Vyse hat geschrieben:Me weiss nüüt? Ich behaupte, me weiss um dBeschaffeheit vo dä Wält dank dä wüsseschaftliche Methode doch no e rächti Mängi.
Versuech mal mit Glaube und Ahnahme - also ohni Wüsse - en CRT Bildschhirm zbaschtle oder en Radio oder was au immer.
Tatsach, dass mier dNatur chönnt kontroliere, dass heisst z.B. es Teili oder en Strahl chönnt ablänke und druus no es lüüchtends Bild uuf em Schirm
chönnt enstah lah, bewiist, dass dä Mänsch tatsächlich chli öppis vo dä Wält verstah chann.
Me chann also, öppis über dBeschaffeheit vom Exischtierende erfahre (aber ich bewerte das nöd, s isch nur e Feschtstellig).
Natürlich chömer gwüssi Erkänntnis erlangä, und i dem Sinn öpis wüssä. Aber ich red natürlich nid vo dem. Ich red devoh, dass ich sehr wohl begrif, dasses verdammt weh tuet wemer mit de Hand uf en heissi Herdplattä langed, ich chader aber nid abschlüssend erklärä werum das so isch. Und das isch verglichä mit andernä no en simpli Frog. Wasi z.B. au nid chan beantwortä isch wiä und öbs goh würd, diä Energie uf en Art und wis abzleitä, dassmer ebä nid Weh tued, und mim Körper au kei Schadä zuäfüegt. In Anbetracht vom Ganzä hanni absolut überhaupt kein Plan vo gar nüt.
Und d Wüssäschaft wird niä alli Frogä so abschlüssend beantwortä dasmer chan sägä, do weissmer jetzt alles drüber. Ich mein also villicht meh Wüssä im Sinn vo Gwüssheit.
Erkänntnis awändä isch übrigens aber au nüt neus. Das hedmer scho immer gmacht.
emP hat geschrieben:leider hani nid grad Zit um detailliert druf idsgah aber
Diä ganz Wüssäschaft, diä sogenannt Logik etc. sind ebä au nur vonerä Gsellschafft definierti Gschichtä.
Logik isch absolut. Das isch nid ganz wahr was de da seisch.
Ja do bin ich ebä anderer uffassig. Natürlich chanmer d Logik so definiere, wemer das will. Denn ischsi aber für de Mänsch nümä Fassbar, und mer chans au höcheri Macht/Sinn, oder Gott nänä.
Logik so wiä ich sie verstoh isch alles anderä als Absolut, sondern nur es Ergebniss vo üssere Fähigkeitä zkombiniärä. Je nach dem was do aber kombiniert wird, und mit welärä Grundhaltig etc. chund ebä au öpis anders usä.
Zum es Bispiel zgeh, weles de Elias Canetti mol brocht hed (zwar glaub imene anderä Zämähang, aber passt au do guet), undmer sehr klar inächo isch: Wenn en Uriwohner z.B. miteme Tanz Büffelherdä i sini umgäbig lockä will, und er eifach so lang tanzt, bis diä au tatsächlich i dem Gebiet verbieziend, heder jedesmol Erfolg. Sini Erkänntnis isch also diä dass jedesmol wenn er en bestimmtä Tanz macht, öb jetzt ei Tag, ei Wuchä oder ei Monet, früener oder spöter en Büffelherdä verbiezied. Und mer chönt jetzt sägä dass im also de Zämähang mit sim Tanz durchus Logisch erschint, und für ihn persöndlich sis System mitem Tanz durchus funktioniert.
Amene westlichä, modernä Mänsch wird de Zämähang zwüsched Tanz und de Büffel ehnder irrational oder gar inexistent und drum unlogisch erschienä, und er wird en anderä Grund findä warum diä Büffel chömed, und wener keinä findet, bezeichneters als Zuäfall.
Vyse hat geschrieben:
...
Leider isch die Forderig aber übertribe, will Religione ebbe en Absolutheitsahsprüch händ. Offebar ischs mit Religione eso, dass sobald sie sich iischränke wür oder sälber in Frag stelle wür, nümme glaubwürdig isch und nümm wür ernscht gnoh werde.
...
Merkeder öpis? Lueg mol do:
Vyse hat geschrieben:emP hat geschrieben:leider hani nid grad Zit um detailliert druf idsgah aber
Diä ganz Wüssäschaft, diä sogenannt Logik etc. sind ebä au nur vonerä Gsellschafft definierti Gschichtä.
Logik isch absolut. Das isch nid ganz wahr was de da seisch.
?
Verstönder wasi mein.
