GELD TOPIC / Investoretopic / Gambling

[Vyse]

oracle/open AI/softbank investieret das

europa=

IMG-20250130-WA0010.jpg

Soo guet, ich liebs

[thaeye]

hüt werdet d zöll chli ipriiist. wird wohl chli heftig siii.

[Vyse]

Jetzt häts dä Märt bitzli gfiggt. Gopf, muen entscheide, ob ich Long schlüsse oder laufe lahn. Wänns nomal abwärts gaht, gheit btc höchschtwahrschiinlich under 80K. Pisst mich bitz ah, will ich so en guete Iistiig han, bin immer no im Grüene, au nach däm Crash. Einersiits will me dä Iistiig nöd uufgäh, anderersiits bloss kei Cholle verlüüre.

Aber dänn wiederum, wänn Retail und Börseheinis so dä Bammel bechömmed, nur will dä Präsident vo dä USA paar Papierli underschriibt, was siin Job isch, ich meine, wtf!? Git mier bitz dä Iidruck, dass eifach all die rückgratlose Pfiifene, wo gar nöd im Märt söttet si, sich sälber grad figget. Was bitz es Indiz defür isch, dass ebbe grad die Pratizipante uusegsiebt werdet und dä Märt sie zrugglaht. Anyway, muen mal luege, wie sich dä Priis verhaltet dä hüttig Tag.

[thaeye]

zöll haend scho en ifluss ufd gwünn vo unternehme und au ufde konsument und das wird jetzt halt au ipriiist. schlussendlich lauft aber d ami wirtschaft na vill besser als z.b die europäisch......es wird halt a de börse generell volatiler mit meh algotrading und retailer wo schiss im hösli haend und jetzt em trump sini unberechebarkeit halt au.

zerst bi eröffnig ruck geg abe und den wird ufkauft.

[thaeye]

pltr supr zahle / 15%+nachbörslich / evtl scho bald bi 100? krass. wird huere guet gfuehrt. kei schulde und jetzt wachsets würkli guet. muend sich fast mal überlege, geld i witerentwicklig z stecke oder de shareholder was zrugg z geh. hocket uf cash. best year in history

wenns härt guet lauft, wird mit pltr würkli es art nois "betriebssystem" gschaffe wo d wirtschafti de usa wird jenstes schneller/produktiver mache (und sicher au chli meh überwache ). aber das isch na en lange weg. den wirds würkli en trillion dollar company

überbewertet? scheiss druff

[thaeye]

100 sind da, gz a alli wo drin sind. isch langi reis gsi mit vill ue und abe und jetzt mach was wottsch

[zeromeier]

100 sind da, gz a alli wo drin sind. isch langi reis gsi mit vill ue und abe und jetzt mach was wottsch

Ufff crazy, isch mis bescht invest jetzt

Isch bi 80, oder?

[thaeye]

wird sicherlich hüt weg chinazollchrieg chli abverchauft, aber isch nachbörslich mal bi 103 dollar gsi

[thaeye]

nix abverchauf, alli waend pltr.

[thaeye]

alphabet nachbörslich -6% nach zahle, sind ok, aber isch au vom ATH id zahle gange und haet bi cloud en miss anegleit

enphase defür mit lebenszeiche, +15% nach zahle.

[zeromeier]

wird sicherlich hüt weg chinazollchrieg chli abverchauft, aber isch nachbörslich mal bi 103 dollar gsi

Über 100 jetzt, krass.

[thaeye]

komisch jede scheiss analyst ratet momentan vo palantir ab will ztüür, sie stiiigt aber trotzdem is unermessliche wenn so wiitergat überholt sie bi mir nvidia im depot als nummer 1 hüt evtl. scho bi 110

[thaeye]

ok, palantir schafft neu au mit Grok zämä (AI vom Musk). drum wohl de ernoiti astieg steil.

[abyss]

Ich bin Gronkh!

[thaeye]

was söll dem möchtegern jesus/baschi verschnitt?

[abyss]

Kensch nid? Dr Gregor Onkh.

[calanda]

seit öperem shutterstock was?

https://finance.yahoo.com/quote/SSTK/

[thaeye]

isch fotosammlig, isch nix speziells

[Vyse]

Wär nonig hät: Wür mal Limit Orders bi 280 für Tesla setze. Glaube nöd, dass Tesla verbii isch, no lang nöd.

seit öperem shutterstock was?

https://finance.yahoo.com/quote/SSTK/

Wieso investiersch nöd id Gwünner, wänn sich e gueti Gläggeheit ergit?

[calanda]

Wär nonig hät: Wür mal Limit Orders bi 280 für Tesla setze. Glaube nöd, dass Tesla verbii isch, no lang nöd.

seit öperem shutterstock was?

https://finance.yahoo.com/quote/SSTK/

Wieso investiersch nöd id Gwünner, wänn sich e gueti Gläggeheit ergit?

zum bispiel?


Bin momentan recht langwilig unterwegs
nestle
lonza
richmont
etf ether

meh hani nid

[Vyse]

ETH isch ja kein Gwünner, sondern Bitcoin. Die andere hani nöd ahglueged. Nvidia schiint mier en Gwünner zsi, Tesla, Micro-strategy usw. Ich weiss, krassi Analyse

Ich han eifach für mich gmerkt, dassi eher Gwünn mach, wänni i guete Gläggeheite das chaufe, wo sich scho etabliert hät. Das, was dä Aug macht,(Firme, neui Trends usw. uuf Wachstumspotential analysiere und früehziitig iistiige) chann ich und will ich nöd mache. Ich chauf das, wo konkuränzlos schiint.

[thaeye]

wie chunsch uf shutterstock? isch alte schule?

plays sind momentan: AI, ENERGY, QUANTUM, PLTR

[ritschi]

Wär nonig hät: Wür mal Limit Orders bi 280 für Tesla setze. Glaube nöd, dass Tesla verbii isch, no lang nöd.

Wär no nid alles vo Tesla verchauft het isch selber Schuld. Chaufe isch z letschte wo mir würd i Sinn cho. D Aktie isch scho immer es Risiko gsi, aber jetzt het sie de Hype verlore.

De Musk het de europäisch Markt komplett zerstört. USA isch no bits unklar. Aber sini Hauptchunde si sicher kei Trump Fans. China hei sie evtl Glück mit em Facelift vom Y. Aber det weisch nie so recht, d Konkurrenz isch riesig.

Das Jahr chunnt nüt meh gschids zum TSLA rette. D Finanze wärde e Katastrophe si. FSD isch immerno wiit weg vo "FSD".

$200 oder tiefer. Det chame wieder iistige. Und süsch mues mr halt lang warte, bis mr wieder im grüene Bereich isch.


(Und das sägi als Long - TSLA Bull sit 2020 und Tesla Fahrer. Ha vorgester bi $360 alles verchauft. Bits z lang gwartet.)

[Jones]

i gsehs glich. ha mini tesla o verchouft. je nachdem, wie wiit dass es abe geit und wie sich dr musk so verhaltet ( ) stiegi de wieder i...
und i ha o z'lang gwartet. bi aber immer no guet im plus vo däm här "egal"...

und bi derfür bi nvidia nachem absturz wieder igstiege...

[Vyse]

Mal luege, wie siini Robotaxis, Optimus-Roboter usw. ahchömmed. Mier isch dä Musk egal, solang er solidi Produkt liefered und sich die etabliered, wird dä Wärt underbewertet si und wird früehner oder spöter explodiere.