The(G)Forum

Bim Rift hesch halt nur maximal 5x5m für Roomscale. Und bruchsch 3-4 Sensore für wirklich zuverlässigs Tracking. Defür segs s'Bild besser als bim Vive und d'Handcontroller ebefalls. Und du channsch sowohl Oculus als au Vive Spiel nutze.

öööh...aso doch eher rift?
lol
aso s'Bild isch au bim vive massiv besser als bim vs vr oder???

Ne...also de Unterschied bim Bild isch würklich minimal...d Uflösig isch di glich, nur d Technologie vom Display sorgt defür, dasmer s Rastmer minimal schlechter gset. Das isch aber öpis woder sowieso nume uffallt, wennt aktiv druff achtisch...und s isch ja nid so, dases bim Rift viel besser isch. Sowohl s Vive als au s Rift hend das "Problem" und es wird au nid verschwinde solang die Dinger nonig bi 8K sind...insofern...wayne...nach 30 Sekunde im Spiel hesches eh scho vergesse...

Seti glaubs au widermal teste...

Quelle

TypeJ hat geschrieben:aso s'Bild isch au bim vive massiv besser als bim vs vr oder???

du meinsch PS VR ?
De Unterschied vor Playstation VR zude PC System Vive und Oculus isch technisch nid soo gross. Playstation het ufe erschte Blick sogar s'schönere Bild, will ebe kei Display Uflösig gsesch. Im Verglich zu Oculus ischs Bild aber unscharf, flimmeret und vor allem in der Tiefi wirds schnäll pixelig, wasmi scho nach churzem nur no gnärvt het. Es chunnt bi mir eifach kei richtigs VR-Gfühl uf bider Playstation, und das isch in der Wirkig e grosse Unterschied zur Oculus Rift (und wahrschinlich au zur Vive).

Hinzue chunt na, dass bi PSVR 7 Jahr alti Tracking-Technologie zum Isaz chunt...für s Alter isches erstunlich guet...aber mer merkts halt scho biz...

e bitz isch guet.
s'Tracking uf der PS isch e Kataschtrophe. Und das isch fascht no wichtiger als s'Bild.

Wemers mitem Vive und em Rift verglicht natürlich scho

Ich hans da ine scho oft gschribe...bi VR chunts uf d Details a...schliesslich gats drum d Realität z simuliere. Das isch was völlig anders als irgendwelchi Spiel ufem Bildschirm...und s isch ja nid so, als hetedmer mitem Vive und em Rift de Heilig Gral gfunde. Die Dinger schaffeds grad mal knapp über d Schwelle wo VR so langsam bruchbar wird...und das für en ziemlich stolze Priis.

Das mit em Pris isch halt sone Sach. Es hängt viel devo ab wie wichtig eim das VR Züüg isch. Für Öpper wo kei Ahnig het unds eifach mol möcht usprobiere, goht wahrschinlich scho bim Gear VR, also Handy plus 99.- Brülle de Schuss ab.

Wemers bitz intensiver verfolgt, aber dennoch nid allzuviel möcht inveschtiere längt Sony Playstation VR.

Für mi persönlich stoht d'Qualitet über de Choschte und au über de Masse vo Spielagebot. Da gits zur Zit kei Alternative zur PC Masterrace.

Dass ich bisher nur de Oculus und nid de Vive kauft han, het nüt mit der Qualitet oder irgendwelche moralische Entscheidige ztue, sondern eifach dass de Ocler zerscht gseh isch, und ich mir gseit han, falls de Vive besser wird wirdi mir de irgendwenn au no zuetue. Bisher hani de Idruck aber nid gha dassi durch de Vive en wirkliche Mehrwärt bechumme.

Dass de Ocler türer wird als de Vive, wemer en voll usrüschtet mit Touch Controller und 4 Sensore isch mir egal. Aber vermuetlich representier ich da nid de typischi VR Konsumänt. Geduld isch nid mini Stärki, und während gwüssi sich sage "das steckt doch alles no in de Chinderschue" und sich s'Gäld spare, möcht ich vo Afang a debi si, und s'volle Potenzial usnutze.

Apropos vo Afang a debi si...das hani mir vor es paar Jahr au scho denkt...läck isch das beschisse gsi :typej:

ja, sone Video Brülle hanich mir vor 3-4 Jahr au kauft, in der Illusion, dass die sich in de letschte 20 Jahr dütlich witerentwicklet chönntet ha...

The Sheep hat geschrieben:ja, sone Video Brülle hanich mir au kauft, in der Illusion, dass die sich in de letschte 20 Jahr dütlich witerentwicklet chönntet ha...

...und denn chunt plötzlich Oculus deher...und eigentlich isch ja au na s DK1 no ziemlich beschisse gsi...und ez gits PSVR, Rift & Vive. Ich froi mich ez scho uf di nögscht Generation

The Sheep hat geschrieben:e bitz isch guet.
s'Tracking uf der PS isch e Kataschtrophe. Und das isch fascht no wichtiger als s'Bild.

sorry aber das stimmt etz eifach absolut und überhaupt gar nöd!
gwüssi Spiel hend es excellents tracking!

aber ich find ebe s'Bild ned eso super..teils recht unscharf und so...wenn das aber bide PC Dinger ned viel besser isch lahnis sicher lah si..augechrebs, wäääh!

s'tracking isch ned mis problem bims psvr
s'headtracking isch makellos miner meinig nah und s'tracking vode dildos isch mittelmässig, scho bitz zappelig aber han schöne en shooter ohni problem durespile

nei, sproblem isch d'uflösig, ganz klar. und wenn das uf pc ned viel besser isch wird VR ersch ide nächschte geenration interessant für mich.

gseh ich au eso..
i ha wüki gmeint die pc dinger siged det durre viel besser, choschtet ja massiv meh und de pc hed viel meh power..
schaad!

uflösig isch ned viel besser...

alli redet vo 4k und uflösig und wänd höcher und schärfer und de spieleds VR-spiili mit quasi-720p-matsch-und-flimmer-grafik...

ne du, ich han VR gseh i dere generation... i paar jöhrli de wieder!

mini ehemalig schuel goht grad voll ab uf VR, aber mehr so im kunst und experimentier umfäld als gaming. hüt isch tag der offenen tür, mol luege was so ufbaut hän.

Technisch händer rächt, aber wie de Xino scho atönt het, de Grat zwische cool und scheisse isch schmal bi VR.
Es git da kei klari Rächnig wie doppleti Uflösig = dopplet so tür oder so.

De Unterschied im Bild zwische PS und PC isch technisch nid gross, aber wenn sich kei Presänzgfühl ischtellt wills Bild unscharf und pixelig isch und eim die empfindlichi tracking Cam laufend zwingt nachzjustiere wemer nid nur ufem Sofa sitze blibe möcht, und de schweri Kabelsalat vom Headset närvt, isches ebe genau das wo eim jedesmal dra hinderet de Helm ufzsetze wemer eigentlich Luscht hätti uf es unkomplezierts VR Abentür.

Und da find ich, isch de Oculus si Gäld wärt. Ich han es gschtoche scharfs Bild wo jedesmal wenn ich de Helm ufsetz glich guet usgseht (ohni dass ich zerscht es paar minute lang muess alles zrächtzupfe und feschtschrüble und egal wies usechunnt es isch trotzdem nur en kompromiss). Und ich muess so guet wie nie am tracking umefummle will s'Syschtem immer weiss wo ich stand im Rum, und in weli richtig ich lueg. Da gits kei zittere und kei wägdrifte etc. DAS isch für mich VR!

De vorpX Driver unterstützt jetzt Handcontroller vom Vive und vom Oculus
Het öpper vo euch scho teschtet ?

Skyrim und Fallout 4 in VR zocke will

fove in action mit eye tracking. schon krass irgendwie die technik/vision


Quelle

USA Today will livestream Inauguration Day in VR
https://www.engadget.com/2017/01/19/usa ... stream-vr/" onclick="window.open(this.href);return false;

Trump VR

Oje...

The Sheep hat geschrieben:Das mit em Pris isch halt sone Sach. Es hängt viel devo ab wie wichtig eim das VR Züüg isch. Für Öpper wo kei Ahnig het unds eifach mol möcht usprobiere, goht wahrschinlich scho bim Gear VR, also Handy plus 99.- Brülle de Schuss ab.

Wemers bitz intensiver verfolgt, aber dennoch nid allzuviel möcht inveschtiere längt Sony Playstation VR.

Für mi persönlich stoht d'Qualitet über de Choschte und au über de Masse vo Spielagebot. Da gits zur Zit kei Alternative zur PC Masterrace.

Dass ich bisher nur de Oculus und nid de Vive kauft han, het nüt mit der Qualitet oder irgendwelche moralische Entscheidige ztue, sondern eifach dass de Ocler zerscht gseh isch, und ich mir gseit han, falls de Vive besser wird wirdi mir de irgendwenn au no zuetue. Bisher hani de Idruck aber nid gha dassi durch de Vive en wirkliche Mehrwärt bechumme.

Dass de Ocler türer wird als de Vive, wemer en voll usrüschtet mit Touch Controller und 4 Sensore isch mir egal. Aber vermuetlich representier ich da nid de typischi VR Konsumänt. Geduld isch nid mini Stärki, und während gwüssi sich sage "das steckt doch alles no in de Chinderschue" und sich s'Gäld spare, möcht ich vo Afang a debi si, und s'volle Potenzial usnutze.

Ich bin au so. Wött neui Erfahrige vo Afang a ha. Woni mier de Oculus Rift kauft han, hani scho nen guete PC gha für 4k gaming und nume kauft will ich de oculus günstig becho han. Aber das au nume wills Gäld nöd glanged hät. Was ich wöt säge, het au 899 oder 999 für htc vive zahlt wänds gäldmässig glanged hett. Aber vorher probiert. Wills eichafch e krassi neui Erfahrig isch. Allne woni de Rift zeigt han, sind beidruckt gsi

The Sheep hat geschrieben:De vorpX Driver unterstützt jetzt Handcontroller vom Vive und vom Oculus
Het öpper vo euch scho teschtet ?

Skyrim und Fallout 4 in VR zocke will

Was isch de vorpX Driver?

Goran hat geschrieben:

The Sheep hat geschrieben:De vorpX Driver unterstützt jetzt Handcontroller vom Vive und vom Oculus
Het öpper vo euch scho teschtet ?

Skyrim und Fallout 4 in VR zocke will

Was isch de vorpX Driver?

Das Teil modifiziert s Spiel so, dases in stereoskopischem 3D grenderet wird und füegt Head-Tracking hinzue...mit anderne Wort, es macht d Spiel VR kompatibel. Bi manche Spiel funktionierts guet, bi anderne hingege isches ziemlich beschisse...