[Movie] The Hobbit

[Pandemonium]

Was mich meh wunder nimmt wie das 48 fps gschmäus isch das er 3 Film drus macht. D vorlag git nöd so viel Stoff her findi. Mal luege öb das klappt.

[O_O]

ursprünglich isch de zweit film e übergangsfilm zwüschä hobbit u lotr gsi. denn hends das abgschaffe und wieder igfüehrt mit em dritte.

[Pandemonium]

ursprünglich isch de zweit film e übergangsfilm zwüschä hobbit u lotr gsi. denn hends das abgschaffe und wieder igfüehrt mit em dritte.

Denn müends glich de zweit au no mit inhalt fülle. Ich bi gspannt. Für de dritt denn aber en Übergangsfilm mache isch fair.

[Supersonic]

So jetzt därfis wükli no säge: I'VE MADE A HUGE MISTAKE!!!
Ich mues en nomal luege ohni aber 48Fps isch für mich en instant fail und zäme mit dere huere dumme Modeerschiinig vo 3D isches so huere Gimmicki wasi bi somene Film eifach schaad find. Ich glaub nöd das ich mich je demit aafründe chönne wird wil ich Motionblur gern han und wil für mich d'Magie vo de Kostüm und de Actionszene verlore gaht. En Film mues uusgseh wie en Film und nöd wie es Theater uuf de Bühni. Wenn die neu Generation mit dem uufwachst wirds vilicht andersch uusgseh aber das isch s'erste Mal wo ich all die Lüüt verstah wo über de Verlust vom traditionelle Film ide Kamera lamentiered.
Und jedes dumme Jahr wird meh Kameraarbet zugunste vo Visual Effects g'opferet. Meh gseht das und es isch scheisse. De Orkaaführer hett genau so guet wie de vo de Uruk Hai chönne sii anstatt en Tubel imene grüene Stretchaazug. MÜEHSAM.

Inhaltlich hanen recht schön gfunde wenn au extrem id Längi zoge was im Gegesatz zu Lotr grad nomal langsamer inechunnt. De Humor findi nöd so glunge die ganze Blabla Szene bi de Goblins hett mer chönne chüble, genau so wie de Goblinkönig wo anschiinend sini Ziit demit verbringt Instagram Fotene vo Elbeschwerter und vo berüehmte Zwerge uuf sim Smartphone aazluege. "It's Foe-Hammer, slayer of hundreds of goblins" WTF??? und de Cutter isch definitiv recht grosszügig mit überschüssige Sekunde i JEDERE Szene umgange und WAS ZUM TÜÜFEL hett die Szene mit de Steititane sölle?.

Trotzdem hetter mer recht guet gfalle. De Freeman und de Mckellen sind wieder super und es chunnt ä ganz schöni Atmosphäre uuuf. Mis Highlight isch gsi wo de Brett sini zwei Oneliners gha hett. Er gseht sooo dumm uus

[Skeletor]

@sonic
isch scho länger här, wo ich s'buech gläsä ha, aber sind diä steititane nöd au vorcho döt?
mir selber hät dä film au nöd so guät gfalle. dä spagat zwüschet chinderbuech und "erwachsene"-verfilmig hät für mich nöd so klappet gha.

[abyss]

Steititane rocke doch...

[h4xX0r]

steititane? das sind doch troll

[Pandemonium]

Ich gsehns ähnlich wie de Maru. Mues en unbedingt namal in "old school" luege. Das ganze 3d züüg git mer sowieso nüt und denn no die 48 frames katastrophe, ha mi gar nöd chöne uf de film konzentriere.

Das woni denn doch no mitbecho han isch nacheme erste lueg ehner oberi mittelklass gsi als LotR weltklass. Teils szene sind extremst i längi zoge und langatmig. Das isch ja bi LotR no gange aber grad bim buech han ich das erfrischend gfunde das The Hobbit eigentli nöd so isch.

De cg albino ork hät mi au gnervt gha, warum chönds da nöd es köstum mache, es wür soooo viel besser usgseh. aber alles in allem isch es natürlich motze uf höchem niveau.

Mis Highlight isch klar d Gollum szene gsi, hani aber au scho im Buech super gfunde. Weg dene Steiltrottle chani mi ebe au nüme erinnere aber es isch ä extrem vörigi szene gsi.

[zeromeier]

heds au krassi Bösewichter wie de SARUMAN



warschiinlich nöd.

[Pandemonium]

heds au krassi Bösewichter wie de SARUMAN



warschiinlich nöd.

Es hät sogar de Saruman

:spit:

[O_O]

48fps isch keis gimmick.

[h4xX0r]

telenovela abtrugg

[zeromeier]

Es hät sogar de Saruman

das isch allerdings rächt super

[Pandemonium]

48fps isch keis gimmick.

Häsch en gseh in 48 fps? Ich finds au ä super wieterentwicklig und technisch interessant aber grad für en fantasy film vo dem format chönds nöd dümmer sie.

d szene mit de wargs wos de ander zauberer verfolget gseht nume trürigst uus. copy/paste uf en neutrale hintergrund.

[O_O]

Dont hate the game hate the player. Oder so.

[Pandemonium]

Machi ja

[Herr Rossi]

bi ne geschter go luege. sit langem wider mol e 3d film, normalerwiis miid ich das. has aber halb so schlimm gfunde. wenn d brülle nid immer abegrütscht wär wärs mer gar nid ufgfalle.

inhaltlich findne nid so toll, isch aber au e höche aschpruch das schöne chinderbuech uf die erwachsne äbni ufezzie. isch imo nid so guet glunge.
de waldzauberer isch ja huere super ha rächt useglachet. de smaug am afang in moria

de film isch leider sinnlos id längi zoge. das woner vermittlet wär i 2 schtund au dinne gläge. zvil pausene oder sinnlosi dialög, wo leider vorusschaubar sind.

alles in allem e guete lueg, ich wett ne aber au nomol in classic 2D go luege

[Supersonic]

48fps isch keis gimmick.

Nei, aber es würkt so.

[Supersonic]

D'Eröffnigsszene in 48fps hett ganz ganz schlimm uugseh

[Gurgelhals]

Saruman > alli andere. Weiss jede.

[PlanetHarrieR]

Gibt's eigentlich auch Sarufrau?

[Schummelschumi]

Usserdem 48 Fps chamer immer au in 24Fps luege also fuck it.

ähm, nei. eifach so gaht das nid.

[abyss]

Quelle

Weil ig grad drüber gstolperet bi...

[Schummelschumi]

D'Eröffnigsszene in 48fps hett ganz ganz schlimm uugseh

hä? diä mitm smaug? verstahni überhaupt nid. grad bi action und wänn vill lauft im bild isch de vorteil vo 48fps am gröschte, find ich.

[TypeJ]

billig lol. 24 fps het de tüfel gmacht, weg damit.