S 3DS Topic

[Marco_in_motion]

Aber es Instrument lebt doch nöd? Es Auto aunöd und Sport isch au keis lebendigs Individuum.
En Hund scho... Isch es anders paar Schue. Aber es gaht mer ja nödmal um das, sondern villmeh drum
dases eifach keis game meh isch wiä es snatcher, es cotton od. final fantasy aber trotzdem voll ahchunnt
bi dä breite Masse und mega Verchaufszahle bringt. Di "richtige" Games werded dänn eifach nümm erchännt.
Drum bini verdammt froh um es NG-DevTeam z.bsp. Diä sind ebe no voll drah
Mich nervt Nintendogs eifach und das bliibt au so.

Und usserdem hani ja gschribe dases für MICH keis Videospiel isch.
isch eifach mini Meinig und sowiit ich mich bsinne mag isch es Forum doch da zum sini Meinig Kundtue?

[zwirrlibatz]

was es instrumänt läbt nöd? gahts no?

[zwirrlibatz]

und übrigens gitts paar spieli wo de DS zum instrumänt mache.



saublödi diskussion.

[Sephi]

Di "richtige" Games werded dänn eifach nümm erchännt.

Genau do ligt dini grundsätzlechi Fählüberleggig. Du bestimmsch nid was es richtigs Game isch, sondern Gamerinne und Gamer bestimme das.

[Marco_in_motion]

Und usserdem hani ja gschribe dases für MICH keis Videospiel isch.

lueg mal "MICH" isch gross gschribe... weiss nöd was Du drah nöd schnallsch.

Genau do ligt dini grundsätzlechi Fählüberleggig. Du bestimmsch nid was es richtigs Game isch, sondern Gamerinne und Gamer bestimme das.

bi zwar mit intellivision und nes ufgwachse aber ja... ich bin kein Gamer

(ah ja ich han so wenigi Post's... das heisst da inne glaub genau sovill wiä : hät kei Ahnig )

Und was bitte isch ä Fehlüberleggig drah wänn Nintendog's nöd min Gschmack isch?
ich finds nöd geil, ha mi däzue g'üsseret und fertig

also hey das wird endlos... oder mir lönds eifach

[PlanetHarrieR]

Leben Sportler und Soldaten in Spielen denn nicht?

[agestuffer]

Ich muess öpis wüssä

Wenn ich en 3DS us England oder Italie bestellä, isch denns Menü au uf Tütsch spiilbar?? Weismer das scho. han äbä uf Google und Co no nix gsee wägä dem

agestuffer

[Sephi]

Genau do ligt dini grundsätzlechi Fählüberleggig. Du bestimmsch nid was es richtigs Game isch, sondern Gamerinne und Gamer bestimme das.

bi zwar mit intellivision und nes ufgwachse aber ja... ich bin kein Gamer

Du heschmi falsch verstange - du seisch "richtigi" Games wärde nachher nümm erkannt. Was es Game isch bestimme aber die Lüt wo Games spile, also Gamerinne und Gamer. Das bisch nid DU ELLEI. Nur will DIR Nintendogs nid passt heissts nid dasses kes "richtigs" Game isch! Und mit dim Postcount het das genau nüt ztüe.

[Sephi]

Ich muess öpis wüssä

Wenn ich en 3DS us England oder Italie bestellä, isch denns Menü au uf Tütsch spiilbar?? Weismer das scho. han äbä uf Google und Co no nix gsee wägä dem

agestuffer

Gueti Frog, sött doch eigentlech scho - aber sicher binimer nid. Bir Wii u bim DS wome hie chauft chame d Systemsprach istelle, aber füre 3DS wird das wohl nonig bestätiget sii.

[Marco_in_motion]

Genau do ligt dini grundsätzlechi Fählüberleggig. Du bestimmsch nid was es richtigs Game isch, sondern Gamerinne und Gamer bestimme das.

bi zwar mit intellivision und nes ufgwachse aber ja... ich bin kein Gamer

Du heschmi falsch verstange - du seisch "richtigi" Games wärde nachher nümm erkannt. Was es Game isch bestimme aber die Lüt wo Games spile, also Gamerinne und Gamer. Das bisch nid DU ELLEI. Nur will DIR Nintendogs nid passt heissts nid dasses kes "richtigs" Game isch! Und mit dim Postcount het das genau nüt ztüe.

Ha ja gschribe dases eifach nöd MIN Gschack trifft, was anderi toll findet isch däne ihri Sach.
Ich bestimme garnix und rede nur vo mir.
Am beste tuesches nomal läse... Mir schnurred sust nur anenand verbii.

[Sephi]

I zeigder gärn nomol uf wele Teil vo dim Post ig mi bezoge ha:

Di "richtige" Games werded dänn eifach nümm erchännt.

Dasch alles gsi woni mi druf bezoge ha. Das tönt so als ob du es absoluts und genau verifizierbars Kriterium hättsch zum zwüsche richtige und unrichtige Games z ungerscheide. Egal!

[Marco_in_motion]

Alles nur us minere sicht... nix anders.

[Sephi]

Alles nur us minere sicht... nix anders.

Fair!

[Marco_in_motion]

[nascarbryant]

Z' Amerika isch Launchtitel: Steel Diver

Weiss öppert wänn de Sleeper Hit bi üs dusse isch

[geosnow]

nöd viel später.

[LuiStyle]

chum isch der 3DS in Japan duse scho chamer Hombrew druf zocke ,
dä Hersteller R4 wirbt mit ä funktionierendi Karte für d'Konsole.

Video:
http://player.youku.com/player.php/sid/ ... MjI0/v.swf
http://www.youtube.com/watch?v=E9a5Fjeu ... r_embedded

Quelle: http://www.r4idsn.com/

[O_O]

mer cha homebrew im DS mode druff spile. eifach d r4 charte gönd uf em system. kei grossi sach.

het me ufem DSi au chönne nach wenige wuche, de DSi mode hends aber nie vollständig knackt.

[nascarbryant]

nöd viel später.

bisch sicher, bi nintendo weiss me nia, exitebots isch do nid mol usecho. chönt jo si das u-boot spiel ufgrund 2.WK. in dütschland und u.k verpönnt sind...gemäss big N

[geosnow]

es isch doch uf de release lischte

[randy]

höh, de menü isch sogar in änglisch http://www.eurogamer.de/videos/nintendo ... eo?size=hd

isch bim dsi leider nid so gsi

edit:
ah dumm, isch jo en uk version

[Marco_in_motion]

[zwirrlibatz]

d'AR spili: http://ds.ign.com/articles/115/1153270p1.html

[Moff]

ich hoffe die holed na einiges us dere augmented reality gschicht use
isch irgendwo dure s'einzige wo ich mir würklichi neui idee im gameplay gegenüber em DS vorstelle chönnti, wobi mer iets au ned grad was ifallt wo würd über de hihihi-luschtig-smartphone level würd use gah.

[sidusson]

wiu wiu

Nintendo nennt Einzelheiten zum eShop

03.03.11 - Nintendo hat zum eShop des 3DS neue Infos auf der Game Developers Conference bekanntgegeben. Der Online Shop soll mittels System Update Ende Mai 2011 im 3DS aktiviert werden.

Der eShop umfasst einen Video Service für Kino-Trailer in 3D. Ebenso gibt's Trailer und Screenshots zu Videospielen sowie Hintergrundinformationen. Auch Links zu den Websites der Publisher sind enthalten. Nintendo verspricht kurze Video Clips (z.B. Musik- oder Comedy-Videos), die das Unternehmen selbst ausgesucht hat.

über Virtual Console sind Spiele-Klassiker auf 3DS herunterladbar. Die Spiele stammen von Game Boy, Game Boy Color, Game Gear und TurboGrafx-16 (PC Engine). Mit "3D Classics" will Nintendo Spieleklassiker in einer überarbeiteten 3D-Version anbieten.

Das System Update soll auch eine Lösung für Nintendo DSi- und Nintendo DSi XL-Besitzer bereithalten, ihre DSiWare-Spiele auf den 3DS übertragen zu können.