The(G)Forum

Super Mario bros. das isch en riise brunz :typej: , isch nöd ä mal lustig Lieber dä alt Film

LuiStyle hat geschrieben:Super Mario bros. das isch en riise brunz :typej: , isch nöd ä mal lustig Lieber dä alt Film

Luegi demfall nie

Wenn das eine mitem ne Luigi avatar seit, de heissts öppis

Tulsa King [Season 1] (9/10)
e Story wo an Lilyhammer erinneret, umgsetzt im Stil vo Sopranos. Staffle zwei söll no das Johr usecho. I freu mi.

super mario movie 8/10

supr film und unendlech vieli easter eggs. dr yoshi kommt leider nume 0.05 sek. vor.....stimm vo de chars sind ou nid alli supr usgwählt, vor allem peach ihri stimm isch grouehaft.

aber aber Anja Taylor-Joy
hesch hoffentlich uf original englisch glueget??

also paar findet ihn gaggi, paar findet ihn rächt guet.

ich luegen de im download

ig ha peach immer als pipsiegi stimm im kopf....aber anja taylor isch a schnuggligi und het bisher no gueti movies und seriene gmacht.(abgseh vo new mutants, dä isch grouehaft gsi)

dr film könnti guet no 30min. länger ga. dr jump man, wrecked gang...und de dumm parcour, das isch äuä jedem passiert wo das erschte mal mario gspielt het.

A man called Otto, im Flüger: 7.5/10, sehenswert und Tom Hanks lieferet ab wie immer.

zeromeier hat geschrieben: ↑12 Apr 2023 14:34 A man called Otto, im Flüger: 7.5/10, sehenswert und Tom Hanks lieferet ab wie immer.

hani vor zwei Wuche gseh. hetmer au gfalle

derinderinderinderin hat geschrieben: ↑11 Apr 2023 11:55 Wenn das eine mitem ne Luigi avatar seit, de heissts öppis

Bin am Weekend de Mario-Movie mit de Kids go luege. Die hend mega Freund gha und sind begeisteret gsi. Denke vo de Story chan mer nöd viel erwarte, isch ja wie ghä, sprich Bowser wot sKindom a sich riese, Mario muess rette. Kenne mer ja...
Umgsetzt isches minere Meinig nah uf hochem Level. Vieli Aspieligi uf alti Sache, vieli Elemnt drin us em Mario-Universum.
Muess mer de Film im Kino gseh? Definitiv nöd, aber amene regnerische Sunntig-Nammi passts alleweil.

Demonia (7/10)

Ändlich uncut of BluRay. Es Spätwärk vom Fulci mit einige Splatterszene, aber leider nüm ganz so genüsslich in Szene gsetzt, wie no zu Zite vo l'Aldilà und co. Also keini Kamerazooms und Wabergrüsch me.

Yeah Fulci! Bi ganz dire Meinig bi Demonia, chame schono guet luege aber nüm ganz die alte Klasse. Paar amüsanti Fiesheite hets aber schono. Wie isch eigentlech die dütschi Synchro? Guet oder billig? Bire guete Synchro würdi evtl. uf dütsch upgrade.

Ich weiss nit. Hanen uf italiänisch mit änglische Untertitel gluegt.

Bin überrascht wie explizit die Ratschszene gseh isch. No extremer als die im Cut and Run vom Deodato. Dumm nume, dass Bildqualitet so guet isch, dassmer sofort gseht wo dr Gummitorso afangt, was de ganz Effäkt es bitz ruiniert het.

Alles klar, danke. Italo Zügs luegi äbe no gern uf dütsch we d synchro guet isch.
Ja die Szene blibt i Erinnerig, aber scho uf der US DVD gseht me der Gummi, vo däm här ischs im cut & run besser gmacht obwohl bitz weniger explizit. Cut & Run hani vor nid auzu langer Zit grad gluegt, denn wo der Deodato verstorbe isch, ihm zu ehren.

Vo dene Film woni damals in de 80er die dütsche VHS Kassette us de Videotheke usglehnt und kopiert han (später hani an Börsene denn d'Original zämekauft), vo dene luegi au gärn no dütschi Synchro. Die hütige Releases sammli nur no digital. Dört tueni nach und nach au ergänze, weni mol e Version in dütsch find.

a propos Cut and Run. Hesch du au die BluRay Version wo sämtlichi Szene us der unrated Fassig in low-res sind?
Gits do au e besseri?

Mein Nachbar Totoro zum dritte mal das Jahr. 10/10

Buccaneer hat geschrieben: ↑14 Apr 2023 16:23 Mein Nachbar Totoro zum dritte mal das Jahr. 10/10

mir hei unzähligi totoro merchandise kouft i japan.

Geil. Totorozüg isch nid gad günstig hierzulande.

@the sheep: Nei vo däm hani nur d US DVD vo Anchor Bay. Längt mir völlig und qualität i eim Guss und passend.

Das wär in däm Fall wirklich besser. Lieber es bitz schlächteri Bildqualitet, defür passt alles zäme

Grad mit viune DVD vo Anchor Bay bini immer no sehr zfriede. Sehr guets Bild mit bitz Korn und nid so glattbüglet wie bi viune blu-ray.

Cocaine Bear
Recht amüsante scheiss film

Dexter - New Blood (8.5/10)

Eigentlich schad isches canclet worde nach nur einere Staffle. Hetmer guet gfalle. Aber nach däm Finale wär e Fortsetzig wahrschinlich dünn worde.

Und jetzt wänds e Dexter prequel Serie mache. :typej:
Han sin Vater scho in der original Dexter Serie als Geischt und Mentor nur närvig gfunde. e Prequel würd ja wahrschinlich bedüte dass dä denn d'Hauptrolle het und en Teenieirgendöpper spielt dr jungi Dexter. Bruchi nit.

Mandalorian [Season 3] (5.5/10)

Bitte kei witeri Staffle me! Und Dizney sött die unsäglichi Kathleen Kennedy ändlich ustusche. Jedi Wett, dä Mischt isch ihre zverdanke, nit am Favreau.

john wick 4. 1/10


was fuer en schund. mega abstrus und fascht so dumm wie die twilight story mit de volturis oder wie die heisse.