The(G)Forum

so langsam chumi drii is Spiel (nach 20h). Han aber div. Fähigkeitspünkt brucht, bises wieder einigermasse Spass macht. Usserdem hani mich müsse überlevle und mach jedi Näbemission deswäge.

Jetzt chamer die meischte vo dene Sau-Gägner wieder i eim Stealth-Move erledige, vorher isches lächerlich gsii ziitewiis.

du chasch fähigkeitspünkt au resette und neu verteile, falls dich vertah hesch oder mal en andere kampfstil usprobiere willsch. praktisch. hani au 2x gmacht im ganze.

Master(G) hat geschrieben:du chasch fähigkeitspünkt au resette und neu verteile, falls dich vertah hesch oder mal en andere kampfstil usprobiere willsch. praktisch. hani au 2x gmacht im ganze.

ich han die rächt guet verteilt, usserdem bini langsam am Punkt, dassi gar nüd meh chan wähle, willi ide Story zersch müss wiitermache, seid s'Spiel.

Wie wie bisch ez?
Han d Mechanik guet gfunde, das mer optional chan all Kultmitglieder jage.

Buccaneer hat geschrieben:Wie wie bisch ez?
Han d Mechanik guet gfunde, das mer optional chan all Kultmitglieder jage.

söt glaub jetzt uf die insle zum mit de story witermache (rodos oder so?).
Häng aber uf de grössere Insle vorher, wos igendwelchi Problem mit Stüüre oder so gid

was mich wüki nervt:

äigentli bruchsch ja 3 charaktere:
- kämpfer
- bogeschütz
- assassin

heisst 3 chleidertype. wenn ich e Feschtig inimm, tuni immer zuersch heimlich töde, das aber au kombiniert mit boge, nachher kämpfer.

Hend ihr da duurend d'Chleider gwächslet? Das isch doch bs?

Naja das isch halt de Rollespile-Charakter vo dem Game. Du musch dich für ein Spielwis entscheide. Oder immer d Kleider und d Skillig am beste au gad wächsle...
Selbst woni Lvl 90+ gsi bin, isch es immer no so gsi...
Oder du machsch en Generallist wo alles chan, aber nüt richtig... ich han lang uf Boge macht, well OP. Aber denn hani en Build gha mit Hauptsächlich Attentäter, de Rest in Chrieger (oder wie au immer) und in Boge nume wenig...

das findi ebe chli doof. dass es da 98340283094328 Chleider gid isch sowieso fragwürdig.
ich glaub ich legg amix eifach chli a, was mir passt. Aktuell hani so en Boge-Dude und für 5k en zweite Slot kauft, zum uf Attentäter wächsle. Gschiider wär warschiinlich Boge/Attentäter mixe und en separate Chrieger mache.

dFrag isch natürlich au, wieviel Ifluss die Klamotte überhaupt wüki hend.

wenn de level abegstellt hesch und bitz overlevlet bisch, isch es scheissegal, welli klamotte dass ah hesch.
ich ha eifach immer das agleid, wo ich stylisch gfunde han. #modeopfer

Zum Modeopfer: Du chasch ja d Opitk ändere, sofern s gliche Set, Stück scho hesch... Aso chasch en Artemisrüstig aha und ihre s Usehe vonere Spartanterrüstig gäh, wenn die scho hesch...

D Chleider sind sehr wichtig!
Mini Rüstig isch uf Attentätter usgleid und darum chani Chopfgeldjäger mit bis 3-4 Level über mir, mit eme Attentat umlah. Für Chopfgeldjähger mit 5+ Level muss i 2-3 mal.
Ohni das würd i ame Chopfgeldjäger viellicht 1/4 vo de Gsundheit näh, anstatt en one hit kill lande..

Mit em Boge selbiges. Wirsch de scho merke... Hol dir d Artemisrüstig und tuen all dini Fähigkeitspünkt uf Boge. De chasch au easy in Nahkampf mit dem Schuss wo 3 oder meh Pfil ablaht...

ah ja stimmt. das hani ja scho voll wieder vergässe. ich han au glaub ei superrüstig gha und denn immer sdesign veränderet... wahr!

ich bruch die super Rüschtig zersch mal no. Han de Eber nöd chöne töde, er isch umbesiegbar (und hed 92384023982 Hälfer-Eber wo nerved)

zeromeier hat geschrieben:ich bruch die super Rüschtig zersch mal no. Han de Eber nöd chöne töde, er isch umbesiegbar (und hed 92384023982 Hälfer-Eber wo nerved)

haha und isch ja erst s erste vo glaubs acht oder nün Viecher wo musch töde! Aber lohnt sich.
Für de Eber empfiehlt sich en Waffe wo mit jedem Hit Läbe uffüllt. Oder gids nit en "Schlag" wo mer immer chan mache, solang mer ein Balke Adrenalin hed, wo au wieder ufüllt? Aso isch kei Skill wo en Cooldown hed. Mer muss nur Adrenalin ha.
Ha irgend en Kombo gha vo: Waffe wo viel Adrenalin und bizzli Gsundheit bi jedem Hit gid. Durchs schnelle uffülle vom Adrenalin hani denn de Schlag immer chöne mache, wo Gsundheit uffüllt.
Weiss aber nd öb de Schlag 1 oder 3 Bälke Adrenalin brucht.

PS: S ganze Artemis Rüstigsset z becho gaht es Wili.
PPS: Es gid ufere chline Popelinsel en Dreizack des Poseidon oder so. Wenn de usgrüsted hesch (langed wenn er ime Waffeslot isch, musch ne nid i de Hand ha), chasch unendlich Unterwasser blibe.

Buccaneer hat geschrieben:chasch unendlich Unterwasser blibe.

ich bin nöd oft under Wasser, hed immer Hai.

also de eber isch eine vode schwerste gsi hani gfunde. die andere sind ned so schlimm gsi.

ich mach die näbemissione nur, zum de charakter besser mache, zum eifacher chöne dur d'Wält laufe.

s'dümmliche Schiff hani au scho rächt ufgwertet, 3 Rumpf-Updates, jetzt hani paar Lüüt drin wo hälfed.

letschti d'Pünkt i 2 Rüschtigs-Updates ghaue vom Charakter, schiint mir au no guet zsii, de steckt ja nix ii.
Wenni nöd glii mit de Gschicht wiitermach, chani wüki bald niened meh Pünkt drii stecke

uf mim schiff händ nur fraue gschaffet.
die singed au schöner.

Nach knapp 70h hani jetzt Level 50 und die meischte vode Insle erledigt. s'grosse Land links isch aber no fasch unentdeckt

140h, alles erledigt, jetzt valhalla

isch ned bitz overkill?

spiel vorher doch no mal was "ähnlichs aber anders", z.b. Immortals Fenyx Rising. Ich glaub das gfallt Dir au mit dim Entdecker- und Sammeldrang!

Han no vollgas dezwüsche pakt