en Link zu Uran-Priise:
http://www.uxc.com/review/uxc_Prices.aspx
Es isch üsserscht fraglich, ob Atomstrom in Zuekunft wirtschaftlich chan produziert werde.
plötzlech boue sie de wieder brüeter...
Re: Tsunami
Verfasst: 13 Mär 2011 13:20
von Tatsujin
Jones hat geschrieben:DAS stimmt ganz sicher nid! es kohlachraftwärk isch zum boue sicher es x fachs günstüger als es AKW...
aber grad i zyte, wo z'einzige problem uf dere wäut co2 isch, isch das viellech nid ganz z'richtige...
Ich han da eher so a solarenergie etc. tänkt.
chole isch eifach nur gruusig.
