Röhren TV /CRT Scart RGB nach links versetzt

[sirarthur]

S'Scart RGB Signal isch auf de Röhre TV meischtens nach links versetzt. Isch es alts Problem, isch scho immer so gsii, han i de 90er mal so Grät vo GT Elektronik gha, mit dem häsch chöne s'Bild mit Potentometer links/rechts regle. Uf Aliexpress gihts no so teil. Gitts alternative dezu?

Zum gliche Problem, ich han im Service Menu vom Panasonic TX-28ck1f chöne s'Bild nach rechts schiebe, leider speicherets die Iistellig nöd. Wieso isch das so, macht doch kei Sinn, dass es im Service Menu zwar iistelle chasch, das dänn aber nöd gspeicherete wird.

wie gönd ihr mitem Links Shift a de Röhre um? ignoriere, regle....

[FarCry]

Hatte einen Sony und dann B&O Fernseher. Bei beiden aus dem Service Menu einmal angepasst und vergessen. Die Einstellungen wurden immer gespeichert. Evt. muss man irgendwo die Einstellung "als Standard" speichern... Hatte aber noch nie einen CRT Panasonic.

[sirarthur]

Das ist eben wierd, bei RF Kanal werden die Settings gespeichert, bei AV nicht. Keine Ahnung woran es liegt, werde es nochmals versuchen...

[fifi]

RGB Shift Classic

Ich ha mal schnell s'service manual durfloge, gseh au nu das muesch STOR drucke zum save.
Vlt ignoriert er alles bi RGB Betrieb? Bi de B&O's und em Sony KV wohni ha chasch zb nix a de Farbe ummesette. Digitalkrams schints au drin zha, vlt funkt au das drih?

Bi de B&O's häsch au wenn im Service Menu bisch nöd s'RGB Bild idR, giht aber tricks zums doch RGB azeige (statt component/composite? ha immer es durenannd), gaht aber glaub nöd bi allne SW revs.

Ha mi neuli mal chli RGB Shifter im Netz ummegsuecht, wili jetzt au MAK's i de Cabs han und für jedes Game is Service Menu, bäh.
Uf das ali teil bini au gstosse. Bildquali söll nöd so bezaubernd si, au Shiftreglig nöd sehr "wiit",

Ich ha aber no es Schema gfunde wohni ha mal welle d'schaltig ufbaue, und luege wies Signal isch.
Es hät gemäss Beschrieb en wiite Regelbereich, mit em vermerk das wenns zwenig seig, es bi gwüsse TV's nutzlos isch.
Aber nur horizontal, ich will aber au vertikal im beschte fall. Chönntmeh wahrshcindli erwiitere, müesti mi aber erschtmal iläse.

Han d'URL im moment aber nümme (Danke winblows update reboot, wo all offne Fenschter zuemacht FUUUUU)

[sirarthur]

hans nomal usprobiert, es speicheret bim AV im Service Menu alli Settings, ussert die Horizontal Korrektur. Isch bi dem TV wohl nütt zmache, ussert es hett no en Poti im TV, aber da machi nüt drah. Ich hab mir jetzt mal so es Aliexpress Shifter Teil bstellt, d'Meinige im Netz gönd usenand. Schribe dänn wies isch.

Anderi Frag: gits es generells Vorgehen, wänn mer de Bildschirm wött kalibriere, muäss mer öppis zerscht mache etc.? Ich han 240p Test Suite ufem Mega Drive.

[fifi]

Isch scho de richtig weg -> statischi Pattern zum istelle. Pro's händ eifach e anderi quelle gha zum die generiere.
RGB-Shift isch halt mit jedere Konsole chli andersch, aber wenn Geometrie stimmt, chasch das vo aug no shifte.

[fifi]

Ich ha de link wieder gfunde vom RGB V-Shift, die erwähned au die GT Bude wo du posted häsch:
https://playoffline.wordpress.com/cable/rgbshifter/

Und es Schema für H-Shift, hani jetzt au no gfunde:
https://web.archive.org/web/20091024052 ... tysync.png

Wasi nannig weiss öbme ei Schatlig i die ander chainfeede chan, oder öbme das müest anderscht ufbaue für H- & V-Shift (serieli einzelverarbeitig vs parallel + mux quasi).
Es wird emäl am Sync Signal ummegschrubed, i beidne Fäll.
Mach mi mal wiiter schlau.

[sirarthur]

uf de link bini au scho gstosse, mir fehlt aber s'technisch know how, zum so öppis nahbau. Uf dere Siite hätts au no en mod fürs Mega Drive RGB Kabel, muäss i mal ahluge, mir sind die vertikale Streife no nie ufgfalle.

Bim Panasonic nomal probiert mit eme Cinch Kabel, dänn chani auch ufem AV s'Signal nach rechts schiebe und es speicheret, bi RGB gaht das leider nöd. Scho strange...

[fifi]

Meinsch Jailbars ?
Falled mir au nöd uf, glaub de Marco häts mer mal zeiged gha, wohnis au guet gseh han. IIRC mitme stahtische Bild. Jailbar fixes hani bisher no keini gmacht deshalb.

Ufbau vo dene Schaltige isch für mich keis Ding.

Bi gspanne was das Ali teil chan und was vlt kacke isch.

Grosse Downpoint gsehni schomal darin dases keis rechts Case hät.
Plexi schön und guet, aber die Elektromagnetische Schieldeigeschafte sind i de Chnöchelgegend, eher tüüfer.
Wür dem als erschts es rechts Case spendiere, wahrschindli wirds i irgend es Hammond passe (Aludruckguss). (Ha au no verschiedeni da, wohni au was chönnt abghe, müesst aber d'dimensione wüsse. B (sicher z'chli) und BB hani da (chönnt passe), evtl au no grösseri)

Spannend währed ja gueti fotis vo beidne siite vom ali pcb, ich ha iwo gläse das d'ics abegschliffe händ damit me nöd weiss was sie benutzed.
Wenni fotis han vo beidne Siite; chöntis reverse engineere. Ich säg jetzt mal: au diä händs rad nöd neu erfunde -> existierendi schaltige kopiert (was völlig ok isch, das isch allgemeinwüsse inzwüsche). Wür mi nöd erschtune wenn das e kombi vo de zwei oder anderne Schaltige währed.

Und ussage die mit em gäle chnopf muesch neh, will isch besser, findi amigs witzig mit ali. Im prinzip chans die glich schaltig si eifach mitmeh andere chnopf. oder sie händ würkli im netz gläse und reagiert... Am end chamme sicher mal festhalte möglichscht cheapo produziert (und oder mit masse). En Bauteilustusch chan mängisch tag und nacht si (suboptimale Kondesator Typ verwende zB, looking at you Amiga KerKo Fans ).

[sirarthur]

De RGB Shifter isch acho. Isch ohni Ghüss, han entweder falsch bstellt oder es isch falsch glieferet. Muäss also no es Ghüs bastle. Han den Shifter grad usprobiert, funtkioniert sehr gut, han sehr wiit chöne Links und Rechts shifte und au Vertikal ohni Problem. D'Farbe sind en tick blasser mit em aktive Shifter, s'Bild bliibt aber klar und es hätt kei Fehler i de Ziile etc. Han nur so es Universalnetzteil, müäss mal probiere, öb Polarität en Iifluss hätt. Ich han einmal mit 12v und einmal mit 9v probiert, han aber kein Unterschied gseh. Mach dänn mal no Bilder...ah ja, d'Chips sind abgschliffe...

[fifi]

Okay, also mit de Polarität würdi nöd ummespiele, die verwende wo vorghe isch! Gwüssi bauteil händ kei freud a verpolig!
Fürs Ghüs würi mit de Platine in Pusterla gha, denn weisch grad öbs innepasst. Die händ alles mögliche a cases, bi aber scho lang nümm döt gsi. Teils aber au komischi Priise.
Wichtig -> Metal (wür Alu empfehle), damits au shielde chan.

[sirarthur]

Luut em Hersteller spielts kei Rolle: https://de.aliexpress.com/item/10050064 ... ry_from%3A

Self-supplied power supply specification 9-12V no polarity requirement,
5.5*2.1 interface

De gelbi Schalter stellt die Vertikal Korrektur ii und uus. Teilwiis gitts es zittere im Bild, wänn die vertikal Korrektur sehr wiit muäsch schruube. Han ich bi mim aber nöd festgstellt. Wänn de gelbi Taster dine isch, dänn chasch nur Horizontal regle.

da mal chli bilder:

[sirarthur]

2. Bild

[sirarthur]

1. Bild mit Bildlage Korrektur, weniger Farb. Untere Bild ohni Bildlage Korrektur. Da Farb wird nur schwächer, wänn de Bildlage Shifter au Strom hätt. Bilder abem Röhre TV sind chli schwierig, d'Farb änderet sich eh ständig. In ächt sind d'Farbe bi beidne Bilder chräftiger gsii, laht sich nöd guet reproduziere.

[sirarthur]

Eis bild womer de Korrektur Bereich gseht, mehr chan i beid Achse uf beid Siite sicher 5cm regle.

[sirarthur]

Schad ghat das nöd Selfpowered, also Strom über scart und den isches eifach es Grät wo chasch dewzüsched hänke. So isch halt nomal es Grät und es Netzteil...muäsch es aber au nur eimal istelle und guet isch.

[fifi]

Self-supplied power supply specification 9-12V no polarity requirement,
5.5*2.1 interface

Ah, i see! Sie händ en glichrichter verbaut, das teili grad nebed de DC buchse.

Schön umegschliffe händs, momol.
LM1881 Video Sync Separator
7805 +5V Regulator

Gschliffe vlt (sind d'IC's vo de 2 andere Schematas):
74HC86 (14Pins) Vcc Pin14 / GND Pin7
NE558 (16Pins) Vcc Pin5 / GND Pin12
CD4538/HEF4538/MC14538 (16Pins) Vcc Pin16 / GND Pin8 (H-Shifter Circuit?)

Es hät 2 mal 16 Pins IC's und 1 14Pin IC uf dem chline Board (matchup mit de Schematas) UND jede IC hät anderi GND und +5V Pins.
Da chönntmeh mal schnell dureklingle, und e wiiteri bestätigung oder ebe au nöd becho. Klar sind das nöd die einzige IC's mit dem Pinout, aber...
Häsch es Multimeter? Chönntder farbigi messpünkt izeichne, falls gluschtig bisch.

Foto isch leider z'schlecht zum alles gseh, aber de scheiss isch au chli und schwer zum fotografiere, i don't blame ya! Am beschte wär plastik füess ab und ufem scanner iscanne, hani scho paar mal gmacht.

Legg mal e Kartonschachtle (als isolator) oder sowas wo mit alufolie ummantled häsch drüber, am beschte drunder au no was. Aber ufpasse das nix churzschlüssisch!

Ich ha es ziitli lang Effektgrätli baschtlet für E-Giti/Bass. E schaltig zum teschte ohni case ,ja da isch ordentlichs ruusche usem speaker cho vom amp neb de giti. Ab is case (das uf GND legge) und ruhe isch.

[fifi]

Schad ghat das nöd Selfpowered, also Strom über scart und den isches eifach es Grät wo chasch dewzüsched hänke. So isch halt nomal es Grät und es Netzteil...muäsch es aber au nur eimal istelle und guet isch.

Meh chönnt ja +5V vo de Konsole abgriife wo im SCART drinn isch, ABER das isch leider kei gueti Idee!!!
Istelle wirsch horizontal immer bitz müese je nach Konsole.

Teilwiis gitts es zittere im Bild, wänn die vertikal Korrektur sehr wiit muäsch schruube.

De Deluxe shifter hät en abglich, wo, wennis richtig checke das söll stabilisiere -> suubers sync signal usghe.
Wenns di gliche schaltige sind, chönntmeh das nahrüschte, vorusgsetzt die händ die korrekt kombiniert.